| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
4. චතුත්‌ථපණ්‌ණාසකං
4. Catutthapaṇṇāsakaṃ
(16) 1. සද්‌ධම්‌මවග්‌ගො
(16) 1. Saddhammavaggo
1. පඨමසම්‌මත්‌තනියාමසුත්‌තං
1. Paṭhamasammattaniyāmasuttaṃ
151. ‘‘පඤ්‌චහි , භික්‌ඛවෙ, ධම්‌මෙහි සමන්‌නාගතො සුණන්‌තොපි සද්‌ධම්‌මං අභබ්‌බො නියාමං ඔක්‌කමිතුං කුසලෙසු ධම්‌මෙසු සම්‌මත්‌තං. කතමෙහි පඤ්‌චහි? කථං පරිභොති, කථිකං 1 පරිභොති, අත්‌තානං පරිභොති, වික්‌ඛිත්‌තචිත්‌තො ධම්‌මං සුණාති, අනෙකග්‌ගචිත්‌තො අයොනිසො ච 2 මනසි කරොති. ඉමෙහි ඛො, භික්‌ඛවෙ, පඤ්‌චහි ධම්‌මෙහි සමන්‌නාගතො සුණන්‌තොපි සද්‌ධම්‌මං අභබ්‌බො නියාමං ඔක්‌කමිතුං කුසලෙසු ධම්‌මෙසු සම්‌මත්‌තං.
151. ‘‘Pañcahi , bhikkhave, dhammehi samannāgato suṇantopi saddhammaṃ abhabbo niyāmaṃ okkamituṃ kusalesu dhammesu sammattaṃ. Katamehi pañcahi? Kathaṃ paribhoti, kathikaṃ 3 paribhoti, attānaṃ paribhoti, vikkhittacitto dhammaṃ suṇāti, anekaggacitto ayoniso ca 4 manasi karoti. Imehi kho, bhikkhave, pañcahi dhammehi samannāgato suṇantopi saddhammaṃ abhabbo niyāmaṃ okkamituṃ kusalesu dhammesu sammattaṃ.
‘‘පඤ්‌චහි, භික්‌ඛවෙ, ධම්‌මෙහි සමන්‌නාගතො සුණන්‌තො සද්‌ධම්‌මං භබ්‌බො නියාමං ඔක්‌කමිතුං කුසලෙසු ධම්‌මෙසු සම්‌මත්‌තං. කතමෙහි පඤ්‌චහි? න කථං පරිභොති, න කථිකං පරිභොති, න අත්‌තානං පරිභොති, අවික්‌ඛිත්‌තචිත්‌තො ධම්‌මං සුණාති, එකග්‌ගචිත්‌තො යොනිසො ච මනසි කරොති. ඉමෙහි ඛො, භික්‌ඛවෙ, පඤ්‌චහි ධම්‌මෙහි සමන්‌නාගතො සුණන්‌තො සද්‌ධම්‌මං භබ්‌බො නියාමං ඔක්‌කමිතුං කුසලෙසු ධම්‌මෙසු සම්‌මත්‌ත’’න්‌ති. පඨමං.
‘‘Pañcahi, bhikkhave, dhammehi samannāgato suṇanto saddhammaṃ bhabbo niyāmaṃ okkamituṃ kusalesu dhammesu sammattaṃ. Katamehi pañcahi? Na kathaṃ paribhoti, na kathikaṃ paribhoti, na attānaṃ paribhoti, avikkhittacitto dhammaṃ suṇāti, ekaggacitto yoniso ca manasi karoti. Imehi kho, bhikkhave, pañcahi dhammehi samannāgato suṇanto saddhammaṃ bhabbo niyāmaṃ okkamituṃ kusalesu dhammesu sammatta’’nti. Paṭhamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 1. පඨමසම්‌මත්‌තනියාමසුත්‌තවණ්‌ණනා • 1. Paṭhamasammattaniyāmasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / (16) 1. සද්‌ධම්‌මවග්‌ගො • (16) 1. Saddhammavaggo
