| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৪. পঠমসঙ্গামসুত্তৰণ্ণনা
4. Paṭhamasaṅgāmasuttavaṇṇanā
১২৫. ৰেদেন ঞাণেন ঈহতি ইরিযতীতি ৰেদেহী, কোসলরাজভগিনী অজাতসত্তুনো মাতা, সা কির সম্পজঞ্ঞজাতিকা। তেনাহ ‘‘পণ্ডিতাধিৰচন’’ন্তি, চত্তারি অঙ্গানি এতিস্সন্তি চতুরঙ্গিনী। দ্ৰিন্নং রজ্জানন্তি কাসিকরজ্জমগধরজ্জানং অন্তরে, সো পন গামো কাসিকরজ্জো।
125. Vedena ñāṇena īhati iriyatīti vedehī, kosalarājabhaginī ajātasattuno mātā, sā kira sampajaññajātikā. Tenāha ‘‘paṇḍitādhivacana’’nti, cattāri aṅgāni etissanti caturaṅginī. Dvinnaṃ rajjānanti kāsikarajjamagadharajjānaṃ antare, so pana gāmo kāsikarajjo.
পাপাতি লামকা নিহীনাচারা। মেজ্জতি সিনিয্হতীতি মেত্তি, সা এতেসু অত্থীতি মিত্তা। সহ অযন্তি পৰত্তন্তীতি সহাযা। সম্পৰঙ্কন্তি সুট্ঠু ওনতং। জযকারণং দিস্ৰা আহ, তথা হি ‘‘অজ্জ ইমং রত্তিং দুক্খং সেতী’’তি কালপরিচ্ছেদৰসেন ৰুত্তং। ৰেরিঘাতো নাম ৰেরিপুগ্গলে সতীতি আহ ‘‘ৰেরিপুগ্গলং লভতী’’তি।
Pāpāti lāmakā nihīnācārā. Mejjati siniyhatīti metti, sā etesu atthīti mittā. Saha ayanti pavattantīti sahāyā. Sampavaṅkanti suṭṭhu onataṃ. Jayakāraṇaṃ disvā āha, tathā hi ‘‘ajja imaṃ rattiṃ dukkhaṃ setī’’ti kālaparicchedavasena vuttaṃ. Verighāto nāma veripuggale satīti āha ‘‘veripuggalaṃ labhatī’’ti.
পঠমসঙ্গামসুত্তৰণ্ণনা নিট্ঠিতা।
Paṭhamasaṅgāmasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৪. পঠমসঙ্গামসুত্তং • 4. Paṭhamasaṅgāmasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৪. পঠমসঙ্গামসুত্তৰণ্ণনা • 4. Paṭhamasaṅgāmasuttavaṇṇanā
