| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੨. ਪਠਮਸਂਖਿਤ੍ਤਸੁਤ੍ਤવਣ੍ਣਨਾ
2. Paṭhamasaṃkhittasuttavaṇṇanā
੪੮੨. ਦੁਤਿਯੇ ਤਤੋਤਿ વਿਪਸ੍ਸਨਾਮਗ੍ਗਫਲવਸੇਨ ਨਿਸ੍ਸਕ੍ਕਂ વੇਦਿਤਬ੍ਬਂ। ਸਮਤ੍ਤਾਨਿ ਹਿ ਪਰਿਪੁਣ੍ਣਾਨਿ ਪਞ੍ਚਿਨ੍ਦ੍ਰਿਯਾਨਿ ਅਰਹਤ੍ਤਮਗ੍ਗਸ੍ਸ વਿਪਸ੍ਸਨਿਨ੍ਦ੍ਰਿਯਾਨਿ ਨਾਮ ਹੋਨ੍ਤਿ। ਤਤੋ ਮੁਦੁਤਰੇਹੀਤਿ ਤੇਹਿ ਅਰਹਤ੍ਤਮਗ੍ਗਸ੍ਸ વਿਪਸ੍ਸਨਿਨ੍ਦ੍ਰਿਯੇਹਿ ਮੁਦੁਤਰਾਨਿ ਅਨਾਗਾਮਿਮਗ੍ਗਸ੍ਸ વਿਪਸ੍ਸਨਿਨ੍ਦ੍ਰਿਯਾਨਿ ਨਾਮ ਹੋਨ੍ਤਿ, ਤਤੋ ਮੁਦੁਤਰਾਨਿ ਸਕਦਾਗਾਮਿਮਗ੍ਗਸ੍ਸ, ਤਤੋ ਮੁਦੁਤਰਾਨਿ ਸੋਤਾਪਤ੍ਤਿਮਗ੍ਗਸ੍ਸ વਿਪਸ੍ਸਨਿਨ੍ਦ੍ਰਿਯਾਨਿ ਨਾਮ ਹੋਨ੍ਤਿ, ਤਤੋ ਮੁਦੁਤਰਾਨਿ ਧਮ੍ਮਾਨੁਸਾਰਿਮਗ੍ਗਸ੍ਸ, ਤਤੋ ਮੁਦੁਤਰਾਨਿ ਸਦ੍ਧਾਨੁਸਾਰਿਮਗ੍ਗਸ੍ਸ વਿਪਸ੍ਸਨਿਨ੍ਦ੍ਰਿਯਾਨਿ ਨਾਮ ਹੋਨ੍ਤਿ।
482. Dutiye tatoti vipassanāmaggaphalavasena nissakkaṃ veditabbaṃ. Samattāni hi paripuṇṇāni pañcindriyāni arahattamaggassa vipassanindriyāni nāma honti. Tato mudutarehīti tehi arahattamaggassa vipassanindriyehi mudutarāni anāgāmimaggassa vipassanindriyāni nāma honti, tato mudutarāni sakadāgāmimaggassa, tato mudutarāni sotāpattimaggassa vipassanindriyāni nāma honti, tato mudutarāni dhammānusārimaggassa, tato mudutarāni saddhānusārimaggassa vipassanindriyāni nāma honti.
ਤਥਾ ਸਮਤ੍ਤਾਨਿ ਪਰਿਪੁਣ੍ਣਾਨਿ ਪਞ੍ਚਿਨ੍ਦ੍ਰਿਯਾਨਿ ਅਰਹਤ੍ਤਮਗ੍ਗਿਨ੍ਦ੍ਰਿਯਾਨਿ ਨਾਮ ਹੋਨ੍ਤਿ, ਤਤੋ ਮੁਦੁਤਰਾਨਿ ਅਨਾਗਾਮਿਮਗ੍ਗਿਨ੍ਦ੍ਰਿਯਾਨਿ ਨਾਮ ਹੋਨ੍ਤਿ, ਤਤੋ ਮੁਦੁਤਰਾਨਿ ਸਕਦਾਗਾਮਿਮਗ੍ਗਿਨ੍ਦ੍ਰਿਯਾਨਿ ਨਾਮ ਹੋਨ੍ਤਿ, ਤਤੋ ਮੁਦੁਤਰਾਨਿ ਸੋਤਾਪਤ੍ਤਿਮਗ੍ਗਿਨ੍ਦ੍ਰਿਯਾਨਿ ਨਾਮ ਹੋਨ੍ਤਿ, ਤਤੋ ਮੁਦੁਤਰਾਨਿ ਧਮ੍ਮਾਨੁਸਾਰਿਮਗ੍ਗਿਨ੍ਦ੍ਰਿਯਾਨਿ, ਤਤੋ ਮੁਦੁਤਰਾਨਿ ਸਦ੍ਧਾਨੁਸਾਰਿਮਗ੍ਗਿਨ੍ਦ੍ਰਿਯਾਨਿ ਨਾਮ ਹੋਨ੍ਤਿ।
Tathā samattāni paripuṇṇāni pañcindriyāni arahattamaggindriyāni nāma honti, tato mudutarāni anāgāmimaggindriyāni nāma honti, tato mudutarāni sakadāgāmimaggindriyāni nāma honti, tato mudutarāni sotāpattimaggindriyāni nāma honti, tato mudutarāni dhammānusārimaggindriyāni, tato mudutarāni saddhānusārimaggindriyāni nāma honti.
ਸਮਤ੍ਤਾਨਿ ਪਰਿਪੁਣ੍ਣਾਨਿ ਪਞ੍ਚਿਨ੍ਦ੍ਰਿਯਾਨਿ ਅਰਹਤ੍ਤਫਲਿਨ੍ਦ੍ਰਿਯਾਨਿ ਨਾਮ ਹੋਨ੍ਤਿ, ਤਤੋ ਮੁਦੁਤਰਾਨਿ ਅਨਾਗਾਮਿਫਲਿਨ੍ਦ੍ਰਿਯਾਨਿ, ਤਤੋ ਮੁਦੁਤਰਾਨਿ ਸਕਦਾਗਾਮਿਫਲਿਨ੍ਦ੍ਰਿਯਾਨਿ, ਤਤੋ ਮੁਦੁਤਰਾਨਿ ਸੋਤਾਪਤ੍ਤਿਫਲਿਨ੍ਦ੍ਰਿਯਾਨਿ ਨਾਮ ਹੋਨ੍ਤਿ। ਧਮ੍ਮਾਨੁਸਾਰਿਸਦ੍ਧਾਨੁਸਾਰਿਨੋ ਪਨ ਦ੍વੇਪਿ ਸੋਤਾਪਤ੍ਤਿਮਗ੍ਗਟ੍ਠਪੁਗ੍ਗਲਾ, ਮਗ੍ਗਟ੍ਠਪੁਗ੍ਗਲવਸੇਨ ਨੇਸਂ ਨਾਨਤ੍ਤਂ ਜਾਤਨ੍ਤਿ ਆਗਮਨੇਨਪਿ ਮਗ੍ਗੇਨਪਿ। ਸਦ੍ਧਾਨੁਸਾਰੀ ਪੁਗ੍ਗਲੋ ਹਿ ਉਦ੍ਦਿਸਾਪੇਨ੍ਤੋ ਪਰਿਪੁਚ੍ਛਨ੍ਤੋ ਅਨੁਪੁਬ੍ਬੇਨ ਮਗ੍ਗਂ ਪਾਪੁਣਾਤਿ, ਧਮ੍ਮਾਨੁਸਾਰੀ ਏਕੇਨ વਾ ਦ੍વੀਹਿ વਾ ਸવਨੇਹਿ। ਏવਂ ਤਾવ ਨੇਸਂ ਆਗਮਨੇਨ ਨਾਨਤ੍ਤਂ વੇਦਿਤਬ੍ਬਂ।
Samattāni paripuṇṇāni pañcindriyāni arahattaphalindriyāni nāma honti, tato mudutarāni anāgāmiphalindriyāni, tato mudutarāni sakadāgāmiphalindriyāni, tato mudutarāni sotāpattiphalindriyāni nāma honti. Dhammānusārisaddhānusārino pana dvepi sotāpattimaggaṭṭhapuggalā, maggaṭṭhapuggalavasena nesaṃ nānattaṃ jātanti āgamanenapi maggenapi. Saddhānusārī puggalo hi uddisāpento paripucchanto anupubbena maggaṃ pāpuṇāti, dhammānusārī ekena vā dvīhi vā savanehi. Evaṃ tāva nesaṃ āgamanena nānattaṃ veditabbaṃ.
ਧਮ੍ਮਾਨੁਸਾਰਿਸ੍ਸ ਪਨ ਮਗ੍ਗੋ ਤਿਕ੍ਖੋ ਹੋਤਿ, ਸੂਰਂ ਞਾਣਂ વਹਤਿ, ਅਸਙ੍ਖਾਰੇਨ ਅਪ੍ਪਯੋਗੇਨ ਕਿਲੇਸੇ ਛਿਨ੍ਦਤਿ ਕਦਲਿਕ੍ਖਨ੍ਧਂ વਿਯ ਤਿਖਿਣਾ ਅਸਿਧਾਰਾ। ਸਦ੍ਧਾਨੁਸਾਰਿਸ੍ਸ ਨ ਤਸ੍ਸ વਿਯ ਮਗ੍ਗੋ ਤਿਕ੍ਖੋ ਹੋਤਿ, ਨ ਸੂਰਂ ਞਾਣਂ વਹਤਿ, ਸਸਙ੍ਖਾਰੇਨ ਸਪ੍ਪਯੋਗੇਨ ਕਿਲੇਸੇ ਛਿਨ੍ਦਤਿ ਕਦਲਿਕ੍ਖਨ੍ਧਂ વਿਯ ਅਤਿਖਿਣਾ ਅਸਿਧਾਰਾ। ਕਿਲੇਸਕ੍ਖਯੇ ਪਨ ਤੇਸਂ ਨਾਨਤ੍ਤਂ ਨਤ੍ਥਿ। ਅવਸੇਸਾ ਚ ਕਿਲੇਸਾ ਖੀਯਨ੍ਤਿ।
Dhammānusārissa pana maggo tikkho hoti, sūraṃ ñāṇaṃ vahati, asaṅkhārena appayogena kilese chindati kadalikkhandhaṃ viya tikhiṇā asidhārā. Saddhānusārissa na tassa viya maggo tikkho hoti, na sūraṃ ñāṇaṃ vahati, sasaṅkhārena sappayogena kilese chindati kadalikkhandhaṃ viya atikhiṇā asidhārā. Kilesakkhaye pana tesaṃ nānattaṃ natthi. Avasesā ca kilesā khīyanti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਪਠਮਸਂਖਿਤ੍ਤਸੁਤ੍ਤਂ • 2. Paṭhamasaṃkhittasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨. ਪਠਮਸਂਖਿਤ੍ਤਸੁਤ੍ਤવਣ੍ਣਨਾ • 2. Paṭhamasaṃkhittasuttavaṇṇanā
