| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
4. பட²மஸங்கா³மஸுத்தங்
4. Paṭhamasaṅgāmasuttaṃ
125. ஸாவத்தி²னிதா³னங். அத² கோ² ராஜா மாக³தோ⁴ அஜாதஸத்து வேதே³ஹிபுத்தோ சதுரங்கி³னிங் ஸேனங் ஸன்னய்ஹித்வா ராஜானங் பஸேனதி³ங் கோஸலங் அப்³பு⁴ய்யாஸி யேன காஸி. அஸ்ஸோஸி கோ² ராஜா பஸேனதி³ கோஸலோ – ‘‘ராஜா கிர மாக³தோ⁴ அஜாதஸத்து வேதே³ஹிபுத்தோ சதுரங்கி³னிங் ஸேனங் ஸன்னய்ஹித்வா மமங் அப்³பு⁴ய்யாதோ யேன காஸீ’’தி. அத² கோ² ராஜா பஸேனதி³ கோஸலோ சதுரங்கி³னிங் ஸேனங் ஸன்னய்ஹித்வா ராஜானங் மாக³த⁴ங் அஜாதஸத்துங் வேதே³ஹிபுத்தங் பச்சுய்யாஸி யேன காஸி. அத² கோ² ராஜா ச மாக³தோ⁴ அஜாதஸத்து வேதே³ஹிபுத்தோ ராஜா ச பஸேனதி³ கோஸலோ ஸங்கா³மேஸுங். தஸ்மிங் கோ² பன ஸங்கா³மே ராஜா மாக³தோ⁴ அஜாதஸத்து வேதே³ஹிபுத்தோ ராஜானங் பஸேனதி³ங் கோஸலங் பராஜேஸி. பராஜிதோ ச ராஜா பஸேனதி³ கோஸலோ ஸகமேவ 1 ராஜதா⁴னிங் ஸாவத்தி²ங் பச்சுய்யாஸி 2.
125. Sāvatthinidānaṃ. Atha kho rājā māgadho ajātasattu vedehiputto caturaṅginiṃ senaṃ sannayhitvā rājānaṃ pasenadiṃ kosalaṃ abbhuyyāsi yena kāsi. Assosi kho rājā pasenadi kosalo – ‘‘rājā kira māgadho ajātasattu vedehiputto caturaṅginiṃ senaṃ sannayhitvā mamaṃ abbhuyyāto yena kāsī’’ti. Atha kho rājā pasenadi kosalo caturaṅginiṃ senaṃ sannayhitvā rājānaṃ māgadhaṃ ajātasattuṃ vedehiputtaṃ paccuyyāsi yena kāsi. Atha kho rājā ca māgadho ajātasattu vedehiputto rājā ca pasenadi kosalo saṅgāmesuṃ. Tasmiṃ kho pana saṅgāme rājā māgadho ajātasattu vedehiputto rājānaṃ pasenadiṃ kosalaṃ parājesi. Parājito ca rājā pasenadi kosalo sakameva 3 rājadhāniṃ sāvatthiṃ paccuyyāsi 4.
அத² கோ² ஸம்ப³ஹுலா பி⁴க்கூ² புப்³ப³ண்ஹஸமயங் நிவாஸெத்வா பத்தசீவரமாதா³ய ஸாவத்தி²ங் பிண்டா³ய பவிஸிங்ஸு. ஸாவத்தி²யங் பிண்டா³ய சரித்வா பச்சா²ப⁴த்தங் பிண்ட³பாதபடிக்கந்தா யேன ப⁴க³வா தேனுபஸங்கமிங்ஸு; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³ங்ஸு. ஏகமந்தங் நிஸின்னா கோ² தே பி⁴க்கூ² ப⁴க³வந்தங் ஏதத³வோசுங் –
Atha kho sambahulā bhikkhū pubbaṇhasamayaṃ nivāsetvā pattacīvaramādāya sāvatthiṃ piṇḍāya pavisiṃsu. Sāvatthiyaṃ piṇḍāya caritvā pacchābhattaṃ piṇḍapātapaṭikkantā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ –
‘‘இத⁴, ப⁴ந்தே, ராஜா மாக³தோ⁴ அஜாதஸத்து வேதே³ஹிபுத்தோ சதுரங்கி³னிங் ஸேனங் ஸன்னய்ஹித்வா ராஜானங் பஸேனதி³ங் கோஸலங் அப்³பு⁴ய்யாஸி யேன காஸி. அஸ்ஸோஸி கோ², ப⁴ந்தே, ராஜா பஸேனதி³ கோஸலோ – ‘ராஜா கிர மாக³தோ⁴ அஜாதஸத்து வேதே³ஹிபுத்தோ சதுரங்கி³னிங் ஸேனங் ஸன்னய்ஹித்வா மமங் அப்³பு⁴ய்யாதோ யேன காஸீ’தி. அத² கோ², ப⁴ந்தே, ராஜா பஸேனதி³ கோஸலோ சதுரங்கி³னிங் ஸேனங் ஸன்னய்ஹித்வா ராஜானங் மாக³த⁴ங் அஜாதஸத்துங் வேதே³ஹிபுத்தங் பச்சுய்யாஸி யேன காஸி. அத² கோ², ப⁴ந்தே, ராஜா ச மாக³தோ⁴ அஜாதஸத்து வேதே³ஹிபுத்தோ ராஜா ச பஸேனதி³ கோஸலோ ஸங்கா³மேஸுங். தஸ்மிங் கோ² பன, ப⁴ந்தே, ஸங்கா³மே ராஜா மாக³தோ⁴ அஜாதஸத்து வேதே³ஹிபுத்தோ ராஜானங் பஸேனதி³ங் கோஸலங் பராஜேஸி. பராஜிதோ ச, ப⁴ந்தே, ராஜா பஸேனதி³ கோஸலோ ஸகமேவ ராஜதா⁴னிங் ஸாவத்தி²ங் பச்சுய்யாஸீ’’தி.
‘‘Idha, bhante, rājā māgadho ajātasattu vedehiputto caturaṅginiṃ senaṃ sannayhitvā rājānaṃ pasenadiṃ kosalaṃ abbhuyyāsi yena kāsi. Assosi kho, bhante, rājā pasenadi kosalo – ‘rājā kira māgadho ajātasattu vedehiputto caturaṅginiṃ senaṃ sannayhitvā mamaṃ abbhuyyāto yena kāsī’ti. Atha kho, bhante, rājā pasenadi kosalo caturaṅginiṃ senaṃ sannayhitvā rājānaṃ māgadhaṃ ajātasattuṃ vedehiputtaṃ paccuyyāsi yena kāsi. Atha kho, bhante, rājā ca māgadho ajātasattu vedehiputto rājā ca pasenadi kosalo saṅgāmesuṃ. Tasmiṃ kho pana, bhante, saṅgāme rājā māgadho ajātasattu vedehiputto rājānaṃ pasenadiṃ kosalaṃ parājesi. Parājito ca, bhante, rājā pasenadi kosalo sakameva rājadhāniṃ sāvatthiṃ paccuyyāsī’’ti.
‘‘ராஜா, பி⁴க்க²வே, மாக³தோ⁴ அஜாதஸத்து வேதே³ஹிபுத்தோ பாபமித்தோ பாபஸஹாயோ பாபஸம்பவங்கோ; ராஜா ச கோ², பி⁴க்க²வே, பஸேனதி³ கோஸலோ கல்யாணமித்தோ கல்யாணஸஹாயோ கல்யாணஸம்பவங்கோ. அஜ்ஜேவ 5, பி⁴க்க²வே , ராஜா பஸேனதி³ கோஸலோ இமங் ரத்திங் து³க்க²ங் ஸேதி பராஜிதோ’’தி. இத³மவோச…பே॰…
‘‘Rājā, bhikkhave, māgadho ajātasattu vedehiputto pāpamitto pāpasahāyo pāpasampavaṅko; rājā ca kho, bhikkhave, pasenadi kosalo kalyāṇamitto kalyāṇasahāyo kalyāṇasampavaṅko. Ajjeva 6, bhikkhave , rājā pasenadi kosalo imaṃ rattiṃ dukkhaṃ seti parājito’’ti. Idamavoca…pe…
‘‘ஜயங் வேரங் பஸவதி, து³க்க²ங் ஸேதி பராஜிதோ;
‘‘Jayaṃ veraṃ pasavati, dukkhaṃ seti parājito;
உபஸந்தோ ஸுக²ங் ஸேதி, ஹித்வா ஜயபராஜய’’ந்தி.
Upasanto sukhaṃ seti, hitvā jayaparājaya’’nti.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4. பட²மஸங்கா³மஸுத்தவண்ணனா • 4. Paṭhamasaṅgāmasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4. பட²மஸங்கா³மஸுத்தவண்ணனா • 4. Paṭhamasaṅgāmasuttavaṇṇanā
