| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๓. ปฐมสํวาสสุตฺตวณฺณนา
3. Paṭhamasaṃvāsasuttavaṇṇanā
๕๓. ตติเย สมฺพหุลาปิ โข คหปตี จ คหปตานิโย จาติ พหุกา คหปตโย จ คหปตานิโย จ อาวาหวิวาหกรณตฺถาย คจฺฉนฺตา ตเมว มคฺคํ ปฎิปนฺนา โหนฺติฯ สํวาสาติ สหวาสา เอกโตวาสาฯ ฉโว ฉวายาติ คุณมรเณน มตตฺตา ฉโว คุณมรเณเนว มตาย ฉวาย สทฺธิํฯ เทวิยา สทฺธินฺติ คุเณหิ เทวิภูตาย สทฺธิํฯ ทุสฺสีโลติ นิสฺสีโลฯ ปาปธโมฺมติ ลามกธโมฺมฯ อโกฺกสกปริภาสโกติ ทสหิ อโกฺกสวตฺถูหิ อโกฺกสโก, ภยํ ทเสฺสตฺวา สนฺตชฺชเนน ปริภาสโกฯ เอวํ สพฺพตฺถ อโตฺถ เวทิตโพฺพฯ
53. Tatiye sambahulāpi kho gahapatī ca gahapatāniyo cāti bahukā gahapatayo ca gahapatāniyo ca āvāhavivāhakaraṇatthāya gacchantā tameva maggaṃ paṭipannā honti. Saṃvāsāti sahavāsā ekatovāsā. Chavo chavāyāti guṇamaraṇena matattā chavo guṇamaraṇeneva matāya chavāya saddhiṃ. Deviyā saddhinti guṇehi devibhūtāya saddhiṃ. Dussīloti nissīlo. Pāpadhammoti lāmakadhammo. Akkosakaparibhāsakoti dasahi akkosavatthūhi akkosako, bhayaṃ dassetvā santajjanena paribhāsako. Evaṃ sabbattha attho veditabbo.
กทริยาติ ถทฺธมจฺฉริโนฯ ชานิปตโยติ ชยมฺปติกาฯ วทญฺญูติ ยาจกานํ วจนสฺส อตฺถํ ชานนฺติฯ สญฺญตาติ สีลสํยเมน สมนฺนาคตาฯ ธมฺมชีวิโนติ ธเมฺม ฐตฺวา ชีวิกํ กเปฺปนฺตีติ ธมฺมชีวิโนฯ อตฺถาสํ ปจุรา โหนฺตีติ วฑฺฒิสงฺขาตา อตฺถา เอเตสํ พหู โหนฺติฯ ผาสุกํ อุปชายตีติ อญฺญมญฺญํ ผาสุวิหาโร ชายติฯ กามกามิโนติ กาเม กามยมานาฯ
Kadariyāti thaddhamaccharino. Jānipatayoti jayampatikā. Vadaññūti yācakānaṃ vacanassa atthaṃ jānanti. Saññatāti sīlasaṃyamena samannāgatā. Dhammajīvinoti dhamme ṭhatvā jīvikaṃ kappentīti dhammajīvino. Atthāsaṃ pacurā hontīti vaḍḍhisaṅkhātā atthā etesaṃ bahū honti. Phāsukaṃ upajāyatīti aññamaññaṃ phāsuvihāro jāyati. Kāmakāminoti kāme kāmayamānā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๓. ปฐมสํวาสสุตฺตํ • 3. Paṭhamasaṃvāsasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๓-๔. ปฐมสํวาสสุตฺตาทิวณฺณนา • 3-4. Paṭhamasaṃvāsasuttādivaṇṇanā
