| Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā) |
९. पठमसमुग्घातसप्पायसुत्तवण्णना
9. Paṭhamasamugghātasappāyasuttavaṇṇanā
३१. नवमे समुग्घातसप्पायाति समुग्घातस्स उपकारभूता। ततो तं होति अञ्ञथाति ततो तं अञ्ञेनाकारेन होति। अञ्ञथाभावी भवसत्तो लोको भवमेवाभिनन्दतीति अञ्ञथाभावं विपरिणामं उपगमनेन अञ्ञथाभावी हुत्वापि भवेसु सत्तो लग्गो लगितो पलिबुद्धो अयं लोको भवंयेव अभिनन्दति। यावता, भिक्खवे, खन्धधातुआयतनन्ति, भिक्खवे, यत्तकं इदं खन्धा च धातुयो च आयतनानि चाति खन्धधातुआयतनं। तम्पि न मञ्ञतीति सब्बम्पि न मञ्ञतीति हेट्ठा गहितमेव संकड्ढित्वा पुन दस्सेति। इमस्मिं सुत्ते अट्ठचत्तालीसाय ठानेसु अरहत्तं पापेत्वा विपस्सना कथिता।
31. Navame samugghātasappāyāti samugghātassa upakārabhūtā. Tato taṃ hoti aññathāti tato taṃ aññenākārena hoti. Aññathābhāvī bhavasatto loko bhavamevābhinandatīti aññathābhāvaṃ vipariṇāmaṃ upagamanena aññathābhāvī hutvāpi bhavesu satto laggo lagito palibuddho ayaṃ loko bhavaṃyeva abhinandati. Yāvatā, bhikkhave, khandhadhātuāyatananti, bhikkhave, yattakaṃ idaṃ khandhā ca dhātuyo ca āyatanāni cāti khandhadhātuāyatanaṃ. Tampi na maññatīti sabbampi na maññatīti heṭṭhā gahitameva saṃkaḍḍhitvā puna dasseti. Imasmiṃ sutte aṭṭhacattālīsāya ṭhānesu arahattaṃ pāpetvā vipassanā kathitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ९. पठमसमुग्घातसप्पायसुत्तं • 9. Paṭhamasamugghātasappāyasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ९. पठमसमुग्घातसप्पायसुत्तवण्णना • 9. Paṭhamasamugghātasappāyasuttavaṇṇanā
