| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๔. จตุตฺถปณฺณาสกํ
4. Catutthapaṇṇāsakaṃ
(๑๖) ๑. สทฺธมฺมวโคฺค
(16) 1. Saddhammavaggo
๑. ปฐมสมฺมตฺตนิยามสุตฺตวณฺณนา
1. Paṭhamasammattaniyāmasuttavaṇṇanā
๑๕๑. จตุตฺถสฺส ปฐเม อภโพฺพ นิยามํ โอกฺกมิตุํ กุสเลสุ ธเมฺมสุ สมฺมตฺตนฺติ กุสเลสุ ธเมฺมสุ สมฺมตฺตภูตํ มคฺคนิยามํ โอกฺกมิตุํ อภโพฺพ อภาชนํฯ กถํ ปริโภตีติอาทีสุ ‘‘กิํ กถา นาม เอสา’’ติ วทโนฺต กถํ ปริโภติ นามฯ ‘‘กิํ นาเมส กเถติ, กิํ อยํ ชานาตี’’ติ วทโนฺต กถิกํ ปริโภติ นามฯ ‘‘มยํ กิํ ชานาม, กุโต อมฺหากํ เอตํ โสตุํ พล’’นฺติ วทโนฺต อตฺตานํ ปริโภติ นามฯ วิปริยาเยน สุกฺกปโกฺข เวทิตโพฺพฯ
151. Catutthassa paṭhame abhabbo niyāmaṃ okkamituṃ kusalesu dhammesu sammattanti kusalesu dhammesu sammattabhūtaṃ magganiyāmaṃ okkamituṃ abhabbo abhājanaṃ. Kathaṃ paribhotītiādīsu ‘‘kiṃ kathā nāma esā’’ti vadanto kathaṃ paribhoti nāma. ‘‘Kiṃ nāmesa katheti, kiṃ ayaṃ jānātī’’ti vadanto kathikaṃ paribhoti nāma. ‘‘Mayaṃ kiṃ jānāma, kuto amhākaṃ etaṃ sotuṃ bala’’nti vadanto attānaṃ paribhoti nāma. Vipariyāyena sukkapakkho veditabbo.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๑. ปฐมสมฺมตฺตนิยามสุตฺตํ • 1. Paṭhamasammattaniyāmasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / (๑๖) ๑. สทฺธมฺมวโคฺค • (16) 1. Saddhammavaggo
