| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೪. ಪಠಮಸಙ್ಗಾಮಸುತ್ತವಣ್ಣನಾ
4. Paṭhamasaṅgāmasuttavaṇṇanā
೧೨೫. ವೇದೇನ ಞಾಣೇನ ಈಹತಿ ಇರಿಯತೀತಿ ವೇದೇಹೀ, ಕೋಸಲರಾಜಭಗಿನೀ ಅಜಾತಸತ್ತುನೋ ಮಾತಾ, ಸಾ ಕಿರ ಸಮ್ಪಜಞ್ಞಜಾತಿಕಾ। ತೇನಾಹ ‘‘ಪಣ್ಡಿತಾಧಿವಚನ’’ನ್ತಿ, ಚತ್ತಾರಿ ಅಙ್ಗಾನಿ ಏತಿಸ್ಸನ್ತಿ ಚತುರಙ್ಗಿನೀ। ದ್ವಿನ್ನಂ ರಜ್ಜಾನನ್ತಿ ಕಾಸಿಕರಜ್ಜಮಗಧರಜ್ಜಾನಂ ಅನ್ತರೇ, ಸೋ ಪನ ಗಾಮೋ ಕಾಸಿಕರಜ್ಜೋ।
125. Vedena ñāṇena īhati iriyatīti vedehī, kosalarājabhaginī ajātasattuno mātā, sā kira sampajaññajātikā. Tenāha ‘‘paṇḍitādhivacana’’nti, cattāri aṅgāni etissanti caturaṅginī. Dvinnaṃ rajjānanti kāsikarajjamagadharajjānaṃ antare, so pana gāmo kāsikarajjo.
ಪಾಪಾತಿ ಲಾಮಕಾ ನಿಹೀನಾಚಾರಾ। ಮೇಜ್ಜತಿ ಸಿನಿಯ್ಹತೀತಿ ಮೇತ್ತಿ, ಸಾ ಏತೇಸು ಅತ್ಥೀತಿ ಮಿತ್ತಾ। ಸಹ ಅಯನ್ತಿ ಪವತ್ತನ್ತೀತಿ ಸಹಾಯಾ। ಸಮ್ಪವಙ್ಕನ್ತಿ ಸುಟ್ಠು ಓನತಂ। ಜಯಕಾರಣಂ ದಿಸ್ವಾ ಆಹ, ತಥಾ ಹಿ ‘‘ಅಜ್ಜ ಇಮಂ ರತ್ತಿಂ ದುಕ್ಖಂ ಸೇತೀ’’ತಿ ಕಾಲಪರಿಚ್ಛೇದವಸೇನ ವುತ್ತಂ। ವೇರಿಘಾತೋ ನಾಮ ವೇರಿಪುಗ್ಗಲೇ ಸತೀತಿ ಆಹ ‘‘ವೇರಿಪುಗ್ಗಲಂ ಲಭತೀ’’ತಿ।
Pāpāti lāmakā nihīnācārā. Mejjati siniyhatīti metti, sā etesu atthīti mittā. Saha ayanti pavattantīti sahāyā. Sampavaṅkanti suṭṭhu onataṃ. Jayakāraṇaṃ disvā āha, tathā hi ‘‘ajja imaṃ rattiṃ dukkhaṃ setī’’ti kālaparicchedavasena vuttaṃ. Verighāto nāma veripuggale satīti āha ‘‘veripuggalaṃ labhatī’’ti.
ಪಠಮಸಙ್ಗಾಮಸುತ್ತವಣ್ಣನಾ ನಿಟ್ಠಿತಾ।
Paṭhamasaṅgāmasuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೪. ಪಠಮಸಙ್ಗಾಮಸುತ್ತಂ • 4. Paṭhamasaṅgāmasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೪. ಪಠಮಸಙ್ಗಾಮಸುತ್ತವಣ್ಣನಾ • 4. Paṭhamasaṅgāmasuttavaṇṇanā
