| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
18. самуд̣̇д̣̇аваг̇г̇о
18. Samuddavaggo
1. батамасамуд̣̇д̣̇асуд̇д̇аван̣н̣анаа
1. Paṭhamasamuddasuttavaṇṇanā
228. самуд̣̇д̣̇аваг̇г̇асса батамз жагку, бхигкавз, бурисасса самуд̣̇д̣̇од̇и яад̣̇и д̣̇уббууран̣адтзна яад̣̇и ваа самуд̣̇д̣̇анадтзна самуд̣̇д̣̇о, жагкумзва самуд̣̇д̣̇о. д̇асса хи бат̇авид̇о яаава аганидтаб̣рахмалогаа нийлаад̣̇иаарамман̣ам̣ самосаранд̇ам̣ барибун̣н̣абхаавам̣ гаад̇ум̣ на саггод̇и, звам̣ д̣̇уббууран̣адтзнаби самуд̣̇д̣̇о. жагку жа д̇зсу д̇зсу нийлаад̣̇ийсу аарамман̣зсу самуд̣̇д̣̇ад̇и, асам̣вуд̇ам̣ худ̇ваа осарамаанам̣ гилзсуббад̇д̇ияаа гааран̣абхаавзна сад̣̇осаг̇аманзна г̇ажчад̇ийд̇и самуд̣̇д̣̇анадтзнаби самуд̣̇д̣̇о. д̇асса руубамаяо взг̇од̇и самуд̣̇д̣̇асса аббамаан̣о уумимаяо взг̇о вияа д̇ассааби жагкусамуд̣̇д̣̇асса самосаранд̇асса нийлаад̣̇ибхзд̣̇асса аарамман̣асса васзна аббамзяяо руубамаяо взг̇о взд̣̇ид̇аб̣б̣о. яо д̇ам̣ руубамаяам̣ взг̇ам̣ сахад̇ийд̇и яо д̇ам̣ жагкусамуд̣̇д̣̇з самосадам̣ руубамаяам̣ взг̇ам̣, манаабз руубз рааг̇ам̣, аманаабз д̣̇осам̣, асамабзгкид̇з моханд̇и звам̣ рааг̇аад̣̇игилзсз ануббаад̣̇знд̇о убзгкагабхаавзна сахад̇и.
228. Samuddavaggassa paṭhame cakkhu, bhikkhave, purisassa samuddoti yadi duppūraṇaṭṭhena yadi vā samuddanaṭṭhena samuddo, cakkhumeva samuddo. Tassa hi pathavito yāva akaniṭṭhabrahmalokā nīlādiārammaṇaṃ samosarantaṃ paripuṇṇabhāvaṃ kātuṃ na sakkoti, evaṃ duppūraṇaṭṭhenapi samuddo. Cakkhu ca tesu tesu nīlādīsu ārammaṇesu samuddati, asaṃvutaṃ hutvā osaramānaṃ kilesuppattiyā kāraṇabhāvena sadosagamanena gacchatīti samuddanaṭṭhenapi samuddo. Tassa rūpamayo vegoti samuddassa appamāṇo ūmimayo vego viya tassāpi cakkhusamuddassa samosarantassa nīlādibhedassa ārammaṇassa vasena appameyyo rūpamayo vego veditabbo. Yo taṃ rūpamayaṃ vegaṃ sahatīti yo taṃ cakkhusamudde samosaṭaṃ rūpamayaṃ vegaṃ, manāpe rūpe rāgaṃ, amanāpe dosaṃ, asamapekkhite mohanti evaṃ rāgādikilese anuppādento upekkhakabhāvena sahati.
саууминд̇иаад̣̇ийсу гилзсауумийхи сауумим̣. гилзсааваддзхи сааваддам̣. гилзсаг̇аахзхи саг̇аахам̣ . гилзсарагкасзхи сарагкасам̣. год̇хуубааяаасасса жа васзна сауумим̣. вуд̇ан̃хзд̇ам̣ ‘‘уумибхаяанд̇и ко, бхигкавз, год̇хуубааяаасассзд̇ам̣ ад̇хиважана’’нд̇и (ид̇иву. 109; ма. ни. 2.162; а. ни. 4.122). гаамаг̇ун̣авасзна сааваддам̣. вуд̇ан̃хзд̇ам̣ ‘‘ааваддаг̇г̇ааход̇и ко, бхигкавз, бан̃жаннзд̇ам̣ гаамаг̇ун̣аанам̣ ад̇хиважана’’нд̇и (сам̣. ни. 4.241). маад̇уг̇аамавасзна саг̇аахам̣ сарагкасам̣. вуд̇д̇ан̃хзд̇ам̣ ‘‘г̇аахарагкасод̇и ко, бхигкавз, маад̇уг̇аамассзд̇ам̣ ад̇хиважана’’нд̇и (ид̇иву. 109). сзсаваарзсуби зсзва наяо. сабхаяам̣ д̣̇уд̇д̇арам̣ ажжад̇арийд̇и уумибхаязна сабхаяам̣ д̣̇урад̇иггамам̣ ад̇иггами. логанд̇аг̇ууд̇и сан̇кааралогасса анд̇ам̣ г̇ад̇о. баараг̇ад̇од̇и вужжад̇ийд̇и ниб̣б̣аанам̣ г̇ад̇од̇и гат̇ийяад̇и.
Saūmintiādīsu kilesaūmīhi saūmiṃ. Kilesāvaṭṭehi sāvaṭṭaṃ. Kilesagāhehi sagāhaṃ. Kilesarakkhasehi sarakkhasaṃ. Kodhūpāyāsassa ca vasena saūmiṃ. Vutañhetaṃ ‘‘ūmibhayanti kho, bhikkhave, kodhūpāyāsassetaṃ adhivacana’’nti (itivu. 109; ma. ni. 2.162; a. ni. 4.122). Kāmaguṇavasena sāvaṭṭaṃ. Vutañhetaṃ ‘‘āvaṭṭaggāhoti kho, bhikkhave, pañcannetaṃ kāmaguṇānaṃ adhivacana’’nti (saṃ. ni. 4.241). Mātugāmavasena sagāhaṃ sarakkhasaṃ. Vuttañhetaṃ ‘‘gāharakkhasoti kho, bhikkhave, mātugāmassetaṃ adhivacana’’nti (itivu. 109). Sesavāresupi eseva nayo. Sabhayaṃ duttaraṃ accatarīti ūmibhayena sabhayaṃ duratikkamaṃ atikkami. Lokantagūti saṅkhāralokassa antaṃ gato. Pāragatoti vuccatīti nibbānaṃ gatoti kathīyati.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. батамасамуд̣̇д̣̇асуд̇д̇ам̣ • 1. Paṭhamasamuddasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. батамасамуд̣̇д̣̇асуд̇д̇аван̣н̣анаа • 1. Paṭhamasamuddasuttavaṇṇanā
