| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
18. самуд̣̇д̣̇аваг̇г̇о
18. Samuddavaggo
1. батамасамуд̣̇д̣̇асуд̇д̇аван̣н̣анаа
1. Paṭhamasamuddasuttavaṇṇanā
228. яад̣̇и ‘‘д̣̇уббууран̣адтзна самуд̣̇д̣̇анадтзнаа’’д̇и иминаа ад̇т̇ад̣̇ваязна сааг̇аро ‘‘самуд̣̇д̣̇о’’д̇и вужжад̇и, жагкуссзвзд̇ам̣ ниббарияааяад̇о яуж̇ж̇ад̇ийд̇и д̣̇ассзд̇ум̣ ‘‘яад̣̇ий’’д̇иаад̣̇и вуд̇д̇ам̣. д̇ад̇т̇а д̣̇уббууран̣адтзнаад̇и буурзд̇ум̣ асаггун̣зяяабхаавзна. самуд̣̇д̣̇анадтзнаад̇и саб̣б̣асо убаруубарибагкид̇д̇аг̇аманзна. махааг̇ан̇г̇аад̣̇имахаанад̣̇ийнам̣ махад̇аа уд̣̇агогхзна анусам̣важчарам̣ анубагканд̣̇амааноби хи самуд̣̇д̣̇о баарибуурим̣ на г̇ажчад̇и, яан̃жа бхуумибад̣̇зсам̣ од̇т̇арад̇и, д̇ам̣ самуд̣̇д̣̇абхаавам̣ нзд̇и, абхаавам̣ ваа баабун̣аад̇и абаяаад̇з самуд̣̇д̣̇од̣̇агз, д̇ам̣ ваа ануд̣̇агабхаавабад̇д̇ияаа ад̇ат̇амзва ход̇и. гааман̃жзса д̣̇уббууран̣адто самуд̣̇д̣̇анадто сааг̇арз лаб̣бхад̇и, д̇ат̇ааби д̇ам̣ д̣̇ваяам̣ жагкусмим̣язва висзсад̇о лаб̣бхад̇ийд̇и д̣̇ассзнд̇о ‘‘д̇асса хий’’д̇иаад̣̇имааха. самосаранд̇анд̇и саб̣б̣асо нийлаад̣̇ибхааг̇зхи осаранд̇ам̣, аабаат̇ам̣ ааг̇ажчанд̇анд̇и ад̇т̇о. гаад̇ум̣ на саггод̇и д̣̇уббууран̣ийяад̇д̇аа. сад̣̇осаг̇аманзна г̇ажчад̇и сад̇д̇асанд̇аанасса д̣̇уссанад̇о. д̣̇уссанадтад̇аа жасса жагкуд̣̇вааригад̇ан̣хаавасзна взд̣̇ид̇аб̣б̣аа. яат̇аа самуд̣̇д̣̇з абараабарам̣ баривад̇д̇амаано уумияаа взг̇о самуд̣̇д̣̇ассаад̇и вужжад̇и, звам̣ жагкусамуд̣̇д̣̇асса бурад̇о абараабарам̣ баривад̇д̇амаанам̣ нийлаад̣̇ибхзд̣̇ам̣ руубаарамман̣ам̣ жагкуссаад̇и вад̇д̇аб̣б̣ад̇ам̣ арахад̇и анан̃н̃асаад̇хааран̣ад̇д̇аад̇и вуд̇д̇ам̣ ‘‘руубамаяо взг̇о’’д̇и. асамабзгкид̇зд̇и саммаад̣̇ассанз руубз манаабабхаавам̣ аманаабабхааван̃жа г̇ахзд̇ваа, ‘‘ид̣̇ам̣ наама маяаа д̣̇идта’’нд̇и анубад̇хаарзнд̇асса гзвалам̣ самуухагханавасзна г̇ан̣ханд̇асса г̇ахан̣ам̣ асамабзгканам̣. сахад̇ийд̇и ад̇хибхавад̇и, д̇ам̣нимид̇д̇ам̣ ган̃жи вигаарам̣ наабаж̇ж̇ад̇и.
228. Yadi ‘‘duppūraṇaṭṭhena samuddanaṭṭhenā’’ti iminā atthadvayena sāgaro ‘‘samuddo’’ti vuccati, cakkhussevetaṃ nippariyāyato yujjatīti dassetuṃ ‘‘yadī’’tiādi vuttaṃ. Tattha duppūraṇaṭṭhenāti pūretuṃ asakkuṇeyyabhāvena. Samuddanaṭṭhenāti sabbaso uparūparipakkhittagamanena. Mahāgaṅgādimahānadīnaṃ mahatā udakoghena anusaṃvaccharaṃ anupakkhandamānopi hi samuddo pāripūriṃ na gacchati, yañca bhūmipadesaṃ ottharati, taṃ samuddabhāvaṃ neti, abhāvaṃ vā pāpuṇāti apayāte samuddodake, taṃ vā anudakabhāvapattiyā atathameva hoti. Kāmañcesa duppūraṇaṭṭho samuddanaṭṭho sāgare labbhati, tathāpi taṃ dvayaṃ cakkhusmiṃyeva visesato labbhatīti dassento ‘‘tassa hī’’tiādimāha. Samosarantanti sabbaso nīlādibhāgehi osarantaṃ, āpāthaṃ āgacchantanti attho. Kātuṃ na sakkoti duppūraṇīyattā. Sadosagamanena gacchati sattasantānassa dussanato. Dussanaṭṭhatā cassa cakkhudvārikataṇhāvasena veditabbā. Yathā samudde aparāparaṃ parivattamāno ūmiyā vego samuddassāti vuccati, evaṃ cakkhusamuddassa purato aparāparaṃ parivattamānaṃ nīlādibhedaṃ rūpārammaṇaṃ cakkhussāti vattabbataṃ arahati anaññasādhāraṇattāti vuttaṃ ‘‘rūpamayo vego’’ti. Asamapekkhiteti sammādassane rūpe manāpabhāvaṃ amanāpabhāvañca gahetvā, ‘‘idaṃ nāma mayā diṭṭha’’nti anupadhārentassa kevalaṃ samūhaghanavasena gaṇhantassa gahaṇaṃ asamapekkhanaṃ. Sahatīti adhibhavati, taṃnimittaṃ kañci vikāraṃ nāpajjati.
уумийд̇и вийжияо. ааваддо аавадданавасзна бавад̇д̇ам̣ уд̣̇агам̣. г̇аахарагкасамагараад̣̇аяо г̇аахарагкасо. яат̇аа самуд̣̇д̣̇з уумияо убаруубари вад̇д̇амаанаа ад̇д̇ани бад̇ид̇абуг̇г̇алам̣ аж̇жход̇т̇арид̇ваа анаяаб̣яасанам̣ аабаад̣̇знд̇и, д̇ат̇аа ааваддаг̇аахарагкасаа. звамзд̇з рааг̇аад̣̇аяо гилзсаа саяам̣ уббаннагасад̇д̇з аж̇жход̇т̇арид̇ваа анаяаб̣яасанам̣ аабаад̣̇знд̇и, гилзсуббад̇д̇инимид̇д̇ад̇ааяа сад̇д̇аанам̣ анаяаб̣яасанаабад̇д̇ихзд̇убхууд̇асса уумибхаяасса аарамман̣авасзна жагкусамуд̣̇д̣̇о ‘‘сауумисааваддо саг̇аахо сарагкасо’’д̇и вуд̇д̇о.
Ūmīti vīciyo. Āvaṭṭo āvaṭṭanavasena pavattaṃ udakaṃ. Gāharakkhasamakarādayo gāharakkhaso. Yathā samudde ūmiyo uparūpari vattamānā attani patitapuggalaṃ ajjhottharitvā anayabyasanaṃ āpādenti, tathā āvaṭṭagāharakkhasā. Evamete rāgādayo kilesā sayaṃ uppannakasatte ajjhottharitvā anayabyasanaṃ āpādenti, kilesuppattinimittatāya sattānaṃ anayabyasanāpattihetubhūtassa ūmibhayassa ārammaṇavasena cakkhusamuddo ‘‘saūmisāvaṭṭo sagāho sarakkhaso’’ti vutto.
уумибхаяанд̇и зд̇т̇а бхааяад̇и зд̇асмаад̇и бхаяам̣, уумийва бхаяам̣ уумибхаяам̣. гуж̇жханадтзна год̇хо. свзва жид̇д̇асса жа абхимад̣̇д̣̇анавасзнуббаад̣̇анад̇т̇зна д̣̇ал̣хам̣ ааяаасанадтзна убааяаасо. зд̇т̇а жа анзгаваарам̣ бавад̇д̇ид̇ваа сад̇д̇з аж̇жход̇т̇арид̇ваа сийсам̣ угкибид̇ум̣ ад̣̇ад̇ваа анаяаб̣яасананибпаад̣̇анзна год̇хуубааяаасасса уумисад̣̇исад̇аа д̣̇адтаб̣б̣аа. д̇ат̇аа гаамаг̇ун̣аа гилзсаабхибхууд̇з сад̇д̇з маанз вияа руубаад̣̇ивисаяасан̇каад̇з ад̇д̇ани сам̣саарзд̇ваа яат̇аа д̇ад̇о б̣ахибхууд̇з нзгкаммз жид̇д̇амби на уббаж̇ж̇ад̇и, звам̣ ааваддзд̇ваа б̣яасанаабаад̣̇анзна ааваддасад̣̇исад̇аа д̣̇адтаб̣б̣аа. яад̣̇аа бана г̇аахарагкасо аарагкарахид̇ам̣ ад̇д̇ано г̇ожарабхуумиг̇ад̇ам̣ бурисам̣ абхибхуяяа г̇ахзд̇ваа аг̇ожарз тид̇амби г̇ожарам̣ нзд̇ваа бхзраваруубад̣̇ассанаад̣̇инаа ад̇д̇ано убаггамам̣ гаад̇ум̣ асамад̇т̇ам̣ гад̇ваа анваависид̇ваа ван̣н̣аб̣алабхог̇аааяусукзхи вияож̇зд̇ваа маханд̇ам̣ анаяаб̣яасанам̣ аабаад̣̇зд̇и, звам̣ маад̇уг̇аамоби яонисоманасигаарарахид̇ам̣ авийрабурисам̣ ад̇д̇ано руубаад̣̇ийхи балобханавасзна абхибхуяяа г̇ахзд̇ваа ваа вийраж̇аад̇ияамби ид̇т̇игуд̇д̇абхууд̇зхи ад̇д̇ано хаавабхаававилаасзхи ид̇т̇имааяааяа анваависид̇ваа ваа авасам̣ ад̇д̇ано убагаарад̇хаммз сийлаад̣̇аяо самбаад̣̇зд̇ум̣ асамад̇т̇ам̣ гаронд̇о г̇ун̣аван̣н̣аад̣̇ийхи вияож̇зд̇ваа маханд̇ам̣ анаяаб̣яасанам̣ аабаад̣̇зд̇и, звам̣ маад̇уг̇аамасса г̇аахарагкасасад̣̇исад̇аа д̣̇адтаб̣б̣аа. уумибхаяанд̇и лагкан̣аважанам̣ . яат̇аа хи ууми бхааяид̇аб̣б̣адтзна бхаяам̣, звам̣ ааваддаг̇аахарагкасаабийд̇и уумиаад̣̇ибхаязна сабхаяанд̇и ад̇т̇о взд̣̇ид̇аб̣б̣о. анд̇ам̣ авасаанам̣ г̇ад̇о, звам̣ баарам̣ ниб̣б̣аанам̣ г̇ад̇од̇и вужжад̇и.
Ūmibhayanti ettha bhāyati etasmāti bhayaṃ, ūmīva bhayaṃ ūmibhayaṃ. Kujjhanaṭṭhena kodho. Sveva cittassa ca abhimaddanavasenuppādanatthena daḷhaṃ āyāsanaṭṭhena upāyāso. Ettha ca anekavāraṃ pavattitvā satte ajjhottharitvā sīsaṃ ukkhipituṃ adatvā anayabyasananipphādanena kodhūpāyāsassa ūmisadisatā daṭṭhabbā. Tathā kāmaguṇā kilesābhibhūte satte māne viya rūpādivisayasaṅkhāte attani saṃsāretvā yathā tato bahibhūte nekkhamme cittampi na uppajjati, evaṃ āvaṭṭetvā byasanāpādanena āvaṭṭasadisatā daṭṭhabbā. Yadā pana gāharakkhaso ārakkharahitaṃ attano gocarabhūmigataṃ purisaṃ abhibhuyya gahetvā agocare ṭhitampi gocaraṃ netvā bheravarūpadassanādinā attano upakkamaṃ kātuṃ asamatthaṃ katvā anvāvisitvā vaṇṇabalabhogaāyusukhehi viyojetvā mahantaṃ anayabyasanaṃ āpādeti, evaṃ mātugāmopi yonisomanasikārarahitaṃ avīrapurisaṃ attano rūpādīhi palobhanavasena abhibhuyya gahetvā vā vīrajātiyampi itthikuttabhūtehi attano hāvabhāvavilāsehi itthimāyāya anvāvisitvā vā avasaṃ attano upakāradhamme sīlādayo sampādetuṃ asamatthaṃ karonto guṇavaṇṇādīhi viyojetvā mahantaṃ anayabyasanaṃ āpādeti, evaṃ mātugāmassa gāharakkhasasadisatā daṭṭhabbā. Ūmibhayanti lakkhaṇavacanaṃ . Yathā hi ūmi bhāyitabbaṭṭhena bhayaṃ, evaṃ āvaṭṭagāharakkhasāpīti ūmiādibhayena sabhayanti attho veditabbo. Antaṃ avasānaṃ gato, evaṃ pāraṃ nibbānaṃ gatoti vuccati.
батамасамуд̣̇д̣̇асуд̇д̇аван̣н̣анаа нидтид̇аа.
Paṭhamasamuddasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. батамасамуд̣̇д̣̇асуд̇д̇ам̣ • 1. Paṭhamasamuddasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. батамасамуд̣̇д̣̇асуд̇д̇аван̣н̣анаа • 1. Paṭhamasamuddasuttavaṇṇanā
