| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੪. ਪਠਮਸਙ੍ਗਾਮਸੁਤ੍ਤવਣ੍ਣਨਾ
4. Paṭhamasaṅgāmasuttavaṇṇanā
੧੨੫. ਚਤੁਤ੍ਥੇ વੇਦੇਹਿਪੁਤ੍ਤੋਤਿ વੇਦੇਹੀਤਿ ਪਣ੍ਡਿਤਾਧਿવਚਨਮੇਤਂ, ਪਣ੍ਡਿਤਿਤ੍ਥਿਯਾ ਪੁਤ੍ਤੋਤਿ ਅਤ੍ਥੋ। ਚਤੁਰਙ੍ਗਿਨਿਨ੍ਤਿ ਹਤ੍ਥਿਅਸ੍ਸਰਥਪਤ੍ਤਿਸਙ੍ਖਾਤੇਹਿ ਚਤੂਹਿ ਅਙ੍ਗੇਹਿ ਸਮਨ੍ਨਾਗਤਂ। ਸਨ੍ਨਯ੍ਹਿਤ੍વਾਤਿ ਚਮ੍ਮਪਟਿਮੁਞ੍ਚਨਾਦੀਹਿ ਸਨ੍ਨਾਹਂ ਕਾਰੇਤ੍વਾ। ਸਙ੍ਗਾਮੇਸੁਨ੍ਤਿ ਯੁਜ੍ਝਿਂਸੁ। ਕੇਨ ਕਾਰਣੇਨ? ਮਹਾਕੋਸਲਰਞ੍ਞਾ ਕਿਰ ਬਿਮ੍ਬਿਸਾਰਸ੍ਸ ਧੀਤਰਂ ਦੇਨ੍ਤੇਨ ਦ੍વਿਨ੍ਨਂ ਰਜ੍ਜਾਨਂ ਅਨ੍ਤਰੇ ਸਤਸਹਸ੍ਸੁਟ੍ਠਾਨੋ ਕਾਸਿਗਾਮੋ ਨਾਮ ਧੀਤੁ ਦਿਨ੍ਨੋ। ਅਜਾਤਸਤ੍ਤੁਨਾ ਚ ਪਿਤਰਿ ਮਾਰਿਤੇ ਮਾਤਾਪਿਸ੍ਸ ਰਞ੍ਞੋ વਿਯੋਗਸੋਕੇਨ ਨਚਿਰਸ੍ਸੇવ ਮਤਾ। ਤਤੋ ਰਾਜਾ ਪਸੇਨਦਿ ਕੋਸਲੋ – ‘‘ਅਜਾਤਸਤ੍ਤੁਨਾ ਮਾਤਾਪਿਤਰੋ ਮਾਰਿਤਾ, ਮਯ੍ਹਂ ਪਿਤੁ ਸਨ੍ਤਕੋ ਗਾਮੋ’’ਤਿ ਤਸ੍ਸਤ੍ਥਾਯ ਅਡ੍ਡਂ ਕਰੋਤਿ। ਅਜਾਤਸਤ੍ਤੁਪਿ ‘‘ਮਯ੍ਹਂ ਮਾਤੁ ਸਨ੍ਤਕੋ’’ਤਿ ਤਸ੍ਸ ਗਾਮਸ੍ਸਤ੍ਥਾਯ ਦ੍વੇਪਿ ਮਾਤੁਲਭਾਗਿਨੇਯ੍ਯਾ ਯੁਜ੍ਝਿਂਸੁ।
125. Catutthe vedehiputtoti vedehīti paṇḍitādhivacanametaṃ, paṇḍititthiyā puttoti attho. Caturaṅgininti hatthiassarathapattisaṅkhātehi catūhi aṅgehi samannāgataṃ. Sannayhitvāti cammapaṭimuñcanādīhi sannāhaṃ kāretvā. Saṅgāmesunti yujjhiṃsu. Kena kāraṇena? Mahākosalaraññā kira bimbisārassa dhītaraṃ dentena dvinnaṃ rajjānaṃ antare satasahassuṭṭhāno kāsigāmo nāma dhītu dinno. Ajātasattunā ca pitari mārite mātāpissa rañño viyogasokena nacirasseva matā. Tato rājā pasenadi kosalo – ‘‘ajātasattunā mātāpitaro māritā, mayhaṃ pitu santako gāmo’’ti tassatthāya aḍḍaṃ karoti. Ajātasattupi ‘‘mayhaṃ mātu santako’’ti tassa gāmassatthāya dvepi mātulabhāgineyyā yujjhiṃsu.
ਪਾਪਾ ਦੇવਦਤ੍ਤਾਦਯੋ ਮਿਤ੍ਤਾ ਅਸ੍ਸਾਤਿ ਪਾਪਮਿਤ੍ਤੋ। ਤੇਯੇવਸ੍ਸ ਸਹਾਯਾਤਿ ਪਾਪਸਹਾਯੋ। ਤੇਸ੍વੇવਸ੍ਸ ਚਿਤ੍ਤਂ ਨਿਨ੍ਨਂ ਸਮ੍ਪવਙ੍ਕਨ੍ਤਿ ਪਾਪਸਮ੍ਪવਙ੍ਕੋ। ਪਸੇਨਦਿਸ੍ਸ ਸਾਰਿਪੁਤ੍ਤਤ੍ਥੇਰਾਦੀਨਂ વਸੇਨ ਕਲ੍ਯਾਣਮਿਤ੍ਤਾਦਿਤਾ વੇਦਿਤਬ੍ਬਾ। ਦੁਕ੍ਖਂ ਸੇਤੀਤਿ ਜਿਤਾਨਿ ਹਤ੍ਥਿਆਦੀਨਿ ਅਨੁਸੋਚਨ੍ਤੋ ਦੁਕ੍ਖਂ ਸਯਿਸ੍ਸਤਿ। ਇਦਂ ਭਗવਾ ਪੁਨ ਤਸ੍ਸ ਜਯਕਾਰਣਂ ਦਿਸ੍વਾ ਆਹ। ਜਯਂ વੇਰਂ ਪਸવਤੀਤਿ ਜਿਨਨ੍ਤੋ વੇਰਂ ਪਸવਤਿ, વੇਰਿਪੁਗ੍ਗਲਂ ਲਭਤਿ। ਚਤੁਤ੍ਥਂ।
Pāpā devadattādayo mittā assāti pāpamitto. Teyevassa sahāyāti pāpasahāyo. Tesvevassa cittaṃ ninnaṃ sampavaṅkanti pāpasampavaṅko. Pasenadissa sāriputtattherādīnaṃ vasena kalyāṇamittāditā veditabbā. Dukkhaṃ setīti jitāni hatthiādīni anusocanto dukkhaṃ sayissati. Idaṃ bhagavā puna tassa jayakāraṇaṃ disvā āha. Jayaṃ veraṃ pasavatīti jinanto veraṃ pasavati, veripuggalaṃ labhati. Catutthaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੪. ਪਠਮਸਙ੍ਗਾਮਸੁਤ੍ਤਂ • 4. Paṭhamasaṅgāmasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੪. ਪਠਮਸਙ੍ਗਾਮਸੁਤ੍ਤવਣ੍ਣਨਾ • 4. Paṭhamasaṅgāmasuttavaṇṇanā
