| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༣-༥. པཋམསམིདྡྷིམཱརཔཉྷཱསུཏྟཱདིཝཎྞནཱ
3-5. Paṭhamasamiddhimārapañhāsuttādivaṇṇanā
༦༥-༦༧. ཏཏིཡེ སམིདྡྷཱིཏི ཨཏྟབྷཱཝསྶ སམིདྡྷཏཱཡ ཨེཝཾ ལདྡྷནཱམོ། ཏསྶ ཀིར ཐེརསྶ ཨཏྟབྷཱཝོ ཨབྷིརཱུཔོ ཨཧོསི པཱསཱདིཀོ, ཨུཀྑིཏྟམཱལཱཔུཊོ ཝིཡ ཨལངྐཏམཱལཱགབྦྷོ ཝིཡ ཙ སབྦཱཀཱརཔཱརིཔཱུརིཡཱ སམིདྡྷོ། ཏསྨཱ སམིདྡྷིཏྭེཝ སངྑཾ གཏོ། མཱརོཏི མརཎཾ པུཙྪཏི། མཱརཔཉྙཏྟཱིཏི མཱརོཏི པཉྙཏྟི ནཱམཾ ནཱམདྷེཡྻཾ། ཨཏྠི ཏཏྠ མཱརོ ཝཱ མཱརཔཉྙཏྟི ཝཱཏི ཏཏྠ མརཎཾ ཝཱ མརཎནྟི ཨིདཾ ནཱམཾ ཝཱ ཨཏྠཱིཏི དསྶེཏི། ཙཏུཏྠཾ ཨུཏྟཱནམེཝ, ཏཐཱ པཉྩམཾ།
65-67. Tatiye samiddhīti attabhāvassa samiddhatāya evaṃ laddhanāmo. Tassa kira therassa attabhāvo abhirūpo ahosi pāsādiko, ukkhittamālāpuṭo viya alaṅkatamālāgabbho viya ca sabbākārapāripūriyā samiddho. Tasmā samiddhitveva saṅkhaṃ gato. Māroti maraṇaṃ pucchati. Mārapaññattīti māroti paññatti nāmaṃ nāmadheyyaṃ. Atthi tattha māro vā mārapaññatti vāti tattha maraṇaṃ vā maraṇanti idaṃ nāmaṃ vā atthīti dasseti. Catutthaṃ uttānameva, tathā pañcamaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya
༣. པཋམསམིདྡྷིམཱརཔཉྷཱསུཏྟཾ • 3. Paṭhamasamiddhimārapañhāsuttaṃ
༤. སམིདྡྷིསཏྟཔཉྷཱསུཏྟཾ • 4. Samiddhisattapañhāsuttaṃ
༥. སམིདྡྷིདུཀྑཔཉྷཱསུཏྟཾ • 5. Samiddhidukkhapañhāsuttaṃ
