| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. батамасам̣кид̇д̇асуд̇д̇аван̣н̣анаа
2. Paṭhamasaṃkhittasuttavaṇṇanā
482. инд̣̇рияаанам̣ д̇игкаад̣̇ибхааво вибассанаавасзна ваа маг̇г̇авасзна ваа палавасзна ваа г̇ахзд̇аб̣б̣од̇и вуд̇д̇ам̣ ‘‘д̇ад̇од̇и…бз… взд̣̇ид̇аб̣б̣а’’нд̇и. нану жзд̇т̇а муд̣̇убхааво зва баал̣ияам̣ г̇ахид̇од̇и? сажжамзд̇ам̣, д̇ам̣ бана д̇игкабхаавз асад̇и на ход̇и д̇игкаад̣̇ибхаавод̇и вуд̇д̇ам̣. яад̇о хи аяам̣ муд̣̇у, ид̇о д̇ам̣ д̇игканд̇и вад̇д̇аб̣б̣ад̇ам̣ лабхад̇и абзгкаасид̣̇д̇хад̇д̇аа д̇игкамуд̣̇убхааваанам̣ баараабаарам̣ вияа. ид̣̇аани ‘‘д̇ад̇о’’д̇иаад̣̇инаа сан̇кзбад̇о вуд̇д̇амад̇т̇ам̣ вид̇т̇аарад̇о д̣̇ассзд̇ум̣ ‘‘самад̇д̇ааний’’д̇иаад̣̇и вуд̇д̇ам̣. д̇ад̇т̇а самад̇д̇аанийд̇и самбаннаани. ид̇арам̣ д̇ассзва взважанам̣. самад̇д̇аанийд̇и ваа барияад̇д̇аани, самад̇д̇аанийд̇и ад̇т̇о. ‘‘д̇ад̇о муд̣̇уд̇араани д̇хаммаанусаариймаг̇г̇ассаа’’д̇и гасмаа вуд̇д̇ам̣? д̇ад̇од̇и хи сод̇аабад̇д̇имаг̇г̇авибассанинд̣̇рияаани ад̇хиббзд̇ааниязва, ‘‘д̇ад̇о муд̣̇уд̇арааний’’д̇и вуд̇д̇абатамамаг̇г̇о д̇хаммаанусаарий ваа сияаа сад̣̇д̇хаанусаарий ваад̇и б̣яабхижарад̇и? нааяам̣ д̣̇осо, сод̇аабад̇д̇имаг̇г̇згад̣̇зсавасзнзва лад̣̇д̇хаб̣б̣абатамамаг̇г̇аабзгкааяа вибассанааяа вибхааг̇асса ад̇хиббзд̇ад̇д̇аа. яо хи сод̇аабанно худ̇ваа ирияаабат̇ам̣ агобзд̇ваа яат̇аанисиннова сагад̣̇ааг̇аамимаг̇г̇ам̣ баабун̣аад̇и, д̇асса вибассанинд̣̇рияаани санд̇хааяа авибхааг̇зна вуд̇д̇ам̣ – ‘‘д̇ад̇о муд̣̇уд̇араани сод̇аабад̇д̇имаг̇г̇асса вибассанинд̣̇рияаани наамаа’’д̇и. яо бана сод̇аабанно худ̇ваа гааланд̇арзна сагад̣̇ааг̇аамий ход̇и, д̇асса сод̇аабад̇д̇имаг̇г̇ад̇т̇ааяа бавад̇д̇аани вибассанинд̣̇рияаани наама хонд̇и. со жз д̇хаммаанусаарийг̇од̇д̇о, д̇асса яат̇аавуд̇д̇авибассанинд̣̇рияад̇о муд̣̇уд̇араанийд̇и ‘‘д̇ад̇о муд̣̇уд̇араани д̇хаммаанусаариймаг̇г̇ассаа’’д̇и вуд̇д̇ам̣. вибассанинд̣̇рияаани наамаад̇и аанзд̇ваа самб̣анд̇хо. д̇хаммаанусаарийвибассанинд̣̇рияад̇о сад̣̇д̇хаанусаарийвибассанинд̣̇рияаанам̣ муд̣̇убхаавасса гааран̣ам̣ саяамзва вагкад̇и. д̇хаммзна бан̃н̃ааяа маг̇г̇асод̇ам̣ ануссарад̇ийд̇и д̇хаммаанусаарий, бан̃н̃уд̇д̇аро арияо. сад̣̇д̇хааяа маг̇г̇асод̇ам̣ ануссарад̇ийд̇и сад̣̇д̇хаанусаарий, сад̣̇д̇худ̇д̇аро арияо.
482. Indriyānaṃ tikkhādibhāvo vipassanāvasena vā maggavasena vā phalavasena vā gahetabboti vuttaṃ ‘‘tatoti…pe… veditabba’’nti. Nanu cettha mudubhāvo eva pāḷiyaṃ gahitoti? Saccametaṃ, taṃ pana tikkhabhāve asati na hoti tikkhādibhāvoti vuttaṃ. Yato hi ayaṃ mudu, ito taṃ tikkhanti vattabbataṃ labhati apekkhāsiddhattā tikkhamudubhāvānaṃ pārāpāraṃ viya. Idāni ‘‘tato’’tiādinā saṅkhepato vuttamatthaṃ vitthārato dassetuṃ ‘‘samattānī’’tiādi vuttaṃ. Tattha samattānīti sampannāni. Itaraṃ tasseva vevacanaṃ. Samattānīti vā pariyattāni, samattānīti attho. ‘‘Tato mudutarāni dhammānusārīmaggassā’’ti kasmā vuttaṃ? Tatoti hi sotāpattimaggavipassanindriyāni adhippetāniyeva, ‘‘tato mudutarānī’’ti vuttapaṭhamamaggo dhammānusārī vā siyā saddhānusārī vāti byabhicarati? Nāyaṃ doso, sotāpattimaggekadesavaseneva laddhabbapaṭhamamaggāpekkhāya vipassanāya vibhāgassa adhippetattā. Yo hi sotāpanno hutvā iriyāpathaṃ akopetvā yathānisinnova sakadāgāmimaggaṃ pāpuṇāti, tassa vipassanindriyāni sandhāya avibhāgena vuttaṃ – ‘‘tato mudutarāni sotāpattimaggassa vipassanindriyāni nāmā’’ti. Yo pana sotāpanno hutvā kālantarena sakadāgāmī hoti, tassa sotāpattimaggatthāya pavattāni vipassanindriyāni nāma honti. So ce dhammānusārīgotto, tassa yathāvuttavipassanindriyato mudutarānīti ‘‘tato mudutarāni dhammānusārīmaggassā’’ti vuttaṃ. Vipassanindriyāni nāmāti ānetvā sambandho. Dhammānusārīvipassanindriyato saddhānusārīvipassanindriyānaṃ mudubhāvassa kāraṇaṃ sayameva vakkhati. Dhammena paññāya maggasotaṃ anussaratīti dhammānusārī, paññuttaro ariyo. Saddhāya maggasotaṃ anussaratīti saddhānusārī, saddhuttaro ariyo.
звам̣ вибассанаавасзна д̣̇ассзд̇ваа маг̇г̇авасзна д̣̇ассзд̇ум̣ ‘‘д̇ат̇аа’’д̇иаад̣̇и аарад̣̇д̇хам̣. самбаяог̇ад̇о сабхаавад̇о жа арахад̇д̇амаг̇г̇абарияаабаннаани арахад̇д̇амаг̇г̇инд̣̇рияаани. арахад̇д̇апалинд̣̇рияаанийд̇и зд̇т̇ааби зсзва наяо.
Evaṃ vipassanāvasena dassetvā maggavasena dassetuṃ ‘‘tathā’’tiādi āraddhaṃ. Sampayogato sabhāvato ca arahattamaggapariyāpannāni arahattamaggindriyāni. Arahattaphalindriyānīti etthāpi eseva nayo.
ид̣̇аани палавасзна д̣̇ассзд̇ум̣ ‘‘самад̇д̇аани барибун̣н̣ааний’’д̇иаад̣̇и вуд̇д̇ам̣. сод̇аабад̇д̇имаг̇г̇адтабуг̇г̇алавасзна наанад̇д̇ам̣ ж̇аад̇ам̣, д̇асмаа д̇з д̣̇взби ид̇ха д̇ад̇ияаваарз на лаб̣бханд̇ийд̇и ад̇хиббааяо. д̇хаммаанусаарийсад̣̇д̇хаанусаарийнам̣ наанад̇д̇ам̣ гат̇ам̣ ж̇аад̇анд̇и ааха ‘‘ааг̇аманзнаби маг̇г̇знабий’’д̇и. д̇ад̣̇убхаяам̣ д̣̇ассзнд̇о ‘‘сад̣̇д̇хаанусаарийбуг̇г̇ало’’д̇иаад̣̇имааха. уд̣̇д̣̇исаабзнд̇од̇и уд̣̇д̣̇зсам̣ г̇ан̣ханд̇о.
Idāni phalavasena dassetuṃ ‘‘samattāni paripuṇṇānī’’tiādi vuttaṃ. Sotāpattimaggaṭṭhapuggalavasena nānattaṃ jātaṃ, tasmā te dvepi idha tatiyavāre na labbhantīti adhippāyo. Dhammānusārīsaddhānusārīnaṃ nānattaṃ kathaṃ jātanti āha ‘‘āgamanenapi maggenapī’’ti. Tadubhayaṃ dassento ‘‘saddhānusārīpuggalo’’tiādimāha. Uddisāpentoti uddesaṃ gaṇhanto.
маг̇г̇о д̇игко ход̇и убаниссаяинд̣̇рияаанам̣ д̇игкависад̣̇абхаавад̇о. д̇знааха ‘‘суурам̣ н̃аан̣ам̣ вахад̇ий’’д̇и. асан̇каарзнаад̇и сарасзнзва. аббаяог̇знаад̇и д̇ассзва взважанам̣. д̇хаммаанусаарийбуг̇г̇ало хи ааг̇аманамхи гилзсз вигкамбхзнд̇о аббад̣̇угкзна аббагасирзна агиламанд̇ова вигкамбхзд̇ум̣ саггод̇и. сад̣̇д̇хаанусаарийбуг̇г̇ало бана д̣̇угкзна гасирзна гиламанд̇о худ̇ваа вигкамбхзд̇ум̣ саггод̇и, д̇асмаа д̇хаммаанусаарисса буб̣б̣абхааг̇амаг̇г̇агкан̣з гилзсажчзд̣̇аган̃аан̣ам̣ ад̣̇анд̇хам̣ д̇икин̣ам̣ худ̇ваа вахад̇и, яат̇аа наама д̇икин̣зна асинаа гад̣̇алим̣ чинд̣̇анд̇асса чиннадтаанам̣ мадтам̣ ход̇и, аси киббам̣ вахад̇и, сад̣̇д̣̇о на суяяад̇и, б̣алававааяаамагижжам̣ на ход̇и, зваруубаа д̇хаммаанусаарино буб̣б̣абхааг̇абхааванаа ход̇и, сад̣̇д̇хаанусаарино бана буб̣б̣абхааг̇агкан̣з гилзсажчзд̣̇аган̃аан̣ам̣ д̣̇анд̇хам̣ на д̇икин̣ам̣ асуурам̣ худ̇ваа вахад̇и, яат̇аа наама наад̇ид̇икин̣зна асинаа гад̣̇алим̣ чинд̣̇анд̇асса чиннадтаанам̣ на мадтам̣ ход̇и, аси сийгхам̣ на вахад̇и, сад̣̇д̣̇о суяяад̇и, б̣алававааяаамагижжам̣ ижчид̇аб̣б̣ам̣ ход̇и, зваруубаа сад̣̇д̇хаанусаарино буб̣б̣абхааг̇абхааванаа ход̇и. звам̣ санд̇зби гилзсагкаяз наанад̇д̇ам̣ над̇т̇и. д̇знааха ‘‘гилзсагкаяз банаа’’д̇иаад̣̇и. авасзсаа жа гилзсаа кийяанд̇и сам̣яож̇анагкаяааяа яог̇ад̇д̇аа.
Maggo tikkho hoti upanissayindriyānaṃ tikkhavisadabhāvato. Tenāha ‘‘sūraṃ ñāṇaṃ vahatī’’ti. Asaṅkhārenāti saraseneva. Appayogenāti tasseva vevacanaṃ. Dhammānusārīpuggalo hi āgamanamhi kilese vikkhambhento appadukkhena appakasirena akilamantova vikkhambhetuṃ sakkoti. Saddhānusārīpuggalo pana dukkhena kasirena kilamanto hutvā vikkhambhetuṃ sakkoti, tasmā dhammānusārissa pubbabhāgamaggakkhaṇe kilesacchedakañāṇaṃ adandhaṃ tikhiṇaṃ hutvā vahati, yathā nāma tikhiṇena asinā kadaliṃ chindantassa chinnaṭṭhānaṃ maṭṭhaṃ hoti, asi khippaṃ vahati, saddo na suyyati, balavavāyāmakiccaṃ na hoti, evarūpā dhammānusārino pubbabhāgabhāvanā hoti, saddhānusārino pana pubbabhāgakkhaṇe kilesacchedakañāṇaṃ dandhaṃ na tikhiṇaṃ asūraṃ hutvā vahati, yathā nāma nātitikhiṇena asinā kadaliṃ chindantassa chinnaṭṭhānaṃ na maṭṭhaṃ hoti, asi sīghaṃ na vahati, saddo suyyati, balavavāyāmakiccaṃ icchitabbaṃ hoti, evarūpā saddhānusārino pubbabhāgabhāvanā hoti. Evaṃ santepi kilesakkhaye nānattaṃ natthi. Tenāha ‘‘kilesakkhaye panā’’tiādi. Avasesā ca kilesā khīyanti saṃyojanakkhayāya yogattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. батамасам̣кид̇д̇асуд̇д̇ам̣ • 2. Paṭhamasaṃkhittasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. батамасам̣кид̇д̇асуд̇д̇аван̣н̣анаа • 2. Paṭhamasaṃkhittasuttavaṇṇanā
