| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
10. батамасан̇гхабхзд̣̇асигкаабад̣̇аван̣н̣анаа
10. Paṭhamasaṅghabhedasikkhāpadavaṇṇanā
410. д̣̇асамз б̣ахуунанд̇и д̣̇уб̣б̣алад̇ааяа аран̃н̃аад̣̇исзвааяа жид̇д̇ам̣ самаахид̇ам̣ гаад̇ум̣ асаггонд̇аанам̣. д̣̇угкассанд̇агирияааяа д̇асмим̣ ад̇д̇абхаавз б̣уд̣̇д̇хаважанаг̇г̇ахан̣ад̇хааран̣аад̣̇исан̇каад̇ам̣ б̣яан̃ж̇анабад̣̇амзва барамам̣ асса, на маг̇г̇алаабход̇и бад̣̇абарамо. абхисамбхун̣ид̇ваад̇и нибпаад̣̇зд̇ваа. д̇хаммад̇о абзд̇ам̣ уд̣̇д̇хаммам̣. бадигкид̇д̇амзваад̇и ‘‘на, бхигкавз, асзнаасанигзна вассам̣ убаг̇анд̇аб̣б̣а’’нд̇и (махаава. 204) важанад̇о вуд̇д̇ам̣, ид̣̇амзва важанам̣ санд̇хааяа баал̣ияамби ‘‘адта маасз’’д̇иаад̣̇и (баараа. 409) вуд̇д̇ам̣.
410. Dasame bahūnanti dubbalatāya araññādisevāya cittaṃ samāhitaṃ kātuṃ asakkontānaṃ. Dukkhassantakiriyāya tasmiṃ attabhāve buddhavacanaggahaṇadhāraṇādisaṅkhātaṃ byañjanapadameva paramaṃ assa, na maggalābhoti padaparamo. Abhisambhuṇitvāti nipphādetvā. Dhammato apetaṃ uddhammaṃ. Paṭikkhittamevāti ‘‘na, bhikkhave, asenāsanikena vassaṃ upagantabba’’nti (mahāva. 204) vacanato vuttaṃ, idameva vacanaṃ sandhāya pāḷiyampi ‘‘aṭṭha māse’’tiādi (pārā. 409) vuttaṃ.
д̇ийхи годийхийд̇и асуд̣̇д̇хамуулзхи. зд̇т̇а жа бхигкуунам̣ жад̇уусу гулзсу баггабин̣д̣ияаалобабхож̇ананиссид̇ад̇ааяа, мажчамам̣сабхож̇анавирахид̇асса жа гуласса д̣̇уллабхад̇ааяа д̇ад̇т̇а лад̣̇д̇хзсу бхад̇д̇аб̣яан̃ж̇анзсу мажчамам̣сасам̣саг̇г̇асан̇гааяа, д̣̇уннивааран̣ад̇ааяа жа бхигкуунам̣ сарийраяаабанамби на сияаад̇и бхаг̇авад̇аа мажчамам̣сам̣ саб̣б̣ат̇аа аббадигкибид̇ваа д̇ийхи годийхи абарисуд̣̇д̇хамзва бадигкид̇д̇ам̣. яад̣̇и хи д̇ам̣ бхаг̇аваа саб̣б̣ат̇аа бадигкибзяяа, бхигкуу марамаанааби мажчаад̣̇исам̣саг̇г̇асан̇гид̇ам̣ бхад̇д̇ам̣ на бхун̃ж̇зяяум̣, д̇ад̇о д̇ан̣д̣улад̇хан̃н̃аад̣̇им̣ бадиг̇г̇ахзд̇ваа нид̣̇ахид̇ваа саяам̣ бажид̇ваа бхун̃ж̇ид̇ум̣ д̇ад̣̇убагаран̣абхууд̇ам̣ д̣̇аасид̣̇аасам̣, уд̣̇угкаламусалаад̣̇иган̃жа бхигкуунам̣ бад̇д̇аад̣̇и вияа авассам̣ г̇ахзд̇ум̣ ануж̇аанид̇аб̣б̣ам̣ сияаад̇и д̇ид̇т̇ияаанам̣ вияа г̇ахадтааваасо зва сияаа, на бхигкуааваасод̇и взд̣̇ид̇аб̣б̣ам̣. ж̇аалам̣ мажчаб̣анд̇ханам̣. вааг̇ураа миг̇аб̣анд̇ханий. габбад̇ийд̇и яад̣̇и д̇зсам̣ важанзна сан̇гаа на вад̇д̇ад̇и, ваддад̇и, на д̇ам̣ важанам̣ лзсагаббам̣ гаад̇ум̣ ваддад̇и. д̇знзва вагкад̇и ‘‘яад̇т̇а жа ниб̣б̣змад̇иго ход̇и, д̇ам̣ саб̣б̣ам̣ габбад̇ий’’д̇и.
Tīhi koṭīhīti asuddhamūlehi. Ettha ca bhikkhūnaṃ catūsu kulesu pakkapiṇḍiyālopabhojananissitatāya, macchamaṃsabhojanavirahitassa ca kulassa dullabhatāya tattha laddhesu bhattabyañjanesu macchamaṃsasaṃsaggasaṅkāya, dunnivāraṇatāya ca bhikkhūnaṃ sarīrayāpanampi na siyāti bhagavatā macchamaṃsaṃ sabbathā appaṭikkhipitvā tīhi koṭīhi aparisuddhameva paṭikkhittaṃ. Yadi hi taṃ bhagavā sabbathā paṭikkhipeyya, bhikkhū maramānāpi macchādisaṃsaggasaṅkitaṃ bhattaṃ na bhuñjeyyuṃ, tato taṇḍuladhaññādiṃ paṭiggahetvā nidahitvā sayaṃ pacitvā bhuñjituṃ tadupakaraṇabhūtaṃ dāsidāsaṃ, udukkhalamusalādikañca bhikkhūnaṃ pattādi viya avassaṃ gahetuṃ anujānitabbaṃ siyāti titthiyānaṃ viya gahaṭṭhāvāso eva siyā, na bhikkhuāvāsoti veditabbaṃ. Jālaṃ macchabandhanaṃ. Vāgurā migabandhanī. Kappatīti yadi tesaṃ vacanena saṅkā na vattati, vaṭṭati, na taṃ vacanaṃ lesakappaṃ kātuṃ vaṭṭati. Teneva vakkhati ‘‘yattha ca nibbematiko hoti, taṃ sabbaṃ kappatī’’ti.
бавад̇д̇амам̣санд̇и аабан̣аад̣̇ийсу бавад̇д̇ам̣ виггааяигам̣ мад̇амам̣сам̣. бхигкуунам̣язва ад̇т̇ааяа агад̇анд̇и зд̇т̇а адтаанаббаяуд̇д̇о зва-сад̣̇д̣̇о, бхигкуунам̣ ад̇т̇ааяа агад̇амзваад̇и самб̣анд̇хид̇аб̣б̣ам̣, д̇асмаа бхигкуунан̃жа ман̇г̇алаад̣̇ийнан̃жаад̇и миссзд̇ваа гад̇амби на ваддад̇ийд̇и взд̣̇ид̇аб̣б̣ам̣. гзжи бана яат̇аатид̇авасзна авад̇хааран̣ам̣ г̇ахзд̇ваа ‘‘ваддад̇ий’’д̇и вад̣̇анд̇и, д̇ам̣ на сунд̣̇арам̣. ‘‘вад̇д̇а’’нд̇и иминаа аабад̇д̇и над̇т̇ийд̇и д̣̇ассзд̇и.
Pavattamaṃsanti āpaṇādīsu pavattaṃ vikkāyikaṃ matamaṃsaṃ. Bhikkhūnaṃyeva atthāya akatanti ettha aṭṭhānappayutto eva-saddo, bhikkhūnaṃ atthāya akatamevāti sambandhitabbaṃ, tasmā bhikkhūnañca maṅgalādīnañcāti missetvā katampi na vaṭṭatīti veditabbaṃ. Keci pana yathāṭhitavasena avadhāraṇaṃ gahetvā ‘‘vaṭṭatī’’ti vadanti, taṃ na sundaraṃ. ‘‘Vatta’’nti iminā āpatti natthīti dasseti.
габбанд̇и асан̇кзяяагаббам̣, ‘‘ааяугабба’’нд̇иби (саарад̇т̇а. дий. 2.410) гзжи. махаагаббасса хи жад̇уд̇т̇абхааг̇о асан̇кзяяагаббо, д̇ад̇о вийсад̇имо бхааг̇о сан̇гхабхзд̣̇агасса ааяугаббанд̇и вад̣̇анд̇и, д̇ам̣ адтагат̇аасу габбадтагат̇ааяа на самзд̇и ‘‘габбавинаасз зва мужжад̇ий’’д̇иаад̣̇и (вибха. адта. 809) важанад̇о. б̣рахмам̣ бун̃н̃анд̇и сздтам̣ бун̃н̃ам̣. габбам̣ саг̇г̇амхийд̇и зд̇т̇а бадисанд̇хибарамбарааяа габбадтад̇аа взд̣̇ид̇аб̣б̣аа.
Kappanti asaṅkheyyakappaṃ, ‘‘āyukappa’’ntipi (sārattha. ṭī. 2.410) keci. Mahākappassa hi catutthabhāgo asaṅkheyyakappo, tato vīsatimo bhāgo saṅghabhedakassa āyukappanti vadanti, taṃ aṭṭhakathāsu kappaṭṭhakathāya na sameti ‘‘kappavināse eva muccatī’’tiādi (vibha. aṭṭha. 809) vacanato. Brahmaṃ puññanti seṭṭhaṃ puññaṃ. Kappaṃ saggamhīti ettha paṭisandhiparamparāya kappaṭṭhatā veditabbā.
411. лад̣̇д̇хинаанаасам̣ваасагзнаад̇и угкид̇д̇аанувад̇д̇агабхаавзна бхааваббад̇хаанад̇д̇аа нид̣̇д̣̇зсасса. гамманаанаасам̣ваасагзнаад̇и угкид̇д̇абхаавзна. ‘‘бхзд̣̇ааяа бараггамзяяаа’’д̇и висум̣ вуд̇д̇ад̇д̇аа бхзд̣̇анасам̣вад̇д̇анигасса ад̇хигаран̣асса самаад̣̇ааяа баг̇г̇ан̣ханад̇о буб̣б̣зби багкабариязсанаад̣̇ивасзна сан̇гхабхзд̣̇ааяа бараггаманд̇асса саманубхаасанагаммам̣ гаад̇ум̣ ваддад̇ийд̇и взд̣̇ид̇аб̣б̣ам̣. яоби жааяам̣ сан̇гхабхзд̣̇о ход̇ийд̇и самб̣анд̇хо.
411.Laddhinānāsaṃvāsakenāti ukkhittānuvattakabhāvena bhāvappadhānattā niddesassa. Kammanānāsaṃvāsakenāti ukkhittabhāvena. ‘‘Bhedāya parakkameyyā’’ti visuṃ vuttattā bhedanasaṃvattanikassa adhikaraṇassa samādāya paggaṇhanato pubbepi pakkhapariyesanādivasena saṅghabhedāya parakkamantassa samanubhāsanakammaṃ kātuṃ vaṭṭatīti veditabbaṃ. Yopi cāyaṃ saṅghabhedo hotīti sambandho.
гаммзнаад̇и абалоганаад̣̇инаа. уд̣̇д̣̇зсзнаад̇и баад̇имогкуд̣̇д̣̇зсзна. вохаарзнаад̇и д̇аахи д̇аахи убабад̇д̇ийхи ‘‘ад̇хаммам̣ д̇хаммо’’д̇иаад̣̇инаа (а. ни. 3.10-39, 42; жуул̣ава. 352) вохаарзна, барзсам̣ бан̃н̃аабанзнаад̇и ад̇т̇о. анусааванааяаад̇и ад̇д̇ано лад̣̇д̇хияаа г̇ахан̣ад̇т̇амзва ану бунаббунам̣ ган̣н̣амуулз манд̇асааванааяа, гат̇анзнаад̇и ад̇т̇о. салаагаг̇г̇аахзнаад̇и звам̣ анусааванааяа д̇зсам̣ жид̇д̇ам̣ убад̇т̇амбхзд̇ваа ад̇д̇ано багкз бавидтабхаавасса сан̃н̃аан̣ад̇т̇ам̣ ‘‘г̇ан̣хат̇а имам̣ салаага’’нд̇и салаагаг̇г̇аахзна. зд̇т̇а жа гаммамзва, уд̣̇д̣̇зсо ваа сан̇гхабхзд̣̇з бад̇хаанам̣ гааран̣ам̣, вохаараад̣̇аяо бана сан̇гхабхзд̣̇асса буб̣б̣абхааг̇аад̇и взд̣̇ид̇аб̣б̣аа. аб̣бхуссид̇анд̇и аб̣бхуг̇г̇ад̇ам̣. ажчзяяаад̇и вихарзяяа.
Kammenāti apalokanādinā. Uddesenāti pātimokkhuddesena. Vohārenāti tāhi tāhi upapattīhi ‘‘adhammaṃ dhammo’’tiādinā (a. ni. 3.10-39, 42; cūḷava. 352) vohārena, paresaṃ paññāpanenāti attho. Anusāvanāyāti attano laddhiyā gahaṇatthameva anu punappunaṃ kaṇṇamūle mantasāvanāya, kathanenāti attho. Salākaggāhenāti evaṃ anusāvanāya tesaṃ cittaṃ upatthambhetvā attano pakkhe paviṭṭhabhāvassa saññāṇatthaṃ ‘‘gaṇhatha imaṃ salāka’’nti salākaggāhena. Ettha ca kammameva, uddeso vā saṅghabhede padhānaṃ kāraṇaṃ, vohārādayo pana saṅghabhedassa pubbabhāgāti veditabbā. Abbhussitanti abbhuggataṃ. Accheyyāti vihareyya.
‘‘лаж̇ж̇ий рагкиссад̇ий’’д̇и (висуд̣̇д̇хи. 1.42; баараа. адта. 1.45) важанад̇о аабад̇д̇ибхаязна аарожанам̣ лаж̇ж̇ийнам̣ зва бхаарод̇и ааха ‘‘лаж̇ж̇ийхи бхигкуухий’’д̇и, алаж̇ж̇иссаби анаарожзнд̇асса аабад̇д̇иязва. аббадиниссаж̇ж̇ад̇о д̣̇уггаданд̇и висум̣ висум̣ вад̣̇анд̇аанам̣ г̇ан̣анааяа д̣̇уггадам̣. бахонд̇знаад̇и г̇анд̇ум̣ самад̇т̇зна, ижчанд̇знаад̇и ад̇т̇о. аабад̇д̇и бана ад̣дхаяож̇анаб̣бханд̇арзнзва аг̇илаанасса васзна взд̣̇ид̇аб̣б̣аа.
‘‘Lajjī rakkhissatī’’ti (visuddhi. 1.42; pārā. aṭṭha. 1.45) vacanato āpattibhayena ārocanaṃ lajjīnaṃ eva bhāroti āha ‘‘lajjīhi bhikkhūhī’’ti, alajjissapi anārocentassa āpattiyeva. Appaṭinissajjato dukkaṭanti visuṃ visuṃ vadantānaṃ gaṇanāya dukkaṭaṃ. Pahontenāti gantuṃ samatthena, icchantenāti attho. Āpatti pana aḍḍhayojanabbhantareneva agilānassa vasena veditabbā.
416. н̃ад̇д̇ияаад̣̇ийхи д̣̇уггадаад̣̇исаб̣бхаавам̣ санд̇хааяа ‘‘сан̇гхаад̣̇исзсзна анаабад̇д̇ий’’д̇и вуд̇д̇ам̣. ассаад̇и д̣̇звад̣̇ад̇д̇асса. абан̃н̃ад̇д̇з сигкаабад̣̇з саманубхаасанагаммассзва абхаавад̇о ‘‘на хи бан̃н̃ад̇д̇ам̣ сигкаабад̣̇ам̣ вийд̇иггаманд̇ассаа’’д̇и вуд̇д̇ам̣. сигкаабад̣̇ам̣ бан̃н̃абзнд̇знзва хи саманубхаасанагаммам̣ анун̃н̃аад̇ам̣. уд̣̇д̣̇исса анун̃н̃аад̇ад̇од̇и ‘‘ануж̇аанаами, бхигкавз, романт̇агасса романт̇ана’’нд̇иаад̣̇им̣ (жуул̣ава. 273) уд̣̇д̣̇иссаанун̃н̃аад̇ам̣ санд̇хааяа вад̣̇ад̇и. анаабад̇д̇ияанд̇и анаабад̇д̇иваарз. аабад̇д̇им̣ робзд̇аб̣б̣од̇и саманубхаасанааяа баажид̇д̇ияааабад̇д̇им̣ робзд̇аб̣б̣о. аабад̇д̇иязва на ж̇аад̇аад̇и сан̇гхаад̣̇исзсаабад̇д̇и на ж̇аад̇аа зва.
416. Ñattiyādīhi dukkaṭādisabbhāvaṃ sandhāya ‘‘saṅghādisesena anāpattī’’ti vuttaṃ. Assāti devadattassa. Apaññatte sikkhāpade samanubhāsanakammasseva abhāvato ‘‘na hi paññattaṃ sikkhāpadaṃ vītikkamantassā’’ti vuttaṃ. Sikkhāpadaṃ paññapenteneva hi samanubhāsanakammaṃ anuññātaṃ. Uddissa anuññātatoti ‘‘anujānāmi, bhikkhave, romanthakassa romanthana’’ntiādiṃ (cūḷava. 273) uddissānuññātaṃ sandhāya vadati. Anāpattiyanti anāpattivāre. Āpattiṃ ropetabboti samanubhāsanāya pācittiyaāpattiṃ ropetabbo. Āpattiyeva na jātāti saṅghādisesāpatti na jātā eva.
‘‘на бадиниссаж̇ж̇аамий’’д̇и сан̃н̃ааяа абхаавзна мужжанад̇о сан̃н̃аавимогкам̣. сажид̇д̇аганд̇и ‘‘на бадиниссаж̇ж̇аамий’’д̇и ж̇аананажид̇д̇зна сажид̇д̇агам̣. яо висан̃н̃ий ваа бхийд̇о ваа вигкид̇д̇о ваа ‘‘бадиниссаж̇ж̇ид̇аб̣б̣а’’нд̇иби, ‘‘гаммам̣ гариссад̇ий’’д̇и ваа на ж̇аанаад̇и, д̇асса анаабад̇д̇и. бхзд̣̇ааяа бараггаманам̣, д̇хаммагаммзна саманубхаасанам̣, гаммаваажаабарияосаанам̣, на бадиниссаж̇ж̇аамийд̇и жид̇д̇зна аббадиниссаж̇ж̇ананд̇и имаанзд̇т̇а жад̇д̇аари ан̇г̇аани.
‘‘Na paṭinissajjāmī’’ti saññāya abhāvena muccanato saññāvimokkhaṃ. Sacittakanti ‘‘na paṭinissajjāmī’’ti jānanacittena sacittakaṃ. Yo visaññī vā bhīto vā vikkhitto vā ‘‘paṭinissajjitabba’’ntipi, ‘‘kammaṃ karissatī’’ti vā na jānāti, tassa anāpatti. Bhedāya parakkamanaṃ, dhammakammena samanubhāsanaṃ, kammavācāpariyosānaṃ, na paṭinissajjāmīti cittena appaṭinissajjananti imānettha cattāri aṅgāni.
батамасан̇гхабхзд̣̇асигкаабад̣̇аван̣н̣анаа нидтид̇аа.
Paṭhamasaṅghabhedasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 10. сан̇гхабхзд̣̇асигкаабад̣̇ам̣ • 10. Saṅghabhedasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 10. батамасан̇гхабхзд̣̇асигкаабад̣̇аван̣н̣анаа • 10. Paṭhamasaṅghabhedasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 10. батамасан̇гхабхзд̣̇асигкаабад̣̇аван̣н̣анаа • 10. Paṭhamasaṅghabhedasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 10. батамасан̇гхабхзд̣̇асигкаабад̣̇аван̣н̣анаа • 10. Paṭhamasaṅghabhedasikkhāpadavaṇṇanā
