| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๙. ปฐมสมุคฺฆาตสปฺปายสุตฺตวณฺณนา
9. Paṭhamasamugghātasappāyasuttavaṇṇanā
๓๑. นวเม สมุคฺฆาตสปฺปายาติ สมุคฺฆาตสฺส อุปการภูตาฯ ตโต ตํ โหติ อญฺญถาติ ตโต ตํ อเญฺญนากาเรน โหติฯ อญฺญถาภาวี ภวสโตฺต โลโก ภวเมวาภินนฺทตีติ อญฺญถาภาวํ วิปริณามํ อุปคมเนน อญฺญถาภาวี หุตฺวาปิ ภเวสุ สโตฺต ลโคฺค ลคิโต ปลิพุโทฺธ อยํ โลโก ภวํเยว อภินนฺทติฯ ยาวตา, ภิกฺขเว, ขนฺธธาตุอายตนนฺติ, ภิกฺขเว, ยตฺตกํ อิทํ ขนฺธา จ ธาตุโย จ อายตนานิ จาติ ขนฺธธาตุอายตนํฯ ตมฺปิ น มญฺญตีติ สพฺพมฺปิ น มญฺญตีติ เหฎฺฐา คหิตเมว สํกฑฺฒิตฺวา ปุน ทเสฺสติฯ อิมสฺมิํ สุเตฺต อฎฺฐจตฺตาลีสาย ฐาเนสุ อรหตฺตํ ปาเปตฺวา วิปสฺสนา กถิตาฯ
31. Navame samugghātasappāyāti samugghātassa upakārabhūtā. Tato taṃ hoti aññathāti tato taṃ aññenākārena hoti. Aññathābhāvī bhavasatto loko bhavamevābhinandatīti aññathābhāvaṃ vipariṇāmaṃ upagamanena aññathābhāvī hutvāpi bhavesu satto laggo lagito palibuddho ayaṃ loko bhavaṃyeva abhinandati. Yāvatā, bhikkhave, khandhadhātuāyatananti, bhikkhave, yattakaṃ idaṃ khandhā ca dhātuyo ca āyatanāni cāti khandhadhātuāyatanaṃ. Tampi na maññatīti sabbampi na maññatīti heṭṭhā gahitameva saṃkaḍḍhitvā puna dasseti. Imasmiṃ sutte aṭṭhacattālīsāya ṭhānesu arahattaṃ pāpetvā vipassanā kathitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๙. ปฐมสมุคฺฆาตสปฺปายสุตฺตํ • 9. Paṭhamasamugghātasappāyasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๙. ปฐมสมุคฺฆาตสปฺปายสุตฺตวณฺณนา • 9. Paṭhamasamugghātasappāyasuttavaṇṇanā
