| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
3. பட²மஸங்வாஸஸுத்தவண்ணனா
3. Paṭhamasaṃvāsasuttavaṇṇanā
53. ததியே ஸம்ப³ஹுலாபி கோ² க³ஹபதீ ச க³ஹபதானியோ சாதி ப³ஹுகா க³ஹபதயோ ச க³ஹபதானியோ ச ஆவாஹவிவாஹகரணத்தா²ய க³ச்ச²ந்தா தமேவ மக்³க³ங் படிபன்னா ஹொந்தி. ஸங்வாஸாதி ஸஹவாஸா ஏகதோவாஸா. ச²வோ ச²வாயாதி கு³ணமரணேன மதத்தா ச²வோ கு³ணமரணேனேவ மதாய ச²வாய ஸத்³தி⁴ங். தே³வியா ஸத்³தி⁴ந்தி கு³ணேஹி தே³விபூ⁴தாய ஸத்³தி⁴ங். து³ஸ்ஸீலோதி நிஸ்ஸீலோ. பாபத⁴ம்மோதி லாமகத⁴ம்மோ. அக்கோஸகபரிபா⁴ஸகோதி த³ஸஹி அக்கோஸவத்தூ²ஹி அக்கோஸகோ, ப⁴யங் த³ஸ்ஸெத்வா ஸந்தஜ்ஜனேன பரிபா⁴ஸகோ. ஏவங் ஸப்³ப³த்த² அத்தோ² வேதி³தப்³போ³.
53. Tatiye sambahulāpi kho gahapatī ca gahapatāniyo cāti bahukā gahapatayo ca gahapatāniyo ca āvāhavivāhakaraṇatthāya gacchantā tameva maggaṃ paṭipannā honti. Saṃvāsāti sahavāsā ekatovāsā. Chavo chavāyāti guṇamaraṇena matattā chavo guṇamaraṇeneva matāya chavāya saddhiṃ. Deviyā saddhinti guṇehi devibhūtāya saddhiṃ. Dussīloti nissīlo. Pāpadhammoti lāmakadhammo. Akkosakaparibhāsakoti dasahi akkosavatthūhi akkosako, bhayaṃ dassetvā santajjanena paribhāsako. Evaṃ sabbattha attho veditabbo.
கத³ரியாதி த²த்³த⁴மச்ச²ரினோ. ஜானிபதயோதி ஜயம்பதிகா. வத³ஞ்ஞூதி யாசகானங் வசனஸ்ஸ அத்த²ங் ஜானந்தி. ஸஞ்ஞதாதி ஸீலஸங்யமேன ஸமன்னாக³தா. த⁴ம்மஜீவினோதி த⁴ம்மே ட²த்வா ஜீவிகங் கப்பெந்தீதி த⁴ம்மஜீவினோ. அத்தா²ஸங் பசுரா ஹொந்தீதி வட்³டி⁴ஸங்கா²தா அத்தா² ஏதேஸங் ப³ஹூ ஹொந்தி. பா²ஸுகங் உபஜாயதீதி அஞ்ஞமஞ்ஞங் பா²ஸுவிஹாரோ ஜாயதி. காமகாமினோதி காமே காமயமானா.
Kadariyāti thaddhamaccharino. Jānipatayoti jayampatikā. Vadaññūti yācakānaṃ vacanassa atthaṃ jānanti. Saññatāti sīlasaṃyamena samannāgatā. Dhammajīvinoti dhamme ṭhatvā jīvikaṃ kappentīti dhammajīvino. Atthāsaṃ pacurā hontīti vaḍḍhisaṅkhātā atthā etesaṃ bahū honti. Phāsukaṃ upajāyatīti aññamaññaṃ phāsuvihāro jāyati. Kāmakāminoti kāme kāmayamānā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 3. பட²மஸங்வாஸஸுத்தங் • 3. Paṭhamasaṃvāsasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 3-4. பட²மஸங்வாஸஸுத்தாதி³வண்ணனா • 3-4. Paṭhamasaṃvāsasuttādivaṇṇanā
