| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
4. චතුත්‌ථපණ්‌ණාසකං
4. Catutthapaṇṇāsakaṃ
(16) 1. සද්‌ධම්‌මවග්‌ගො
(16) 1. Saddhammavaggo
1. පඨමසම්‌මත්‌තනියාමසුත්‌තවණ්‌ණනා
1. Paṭhamasammattaniyāmasuttavaṇṇanā
151. චතුත්‌ථස්‌ස පඨමෙ අභබ්‌බො නියාමං ඔක්‌කමිතුං කුසලෙසු ධම්‌මෙසු සම්‌මත්‌තන්‌ති කුසලෙසු ධම්‌මෙසු සම්‌මත්‌තභූතං මග්‌ගනියාමං ඔක්‌කමිතුං අභබ්‌බො අභාජනං. කථං පරිභොතීතිආදීසු ‘‘කිං කථා නාම එසා’’ති වදන්‌තො කථං පරිභොති නාම. ‘‘කිං නාමෙස කථෙති, කිං අයං ජානාතී’’ති වදන්‌තො කථිකං පරිභොති නාම. ‘‘මයං කිං ජානාම, කුතො අම්‌හාකං එතං සොතුං බල’’න්‌ති වදන්‌තො අත්‌තානං පරිභොති නාම. විපරියායෙන සුක්‌කපක්‌ඛො වෙදිතබ්‌බො.
151. Catutthassa paṭhame abhabbo niyāmaṃ okkamituṃ kusalesu dhammesu sammattanti kusalesu dhammesu sammattabhūtaṃ magganiyāmaṃ okkamituṃ abhabbo abhājanaṃ. Kathaṃ paribhotītiādīsu ‘‘kiṃ kathā nāma esā’’ti vadanto kathaṃ paribhoti nāma. ‘‘Kiṃ nāmesa katheti, kiṃ ayaṃ jānātī’’ti vadanto kathikaṃ paribhoti nāma. ‘‘Mayaṃ kiṃ jānāma, kuto amhākaṃ etaṃ sotuṃ bala’’nti vadanto attānaṃ paribhoti nāma. Vipariyāyena sukkapakkho veditabbo.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 1. පඨමසම්‌මත්‌තනියාමසුත්‌තං • 1. Paṭhamasammattaniyāmasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / (16) 1. සද්‌ධම්‌මවග්‌ගො • (16) 1. Saddhammavaggo
