| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౩. పఠమసంవాససుత్తవణ్ణనా
3. Paṭhamasaṃvāsasuttavaṇṇanā
౫౩. తతియే సమ్బహులాపి ఖో గహపతీ చ గహపతానియో చాతి బహుకా గహపతయో చ గహపతానియో చ ఆవాహవివాహకరణత్థాయ గచ్ఛన్తా తమేవ మగ్గం పటిపన్నా హోన్తి. సంవాసాతి సహవాసా ఏకతోవాసా. ఛవో ఛవాయాతి గుణమరణేన మతత్తా ఛవో గుణమరణేనేవ మతాయ ఛవాయ సద్ధిం. దేవియా సద్ధిన్తి గుణేహి దేవిభూతాయ సద్ధిం. దుస్సీలోతి నిస్సీలో. పాపధమ్మోతి లామకధమ్మో. అక్కోసకపరిభాసకోతి దసహి అక్కోసవత్థూహి అక్కోసకో, భయం దస్సేత్వా సన్తజ్జనేన పరిభాసకో. ఏవం సబ్బత్థ అత్థో వేదితబ్బో.
53. Tatiye sambahulāpi kho gahapatī ca gahapatāniyo cāti bahukā gahapatayo ca gahapatāniyo ca āvāhavivāhakaraṇatthāya gacchantā tameva maggaṃ paṭipannā honti. Saṃvāsāti sahavāsā ekatovāsā. Chavo chavāyāti guṇamaraṇena matattā chavo guṇamaraṇeneva matāya chavāya saddhiṃ. Deviyā saddhinti guṇehi devibhūtāya saddhiṃ. Dussīloti nissīlo. Pāpadhammoti lāmakadhammo. Akkosakaparibhāsakoti dasahi akkosavatthūhi akkosako, bhayaṃ dassetvā santajjanena paribhāsako. Evaṃ sabbattha attho veditabbo.
కదరియాతి థద్ధమచ్ఛరినో. జానిపతయోతి జయమ్పతికా. వదఞ్ఞూతి యాచకానం వచనస్స అత్థం జానన్తి. సఞ్ఞతాతి సీలసంయమేన సమన్నాగతా. ధమ్మజీవినోతి ధమ్మే ఠత్వా జీవికం కప్పేన్తీతి ధమ్మజీవినో. అత్థాసం పచురా హోన్తీతి వడ్ఢిసఙ్ఖాతా అత్థా ఏతేసం బహూ హోన్తి. ఫాసుకం ఉపజాయతీతి అఞ్ఞమఞ్ఞం ఫాసువిహారో జాయతి. కామకామినోతి కామే కామయమానా.
Kadariyāti thaddhamaccharino. Jānipatayoti jayampatikā. Vadaññūti yācakānaṃ vacanassa atthaṃ jānanti. Saññatāti sīlasaṃyamena samannāgatā. Dhammajīvinoti dhamme ṭhatvā jīvikaṃ kappentīti dhammajīvino. Atthāsaṃ pacurā hontīti vaḍḍhisaṅkhātā atthā etesaṃ bahū honti. Phāsukaṃ upajāyatīti aññamaññaṃ phāsuvihāro jāyati. Kāmakāminoti kāme kāmayamānā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౩. పఠమసంవాససుత్తం • 3. Paṭhamasaṃvāsasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౩-౪. పఠమసంవాససుత్తాదివణ్ణనా • 3-4. Paṭhamasaṃvāsasuttādivaṇṇanā
