| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
4. පඨමසඞ්‌ගාමසුත්‌තවණ්‌ණනා
4. Paṭhamasaṅgāmasuttavaṇṇanā
125. වෙදෙන ඤාණෙන ඊහති ඉරියතීති වෙදෙහී, කොසලරාජභගිනී අජාතසත්‌තුනො මාතා, සා කිර සම්‌පජඤ්‌ඤජාතිකා. තෙනාහ ‘‘පණ්‌ඩිතාධිවචන’’න්‌ති, චත්‌තාරි අඞ්‌ගානි එතිස්‌සන්‌ති චතුරඞ්‌ගිනී. ද්‌වින්‌නං රජ්‌ජානන්‌ති කාසිකරජ්‌ජමගධරජ්‌ජානං අන්‌තරෙ, සො පන ගාමො කාසිකරජ්‌ජො.
125. Vedena ñāṇena īhati iriyatīti vedehī, kosalarājabhaginī ajātasattuno mātā, sā kira sampajaññajātikā. Tenāha ‘‘paṇḍitādhivacana’’nti, cattāri aṅgāni etissanti caturaṅginī. Dvinnaṃ rajjānanti kāsikarajjamagadharajjānaṃ antare, so pana gāmo kāsikarajjo.
පාපාති ලාමකා නිහීනාචාරා. මෙජ්‌ජති සිනිය්‌හතීති මෙත්‌ති, සා එතෙසු අත්‌ථීති මිත්‌තා. සහ අයන්‌ති පවත්‌තන්‌තීති සහායා. සම්‌පවඞ්‌කන්‌ති සුට්‌ඨු ඔනතං. ජයකාරණං දිස්‌වා ආහ, තථා හි ‘‘අජ්‌ජ ඉමං රත්‌තිං දුක්‌ඛං සෙතී’’ති කාලපරිච්‌ඡෙදවසෙන වුත්‌තං. වෙරිඝාතො නාම වෙරිපුග්‌ගලෙ සතීති ආහ ‘‘වෙරිපුග්‌ගලං ලභතී’’ති.
Pāpāti lāmakā nihīnācārā. Mejjati siniyhatīti metti, sā etesu atthīti mittā. Saha ayanti pavattantīti sahāyā. Sampavaṅkanti suṭṭhu onataṃ. Jayakāraṇaṃ disvā āha, tathā hi ‘‘ajja imaṃ rattiṃ dukkhaṃ setī’’ti kālaparicchedavasena vuttaṃ. Verighāto nāma veripuggale satīti āha ‘‘veripuggalaṃ labhatī’’ti.
පඨමසඞ්‌ගාමසුත්‌තවණ්‌ණනා නිට්‌ඨිතා.
Paṭhamasaṅgāmasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 4. පඨමසඞ්‌ගාමසුත්‌තං • 4. Paṭhamasaṅgāmasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 4. පඨමසඞ්‌ගාමසුත්‌තවණ්‌ණනා • 4. Paṭhamasaṅgāmasuttavaṇṇanā
