| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
5. පඨමසම්‌පදාසුත්‌තං
5. Paṭhamasampadāsuttaṃ
75. ‘‘අට්‌ඨිමා , භික්‌ඛවෙ, සම්‌පදා. කතමා අට්‌ඨ? 1 උට්‌ඨානසම්‌පදා, ආරක්‌ඛසම්‌පදා, කල්‍යාණමිත්‌තතා, සමජීවිතා, සද්‌ධාසම්‌පදා, සීලසම්‌පදා, චාගසම්‌පදා, පඤ්‌ඤාසම්‌පදා – ඉමා ඛො, භික්‌ඛවෙ, අට්‌ඨ සම්‌පදා’’ති.
75. ‘‘Aṭṭhimā , bhikkhave, sampadā. Katamā aṭṭha? 2 Uṭṭhānasampadā, ārakkhasampadā, kalyāṇamittatā, samajīvitā, saddhāsampadā, sīlasampadā, cāgasampadā, paññāsampadā – imā kho, bhikkhave, aṭṭha sampadā’’ti.
‘‘උට්‌ඨාතා කම්‌මධෙය්‍යෙසු, අප්‌පමත්‌තො විධානවා;
‘‘Uṭṭhātā kammadheyyesu, appamatto vidhānavā;
සමං කප්‌පෙති ජීවිකං, සම්‌භතං අනුරක්‌ඛති.
Samaṃ kappeti jīvikaṃ, sambhataṃ anurakkhati.
‘‘සද්‌ධො සීලෙන සම්‌පන්‌නො, වදඤ්‌ඤූ වීතමච්‌ඡරො;
‘‘Saddho sīlena sampanno, vadaññū vītamaccharo;
නිච්‌චං මග්‌ගං විසොධෙති, සොත්‌ථානං සම්‌පරායිකං.
Niccaṃ maggaṃ visodheti, sotthānaṃ samparāyikaṃ.
‘‘ඉච්‌චෙතෙ අට්‌ඨ ධම්‌මා ච, සද්‌ධස්‌ස ඝරමෙසිනො;
‘‘Iccete aṭṭha dhammā ca, saddhassa gharamesino;
අක්‌ඛාතා සච්‌චනාමෙන, උභයත්‌ථ සුඛාවහා.
Akkhātā saccanāmena, ubhayattha sukhāvahā.
‘‘දිට්‌ඨධම්‌මහිතත්‌ථාය, සම්‌පරායසුඛාය ච;
‘‘Diṭṭhadhammahitatthāya, samparāyasukhāya ca;
එවමෙතං ගහට්‌ඨානං, චාගො පුඤ්‌ඤං පවඩ්‌ඪතී’’ති. පඤ්‌චමං;
Evametaṃ gahaṭṭhānaṃ, cāgo puññaṃ pavaḍḍhatī’’ti. pañcamaṃ;
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 3-9. මරණස්‌සතිසුත්‌තද්‌වයාදිවණ්‌ණනා • 3-9. Maraṇassatisuttadvayādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-10. සද්‌ධාසුත්‌තාදිවණ්‌ණනා • 1-10. Saddhāsuttādivaṇṇanā
