| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๙. ปฐมสมุคฺฆาตสปฺปายสุตฺตวณฺณนา
9. Paṭhamasamugghātasappāyasuttavaṇṇanā
๓๑. อุปการภูตา ตทาวหตฺตาฯ ตโตติ มญฺญิตาการโตฯ ตนฺติ มญฺญนาวตฺถุํฯ อเญฺญนากาเรนาติ ยถา มญฺญติ อนิจฺจาทิอาการโต, อเญฺญน อนิจฺจาทินา อากาเรน โหติฯ อญฺญถาภาวํ วิปริณามนฺติ อุปฺปาทวยตาย อญฺญถาภาวํ ชราย มรเณน จ เทฺวธา วิปริณาเมตพฺพํฯ ตํ อุปคมเนน อญฺญถาภาวี, เอวํภูโต หุตฺวาปิ ชีรณภิชฺชนสภาเวสุฯ ภเวสุ สโตฺต โลโก อุปริปิ ภวํเยว อภินนฺทติฯ เหฎฺฐา คหิตเมว สงฺกฑฺฒิตฺวาติ ‘‘จกฺขุํ น มญฺญตี’’ติอาทินา เหฎฺฐา คหิตเมว ขนฺธธาตุอายตนาติ ขนฺธาทิปริยาเยน เอกโต คเหตฺวา ปุนปิ มญฺญนาวตฺถุํ ทเสฺสติฯ อวสาเน ‘‘ตโต ตํ โหตี’’ติ วุตฺตปเทน สทฺธิํ สพฺพวาเรสุ อฎฺฐ อฎฺฐ โหนฺตีติ ‘‘อฎฺฐจตฺตาลีสาย ฐาเนสู’’ติ วุตฺตํฯ
31.Upakārabhūtā tadāvahattā. Tatoti maññitākārato. Tanti maññanāvatthuṃ. Aññenākārenāti yathā maññati aniccādiākārato, aññena aniccādinā ākārena hoti. Aññathābhāvaṃ vipariṇāmanti uppādavayatāya aññathābhāvaṃ jarāya maraṇena ca dvedhā vipariṇāmetabbaṃ. Taṃ upagamanena aññathābhāvī, evaṃbhūto hutvāpi jīraṇabhijjanasabhāvesu. Bhavesu satto loko uparipi bhavaṃyeva abhinandati. Heṭṭhā gahitameva saṅkaḍḍhitvāti ‘‘cakkhuṃ na maññatī’’tiādinā heṭṭhā gahitameva khandhadhātuāyatanāti khandhādipariyāyena ekato gahetvā punapi maññanāvatthuṃ dasseti. Avasāne ‘‘tato taṃ hotī’’ti vuttapadena saddhiṃ sabbavāresu aṭṭha aṭṭha hontīti ‘‘aṭṭhacattālīsāya ṭhānesū’’ti vuttaṃ.
ปฐมสมุคฺฆาตสปฺปายสุตฺตวณฺณนา นิฎฺฐิตาฯ
Paṭhamasamugghātasappāyasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๙. ปฐมสมุคฺฆาตสปฺปายสุตฺตํ • 9. Paṭhamasamugghātasappāyasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๙. ปฐมสมุคฺฆาตสปฺปายสุตฺตวณฺณนา • 9. Paṭhamasamugghātasappāyasuttavaṇṇanā
