| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
9. батамасамуг̇гхаад̇асаббааяасуд̇д̇ам̣
9. Paṭhamasamugghātasappāyasuttaṃ
31. ‘‘саб̣б̣аман̃н̃ид̇асамуг̇гхаад̇асаббааяам̣ во, бхигкавз, бадибад̣̇ам̣ д̣̇зсзссаами. д̇ам̣ сун̣аат̇а. гад̇амаа жа саа, бхигкавз, саб̣б̣аман̃н̃ид̇асамуг̇гхаад̇асаббааяаа бадибад̣̇аа? ид̇ха, бхигкавз, бхигку жагкум̣ на ман̃н̃ад̇и, жагкусмим̣ на ман̃н̃ад̇и, жагкуд̇о на ман̃н̃ад̇и, жагкум̣ мзд̇и на ман̃н̃ад̇и. руубз на ман̃н̃ад̇и…бз… жагкувин̃н̃аан̣ам̣ на ман̃н̃ад̇и, жагкусампассам̣ на ман̃н̃ад̇и, яамбид̣̇ам̣ жагкусампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби на ман̃н̃ад̇и, д̇асмимби на ман̃н̃ад̇и, д̇ад̇оби на ман̃н̃ад̇и, д̇ам̣ мзд̇и на ман̃н̃ад̇и. яан̃хи, бхигкавз, ман̃н̃ад̇и, яасмим̣ ман̃н̃ад̇и, яад̇о ман̃н̃ад̇и, яам̣ мзд̇и ман̃н̃ад̇и, д̇ад̇о д̇ам̣ ход̇и ан̃н̃ат̇аа. ан̃н̃ат̇аабхаавий бхавасад̇д̇о лого бхавамзваабхинанд̣̇ад̇и…бз… ж̇ивхам̣ на ман̃н̃ад̇и, ж̇ивхааяа на ман̃н̃ад̇и, ж̇ивхаад̇о на ман̃н̃ад̇и, ж̇ивхаа мзд̇и на ман̃н̃ад̇и. расз на ман̃н̃ад̇и…бз… ж̇ивхаавин̃н̃аан̣ам̣ на ман̃н̃ад̇и, ж̇ивхаасампассам̣ на ман̃н̃ад̇и. яамбид̣̇ам̣ ж̇ивхаасампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби на ман̃н̃ад̇и, д̇асмимби на ман̃н̃ад̇и, д̇ад̇оби на ман̃н̃ад̇и, д̇ам̣ мзд̇и на ман̃н̃ад̇и. яан̃хи, бхигкавз, ман̃н̃ад̇и, яасмим̣ ман̃н̃ад̇и, яад̇о ман̃н̃ад̇и, яам̣ мзд̇и ман̃н̃ад̇и, д̇ад̇о д̇ам̣ ход̇и ан̃н̃ат̇аа. ан̃н̃ат̇аабхаавий бхавасад̇д̇о лого бхавамзваабхинанд̣̇ад̇и…бз… манам̣ на ман̃н̃ад̇и, манасмим̣ на ман̃н̃ад̇и, манад̇о на ман̃н̃ад̇и, мано мзд̇и на ман̃н̃ад̇и. д̇хаммз на ман̃н̃ад̇и…бз… мановин̃н̃аан̣ам̣ на ман̃н̃ад̇и, маносампассам̣ на ман̃н̃ад̇и. яамбид̣̇ам̣ маносампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби на ман̃н̃ад̇и, д̇асмимби на ман̃н̃ад̇и, д̇ад̇оби на ман̃н̃ад̇и, д̇ам̣ мзд̇и на ман̃н̃ад̇и. яан̃хи, бхигкавз, ман̃н̃ад̇и, яасмим̣ ман̃н̃ад̇и, яад̇о ман̃н̃ад̇и, яам̣ мзд̇и ман̃н̃ад̇и, д̇ад̇о д̇ам̣ ход̇и ан̃н̃ат̇аа. ан̃н̃ат̇аабхаавий бхавасад̇д̇о лого бхавамзваабхинанд̣̇ад̇и. яаавад̇аа, бхигкавз, канд̇хад̇хаад̇уааяад̇анам̣ д̇амби на ман̃н̃ад̇и, д̇асмимби на ман̃н̃ад̇и, д̇ад̇оби на ман̃н̃ад̇и, д̇ам̣ мзд̇и на ман̃н̃ад̇и. со звам̣ аман̃н̃амаано на жа гин̃жи логз убаад̣̇ияад̇и. анубаад̣̇ияам̣ на барид̇ассад̇и. абарид̇ассам̣ бажжад̇д̇ан̃н̃зва бариниб̣б̣ааяад̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇и . аяам̣ ко саа, бхигкавз, саб̣б̣аман̃н̃ид̇асамуг̇гхаад̇асаббааяаа бадибад̣̇аа’’д̇и. навамам̣.
31. ‘‘Sabbamaññitasamugghātasappāyaṃ vo, bhikkhave, paṭipadaṃ desessāmi. Taṃ suṇātha. Katamā ca sā, bhikkhave, sabbamaññitasamugghātasappāyā paṭipadā? Idha, bhikkhave, bhikkhu cakkhuṃ na maññati, cakkhusmiṃ na maññati, cakkhuto na maññati, cakkhuṃ meti na maññati. Rūpe na maññati…pe… cakkhuviññāṇaṃ na maññati, cakkhusamphassaṃ na maññati, yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi na maññati, tasmimpi na maññati, tatopi na maññati, taṃ meti na maññati. Yañhi, bhikkhave, maññati, yasmiṃ maññati, yato maññati, yaṃ meti maññati, tato taṃ hoti aññathā. Aññathābhāvī bhavasatto loko bhavamevābhinandati…pe… jivhaṃ na maññati, jivhāya na maññati, jivhāto na maññati, jivhā meti na maññati. Rase na maññati…pe… jivhāviññāṇaṃ na maññati, jivhāsamphassaṃ na maññati. Yampidaṃ jivhāsamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi na maññati, tasmimpi na maññati, tatopi na maññati, taṃ meti na maññati. Yañhi, bhikkhave, maññati, yasmiṃ maññati, yato maññati, yaṃ meti maññati, tato taṃ hoti aññathā. Aññathābhāvī bhavasatto loko bhavamevābhinandati…pe… manaṃ na maññati, manasmiṃ na maññati, manato na maññati, mano meti na maññati. Dhamme na maññati…pe… manoviññāṇaṃ na maññati, manosamphassaṃ na maññati. Yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi na maññati, tasmimpi na maññati, tatopi na maññati, taṃ meti na maññati. Yañhi, bhikkhave, maññati, yasmiṃ maññati, yato maññati, yaṃ meti maññati, tato taṃ hoti aññathā. Aññathābhāvī bhavasatto loko bhavamevābhinandati. Yāvatā, bhikkhave, khandhadhātuāyatanaṃ tampi na maññati, tasmimpi na maññati, tatopi na maññati, taṃ meti na maññati. So evaṃ amaññamāno na ca kiñci loke upādiyati. Anupādiyaṃ na paritassati. Aparitassaṃ paccattaññeva parinibbāyati. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti . Ayaṃ kho sā, bhikkhave, sabbamaññitasamugghātasappāyā paṭipadā’’ti. Navamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. батамасамуг̇гхаад̇асаббааяасуд̇д̇аван̣н̣анаа • 9. Paṭhamasamugghātasappāyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. батамасамуг̇гхаад̇асаббааяасуд̇д̇аван̣н̣анаа • 9. Paṭhamasamugghātasappāyasuttavaṇṇanā
