| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
2. ஸங்கா⁴தி³ஸேஸகண்ட³ங்
2. Saṅghādisesakaṇḍaṃ
1. பட²மஸங்கா⁴தி³ஸேஸஸிக்கா²பத³-அத்த²யோஜனா
1. Paṭhamasaṅghādisesasikkhāpada-atthayojanā
பாராஜிகானந்தரஸ்ஸாதி பாராஜிகானங் அனந்தரே ட²பிதஸ்ஸ, ஸங்கீ³தஸ்ஸ வா, ஸங்கா⁴தி³ஸேஸகண்ட³ஸ்ஸாதி ஸம்ப³ந்தோ⁴. அயங் ஈதி³ஸா அனுத்தானத்த²வண்ணனா அனுத்தானானங் பதா³னங் அத்த²ஸ்ஸ வண்ணனா தா³னி இமஸ்மிங்காலே ப⁴விஸ்ஸதீதி யோஜனா.
Pārājikānantarassāti pārājikānaṃ anantare ṭhapitassa, saṅgītassa vā, saṅghādisesakaṇḍassāti sambandho. Ayaṃ īdisā anuttānatthavaṇṇanā anuttānānaṃ padānaṃ atthassa vaṇṇanā dāni imasmiṃkāle bhavissatīti yojanā.
678. பட²மே உத³கங் வஸிதங் அச்சா²த³னங் அனேன கதந்தி உதோ³ஸிதோதி வசனத்தே²ன ப⁴ண்ட³ஸாலா உதோ³ஸிதங் நாமாதி த³ஸ்ஸெந்தோ ஆஹ ‘‘உதோ³ஸிதந்தி ப⁴ண்ட³ஸாலா’’தி. எத்த² ஹி உத³ஸத்³தோ³ உத³கபரியாயோ. ஸங்யோகோ³ ந ய்த்³த்தோயேவ. ப⁴ண்ட³ஸாலாதி யானாதீ³னங் ப⁴ண்டா³னங் ட²பனஸாலா. அச்சாவத³தா²தி எத்த² அதீத்யூபஸக்³கோ³ அதிக்கமனத்தோ², ஆத்யூபஸக்³கோ³ தா⁴த்வத்தா²னுவத்தகோதி ஆஹ ‘‘அதிக்கமித்வா வத³தா²’’தி.
678. Paṭhame udakaṃ vasitaṃ acchādanaṃ anena katanti udositoti vacanatthena bhaṇḍasālā udositaṃ nāmāti dassento āha ‘‘udositanti bhaṇḍasālā’’ti. Ettha hi udasaddo udakapariyāyo. Saṃyogo na ydttoyeva. Bhaṇḍasālāti yānādīnaṃ bhaṇḍānaṃ ṭhapanasālā. Accāvadathāti ettha atītyūpasaggo atikkamanattho, ātyūpasaggo dhātvatthānuvattakoti āha ‘‘atikkamitvā vadathā’’ti.
679. உஸ்ஸயவஸேன வத³னங் உஸ்ஸயவாதோ³, ஸோயேவ உஸ்ஸயவாதி³காதி த³ஸ்ஸெந்தோ ஆஹ ‘‘உஸ்ஸயவாதி³கா’’திஆதி³. ‘‘மானுஸ்ஸயவஸேன கோது⁴ஸ்ஸயவஸேனா’’தி இமினா உஸ்ஸயபே⁴த³ங் த³ஸ்ஸேதி. ஸாதி உஸ்ஸயவாதி³கா. அத்த²தோதி ஸரூபதோ. எத்தா²தி பத³பா⁴ஜனே. அட்³ட³னங் அபி⁴யுஞ்ஜனங் அட்³டோ³தி கத்வா த்³வின்னங் ஜனானங் அட்³டோ³ வோஹாரிகானங் வினிச்ச²யகாரணங் ஹோதி, தஸ்மா வுத்தங் ‘‘அட்³டோ³தி வோஹாரிகவினிச்ச²யோ வுச்சதீ’’தி, முத்³த⁴ஜததியக்க²ரோயேவ. யந்தி அட்³ட³ங். யத்தா²தி யஸ்மிங் கிஸ்மிங்சி டா²னே. த்³வின்னங் அட்³ட³காரகானங் வோஹாரங் ஜானந்தீதி வோஹாரிகா, அக்க²த³ஸ்ஸா, தேஸங். த்³வீஸு ஜனேஸூதி அட்³ட³காரகேஸு ஜனேஸு த்³வீஸு. யோ கோசீதி அட்³ட³காரகோ வா அஞ்ஞோ வா யோ கோசி.
679. Ussayavasena vadanaṃ ussayavādo, soyeva ussayavādikāti dassento āha ‘‘ussayavādikā’’tiādi. ‘‘Mānussayavasena kodhussayavasenā’’ti iminā ussayabhedaṃ dasseti. Sāti ussayavādikā. Atthatoti sarūpato. Etthāti padabhājane. Aḍḍanaṃ abhiyuñjanaṃ aḍḍoti katvā dvinnaṃ janānaṃ aḍḍo vohārikānaṃ vinicchayakāraṇaṃ hoti, tasmā vuttaṃ ‘‘aḍḍoti vohārikavinicchayo vuccatī’’ti, muddhajatatiyakkharoyeva. Yanti aḍḍaṃ. Yatthāti yasmiṃ kismiṃci ṭhāne. Dvinnaṃ aḍḍakārakānaṃ vohāraṃ jānantīti vohārikā, akkhadassā, tesaṃ. Dvīsu janesūti aḍḍakārakesu janesu dvīsu. Yo kocīti aḍḍakārako vā añño vā yo koci.
எத்தா²தி ‘‘ஏகஸ்ஸ ஆரோசேதீ’’திஆதி³வசனே. யத்த² கத்த²சீதி யங்கிஞ்சி டா²னங் ஆக³தேபீதி ஸம்ப³ந்தோ⁴. அதா²தி பச்சா². ஸாதி பி⁴க்கு²னீ. ஸோதி உபாஸகோ.
Etthāti ‘‘ekassa ārocetī’’tiādivacane. Yattha katthacīti yaṃkiñci ṭhānaṃ āgatepīti sambandho. Athāti pacchā. Sāti bhikkhunī. Soti upāsako.
‘‘கப்பியகாரகேனா’’திபத³ங் ‘‘கதா²பேதீ’’திபதே³ காரிதகம்மங். தத்தா²தி கப்பியகாரகஇதரேஸு . வோஹாரிகேஹி கதேதி ஸம்ப³ந்தோ⁴. க³திக³தந்தி சிரகாலபத்தங். ஸுதபுப்³ப³ந்தி புப்³பே³ ஸுதங். அதா²தி ஸுதபுப்³ப³த்தா ஏவ. தேதி வோஹாரிகா, தெ³ந்தீதி ஸம்ப³ந்தோ⁴.
‘‘Kappiyakārakenā’’tipadaṃ ‘‘kathāpetī’’tipade kāritakammaṃ. Tatthāti kappiyakārakaitaresu . Vohārikehi kateti sambandho. Gatigatanti cirakālapattaṃ. Sutapubbanti pubbe sutaṃ. Athāti sutapubbattā eva. Teti vohārikā, dentīti sambandho.
பட²மந்தி ஸமனுபா⁴ஸனதோ புப்³ப³ங். ஆபத்தீதி ஆபஜ்ஜனங். ஏதஸ்ஸாதி ஸங்கா⁴தி³ஸேஸஸ்ஸ. அயங் ஹீதி அயங் ஏவ, வக்க²மானோ ஏவாதி அத்தோ². எத்தா²தி பத³பா⁴ஜனே. ஸஹ வத்து²ஜ்ஜா²சாராதி வத்து²ஜ்ஜா²சாரேன ஸஹ, வாக்யமேவ, ந ஸமாஸோ. வத்து²ஜ்ஜா²சாராதி கரணத்தே² நிஸ்ஸக்கவசனங் த³ட்ட²ப்³ப³ங் . தேன வுத்தங் ‘‘ஸஹ வத்து²ஜ்ஜா²சாரேனா’’தி. பி⁴க்கு²னிந்தி ஆபத்திமாபன்னங் பி⁴க்கு²னிங். ஸங்க⁴தோதி பி⁴க்கு²னிஸங்க⁴ம்ஹா. அனீயஸத்³தோ³ ஹேதுகத்தாபி⁴தா⁴யகோதி ஆஹ ‘‘நிஸ்ஸாரேதீதி நிஸ்ஸாரணீயோ’’தி. பி⁴க்கு²னிஸங்க⁴தோ நிஸ்ஸரதி, நிஸ்ஸாரியதி வா அனேனாதி நிஸ்ஸாரணீயோதி கரணத்தோ²பி யுத்தோயேவ. தத்தா²தி பத³பா⁴ஜனே. யந்தி ஸங்கா⁴தி³ஸேஸங். ஸோதி ஸங்கா⁴தி³ஸேஸோ. பத³பா⁴ஜனஸ்ஸ அத்தோ² காரணோபசாரேன த³ட்ட²ப்³போ³. ஹீதி ஸச்சங். கேனசீதி புக்³க³லேன, ந நிஸ்ஸாரீயதீதி ஸம்ப³ந்தோ⁴. தேன த⁴ம்மேன கரணபூ⁴தேன, ஹேதுபூ⁴தேன வா. ஸோதி த⁴ம்மோ.
Paṭhamanti samanubhāsanato pubbaṃ. Āpattīti āpajjanaṃ. Etassāti saṅghādisesassa. Ayaṃ hīti ayaṃ eva, vakkhamāno evāti attho. Etthāti padabhājane. Saha vatthujjhācārāti vatthujjhācārena saha, vākyameva, na samāso. Vatthujjhācārāti karaṇatthe nissakkavacanaṃ daṭṭhabbaṃ . Tena vuttaṃ ‘‘saha vatthujjhācārenā’’ti. Bhikkhuninti āpattimāpannaṃ bhikkhuniṃ. Saṅghatoti bhikkhunisaṅghamhā. Anīyasaddo hetukattābhidhāyakoti āha ‘‘nissāretīti nissāraṇīyo’’ti. Bhikkhunisaṅghato nissarati, nissāriyati vā anenāti nissāraṇīyoti karaṇatthopi yuttoyeva. Tatthāti padabhājane. Yanti saṅghādisesaṃ. Soti saṅghādiseso. Padabhājanassa attho kāraṇopacārena daṭṭhabbo. Hīti saccaṃ. Kenacīti puggalena, na nissārīyatīti sambandho. Tena dhammena karaṇabhūtena, hetubhūtena vā. Soti dhammo.
அட்³ட³காரகமனுஸ்ஸேஹி வுச்சமானாதி யோஜனா. ஸயந்தி ஸாமங். ததோதி க³மனதோ, பரந்தி ஸம்ப³ந்தோ⁴. பி⁴க்கு²னியா வா கதங் ஆரோசேதூதி யோஜனா.
Aḍḍakārakamanussehi vuccamānāti yojanā. Sayanti sāmaṃ. Tatoti gamanato, paranti sambandho. Bhikkhuniyā vā kataṃ ārocetūti yojanā.
த⁴ம்மிகந்தி த⁴ம்மேன ஸபா⁴வேன யுத்தங். யதா²தி யேனாகாரேன. தந்தி ஆகாரங். தத்தா²தி ‘‘அனோதி³ஸ்ஸ ஆசிக்க²தீ’’தி வசனே.
Dhammikanti dhammena sabhāvena yuttaṃ. Yathāti yenākārena. Tanti ākāraṃ. Tatthāti ‘‘anodissa ācikkhatī’’ti vacane.
து⁴த்தாத³யோதி ஆதி³ஸத்³தே³ன சோராத³யோ ஸங்க³ண்ஹாதி. ஸாதி ஆசிக்க²னா. தந்தி ஆசிக்க²னங். தேஸந்தி கா³மதா³ரகாதீ³னங். த³ண்ட³ந்தி த⁴னத³ண்ட³ங். கீ³வா ஹோதீதி இணங் ஹோதி. அதி⁴ப்பாயே ஸதிபீதி யோஜனா. தஸ்ஸாதி அனாசாரங் சரந்தஸ்ஸ.
Dhuttādayoti ādisaddena corādayo saṅgaṇhāti. Sāti ācikkhanā. Tanti ācikkhanaṃ. Tesanti gāmadārakādīnaṃ. Daṇḍanti dhanadaṇḍaṃ. Gīvā hotīti iṇaṃ hoti. Adhippāye satipīti yojanā. Tassāti anācāraṃ carantassa.
கேவலங் ஹீதி கேவலமேவ. தந்தி ரக்க²ங். காரகேதி அனாசாரஸ்ஸ காரகே. தேஸ+?ந்தி காரகானங்.
Kevalaṃ hīti kevalameva. Tanti rakkhaṃ. Kāraketi anācārassa kārake. Tesa+?Nti kārakānaṃ.
தேஸந்தி ஹரந்தானங். ‘‘அனத்த²காமதாயா’’தி இமினா ப⁴யாதி³னா வுத்தே நத்தி² தோ³ஸோதி த³ஸ்ஸேதி. ஹீதி லத்³த⁴தோ³ஸஜோதகோ. அத்தனோ வசனகரங்…பே॰… வத்துங் வட்டதீதி அத்தனோ வசனங் ஆதி³யிஸ்ஸதீதி வுத்தே வசனங் அனாதி³யித்வா த³ண்டே³ க³ஹிதேபி நத்தி² தோ³ஸோ த³ண்ட³க³ஹணஸ்ஸ படிக்கி²த்தத்தா. தா³ஸதா³ஸீவாபிஆதீ³னந்தி ஆதி³ஸத்³தே³ன கெ²த்தாத³யோ ஸங்க³ய்ஹந்தி.
Tesanti harantānaṃ. ‘‘Anatthakāmatāyā’’ti iminā bhayādinā vutte natthi dosoti dasseti. Hīti laddhadosajotako. Attano vacanakaraṃ…pe… vattuṃ vaṭṭatīti attano vacanaṃ ādiyissatīti vutte vacanaṃ anādiyitvā daṇḍe gahitepi natthi doso daṇḍagahaṇassa paṭikkhittattā. Dāsadāsīvāpiādīnanti ādisaddena khettādayo saṅgayhanti.
வுத்தனயேனேவாதி அதீதங் ஆரப்³ப⁴ ஆசிக்க²னே வுத்தனயேன ஏவ. ‘‘ஆயதிங் அகரணத்தா²யா’’தி இமினா அனாக³தங் ஆரப்³ப⁴ ஓதி³ஸ்ஸ ஆசிக்க²னங் த³ஸ்ஸேதி. ‘‘கேன ஏவங் கத’’ந்தி புச்சா²ய அதீதே கதபுப்³ப³ங் புச்ச²தி. ஸாபீதி பிஸத்³தோ³ வுத்தஸம்பிண்ட³னத்தோ². ஹீதி ஸச்சங், யஸ்மா வா.
Vuttanayenevāti atītaṃ ārabbha ācikkhane vuttanayena eva. ‘‘Āyatiṃ akaraṇatthāyā’’ti iminā anāgataṃ ārabbha odissa ācikkhanaṃ dasseti. ‘‘Kena evaṃ kata’’nti pucchāya atīte katapubbaṃ pucchati. Sāpīti pisaddo vuttasampiṇḍanattho. Hīti saccaṃ, yasmā vā.
வோஹாரிகா த³ண்டெ³ந்தீதி ஸம்ப³ந்தோ⁴. த³ண்டெ³ந்தீதி வத⁴த³ண்டே³ன ச த⁴னத³ண்டே³ன ச ஆணங் கரொந்தி.
Vohārikā daṇḍentīti sambandho. Daṇḍentīti vadhadaṇḍena ca dhanadaṇḍena ca āṇaṃ karonti.
யோ சாயந்தி யோ ச அயங். பி⁴க்கு²னீனங் யோ அயங் நயோ வுத்தோ, ஏஸேவ நயோ பி⁴க்கூ²னம்பி நயோதி யோஜனா. ‘‘ஏஸேவ நயோ’’தி வுத்தவசனமேவ வித்தா²ரெந்தோ ஆஹ ‘‘பி⁴க்கு²னோபி ஹீ’’திஆதி³. ‘‘ததா²’’திஇமினா ‘‘ஓதி³ஸ்ஸா’’திபத³ங் அதிதி³ஸதி. தே சாதி தே ச வோஹாரிகா. ஹீதி ஸச்சங், யஸ்மா வாதி. பட²மங்.
Yo cāyanti yo ca ayaṃ. Bhikkhunīnaṃ yo ayaṃ nayo vutto, eseva nayo bhikkhūnampi nayoti yojanā. ‘‘Eseva nayo’’ti vuttavacanameva vitthārento āha ‘‘bhikkhunopi hī’’tiādi. ‘‘Tathā’’tiiminā ‘‘odissā’’tipadaṃ atidisati. Te cāti te ca vohārikā. Hīti saccaṃ, yasmā vāti. Paṭhamaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பி⁴க்கு²னீவிப⁴ங்க³ • Bhikkhunīvibhaṅga / 1. பட²மஸங்கா⁴தி³ஸேஸஸிக்கா²பத³ங் • 1. Paṭhamasaṅghādisesasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā / 1. பட²மஸங்கா⁴தி³ஸேஸஸிக்கா²பத³வண்ணனா • 1. Paṭhamasaṅghādisesasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 1. பட²மஸங்கா⁴தி³ஸேஸஸிக்கா²பத³வண்ணனா • 1. Paṭhamasaṅghādisesasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 1. பட²மஸங்கா⁴தி³ஸேஸஸிக்கா²பத³வண்ணனா • 1. Paṭhamasaṅghādisesasikkhāpadavaṇṇanā
