| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
3. батамасам̣ваасасуд̇д̇аван̣н̣анаа
3. Paṭhamasaṃvāsasuttavaṇṇanā
53. д̇ад̇ияз самб̣ахулааби ко г̇ахабад̇ий жа г̇ахабад̇аанияо жаад̇и б̣ахугаа г̇ахабад̇аяо жа г̇ахабад̇аанияо жа ааваахавиваахагаран̣ад̇т̇ааяа г̇ажчанд̇аа д̇амзва маг̇г̇ам̣ бадибаннаа хонд̇и. сам̣ваасаад̇и сахаваасаа згад̇оваасаа. чаво чавааяаад̇и г̇ун̣амаран̣зна мад̇ад̇д̇аа чаво г̇ун̣амаран̣знзва мад̇ааяа чавааяа сад̣̇д̇хим̣. д̣̇звияаа сад̣̇д̇хинд̇и г̇ун̣зхи д̣̇звибхууд̇ааяа сад̣̇д̇хим̣. д̣̇уссийлод̇и ниссийло. баабад̇хаммод̇и лаамагад̇хаммо. аггосагабарибхаасагод̇и д̣̇асахи аггосавад̇т̇уухи аггосаго, бхаяам̣ д̣̇ассзд̇ваа санд̇аж̇ж̇анзна барибхаасаго. звам̣ саб̣б̣ад̇т̇а ад̇т̇о взд̣̇ид̇аб̣б̣о.
53. Tatiye sambahulāpi kho gahapatī ca gahapatāniyo cāti bahukā gahapatayo ca gahapatāniyo ca āvāhavivāhakaraṇatthāya gacchantā tameva maggaṃ paṭipannā honti. Saṃvāsāti sahavāsā ekatovāsā. Chavo chavāyāti guṇamaraṇena matattā chavo guṇamaraṇeneva matāya chavāya saddhiṃ. Deviyā saddhinti guṇehi devibhūtāya saddhiṃ. Dussīloti nissīlo. Pāpadhammoti lāmakadhammo. Akkosakaparibhāsakoti dasahi akkosavatthūhi akkosako, bhayaṃ dassetvā santajjanena paribhāsako. Evaṃ sabbattha attho veditabbo.
гад̣̇арияаад̇и т̇ад̣̇д̇хамажчарино. ж̇аанибад̇аяод̇и ж̇аяамбад̇игаа. вад̣̇ан̃н̃ууд̇и яаажагаанам̣ важанасса ад̇т̇ам̣ ж̇аананд̇и. сан̃н̃ад̇аад̇и сийласам̣яамзна саманнааг̇ад̇аа. д̇хаммаж̇ийвинод̇и д̇хаммз тад̇ваа ж̇ийвигам̣ габбзнд̇ийд̇и д̇хаммаж̇ийвино. ад̇т̇аасам̣ бажураа хонд̇ийд̇и вад̣дхисан̇каад̇аа ад̇т̇аа зд̇зсам̣ б̣ахуу хонд̇и. паасугам̣ убаж̇ааяад̇ийд̇и ан̃н̃аман̃н̃ам̣ паасувихааро ж̇ааяад̇и. гаамагааминод̇и гаамз гаамаяамаанаа.
Kadariyāti thaddhamaccharino. Jānipatayoti jayampatikā. Vadaññūti yācakānaṃ vacanassa atthaṃ jānanti. Saññatāti sīlasaṃyamena samannāgatā. Dhammajīvinoti dhamme ṭhatvā jīvikaṃ kappentīti dhammajīvino. Atthāsaṃ pacurā hontīti vaḍḍhisaṅkhātā atthā etesaṃ bahū honti. Phāsukaṃ upajāyatīti aññamaññaṃ phāsuvihāro jāyati. Kāmakāminoti kāme kāmayamānā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. батамасам̣ваасасуд̇д̇ам̣ • 3. Paṭhamasaṃvāsasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3-4. батамасам̣ваасасуд̇д̇аад̣̇иван̣н̣анаа • 3-4. Paṭhamasaṃvāsasuttādivaṇṇanā
