| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៤. បឋមសង្គាមសុត្តវណ្ណនា
4. Paṭhamasaṅgāmasuttavaṇṇanā
១២៥. វេទេន ញាណេន ឦហតិ ឥរិយតីតិ វេទេហី, កោសលរាជភគិនី អជាតសត្តុនោ មាតា, សា កិរ សម្បជញ្ញជាតិកា។ តេនាហ ‘‘បណ្ឌិតាធិវចន’’ន្តិ, ចត្តារិ អង្គានិ ឯតិស្សន្តិ ចតុរង្គិនី។ ទ្វិន្នំ រជ្ជានន្តិ កាសិករជ្ជមគធរជ្ជានំ អន្តរេ, សោ បន គាមោ កាសិករជ្ជោ។
125. Vedena ñāṇena īhati iriyatīti vedehī, kosalarājabhaginī ajātasattuno mātā, sā kira sampajaññajātikā. Tenāha ‘‘paṇḍitādhivacana’’nti, cattāri aṅgāni etissanti caturaṅginī. Dvinnaṃ rajjānanti kāsikarajjamagadharajjānaṃ antare, so pana gāmo kāsikarajjo.
បាបាតិ លាមកា និហីនាចារា។ មេជ្ជតិ សិនិយ្ហតីតិ មេត្តិ, សា ឯតេសុ អត្ថីតិ មិត្តា។ សហ អយន្តិ បវត្តន្តីតិ សហាយា។ សម្បវង្កន្តិ សុដ្ឋុ ឱនតំ។ ជយការណំ ទិស្វា អាហ, តថា ហិ ‘‘អជ្ជ ឥមំ រត្តិំ ទុក្ខំ សេតី’’តិ កាលបរិច្ឆេទវសេន វុត្តំ។ វេរិឃាតោ នាម វេរិបុគ្គលេ សតីតិ អាហ ‘‘វេរិបុគ្គលំ លភតី’’តិ។
Pāpāti lāmakā nihīnācārā. Mejjati siniyhatīti metti, sā etesu atthīti mittā. Saha ayanti pavattantīti sahāyā. Sampavaṅkanti suṭṭhu onataṃ. Jayakāraṇaṃ disvā āha, tathā hi ‘‘ajja imaṃ rattiṃ dukkhaṃ setī’’ti kālaparicchedavasena vuttaṃ. Verighāto nāma veripuggale satīti āha ‘‘veripuggalaṃ labhatī’’ti.
បឋមសង្គាមសុត្តវណ្ណនា និដ្ឋិតា។
Paṭhamasaṅgāmasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៤. បឋមសង្គាមសុត្តំ • 4. Paṭhamasaṅgāmasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៤. បឋមសង្គាមសុត្តវណ្ណនា • 4. Paṭhamasaṅgāmasuttavaṇṇanā
