| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. батамасам̣кид̇д̇асуд̇д̇аван̣н̣анаа
2. Paṭhamasaṃkhittasuttavaṇṇanā
482. д̣̇уд̇ияз д̇ад̇од̇и вибассанаамаг̇г̇апалавасзна ниссаггам̣ взд̣̇ид̇аб̣б̣ам̣. самад̇д̇аани хи барибун̣н̣аани бан̃жинд̣̇рияаани арахад̇д̇амаг̇г̇асса вибассанинд̣̇рияаани наама хонд̇и. д̇ад̇о муд̣̇уд̇арзхийд̇и д̇зхи арахад̇д̇амаг̇г̇асса вибассанинд̣̇риязхи муд̣̇уд̇араани анааг̇аамимаг̇г̇асса вибассанинд̣̇рияаани наама хонд̇и, д̇ад̇о муд̣̇уд̇араани сагад̣̇ааг̇аамимаг̇г̇асса, д̇ад̇о муд̣̇уд̇араани сод̇аабад̇д̇имаг̇г̇асса вибассанинд̣̇рияаани наама хонд̇и, д̇ад̇о муд̣̇уд̇араани д̇хаммаанусааримаг̇г̇асса, д̇ад̇о муд̣̇уд̇араани сад̣̇д̇хаанусааримаг̇г̇асса вибассанинд̣̇рияаани наама хонд̇и.
482. Dutiye tatoti vipassanāmaggaphalavasena nissakkaṃ veditabbaṃ. Samattāni hi paripuṇṇāni pañcindriyāni arahattamaggassa vipassanindriyāni nāma honti. Tato mudutarehīti tehi arahattamaggassa vipassanindriyehi mudutarāni anāgāmimaggassa vipassanindriyāni nāma honti, tato mudutarāni sakadāgāmimaggassa, tato mudutarāni sotāpattimaggassa vipassanindriyāni nāma honti, tato mudutarāni dhammānusārimaggassa, tato mudutarāni saddhānusārimaggassa vipassanindriyāni nāma honti.
д̇ат̇аа самад̇д̇аани барибун̣н̣аани бан̃жинд̣̇рияаани арахад̇д̇амаг̇г̇инд̣̇рияаани наама хонд̇и, д̇ад̇о муд̣̇уд̇араани анааг̇аамимаг̇г̇инд̣̇рияаани наама хонд̇и, д̇ад̇о муд̣̇уд̇араани сагад̣̇ааг̇аамимаг̇г̇инд̣̇рияаани наама хонд̇и, д̇ад̇о муд̣̇уд̇араани сод̇аабад̇д̇имаг̇г̇инд̣̇рияаани наама хонд̇и, д̇ад̇о муд̣̇уд̇араани д̇хаммаанусааримаг̇г̇инд̣̇рияаани, д̇ад̇о муд̣̇уд̇араани сад̣̇д̇хаанусааримаг̇г̇инд̣̇рияаани наама хонд̇и.
Tathā samattāni paripuṇṇāni pañcindriyāni arahattamaggindriyāni nāma honti, tato mudutarāni anāgāmimaggindriyāni nāma honti, tato mudutarāni sakadāgāmimaggindriyāni nāma honti, tato mudutarāni sotāpattimaggindriyāni nāma honti, tato mudutarāni dhammānusārimaggindriyāni, tato mudutarāni saddhānusārimaggindriyāni nāma honti.
самад̇д̇аани барибун̣н̣аани бан̃жинд̣̇рияаани арахад̇д̇апалинд̣̇рияаани наама хонд̇и, д̇ад̇о муд̣̇уд̇араани анааг̇аамипалинд̣̇рияаани, д̇ад̇о муд̣̇уд̇араани сагад̣̇ааг̇аамипалинд̣̇рияаани, д̇ад̇о муд̣̇уд̇араани сод̇аабад̇д̇ипалинд̣̇рияаани наама хонд̇и. д̇хаммаанусаарисад̣̇д̇хаанусаарино бана д̣̇взби сод̇аабад̇д̇имаг̇г̇адтабуг̇г̇алаа, маг̇г̇адтабуг̇г̇алавасзна нзсам̣ наанад̇д̇ам̣ ж̇аад̇анд̇и ааг̇аманзнаби маг̇г̇знаби. сад̣̇д̇хаанусаарий буг̇г̇ало хи уд̣̇д̣̇исаабзнд̇о барибужчанд̇о анубуб̣б̣зна маг̇г̇ам̣ баабун̣аад̇и, д̇хаммаанусаарий згзна ваа д̣̇вийхи ваа саванзхи. звам̣ д̇аава нзсам̣ ааг̇аманзна наанад̇д̇ам̣ взд̣̇ид̇аб̣б̣ам̣.
Samattāni paripuṇṇāni pañcindriyāni arahattaphalindriyāni nāma honti, tato mudutarāni anāgāmiphalindriyāni, tato mudutarāni sakadāgāmiphalindriyāni, tato mudutarāni sotāpattiphalindriyāni nāma honti. Dhammānusārisaddhānusārino pana dvepi sotāpattimaggaṭṭhapuggalā, maggaṭṭhapuggalavasena nesaṃ nānattaṃ jātanti āgamanenapi maggenapi. Saddhānusārī puggalo hi uddisāpento paripucchanto anupubbena maggaṃ pāpuṇāti, dhammānusārī ekena vā dvīhi vā savanehi. Evaṃ tāva nesaṃ āgamanena nānattaṃ veditabbaṃ.
д̇хаммаанусаарисса бана маг̇г̇о д̇игко ход̇и, суурам̣ н̃аан̣ам̣ вахад̇и, асан̇каарзна аббаяог̇зна гилзсз чинд̣̇ад̇и гад̣̇алигканд̇хам̣ вияа д̇икин̣аа асид̇хаараа. сад̣̇д̇хаанусаарисса на д̇асса вияа маг̇г̇о д̇игко ход̇и, на суурам̣ н̃аан̣ам̣ вахад̇и, сасан̇каарзна саббаяог̇зна гилзсз чинд̣̇ад̇и гад̣̇алигканд̇хам̣ вияа ад̇икин̣аа асид̇хаараа. гилзсагкаяз бана д̇зсам̣ наанад̇д̇ам̣ над̇т̇и. авасзсаа жа гилзсаа кийяанд̇и.
Dhammānusārissa pana maggo tikkho hoti, sūraṃ ñāṇaṃ vahati, asaṅkhārena appayogena kilese chindati kadalikkhandhaṃ viya tikhiṇā asidhārā. Saddhānusārissa na tassa viya maggo tikkho hoti, na sūraṃ ñāṇaṃ vahati, sasaṅkhārena sappayogena kilese chindati kadalikkhandhaṃ viya atikhiṇā asidhārā. Kilesakkhaye pana tesaṃ nānattaṃ natthi. Avasesā ca kilesā khīyanti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. батамасам̣кид̇д̇асуд̇д̇ам̣ • 2. Paṭhamasaṃkhittasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. батамасам̣кид̇д̇асуд̇д̇аван̣н̣анаа • 2. Paṭhamasaṃkhittasuttavaṇṇanā
