| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৯. পঠমসমুগ্ঘাতসপ্পাযসুত্তৰণ্ণনা
9. Paṭhamasamugghātasappāyasuttavaṇṇanā
৩১. উপকারভূতা তদাৰহত্তা। ততোতি মঞ্ঞিতাকারতো। তন্তি মঞ্ঞনাৰত্থুং। অঞ্ঞেনাকারেনাতি যথা মঞ্ঞতি অনিচ্চাদিআকারতো, অঞ্ঞেন অনিচ্চাদিনা আকারেন হোতি। অঞ্ঞথাভাৰং ৰিপরিণামন্তি উপ্পাদৰযতায অঞ্ঞথাভাৰং জরায মরণেন চ দ্ৰেধা ৰিপরিণামেতব্বং। তং উপগমনেন অঞ্ঞথাভাৰী, এৰংভূতো হুত্ৰাপি জীরণভিজ্জনসভাৰেসু। ভৰেসু সত্তো লোকো উপরিপি ভৰংযেৰ অভিনন্দতি। হেট্ঠা গহিতমেৰ সঙ্কড্ঢিত্ৰাতি ‘‘চক্খুং ন মঞ্ঞতী’’তিআদিনা হেট্ঠা গহিতমেৰ খন্ধধাতুআযতনাতি খন্ধাদিপরিযাযেন একতো গহেত্ৰা পুনপি মঞ্ঞনাৰত্থুং দস্সেতি। অৰসানে ‘‘ততো তং হোতী’’তি ৰুত্তপদেন সদ্ধিং সব্বৰারেসু অট্ঠ অট্ঠ হোন্তীতি ‘‘অট্ঠচত্তালীসায ঠানেসূ’’তি ৰুত্তং।
31.Upakārabhūtā tadāvahattā. Tatoti maññitākārato. Tanti maññanāvatthuṃ. Aññenākārenāti yathā maññati aniccādiākārato, aññena aniccādinā ākārena hoti. Aññathābhāvaṃ vipariṇāmanti uppādavayatāya aññathābhāvaṃ jarāya maraṇena ca dvedhā vipariṇāmetabbaṃ. Taṃ upagamanena aññathābhāvī, evaṃbhūto hutvāpi jīraṇabhijjanasabhāvesu. Bhavesu satto loko uparipi bhavaṃyeva abhinandati. Heṭṭhā gahitameva saṅkaḍḍhitvāti ‘‘cakkhuṃ na maññatī’’tiādinā heṭṭhā gahitameva khandhadhātuāyatanāti khandhādipariyāyena ekato gahetvā punapi maññanāvatthuṃ dasseti. Avasāne ‘‘tato taṃ hotī’’ti vuttapadena saddhiṃ sabbavāresu aṭṭha aṭṭha hontīti ‘‘aṭṭhacattālīsāya ṭhānesū’’ti vuttaṃ.
পঠমসমুগ্ঘাতসপ্পাযসুত্তৰণ্ণনা নিট্ঠিতা।
Paṭhamasamugghātasappāyasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৯. পঠমসমুগ্ঘাতসপ্পাযসুত্তং • 9. Paṭhamasamugghātasappāyasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৯. পঠমসমুগ্ঘাতসপ্পাযসুত্তৰণ্ণনা • 9. Paṭhamasamugghātasappāyasuttavaṇṇanā
