| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
10. батамасан̇гхабхзд̣̇асигкаабад̣̇аван̣н̣анаа
10. Paṭhamasaṅghabhedasikkhāpadavaṇṇanā
410. д̣̇асамз яз д̣̇уб̣б̣алаа хонд̇и аббат̇аамаа, на саггонд̇и аран̃н̃агаад̣̇ийни сзванд̇аа д̣̇угкассанд̇ам̣ гаад̇ум̣, д̇з санд̇хааяааха ‘‘б̣ахуунам̣ гулабуд̇д̇аанам̣ маг̇г̇анд̇арааяааяа сам̣вад̇д̇анд̇ий’’д̇и. ад̇хиваасанаканд̇исамбаннод̇и ‘‘камо ход̇и сийд̇ассаа’’д̇иаад̣̇инаа вуд̇д̇асийд̇ун̣хаад̣̇исаханалагкан̣ааяа канд̇ияаа саманнааг̇ад̇о. б̣яан̃ж̇анабад̣̇амзва барамам̣ ассаад̇и бад̣̇абарамо. яасса хи буг̇г̇аласса б̣ахумби сун̣ад̇о б̣ахумби бхан̣ад̇о б̣ахумби д̇хаараяад̇о б̣ахумби ваажаяад̇о на д̇ааяа ж̇аад̇ияаа д̇хаммаабхисамаяо ход̇и , аяам̣ ‘‘бад̣̇абарамо’’д̇и вужжад̇и. абхисамбхун̣ид̇ваад̇и нибпаад̣̇зд̇ваа. наабхисамбхун̣аад̇ийд̇и на самбаад̣̇зд̇и, аран̃н̃аваасам̣ самбаад̣̇зд̇ум̣ на саггод̇ийд̇и вуд̇д̇ам̣ ход̇и. д̇хаммад̇о абзд̇ам̣ уд̣̇д̇хаммам̣. асаб̣б̣ан̃н̃уу ассаад̇и д̇зсам̣ ануруубасса аж̇аананад̇о асаб̣б̣ан̃н̃уу бхавзяяа. ‘‘на, бхигкавз, асзнаасанигзна вассам̣ убаг̇анд̇аб̣б̣а’’нд̇и (махаава. 204) важанад̇о ‘‘жад̇д̇ааро бана…бз… бадигкид̇д̇амзваа’’д̇и вуд̇д̇ам̣. ид̣̇амзва важанам̣ санд̇хааяа баал̣ияамби ‘‘адта маасз ко маяаа д̣̇звад̣̇ад̇д̇а ругкамууласзнаасанам̣ анун̃н̃аад̇а’’нд̇и вуд̇д̇ам̣.
410. Dasame ye dubbalā honti appathāmā, na sakkonti araññakādīni sevantā dukkhassantaṃ kātuṃ, te sandhāyāha ‘‘bahūnaṃ kulaputtānaṃ maggantarāyāya saṃvattantī’’ti. Adhivāsanakhantisampannoti ‘‘khamo hoti sītassā’’tiādinā vuttasītuṇhādisahanalakkhaṇāya khantiyā samannāgato. Byañjanapadameva paramaṃ assāti padaparamo. Yassa hi puggalassa bahumpi suṇato bahumpi bhaṇato bahumpi dhārayato bahumpi vācayato na tāya jātiyā dhammābhisamayo hoti , ayaṃ ‘‘padaparamo’’ti vuccati. Abhisambhuṇitvāti nipphādetvā. Nābhisambhuṇātīti na sampādeti, araññavāsaṃ sampādetuṃ na sakkotīti vuttaṃ hoti. Dhammato apetaṃ uddhammaṃ. Asabbaññū assāti tesaṃ anurūpassa ajānanato asabbaññū bhaveyya. ‘‘Na, bhikkhave, asenāsanikena vassaṃ upagantabba’’nti (mahāva. 204) vacanato ‘‘cattāro pana…pe… paṭikkhittamevā’’ti vuttaṃ. Idameva vacanaṃ sandhāya pāḷiyampi ‘‘aṭṭha māse kho mayā devadatta rukkhamūlasenāsanaṃ anuññāta’’nti vuttaṃ.
д̇ийхи годийхийд̇и д̇ийхи аагаарзхи, д̇ийхи гааран̣зхийд̇и ад̇т̇о. д̇ад̣̇убхаяавимуд̇д̇абарисан̇гид̇анд̇и д̣̇идтам̣ суд̇анд̇и ид̣̇ам̣ убхаяам̣ аниссааяа ‘‘гим̣ ну ко ид̣̇ам̣ бхигкум̣ уд̣̇д̣̇исса вад̇хид̇ваа самбаад̣̇ид̇а’’нд̇и гзваламзва барисан̇гид̇ам̣. мажчаб̣анд̇ханам̣ ж̇аалам̣, вааг̇ураа миг̇аб̣анд̇ханий. габбад̇ийд̇и яад̣̇и д̇зсам̣ важанзна аасан̇гаа убажчиннаа ход̇и, ваддад̇и. бавад̇д̇амам̣санд̇и виггааяигамам̣сам̣. ман̇г̇алаад̣̇ийнанд̇и аад̣̇и-сад̣̇д̣̇зна аахунабаахунаад̣̇игз сан̇г̇ан̣хаад̇и. бхигкуунам̣язва ад̇т̇ааяаад̇и зд̇т̇а адтаанаббаяуд̇д̇о зва-сад̣̇д̣̇о, бхигкуунам̣ ад̇т̇ааяа агад̇амзваад̇и самб̣анд̇хид̇аб̣б̣ам̣. д̇асмаа ‘‘бхигкуунан̃жа д̣̇ассаама, ман̇г̇алаад̣̇ийнан̃жа ад̇т̇ааяа бхависсад̇ий’’д̇и миссзд̇ваа гад̇амби на ваддад̇ийд̇и взд̣̇ид̇аб̣б̣ам̣. гзжи бана ‘‘бхигкуунам̣язваад̇и авад̇хааран̣зна бхигкуунан̃жа ан̃н̃зсан̃жа ад̇т̇ааяа гад̇ам̣ ваддад̇ий’’д̇и вад̣̇анд̇и, д̇ам̣ на сунд̣̇арам̣. яад̇т̇а жа ниб̣б̣змад̇иго ход̇ийд̇и бхигкуунам̣ ад̇т̇ааяа гад̇зби саб̣б̣зна саб̣б̣ам̣ барисан̇гид̇аабхаавамааха. д̇амзвад̇т̇ам̣ аавигаад̇ум̣ ‘‘сажз банаа’’д̇иаад̣̇и вуд̇д̇ам̣. ид̇арзсам̣ ваддад̇ийд̇и аж̇аананд̇аанам̣ ваддад̇и, ж̇аанад̇о звзд̇т̇а аабад̇д̇и ход̇ийд̇и. д̇зязваад̇и яз уд̣̇д̣̇исса гад̇ам̣, д̇зязва. уд̣̇д̣̇исагад̇амам̣сабарибхог̇ад̇о агаббияамам̣сабарибхог̇асса висзсам̣ д̣̇ассзд̇ум̣ ‘‘агаббияамам̣сам̣ банаа’’д̇иаад̣̇и вуд̇д̇ам̣. буримасмим̣ сажид̇д̇агаа аабад̇д̇и, ид̇арасмим̣ ажид̇д̇агаа. д̇знааха ‘‘агаббияамам̣сам̣ аж̇аанид̇ваа бхун̃ж̇анд̇ассаби аабад̇д̇иязваа’’д̇и. ‘‘барибхог̇агаалз бужчид̇ваа барибхун̃ж̇иссаамийд̇и ваа г̇ахзд̇ваа бужчид̇ваа барибхун̃ж̇ид̇аб̣б̣а’’нд̇и важанад̇о агаббияамам̣сам̣ аж̇аанид̇ваа г̇ан̣ханд̇асса бадиг̇г̇ахан̣зна анаабад̇д̇и сияаа. аж̇аанид̇вааби бхун̃ж̇анд̇ассзва хи аабад̇д̇и вуд̇д̇аа. вад̇д̇анд̇и вад̣̇анд̇ийд̇и иминаа аабад̇д̇и над̇т̇ийд̇и д̣̇ассзд̇и.
Tīhi koṭīhīti tīhi ākārehi, tīhi kāraṇehīti attho. Tadubhayavimuttaparisaṅkitanti diṭṭhaṃ sutanti idaṃ ubhayaṃ anissāya ‘‘kiṃ nu kho idaṃ bhikkhuṃ uddissa vadhitvā sampādita’’nti kevalameva parisaṅkitaṃ. Macchabandhanaṃ jālaṃ, vāgurā migabandhanī. Kappatīti yadi tesaṃ vacanena āsaṅkā upacchinnā hoti, vaṭṭati. Pavattamaṃsanti vikkāyikamaṃsaṃ. Maṅgalādīnanti ādi-saddena āhunapāhunādike saṅgaṇhāti. Bhikkhūnaṃyeva atthāyāti ettha aṭṭhānappayutto eva-saddo, bhikkhūnaṃ atthāya akatamevāti sambandhitabbaṃ. Tasmā ‘‘bhikkhūnañca dassāma, maṅgalādīnañca atthāya bhavissatī’’ti missetvā katampi na vaṭṭatīti veditabbaṃ. Keci pana ‘‘bhikkhūnaṃyevāti avadhāraṇena bhikkhūnañca aññesañca atthāya kataṃ vaṭṭatī’’ti vadanti, taṃ na sundaraṃ. Yattha ca nibbematiko hotīti bhikkhūnaṃ atthāya katepi sabbena sabbaṃ parisaṅkitābhāvamāha. Tamevatthaṃ āvikātuṃ ‘‘sace panā’’tiādi vuttaṃ. Itaresaṃ vaṭṭatīti ajānantānaṃ vaṭṭati, jānato evettha āpatti hotīti. Teyevāti ye uddissa kataṃ, teyeva. Uddisakatamaṃsaparibhogato akappiyamaṃsaparibhogassa visesaṃ dassetuṃ ‘‘akappiyamaṃsaṃ panā’’tiādi vuttaṃ. Purimasmiṃ sacittakā āpatti, itarasmiṃ acittakā. Tenāha ‘‘akappiyamaṃsaṃ ajānitvā bhuñjantassapi āpattiyevā’’ti. ‘‘Paribhogakāle pucchitvā paribhuñjissāmīti vā gahetvā pucchitvā paribhuñjitabba’’nti vacanato akappiyamaṃsaṃ ajānitvā gaṇhantassa paṭiggahaṇena anāpatti siyā. Ajānitvāpi bhuñjantasseva hi āpatti vuttā. Vattanti vadantīti iminā āpatti natthīti dasseti.
саллзкаа вуд̇д̇и зд̇зсанд̇и саллзкавуд̇д̇ино. б̣аахулигод̇и згасса ла-гаарасса лобам̣ гад̇ваа вуд̇д̇ам̣. габбанд̇и ааяугаббам̣. сан̇гхабхзд̣̇аго хи згам̣ габбам̣ асийд̇ибхааг̇з гад̇ваа д̇ад̇о згабхааг̇амад̇д̇ам̣ гаалам̣ нираяз д̇идтзяяаад̇и ааяугаббам̣ санд̇хааяа ‘‘габбам̣ нираяамхи бажжад̇ий’’д̇и вуд̇д̇ам̣. габбадтагат̇ааяам̣ (вибха. адта. 809) бана ‘‘сан̣таханд̇з хи габбз габбавзмаж̇жхз ваа сан̇гхабхзд̣̇ам̣ гад̇ваа габбавинаасзязва мужжад̇и. сажзби хи свз габбо винассиссад̇ийд̇и аж̇ж̇а сан̇гхабхзд̣̇ам̣ гарод̇и, свзва мужжад̇и, згад̣̇ивасамзва нираяз бажжад̇ий’’д̇и вуд̇д̇ам̣. д̇ад̇т̇ааби габбавинаасзязваад̇и ааяугаббавинаасзязваад̇и ад̇т̇з сад̇и над̇т̇и вирод̇хо. сан̣таханд̇зд̇и ид̣̇амби ‘‘свз винассиссад̇ий’’д̇и вияа абхууд̇абаригаббанавасзна вуд̇д̇ам̣. ‘‘згад̣̇ивасамзва нираяз бажжад̇ий’’д̇и зд̇т̇ааби д̇ад̇о барам̣ габбаабхаавз ааяугаббассаби абхаавад̇од̇и авирод̇хад̇о ад̇т̇аяож̇анаа д̣̇адтаб̣б̣аа. б̣рахмам̣ бун̃н̃анд̇и сздтам̣ бун̃н̃ам̣. габбам̣ саг̇г̇амхи мод̣̇ад̇ийд̇и зд̇т̇ааби ааяугаббамзва.
Sallekhā vutti etesanti sallekhavuttino. Bāhulikoti ekassa la-kārassa lopaṃ katvā vuttaṃ. Kappanti āyukappaṃ. Saṅghabhedako hi ekaṃ kappaṃ asītibhāge katvā tato ekabhāgamattaṃ kālaṃ niraye tiṭṭheyyāti āyukappaṃ sandhāya ‘‘kappaṃ nirayamhi paccatī’’ti vuttaṃ. Kappaṭṭhakathāyaṃ (vibha. aṭṭha. 809) pana ‘‘saṇṭhahante hi kappe kappavemajjhe vā saṅghabhedaṃ katvā kappavināseyeva muccati. Sacepi hi sve kappo vinassissatīti ajja saṅghabhedaṃ karoti, sveva muccati, ekadivasameva niraye paccatī’’ti vuttaṃ. Tatthāpi kappavināseyevāti āyukappavināseyevāti atthe sati natthi virodho. Saṇṭhahanteti idampi ‘‘sve vinassissatī’’ti viya abhūtaparikappanavasena vuttaṃ. ‘‘Ekadivasameva niraye paccatī’’ti etthāpi tato paraṃ kappābhāve āyukappassapi abhāvatoti avirodhato atthayojanā daṭṭhabbā. Brahmaṃ puññanti seṭṭhaṃ puññaṃ. Kappaṃ saggamhi modatīti etthāpi āyukappameva.
411. лад̣̇д̇хинаанаасам̣ваасагзнаад̇и бхааваббад̇хаанояам̣ нид̣̇д̣̇зсо, лад̣̇д̇хинаанаасам̣ваасагабхаавзнаад̇и ад̇т̇о. гамманаанаасам̣ваасагзнаад̇и зд̇т̇ааби зсзва наяо. ан̃н̃ат̇аа наанаасам̣ваасагзна сахид̇асса самаанасам̣ваасагассаби сан̇гхасса асамаанасам̣ваасагад̇д̇ам̣ аабаж̇ж̇зяяа. д̇ад̇т̇а лад̣̇д̇хинаанаасам̣ваасаго наама угкид̇д̇аанувад̇д̇аго. со хи ад̇д̇ано лад̣̇д̇хияаа наанаасам̣ваасаго ж̇аад̇од̇и ‘‘лад̣̇д̇хинаанаасам̣ваасаго’’д̇и вужжад̇и. гамманаанаасам̣ваасаго наама угкзбанийяагаммагад̇о. со хи угкзбанийяагаммавасзна наанаасам̣ваасаго ход̇ийд̇и ‘‘гамманаанаасам̣ваасаго’’д̇и вужжад̇и. вирахид̇од̇и вимуд̇д̇о. гааяасаамаг̇г̇ийд̣̇аанам̣ д̇зсу д̇зсу сан̇гхагаммзсу хад̇т̇абаасуубаг̇аманавасзна взд̣̇ид̇аб̣б̣ам̣.
411.Laddhinānāsaṃvāsakenāti bhāvappadhānoyaṃ niddeso, laddhinānāsaṃvāsakabhāvenāti attho. Kammanānāsaṃvāsakenāti etthāpi eseva nayo. Aññathā nānāsaṃvāsakena sahitassa samānasaṃvāsakassapi saṅghassa asamānasaṃvāsakattaṃ āpajjeyya. Tattha laddhinānāsaṃvāsako nāma ukkhittānuvattako. So hi attano laddhiyā nānāsaṃvāsako jātoti ‘‘laddhinānāsaṃvāsako’’ti vuccati. Kammanānāsaṃvāsako nāma ukkhepanīyakammakato. So hi ukkhepanīyakammavasena nānāsaṃvāsako hotīti ‘‘kammanānāsaṃvāsako’’ti vuccati. Virahitoti vimutto. Kāyasāmaggīdānaṃ tesu tesu saṅghakammesu hatthapāsūpagamanavasena veditabbaṃ.
‘‘бхзд̣̇ааяа бараггамзяяаа’’д̇и висум̣ вуд̇д̇ад̇д̇аа бхзд̣̇анасам̣вад̇д̇анигасса ад̇хигаран̣асса самаад̣̇ааяа баг̇г̇ан̣хад̇о буб̣б̣зби багкабариязсанаад̣̇ивасзна сан̇гхабхзд̣̇ааяа бараггаманд̇асса саманубхаасанагаммам̣ гаад̇аб̣б̣анд̇и взд̣̇ид̇аб̣б̣ам̣. имаани вад̇т̇уунийд̇и адтаараса бхзд̣̇агаравад̇т̇ууни. гаммзнаад̇и абалоганаад̣̇ийсу жад̇уусу гаммзсу ан̃н̃ад̇арзна гаммзна. уд̣̇д̣̇зсзнаад̇и бан̃жасу баад̇имогкуд̣̇д̣̇зсзсу ан̃н̃ад̇арзна уд̣̇д̣̇зсзна. вохаарзнаад̇и д̇аахи д̇аахи убабад̇д̇ийхи ‘‘ад̇хаммам̣ д̇хаммо’’д̇иаад̣̇иадтаарасабхзд̣̇агаравад̇т̇уд̣̇ийбагзна вохаарзна. ануссааванааяаад̇и ‘‘нану д̇умхз ж̇аанаат̇а маяхам̣ ужжаагулаа баб̣б̣аж̇ид̇абхаавам̣ б̣ахуссуд̇абхааван̃жа, маад̣̇исо наама уд̣̇д̇хаммам̣ уб̣б̣инаяам̣ сад̇т̇усаасанам̣ г̇аахзяяаад̇и жид̇д̇амби уббаад̣̇зд̇ум̣ д̇умхаагам̣ яуд̇д̇ам̣, гим̣ маяхам̣ авийжи нийлуббалаванам̣ вияа сийд̇ало, гимахам̣ абааяад̇о на бхааяаамий’’д̇иаад̣̇инаа наязна ган̣н̣амуулз важийбхзд̣̇ам̣ гад̇ваа ануссааванзна. салаагаг̇г̇аахзнаад̇и звам̣ ануссаавзд̇ваа д̇зсам̣ жид̇д̇ам̣ убад̇т̇амбхзд̇ваа анивад̇д̇ид̇хаммз гад̇ваа ‘‘г̇ан̣хат̇а имам̣ салаага’’нд̇и салаагаг̇г̇аахзна. бан̃жахи гааран̣зхи сан̇гхабхзд̣̇о ход̇ийд̇и зд̇т̇а гаммамзва уд̣̇д̣̇зсо ваа сан̇гхабхзд̣̇з бад̇хаанагааран̣анд̇и взд̣̇ид̇аб̣б̣ам̣. вохаараануссааванасалаагаг̇г̇аахаа бана буб̣б̣абхааг̇аа. адтаарасавад̇т̇уд̣̇ийбанавасазна хи вохаранд̇зна д̇ад̇т̇а ружиж̇ананад̇т̇ам̣ ануссаавзд̇ваа салаагааяа г̇ахид̇ааяаби абхиннова ход̇и сан̇гхо. яад̣̇аа бана звам̣ жад̇д̇ааро ваа ад̇ирзгаа ваа салаагам̣ г̇ахзд̇ваа аавзн̣игагаммам̣ ваа уд̣̇д̣̇зсам̣ ваа гаронд̇и, д̇ад̣̇аа сан̇гхо бхинно наама ход̇и. аб̣бхуссид̇анд̇и аб̣бхуг̇г̇ад̇ам̣. ажчзяяаад̇и вихарзяяа, бавад̇д̇зяяаад̇и ад̇т̇о.
‘‘Bhedāya parakkameyyā’’ti visuṃ vuttattā bhedanasaṃvattanikassa adhikaraṇassa samādāya paggaṇhato pubbepi pakkhapariyesanādivasena saṅghabhedāya parakkamantassa samanubhāsanakammaṃ kātabbanti veditabbaṃ. Imāni vatthūnīti aṭṭhārasa bhedakaravatthūni. Kammenāti apalokanādīsu catūsu kammesu aññatarena kammena. Uddesenāti pañcasu pātimokkhuddesesu aññatarena uddesena. Vohārenāti tāhi tāhi upapattīhi ‘‘adhammaṃ dhammo’’tiādiaṭṭhārasabhedakaravatthudīpakena vohārena. Anussāvanāyāti ‘‘nanu tumhe jānātha mayhaṃ uccākulā pabbajitabhāvaṃ bahussutabhāvañca, mādiso nāma uddhammaṃ ubbinayaṃ satthusāsanaṃ gāheyyāti cittampi uppādetuṃ tumhākaṃ yuttaṃ, kiṃ mayhaṃ avīci nīluppalavanaṃ viya sītalo, kimahaṃ apāyato na bhāyāmī’’tiādinā nayena kaṇṇamūle vacībhedaṃ katvā anussāvanena. Salākaggāhenāti evaṃ anussāvetvā tesaṃ cittaṃ upatthambhetvā anivattidhamme katvā ‘‘gaṇhatha imaṃ salāka’’nti salākaggāhena. Pañcahi kāraṇehi saṅghabhedo hotīti ettha kammameva uddeso vā saṅghabhede padhānakāraṇanti veditabbaṃ. Vohārānussāvanasalākaggāhā pana pubbabhāgā. Aṭṭhārasavatthudīpanavasaena hi voharantena tattha rucijananatthaṃ anussāvetvā salākāya gahitāyapi abhinnova hoti saṅgho. Yadā pana evaṃ cattāro vā atirekā vā salākaṃ gahetvā āveṇikakammaṃ vā uddesaṃ vā karonti, tadā saṅgho bhinno nāma hoti. Abbhussitanti abbhuggataṃ. Accheyyāti vihareyya, pavatteyyāti attho.
‘‘лаж̇ж̇ий рагкиссад̇ий’’д̇и важанад̇о аабад̇д̇ибхаязна аарожанам̣ лаж̇ж̇ийнам̣язва бхаарод̇и ааха ‘‘лаж̇ж̇ийхи бхигкуухий’’д̇и. алаж̇ж̇иссаби анаарожзнд̇асса аабад̇д̇иязва ‘‘яз бассанд̇и, яз сун̣анд̇ий’’д̇и важанад̇о. самааг̇ажчад̇ууд̇и згий бхавад̇у. згийбхааво жа самааналад̣̇д̇хивасзна ход̇ийд̇и ааха ‘‘згалад̣̇д̇хиго ход̇уу’’д̇и. самбад̇д̇ияаад̇и сийлаад̣̇исамбад̇д̇ияаа. бадиниссаж̇ж̇анд̇асса анаабад̇д̇ибхаавад̇о ‘‘сод̇т̇ибхааво д̇асса бхигкуно’’д̇и вуд̇д̇ам̣. аббадиниссаж̇ж̇ад̇о д̣̇уггаданд̇и висум̣ висум̣ вад̣̇анд̇аанам̣ г̇ан̣анааяа д̣̇уггадам̣. бахонд̇знаад̇и г̇анд̇ум̣ самад̇т̇зна аг̇илаанзна. сан̇гхабхзд̣̇асса г̇аругабхаавад̇о авассам̣ гад̇д̇аб̣б̣ад̇аад̣̇ассанад̇т̇ам̣ ‘‘д̣̇уурзби бхаароязваа’’д̇и вуд̇д̇ам̣, аабад̇д̇и бана ад̣̇д̇хаяож̇анаб̣бханд̇арз г̇анд̇ум̣ самад̇т̇асса аг̇илаанассзва взд̣̇ид̇аб̣б̣аа.
‘‘Lajjī rakkhissatī’’ti vacanato āpattibhayena ārocanaṃ lajjīnaṃyeva bhāroti āha ‘‘lajjīhi bhikkhūhī’’ti. Alajjissapi anārocentassa āpattiyeva ‘‘ye passanti, ye suṇantī’’ti vacanato. Samāgacchatūti ekī bhavatu. Ekībhāvo ca samānaladdhivasena hotīti āha ‘‘ekaladdhiko hotū’’ti. Sampattiyāti sīlādisampattiyā. Paṭinissajjantassa anāpattibhāvato ‘‘sotthibhāvo tassa bhikkhuno’’ti vuttaṃ. Appaṭinissajjato dukkaṭanti visuṃ visuṃ vadantānaṃ gaṇanāya dukkaṭaṃ. Pahontenāti gantuṃ samatthena agilānena. Saṅghabhedassa garukabhāvato avassaṃ kattabbatādassanatthaṃ ‘‘dūrepi bhāroyevā’’ti vuttaṃ, āpatti pana addhayojanabbhantare gantuṃ samatthassa agilānasseva veditabbā.
416. асаманубхаасанд̇ассаад̇и гаммагаарагз гад̇д̇унид̣̇д̣̇зсод̇и ааха ‘‘асаманубхаасияамаанассаа’’д̇и. д̇ад̇ияагаммаваажааяа бадиниссаж̇ж̇анд̇о н̃ад̇д̇ияаа д̣̇уггадам̣ д̣̇вийхи гаммаваажаахи т̇уллажжаяз жа аабаж̇ж̇ад̇иязваад̇и ааха ‘‘бадиниссаж̇ж̇анд̇асса сан̇гхаад̣̇исзсзна анаабад̇д̇ий’’д̇и. ассаад̇и д̣̇звад̣̇ад̇д̇асса. гад̇зна бхавид̇аб̣б̣анд̇и саманубхаасанагаммзна гад̇зна бхавид̇аб̣б̣ам̣. ад̇д̇ано ружимад̇д̇зна вад̣̇зяяаад̇иаад̣̇игаммигад̇д̇аа аббадиниссаж̇ж̇анд̇ассаби анаабад̇д̇ийд̇и ад̇хиббааязна вад̣̇зяяа. абан̃н̃ад̇д̇з сигкаабад̣̇з саманубхаасанагаммассзва абхаавад̇о ‘‘на хи бан̃н̃ад̇д̇ам̣ сигкаабад̣̇ам̣ вийд̇иггаманд̇ассаа’’д̇и вуд̇д̇ам̣. сигкаабад̣̇ам̣ бан̃н̃абзнд̇знзва хи саманубхаасанагаммам̣ анун̃н̃аад̇ам̣. уд̣̇д̣̇исса анун̃н̃аад̇ад̇од̇и ‘‘ануж̇аанаами, бхигкавз, романт̇агасса романт̇ана’’нд̇иаад̣̇им̣ (жуул̣ава. 273) уд̣̇д̣̇исса анун̃н̃аад̇ам̣ санд̇хааяа вад̣̇анд̇и. анаабад̇д̇ияанд̇и анаабад̇д̇иваарз. аабад̇д̇им̣ робзд̇аб̣б̣од̇и аниссаж̇ж̇анабажжаяаа аабаннабаажид̇д̇ияаабад̇д̇им̣ угкзбанийяагаммагаран̣ад̇т̇ам̣ ааробзд̇аб̣б̣од̇и ад̇т̇о.
416.Asamanubhāsantassāti kammakārake kattuniddesoti āha ‘‘asamanubhāsiyamānassā’’ti. Tatiyakammavācāya paṭinissajjanto ñattiyā dukkaṭaṃ dvīhi kammavācāhi thullaccaye ca āpajjatiyevāti āha ‘‘paṭinissajjantassa saṅghādisesena anāpattī’’ti. Assāti devadattassa. Katena bhavitabbanti samanubhāsanakammena katena bhavitabbaṃ. Attano rucimattena vadeyyātiādikammikattā appaṭinissajjantassapi anāpattīti adhippāyena vadeyya. Apaññatte sikkhāpade samanubhāsanakammasseva abhāvato ‘‘na hi paññattaṃ sikkhāpadaṃ vītikkamantassā’’ti vuttaṃ. Sikkhāpadaṃ paññapenteneva hi samanubhāsanakammaṃ anuññātaṃ. Uddissa anuññātatoti ‘‘anujānāmi, bhikkhave, romanthakassa romanthana’’ntiādiṃ (cūḷava. 273) uddissa anuññātaṃ sandhāya vadanti. Anāpattiyanti anāpattivāre. Āpattiṃ ropetabboti anissajjanapaccayā āpannapācittiyāpattiṃ ukkhepanīyakammakaraṇatthaṃ āropetabboti attho.
аабад̇д̇иязва на ж̇аад̇аад̇и сан̇гхаад̣̇исзсаабад̇д̇и на ж̇аад̇ааязваад̇и ад̇т̇о. саа банзсаад̇и саа бана зсаа анаабад̇д̇и. д̇иван̇г̇иганд̇и гааяаваажаажид̇д̇авасзна д̇иван̇г̇игам̣, гааяаваажаажид̇д̇ад̇о самудтаад̇ийд̇и вуд̇д̇ам̣ ход̇и. ‘‘наббадиниссаж̇ж̇аамий’’д̇и сан̃н̃ааяа абхаавзна мужжанад̇о сан̃н̃аавимогкам̣. сажид̇д̇аганд̇и ‘‘наббадиниссаж̇ж̇аамий’’д̇и ж̇аананажид̇д̇зна сажид̇д̇агам̣. бхзд̣̇ааяа бараггаманам̣, д̇хаммагаммзна саманубхаасанам̣, гаммаваажаабарияосаанам̣, аббадиниссаж̇ж̇ананд̇и имаанзд̇т̇а жад̇д̇аари ан̇г̇аани.
Āpattiyeva na jātāti saṅghādisesāpatti na jātāyevāti attho. Sā panesāti sā pana esā anāpatti. Tivaṅgikanti kāyavācācittavasena tivaṅgikaṃ, kāyavācācittato samuṭṭhātīti vuttaṃ hoti. ‘‘Nappaṭinissajjāmī’’ti saññāya abhāvena muccanato saññāvimokkhaṃ. Sacittakanti ‘‘nappaṭinissajjāmī’’ti jānanacittena sacittakaṃ. Bhedāya parakkamanaṃ, dhammakammena samanubhāsanaṃ, kammavācāpariyosānaṃ, appaṭinissajjananti imānettha cattāri aṅgāni.
батамасан̇гхабхзд̣̇асигкаабад̣̇аван̣н̣анаа нидтид̇аа.
Paṭhamasaṅghabhedasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 10. сан̇гхабхзд̣̇асигкаабад̣̇ам̣ • 10. Saṅghabhedasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 10. батамасан̇гхабхзд̣̇асигкаабад̣̇аван̣н̣анаа • 10. Paṭhamasaṅghabhedasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 10. батамасан̇гхабхзд̣̇асигкаабад̣̇аван̣н̣анаа • 10. Paṭhamasaṅghabhedasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 10. батамасан̇гхабхзд̣̇асигкаабад̣̇аван̣н̣анаа • 10. Paṭhamasaṅghabhedasikkhāpadavaṇṇanā
