Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

    3. батамасам̣ваасасуд̇д̇ам̣

    3. Paṭhamasaṃvāsasuttaṃ

    53. згам̣ самаяам̣ бхаг̇аваа анд̇араа жа мад̇хурам̣ анд̇араа жа взран̃ж̇ам̣ ад̣̇д̇хаанамаг̇г̇аббадибанно ход̇и. самб̣ахулааби ко г̇ахабад̇ий жа г̇ахабад̇аанияо жа анд̇араа жа мад̇хурам̣ анд̇араа жа взран̃ж̇ам̣ ад̣̇д̇хаанамаг̇г̇аббадибаннаа хонд̇и. ат̇а ко бхаг̇аваа маг̇г̇аа оггамма ан̃н̃ад̇арасмим̣ ругкамуулз ( ) 1 нисийд̣̇и. ад̣̇д̣̇асам̣су ко г̇ахабад̇ий жа г̇ахабад̇аанияо жа бхаг̇аванд̇ам̣ ан̃н̃ад̇арасмим̣ ругкамуулз нисиннам̣. д̣̇исваа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннз ко д̇з г̇ахабад̇ий жа г̇ахабад̇аанияо жа бхаг̇аваа зд̇ад̣̇авожа –

    53. Ekaṃ samayaṃ bhagavā antarā ca madhuraṃ antarā ca verañjaṃ addhānamaggappaṭipanno hoti. Sambahulāpi kho gahapatī ca gahapatāniyo ca antarā ca madhuraṃ antarā ca verañjaṃ addhānamaggappaṭipannā honti. Atha kho bhagavā maggā okkamma aññatarasmiṃ rukkhamūle ( ) 2 nisīdi. Addasaṃsu kho gahapatī ca gahapatāniyo ca bhagavantaṃ aññatarasmiṃ rukkhamūle nisinnaṃ. Disvā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinne kho te gahapatī ca gahapatāniyo ca bhagavā etadavoca –

    ‘‘жад̇д̇ааромз, г̇ахабад̇аяо, сам̣ваасаа. гад̇амз жад̇д̇ааро? чаво чавааяа сад̣̇д̇хим̣ сам̣васад̇и, чаво д̣̇звияаа сад̣̇д̇хим̣ сам̣васад̇и, д̣̇зво чавааяа сад̣̇д̇хим̣ сам̣васад̇и, д̣̇зво д̣̇звияаа сад̣̇д̇хим̣ сам̣васад̇и.

    ‘‘Cattārome, gahapatayo, saṃvāsā. Katame cattāro? Chavo chavāya saddhiṃ saṃvasati, chavo deviyā saddhiṃ saṃvasati, devo chavāya saddhiṃ saṃvasati, devo deviyā saddhiṃ saṃvasati.

    ‘‘гат̇ан̃жа, г̇ахабад̇аяо, чаво чавааяа сад̣̇д̇хим̣ сам̣васад̇и? ид̇ха , г̇ахабад̇аяо, саамиго ход̇и баан̣аад̇ибаад̇ий ад̣̇иннаад̣̇ааяий гаамзсумижчаажаарий мусааваад̣̇ий сураамзраяамаж̇ж̇абамаад̣̇адтааяий д̣̇уссийло баабад̇хаммо мажчзрамалабарияудтид̇зна жзд̇асаа аг̇аарам̣ аж̇жхаавасад̇и аггосагабарибхаасаго саман̣аб̣раахман̣аанам̣ ; бхарияаабисса ход̇и баан̣аад̇ибаад̇иний ад̣̇иннаад̣̇ааяиний гаамзсумижчаажаариний мусааваад̣̇иний сураамзраяамаж̇ж̇абамаад̣̇адтааяиний д̣̇уссийлаа баабад̇хаммаа мажчзрамалабарияудтид̇зна жзд̇асаа аг̇аарам̣ аж̇жхаавасад̇и аггосигабарибхаасигаа саман̣аб̣раахман̣аанам̣. звам̣ ко, г̇ахабад̇аяо, чаво чавааяа сад̣̇д̇хим̣ сам̣васад̇и.

    ‘‘Kathañca, gahapatayo, chavo chavāya saddhiṃ saṃvasati? Idha , gahapatayo, sāmiko hoti pāṇātipātī adinnādāyī kāmesumicchācārī musāvādī surāmerayamajjapamādaṭṭhāyī dussīlo pāpadhammo maccheramalapariyuṭṭhitena cetasā agāraṃ ajjhāvasati akkosakaparibhāsako samaṇabrāhmaṇānaṃ ; bhariyāpissa hoti pāṇātipātinī adinnādāyinī kāmesumicchācārinī musāvādinī surāmerayamajjapamādaṭṭhāyinī dussīlā pāpadhammā maccheramalapariyuṭṭhitena cetasā agāraṃ ajjhāvasati akkosikaparibhāsikā samaṇabrāhmaṇānaṃ. Evaṃ kho, gahapatayo, chavo chavāya saddhiṃ saṃvasati.

    ‘‘гат̇ан̃жа , г̇ахабад̇аяо, чаво д̣̇звияаа сад̣̇д̇хим̣ сам̣васад̇и? ид̇ха, г̇ахабад̇аяо, саамиго ход̇и баан̣аад̇ибаад̇ий ад̣̇иннаад̣̇ааяий гаамзсумижчаажаарий мусааваад̣̇ий сураамзраяамаж̇ж̇абамаад̣̇адтааяий д̣̇уссийло баабад̇хаммо мажчзрамалабарияудтид̇зна жзд̇асаа аг̇аарам̣ аж̇жхаавасад̇и аггосагабарибхаасаго саман̣аб̣раахман̣аанам̣; бхарияаа квасса ход̇и баан̣аад̇ибаад̇аа бадивирад̇аа ад̣̇иннаад̣̇аанаа бадивирад̇аа гаамзсумижчаажаараа бадивирад̇аа мусааваад̣̇аа бадивирад̇аа сураамзраяамаж̇ж̇абамаад̣̇адтаанаа бадивирад̇аа сийлавад̇ий галяаан̣ад̇хаммаа виг̇ад̇амаламажчзрзна жзд̇асаа аг̇аарам̣ аж̇жхаавасад̇и анаггосигабарибхаасигаа саман̣аб̣раахман̣аанам̣. звам̣ ко, г̇ахабад̇аяо, чаво д̣̇звияаа сад̣̇д̇хим̣ сам̣васад̇и.

    ‘‘Kathañca , gahapatayo, chavo deviyā saddhiṃ saṃvasati? Idha, gahapatayo, sāmiko hoti pāṇātipātī adinnādāyī kāmesumicchācārī musāvādī surāmerayamajjapamādaṭṭhāyī dussīlo pāpadhammo maccheramalapariyuṭṭhitena cetasā agāraṃ ajjhāvasati akkosakaparibhāsako samaṇabrāhmaṇānaṃ; bhariyā khvassa hoti pāṇātipātā paṭiviratā adinnādānā paṭiviratā kāmesumicchācārā paṭiviratā musāvādā paṭiviratā surāmerayamajjapamādaṭṭhānā paṭiviratā sīlavatī kalyāṇadhammā vigatamalamaccherena cetasā agāraṃ ajjhāvasati anakkosikaparibhāsikā samaṇabrāhmaṇānaṃ. Evaṃ kho, gahapatayo, chavo deviyā saddhiṃ saṃvasati.

    ‘‘гат̇ан̃жа, г̇ахабад̇аяо, д̣̇зво чавааяа сад̣̇д̇хим̣ сам̣васад̇и? ид̇ха, г̇ахабад̇аяо, саамиго ход̇и баан̣аад̇ибаад̇аа бадивирад̇о ад̣̇иннаад̣̇аанаа бадивирад̇о гаамзсумижчаажаараа бадивирад̇о мусааваад̣̇аа бадивирад̇о сураамзраяамаж̇ж̇абамаад̣̇адтаанаа бадивирад̇о сийлаваа галяаан̣ад̇хаммо виг̇ад̇амаламажчзрзна жзд̇асаа аг̇аарам̣ аж̇жхаавасад̇и анаггосагабарибхаасаго саман̣аб̣раахман̣аанам̣; бхарияаа квасса ход̇и баан̣аад̇ибаад̇иний…бз… сураамзраяамаж̇ж̇абамаад̣̇адтааяиний д̣̇уссийлаа баабад̇хаммаа мажчзрамалабарияудтид̇зна жзд̇асаа аг̇аарам̣ аж̇жхаавасад̇и аггосигабарибхаасигаа саман̣аб̣раахман̣аанам̣. звам̣ ко, г̇ахабад̇аяо, д̣̇зво чавааяа сад̣̇д̇хим̣ сам̣васад̇и.

    ‘‘Kathañca, gahapatayo, devo chavāya saddhiṃ saṃvasati? Idha, gahapatayo, sāmiko hoti pāṇātipātā paṭivirato adinnādānā paṭivirato kāmesumicchācārā paṭivirato musāvādā paṭivirato surāmerayamajjapamādaṭṭhānā paṭivirato sīlavā kalyāṇadhammo vigatamalamaccherena cetasā agāraṃ ajjhāvasati anakkosakaparibhāsako samaṇabrāhmaṇānaṃ; bhariyā khvassa hoti pāṇātipātinī…pe… surāmerayamajjapamādaṭṭhāyinī dussīlā pāpadhammā maccheramalapariyuṭṭhitena cetasā agāraṃ ajjhāvasati akkosikaparibhāsikā samaṇabrāhmaṇānaṃ. Evaṃ kho, gahapatayo, devo chavāya saddhiṃ saṃvasati.

    ‘‘гат̇ан̃жа, г̇ахабад̇аяо, д̣̇зво д̣̇звияаа сад̣̇д̇хим̣ сам̣васад̇и? ид̇ха, г̇ахабад̇аяо, саамиго ход̇и баан̣аад̇ибаад̇аа бадивирад̇о…бз… сийлаваа галяаан̣ад̇хаммо виг̇ад̇амаламажчзрзна жзд̇асаа аг̇аарам̣ аж̇жхаавасад̇и анаггосагабарибхаасаго саман̣аб̣раахман̣аанам̣; бхарияаабисса ход̇и баан̣аад̇ибаад̇аа бадивирад̇аа…бз… сураамзраяамаж̇ж̇абамаад̣̇адтаанаа бадивирад̇аа сийлавад̇ий галяаан̣ад̇хаммаа виг̇ад̇амаламажчзрзна жзд̇асаа аг̇аарам̣ аж̇жхаавасад̇и анаггосигабарибхаасигаа саман̣аб̣раахман̣аанам̣. звам̣ ко, г̇ахабад̇аяо, д̣̇зво д̣̇звияаа сад̣̇д̇хим̣ сам̣васад̇и. имз ко, г̇ахабад̇аяо, жад̇д̇ааро сам̣ваасаа’’д̇и.

    ‘‘Kathañca, gahapatayo, devo deviyā saddhiṃ saṃvasati? Idha, gahapatayo, sāmiko hoti pāṇātipātā paṭivirato…pe… sīlavā kalyāṇadhammo vigatamalamaccherena cetasā agāraṃ ajjhāvasati anakkosakaparibhāsako samaṇabrāhmaṇānaṃ; bhariyāpissa hoti pāṇātipātā paṭiviratā…pe… surāmerayamajjapamādaṭṭhānā paṭiviratā sīlavatī kalyāṇadhammā vigatamalamaccherena cetasā agāraṃ ajjhāvasati anakkosikaparibhāsikā samaṇabrāhmaṇānaṃ. Evaṃ kho, gahapatayo, devo deviyā saddhiṃ saṃvasati. Ime kho, gahapatayo, cattāro saṃvāsā’’ti.

    ‘‘убхо жа хонд̇и д̣̇уссийлаа, гад̣̇арияаа барибхаасагаа;

    ‘‘Ubho ca honti dussīlā, kadariyā paribhāsakā;

    д̇з хонд̇и ж̇аанибад̇аяо, чаваа сам̣ваасамааг̇ад̇аа.

    Te honti jānipatayo, chavā saṃvāsamāgatā.

    ‘‘саамиго ход̇и д̣̇уссийло, гад̣̇арияо барибхаасаго;

    ‘‘Sāmiko hoti dussīlo, kadariyo paribhāsako;

    бхарияаа сийлавад̇ий ход̇и, вад̣̇ан̃н̃уу вийд̇амажчараа;

    Bhariyā sīlavatī hoti, vadaññū vītamaccharā;

    сааби д̣̇звий сам̣васад̇и, чавзна бад̇инаа саха.

    Sāpi devī saṃvasati, chavena patinā saha.

    ‘‘саамиго сийлаваа ход̇и, вад̣̇ан̃н̃уу вийд̇амажчаро;

    ‘‘Sāmiko sīlavā hoti, vadaññū vītamaccharo;

    бхарияаа ход̇и д̣̇уссийлаа, гад̣̇арияаа барибхаасигаа;

    Bhariyā hoti dussīlā, kadariyā paribhāsikā;

    сааби чаваа сам̣васад̇и, д̣̇звзна бад̇инаа саха.

    Sāpi chavā saṃvasati, devena patinā saha.

    ‘‘убхо сад̣̇д̇хаа вад̣̇ан̃н̃уу жа, сан̃н̃ад̇аа д̇хаммаж̇ийвино;

    ‘‘Ubho saddhā vadaññū ca, saññatā dhammajīvino;

    д̇з хонд̇и ж̇аанибад̇аяо, ан̃н̃аман̃н̃ам̣ бияам̣вад̣̇аа.

    Te honti jānipatayo, aññamaññaṃ piyaṃvadā.

    ‘‘ад̇т̇аасам̣ бажураа хонд̇и, паасугам̣ 3 убаж̇ааяад̇и;

    ‘‘Atthāsaṃ pacurā honti, phāsukaṃ 4 upajāyati;

    амид̇д̇аа д̣̇умманаа хонд̇и, убхиннам̣ самасийлинам̣.

    Amittā dummanā honti, ubhinnaṃ samasīlinaṃ.

    ‘‘ид̇ха д̇хаммам̣ жарид̇ваана, самасийлаб̣б̣ад̇аа убхо;

    ‘‘Idha dhammaṃ caritvāna, samasīlabbatā ubho;

    нанд̣̇ино д̣̇звалогасмим̣, мод̣̇анд̇и гаамагаамино’’д̇и. д̇ад̇ияам̣;

    Nandino devalokasmiṃ, modanti kāmakāmino’’ti. tatiyaṃ;




    Next: 4. д̣̇уд̇ияасам̣ваасасуд̇д̇ам̣ • 4. Dutiyasaṃvāsasuttaṃ




    Footnotes:
    1. (бан̃н̃ад̇д̇з аасанз) (бий. га.)
    2. (paññatte āsane) (pī. ka.)
    3. паасад̇д̇ам̣ (сий.), ваасад̇т̇ам̣ (бий.)
    4. phāsattaṃ (sī.), vāsatthaṃ (pī.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. батамасам̣ваасасуд̇д̇аван̣н̣анаа • 3. Paṭhamasaṃvāsasuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3-4. батамасам̣ваасасуд̇д̇аад̣̇иван̣н̣анаа • 3-4. Paṭhamasaṃvāsasuttādivaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact