| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੩. ਪਠਮਸਂવਾਸਸੁਤ੍ਤવਣ੍ਣਨਾ
3. Paṭhamasaṃvāsasuttavaṇṇanā
੫੩. ਤਤਿਯੇ ਸਮ੍ਬਹੁਲਾਪਿ ਖੋ ਗਹਪਤੀ ਚ ਗਹਪਤਾਨਿਯੋ ਚਾਤਿ ਬਹੁਕਾ ਗਹਪਤਯੋ ਚ ਗਹਪਤਾਨਿਯੋ ਚ ਆવਾਹવਿવਾਹਕਰਣਤ੍ਥਾਯ ਗਚ੍ਛਨ੍ਤਾ ਤਮੇવ ਮਗ੍ਗਂ ਪਟਿਪਨ੍ਨਾ ਹੋਨ੍ਤਿ। ਸਂવਾਸਾਤਿ ਸਹવਾਸਾ ਏਕਤੋવਾਸਾ। ਛવੋ ਛવਾਯਾਤਿ ਗੁਣਮਰਣੇਨ ਮਤਤ੍ਤਾ ਛવੋ ਗੁਣਮਰਣੇਨੇવ ਮਤਾਯ ਛવਾਯ ਸਦ੍ਧਿਂ। ਦੇવਿਯਾ ਸਦ੍ਧਿਨ੍ਤਿ ਗੁਣੇਹਿ ਦੇવਿਭੂਤਾਯ ਸਦ੍ਧਿਂ। ਦੁਸ੍ਸੀਲੋਤਿ ਨਿਸ੍ਸੀਲੋ। ਪਾਪਧਮ੍ਮੋਤਿ ਲਾਮਕਧਮ੍ਮੋ। ਅਕ੍ਕੋਸਕਪਰਿਭਾਸਕੋਤਿ ਦਸਹਿ ਅਕ੍ਕੋਸવਤ੍ਥੂਹਿ ਅਕ੍ਕੋਸਕੋ, ਭਯਂ ਦਸ੍ਸੇਤ੍વਾ ਸਨ੍ਤਜ੍ਜਨੇਨ ਪਰਿਭਾਸਕੋ। ਏવਂ ਸਬ੍ਬਤ੍ਥ ਅਤ੍ਥੋ વੇਦਿਤਬ੍ਬੋ।
53. Tatiye sambahulāpi kho gahapatī ca gahapatāniyo cāti bahukā gahapatayo ca gahapatāniyo ca āvāhavivāhakaraṇatthāya gacchantā tameva maggaṃ paṭipannā honti. Saṃvāsāti sahavāsā ekatovāsā. Chavo chavāyāti guṇamaraṇena matattā chavo guṇamaraṇeneva matāya chavāya saddhiṃ. Deviyā saddhinti guṇehi devibhūtāya saddhiṃ. Dussīloti nissīlo. Pāpadhammoti lāmakadhammo. Akkosakaparibhāsakoti dasahi akkosavatthūhi akkosako, bhayaṃ dassetvā santajjanena paribhāsako. Evaṃ sabbattha attho veditabbo.
ਕਦਰਿਯਾਤਿ ਥਦ੍ਧਮਚ੍ਛਰਿਨੋ। ਜਾਨਿਪਤਯੋਤਿ ਜਯਮ੍ਪਤਿਕਾ। વਦਞ੍ਞੂਤਿ ਯਾਚਕਾਨਂ વਚਨਸ੍ਸ ਅਤ੍ਥਂ ਜਾਨਨ੍ਤਿ। ਸਞ੍ਞਤਾਤਿ ਸੀਲਸਂਯਮੇਨ ਸਮਨ੍ਨਾਗਤਾ। ਧਮ੍ਮਜੀવਿਨੋਤਿ ਧਮ੍ਮੇ ਠਤ੍વਾ ਜੀવਿਕਂ ਕਪ੍ਪੇਨ੍ਤੀਤਿ ਧਮ੍ਮਜੀવਿਨੋ। ਅਤ੍ਥਾਸਂ ਪਚੁਰਾ ਹੋਨ੍ਤੀਤਿ વਡ੍ਢਿਸਙ੍ਖਾਤਾ ਅਤ੍ਥਾ ਏਤੇਸਂ ਬਹੂ ਹੋਨ੍ਤਿ। ਫਾਸੁਕਂ ਉਪਜਾਯਤੀਤਿ ਅਞ੍ਞਮਞ੍ਞਂ ਫਾਸੁવਿਹਾਰੋ ਜਾਯਤਿ। ਕਾਮਕਾਮਿਨੋਤਿ ਕਾਮੇ ਕਾਮਯਮਾਨਾ।
Kadariyāti thaddhamaccharino. Jānipatayoti jayampatikā. Vadaññūti yācakānaṃ vacanassa atthaṃ jānanti. Saññatāti sīlasaṃyamena samannāgatā. Dhammajīvinoti dhamme ṭhatvā jīvikaṃ kappentīti dhammajīvino. Atthāsaṃ pacurā hontīti vaḍḍhisaṅkhātā atthā etesaṃ bahū honti. Phāsukaṃ upajāyatīti aññamaññaṃ phāsuvihāro jāyati. Kāmakāminoti kāme kāmayamānā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੩. ਪਠਮਸਂવਾਸਸੁਤ੍ਤਂ • 3. Paṭhamasaṃvāsasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੩-੪. ਪਠਮਸਂવਾਸਸੁਤ੍ਤਾਦਿવਣ੍ਣਨਾ • 3-4. Paṭhamasaṃvāsasuttādivaṇṇanā
