| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
18. самуд̣̇д̣̇аваг̇г̇о
18. Samuddavaggo
1. батамасамуд̣̇д̣̇асуд̇д̇ам̣
1. Paṭhamasamuddasuttaṃ
228. ‘‘‘самуд̣̇д̣̇о , самуд̣̇д̣̇о’д̇и, бхигкавз, ассуд̇аваа бут̇уж̇ж̇ано бхаасад̇и. нзсо, бхигкавз, арияасса винаяз самуд̣̇д̣̇о. махаа зсо, бхигкавз, уд̣̇агарааси махаауд̣̇аган̣н̣аво. жагку, бхигкавз, бурисасса самуд̣̇д̣̇о; д̇асса руубамаяо взг̇о. яо д̇ам̣ руубамаяам̣ взг̇ам̣ сахад̇и, аяам̣ вужжад̇и, бхигкавз, ад̇ари жагкусамуд̣̇д̣̇ам̣ сауумим̣ сааваддам̣ саг̇аахам̣ сарагкасам̣; д̇ин̣н̣о бааран̇г̇ад̇о т̇алз д̇идтад̇и б̣раахман̣о…бз… ж̇ивхаа, бхигкавз, бурисасса самуд̣̇д̣̇о; д̇асса расамаяо взг̇о. яо д̇ам̣ расамаяам̣ взг̇ам̣ сахад̇и, аяам̣ вужжад̇и, бхигкавз, ад̇ари ж̇ивхаасамуд̣̇д̣̇ам̣ сауумим̣ сааваддам̣ саг̇аахам̣ сарагкасам̣; д̇ин̣н̣о бааран̇г̇ад̇о т̇алз д̇идтад̇и б̣раахман̣о…бз… мано, бхигкавз, бурисасса самуд̣̇д̣̇о; д̇асса д̇хаммамаяо взг̇о. яо д̇ам̣ д̇хаммамаяам̣ взг̇ам̣ сахад̇и, аяам̣ вужжад̇и, бхигкавз, ад̇ари маносамуд̣̇д̣̇ам̣ сауумим̣ сааваддам̣ саг̇аахам̣ сарагкасам̣; д̇ин̣н̣о бааран̇г̇ад̇о т̇алз д̇идтад̇и б̣раахман̣о’’д̇и. ид̣̇амавожа…бз… сад̇т̇аа –
228. ‘‘‘Samuddo , samuddo’ti, bhikkhave, assutavā puthujjano bhāsati. Neso, bhikkhave, ariyassa vinaye samuddo. Mahā eso, bhikkhave, udakarāsi mahāudakaṇṇavo. Cakkhu, bhikkhave, purisassa samuddo; tassa rūpamayo vego. Yo taṃ rūpamayaṃ vegaṃ sahati, ayaṃ vuccati, bhikkhave, atari cakkhusamuddaṃ saūmiṃ sāvaṭṭaṃ sagāhaṃ sarakkhasaṃ; tiṇṇo pāraṅgato thale tiṭṭhati brāhmaṇo…pe… jivhā, bhikkhave, purisassa samuddo; tassa rasamayo vego. Yo taṃ rasamayaṃ vegaṃ sahati, ayaṃ vuccati, bhikkhave, atari jivhāsamuddaṃ saūmiṃ sāvaṭṭaṃ sagāhaṃ sarakkhasaṃ; tiṇṇo pāraṅgato thale tiṭṭhati brāhmaṇo…pe… mano, bhikkhave, purisassa samuddo; tassa dhammamayo vego. Yo taṃ dhammamayaṃ vegaṃ sahati, ayaṃ vuccati, bhikkhave, atari manosamuddaṃ saūmiṃ sāvaṭṭaṃ sagāhaṃ sarakkhasaṃ; tiṇṇo pāraṅgato thale tiṭṭhati brāhmaṇo’’ti. Idamavoca…pe… satthā –
‘‘яо имам̣ самуд̣̇д̣̇ам̣ саг̇аахам̣ сарагкасам̣,
‘‘Yo imaṃ samuddaṃ sagāhaṃ sarakkhasaṃ,
сауумим̣ сааваддам̣ сабхаяам̣ д̣̇уд̇д̇арам̣ ажжад̇ари;
Saūmiṃ sāvaṭṭaṃ sabhayaṃ duttaraṃ accatari;
са взд̣̇аг̇уу вусид̇аб̣рахмажарияо,
Sa vedagū vusitabrahmacariyo,
логанд̇аг̇уу баараг̇ад̇од̇и вужжад̇ий’’д̇и. батамам̣;
Lokantagū pāragatoti vuccatī’’ti. paṭhamaṃ;
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. батамасамуд̣̇д̣̇асуд̇д̇аван̣н̣анаа • 1. Paṭhamasamuddasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. батамасамуд̣̇д̣̇асуд̇д̇аван̣н̣анаа • 1. Paṭhamasamuddasuttavaṇṇanā
