| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
3-4. батамасам̣ваасасуд̇д̇аад̣̇иван̣н̣анаа
3-4. Paṭhamasaṃvāsasuttādivaṇṇanā
53-54. д̇ад̇ияз яат̇аагаммам̣ д̇аа д̇аа г̇ад̇ияо аранд̇и убаг̇ажчанд̇ийд̇и арияаа, сад̇д̇аа. имз бана гужчид̇аа арияаад̇и гад̣̇арияаа. т̇ад̣̇д̇хамажчарино, т̇ад̣̇д̇хзна мажчарзна саманнааг̇ад̇аад̇и ад̇т̇о. т̇ад̣̇д̇хамажчарияасад̣̇исан̃хи гужчид̇ам̣ саб̣б̣ад̣̇аа нихийнам̣ над̇т̇и саб̣б̣аг̇ун̣аанам̣ аад̣̇ибхууд̇асса бхог̇асамбад̇д̇иаад̣̇исаб̣б̣асамбад̇д̇ийнам̣ муулабхууд̇асса д̣̇аанасса нисзд̇ханад̇о. д̇знааха ‘‘гад̣̇арияаад̇и т̇ад̣̇д̇хамажчарино’’д̇и. згажжо хи ад̇д̇ано васанадтаанз бхигкуу хад̇т̇ам̣ басаарзд̇вааби на ванд̣̇ад̇и. ан̃н̃ад̇т̇а г̇ад̇о вихаарам̣ бависид̇ваа саггажжам̣ ванд̣̇ид̇ваа мад̇хураббадисант̇аарам̣ гарод̇и ‘‘гим̣, бханд̇з, амхаагам̣ васанадтаанам̣ нааг̇ажчат̇а, самбанно бад̣̇зсо, бадиб̣алаахам̣ аяяаанам̣ яааг̇убхад̇д̇аад̣̇ийхи убадтаанам̣ гаад̇у’’нд̇и. бхигку ‘‘сад̣̇д̇хо аяам̣ убаасаго’’д̇и яааг̇убхад̇д̇аад̣̇ийхи сан̇г̇ан̣хаад̇и.
53-54. Tatiye yathākammaṃ tā tā gatiyo aranti upagacchantīti ariyā, sattā. Ime pana kucchitā ariyāti kadariyā. Thaddhamaccharino, thaddhena maccharena samannāgatāti attho. Thaddhamacchariyasadisañhi kucchitaṃ sabbadā nihīnaṃ natthi sabbaguṇānaṃ ādibhūtassa bhogasampattiādisabbasampattīnaṃ mūlabhūtassa dānassa nisedhanato. Tenāha ‘‘kadariyāti thaddhamaccharino’’ti. Ekacco hi attano vasanaṭṭhāne bhikkhū hatthaṃ pasāretvāpi na vandati. Aññattha gato vihāraṃ pavisitvā sakkaccaṃ vanditvā madhurappaṭisanthāraṃ karoti ‘‘kiṃ, bhante, amhākaṃ vasanaṭṭhānaṃ nāgacchatha, sampanno padeso, paṭibalāhaṃ ayyānaṃ yāgubhattādīhi upaṭṭhānaṃ kātu’’nti. Bhikkhu ‘‘saddho ayaṃ upāsako’’ti yāgubhattādīhi saṅgaṇhāti.
ат̇зго т̇зро д̇асса г̇аамам̣ г̇анд̇ваа бин̣д̣ааяа жарад̇и. со д̇ам̣ д̣̇исваа ан̃н̃зна ваа г̇ажчад̇и, гхарам̣ ваа бависад̇и. сажзби саммукийбхаавам̣ ааг̇ажчад̇и, хад̇т̇зна ванд̣̇ид̇ваа ‘‘аяяасса бхигкам̣ д̣̇зт̇а, ахам̣ згзна гаммзна г̇ажчаамий’’д̇и баггамад̇и. т̇зро сагалаг̇аамам̣ жарид̇ваа д̇ужчабад̇д̇ова нигкамад̇и. ид̣̇ам̣ д̇аава муд̣̇умажчарияам̣ наама. язна ад̣̇ааяагоби д̣̇ааяаго вияа бан̃н̃ааяад̇и. ид̇ха бана т̇ад̣̇д̇хамажчарияам̣ ад̇хиббзд̇ам̣. язна саманнааг̇ад̇о бхигкуусу бин̣д̣ааяа бавидтзсу ‘‘т̇зраа тид̇аа’’д̇и вуд̇д̇з ‘‘гим̣ маяхам̣ баад̣̇аа руж̇ж̇анд̇ий’’д̇иаад̣̇ийни вад̇ваа силаат̇амбхо вияа каан̣уго вияа жа т̇ад̣̇д̇хо худ̇ваа д̇идтад̇и, саамийжимби на гарод̇и, гуд̇о д̣̇аанам̣. аяамид̇ха ад̇хиббзд̇о. д̇зна вуд̇д̇ам̣ ‘‘т̇ад̣̇д̇хамажчаринод̇и т̇ад̣̇д̇хзна мажчарзна саманнааг̇ад̇аад̇и ад̇т̇о’’д̇и. мажчарам̣ мажчзрам̣ мажчарияанд̇и ад̇т̇ад̇о згам̣.
Atheko thero tassa gāmaṃ gantvā piṇḍāya carati. So taṃ disvā aññena vā gacchati, gharaṃ vā pavisati. Sacepi sammukhībhāvaṃ āgacchati, hatthena vanditvā ‘‘ayyassa bhikkhaṃ detha, ahaṃ ekena kammena gacchāmī’’ti pakkamati. Thero sakalagāmaṃ caritvā tucchapattova nikkhamati. Idaṃ tāva mudumacchariyaṃ nāma. Yena adāyakopi dāyako viya paññāyati. Idha pana thaddhamacchariyaṃ adhippetaṃ. Yena samannāgato bhikkhūsu piṇḍāya paviṭṭhesu ‘‘therā ṭhitā’’ti vutte ‘‘kiṃ mayhaṃ pādā rujjantī’’tiādīni vatvā silāthambho viya khāṇuko viya ca thaddho hutvā tiṭṭhati, sāmīcimpi na karoti, kuto dānaṃ. Ayamidha adhippeto. Tena vuttaṃ ‘‘thaddhamaccharinoti thaddhena maccharena samannāgatāti attho’’ti. Maccharaṃ maccheraṃ macchariyanti atthato ekaṃ.
барибхаасагаад̇и бхигкуу гхарад̣̇ваарз тид̇з д̣̇исваа ‘‘гим̣ д̇умхз гасид̇ваа ааг̇ад̇аа вабид̇ваа лааяид̇ваа, маяам̣ ад̇д̇аноби на лабхаама, гуд̇о д̇умхаагам̣, сийгхам̣ нигкамат̇аа’’д̇иаад̣̇ийхи санд̇аж̇ж̇агаа. яаажагаанам̣ важанасса ад̇т̇ам̣ ж̇аананд̇ийд̇и зд̇т̇а гин̃жааби бхигкуу гхарад̣̇ваарз тид̇аа д̇ун̣хий хонд̇и, ад̇т̇ад̇о бана ‘‘бхигкам̣ д̣̇зт̇аа’’д̇и вад̣̇анд̇и наама арияааяа яаажанааяа. вуд̇д̇ан̃хзд̇ам̣ ‘‘уд̣̇д̣̇исса арияаа д̇идтанд̇и, зсаа арияаана яаажанаа’’д̇и (ми. ба. 4.5.9). д̇ад̇ра яз ‘‘маяам̣ бажаама, имз на бажанд̇и, бажамаанз бад̇ваа алабханд̇аа гухим̣ лабхиссад̇ий’’д̇и д̣̇зяяад̇хаммам̣ сам̣вибхаж̇анд̇и, д̇з вад̣̇ан̃н̃уу яаажагаанам̣ важанасса ад̇т̇ам̣ ж̇аананд̇и наама н̃ад̇ваа гад̇д̇аб̣б̣агаран̣ад̇о. жад̇уд̇т̇ам̣ уд̇д̇аанамзва.
Paribhāsakāti bhikkhū gharadvāre ṭhite disvā ‘‘kiṃ tumhe kasitvā āgatā vapitvā lāyitvā, mayaṃ attanopi na labhāma, kuto tumhākaṃ, sīghaṃ nikkhamathā’’tiādīhi santajjakā. Yācakānaṃ vacanassa atthaṃ jānantīti ettha kiñcāpi bhikkhū gharadvāre ṭhitā tuṇhī honti, atthato pana ‘‘bhikkhaṃ dethā’’ti vadanti nāma ariyāya yācanāya. Vuttañhetaṃ ‘‘uddissa ariyā tiṭṭhanti, esā ariyāna yācanā’’ti (mi. pa. 4.5.9). Tatra ye ‘‘mayaṃ pacāma, ime na pacanti, pacamāne patvā alabhantā kuhiṃ labhissatī’’ti deyyadhammaṃ saṃvibhajanti, te vadaññū yācakānaṃ vacanassa atthaṃ jānanti nāma ñatvā kattabbakaraṇato. Catutthaṃ uttānameva.
батамасам̣ваасасуд̇д̇аад̣̇иван̣н̣анаа нидтид̇аа.
Paṭhamasaṃvāsasuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
3. батамасам̣ваасасуд̇д̇ам̣ • 3. Paṭhamasaṃvāsasuttaṃ
4. д̣̇уд̇ияасам̣ваасасуд̇д̇ам̣ • 4. Dutiyasaṃvāsasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
3. батамасам̣ваасасуд̇д̇аван̣н̣анаа • 3. Paṭhamasaṃvāsasuttavaṇṇanā
4. д̣̇уд̇ияасам̣ваасасуд̇д̇аван̣н̣анаа • 4. Dutiyasaṃvāsasuttavaṇṇanā
