| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੨. ਸਙ੍ਘਾਦਿਸੇਸਕਣ੍ਡਂ
2. Saṅghādisesakaṇḍaṃ
੧. ਪਠਮਸਙ੍ਘਾਦਿਸੇਸਸਿਕ੍ਖਾਪਦ-ਅਤ੍ਥਯੋਜਨਾ
1. Paṭhamasaṅghādisesasikkhāpada-atthayojanā
ਪਾਰਾਜਿਕਾਨਨ੍ਤਰਸ੍ਸਾਤਿ ਪਾਰਾਜਿਕਾਨਂ ਅਨਨ੍ਤਰੇ ਠਪਿਤਸ੍ਸ, ਸਙ੍ਗੀਤਸ੍ਸ વਾ, ਸਙ੍ਘਾਦਿਸੇਸਕਣ੍ਡਸ੍ਸਾਤਿ ਸਮ੍ਬਨ੍ਧੋ। ਅਯਂ ਈਦਿਸਾ ਅਨੁਤ੍ਤਾਨਤ੍ਥવਣ੍ਣਨਾ ਅਨੁਤ੍ਤਾਨਾਨਂ ਪਦਾਨਂ ਅਤ੍ਥਸ੍ਸ વਣ੍ਣਨਾ ਦਾਨਿ ਇਮਸ੍ਮਿਂਕਾਲੇ ਭવਿਸ੍ਸਤੀਤਿ ਯੋਜਨਾ।
Pārājikānantarassāti pārājikānaṃ anantare ṭhapitassa, saṅgītassa vā, saṅghādisesakaṇḍassāti sambandho. Ayaṃ īdisā anuttānatthavaṇṇanā anuttānānaṃ padānaṃ atthassa vaṇṇanā dāni imasmiṃkāle bhavissatīti yojanā.
੬੭੮. ਪਠਮੇ ਉਦਕਂ વਸਿਤਂ ਅਚ੍ਛਾਦਨਂ ਅਨੇਨ ਕਤਨ੍ਤਿ ਉਦੋਸਿਤੋਤਿ વਚਨਤ੍ਥੇਨ ਭਣ੍ਡਸਾਲਾ ਉਦੋਸਿਤਂ ਨਾਮਾਤਿ ਦਸ੍ਸੇਨ੍ਤੋ ਆਹ ‘‘ਉਦੋਸਿਤਨ੍ਤਿ ਭਣ੍ਡਸਾਲਾ’’ਤਿ। ਏਤ੍ਥ ਹਿ ਉਦਸਦ੍ਦੋ ਉਦਕਪਰਿਯਾਯੋ। ਸਂਯੋਗੋ ਨ ਯ੍ਦ੍ਤ੍ਤੋਯੇવ। ਭਣ੍ਡਸਾਲਾਤਿ ਯਾਨਾਦੀਨਂ ਭਣ੍ਡਾਨਂ ਠਪਨਸਾਲਾ। ਅਚ੍ਚਾવਦਥਾਤਿ ਏਤ੍ਥ ਅਤੀਤ੍ਯੂਪਸਗ੍ਗੋ ਅਤਿਕ੍ਕਮਨਤ੍ਥੋ, ਆਤ੍ਯੂਪਸਗ੍ਗੋ ਧਾਤ੍વਤ੍ਥਾਨੁવਤ੍ਤਕੋਤਿ ਆਹ ‘‘ਅਤਿਕ੍ਕਮਿਤ੍વਾ વਦਥਾ’’ਤਿ।
678. Paṭhame udakaṃ vasitaṃ acchādanaṃ anena katanti udositoti vacanatthena bhaṇḍasālā udositaṃ nāmāti dassento āha ‘‘udositanti bhaṇḍasālā’’ti. Ettha hi udasaddo udakapariyāyo. Saṃyogo na ydttoyeva. Bhaṇḍasālāti yānādīnaṃ bhaṇḍānaṃ ṭhapanasālā. Accāvadathāti ettha atītyūpasaggo atikkamanattho, ātyūpasaggo dhātvatthānuvattakoti āha ‘‘atikkamitvā vadathā’’ti.
੬੭੯. ਉਸ੍ਸਯવਸੇਨ વਦਨਂ ਉਸ੍ਸਯવਾਦੋ, ਸੋਯੇવ ਉਸ੍ਸਯવਾਦਿਕਾਤਿ ਦਸ੍ਸੇਨ੍ਤੋ ਆਹ ‘‘ਉਸ੍ਸਯવਾਦਿਕਾ’’ਤਿਆਦਿ। ‘‘ਮਾਨੁਸ੍ਸਯવਸੇਨ ਕੋਧੁਸ੍ਸਯવਸੇਨਾ’’ਤਿ ਇਮਿਨਾ ਉਸ੍ਸਯਭੇਦਂ ਦਸ੍ਸੇਤਿ। ਸਾਤਿ ਉਸ੍ਸਯવਾਦਿਕਾ। ਅਤ੍ਥਤੋਤਿ ਸਰੂਪਤੋ। ਏਤ੍ਥਾਤਿ ਪਦਭਾਜਨੇ। ਅਡ੍ਡਨਂ ਅਭਿਯੁਞ੍ਜਨਂ ਅਡ੍ਡੋਤਿ ਕਤ੍વਾ ਦ੍વਿਨ੍ਨਂ ਜਨਾਨਂ ਅਡ੍ਡੋ વੋਹਾਰਿਕਾਨਂ વਿਨਿਚ੍ਛਯਕਾਰਣਂ ਹੋਤਿ, ਤਸ੍ਮਾ વੁਤ੍ਤਂ ‘‘ਅਡ੍ਡੋਤਿ વੋਹਾਰਿਕવਿਨਿਚ੍ਛਯੋ વੁਚ੍ਚਤੀ’’ਤਿ, ਮੁਦ੍ਧਜਤਤਿਯਕ੍ਖਰੋਯੇવ। ਯਨ੍ਤਿ ਅਡ੍ਡਂ। ਯਤ੍ਥਾਤਿ ਯਸ੍ਮਿਂ ਕਿਸ੍ਮਿਂਚਿ ਠਾਨੇ। ਦ੍વਿਨ੍ਨਂ ਅਡ੍ਡਕਾਰਕਾਨਂ વੋਹਾਰਂ ਜਾਨਨ੍ਤੀਤਿ વੋਹਾਰਿਕਾ, ਅਕ੍ਖਦਸ੍ਸਾ, ਤੇਸਂ। ਦ੍વੀਸੁ ਜਨੇਸੂਤਿ ਅਡ੍ਡਕਾਰਕੇਸੁ ਜਨੇਸੁ ਦ੍વੀਸੁ। ਯੋ ਕੋਚੀਤਿ ਅਡ੍ਡਕਾਰਕੋ વਾ ਅਞ੍ਞੋ વਾ ਯੋ ਕੋਚਿ।
679. Ussayavasena vadanaṃ ussayavādo, soyeva ussayavādikāti dassento āha ‘‘ussayavādikā’’tiādi. ‘‘Mānussayavasena kodhussayavasenā’’ti iminā ussayabhedaṃ dasseti. Sāti ussayavādikā. Atthatoti sarūpato. Etthāti padabhājane. Aḍḍanaṃ abhiyuñjanaṃ aḍḍoti katvā dvinnaṃ janānaṃ aḍḍo vohārikānaṃ vinicchayakāraṇaṃ hoti, tasmā vuttaṃ ‘‘aḍḍoti vohārikavinicchayo vuccatī’’ti, muddhajatatiyakkharoyeva. Yanti aḍḍaṃ. Yatthāti yasmiṃ kismiṃci ṭhāne. Dvinnaṃ aḍḍakārakānaṃ vohāraṃ jānantīti vohārikā, akkhadassā, tesaṃ. Dvīsu janesūti aḍḍakārakesu janesu dvīsu. Yo kocīti aḍḍakārako vā añño vā yo koci.
ਏਤ੍ਥਾਤਿ ‘‘ਏਕਸ੍ਸ ਆਰੋਚੇਤੀ’’ਤਿਆਦਿવਚਨੇ। ਯਤ੍ਥ ਕਤ੍ਥਚੀਤਿ ਯਂਕਿਞ੍ਚਿ ਠਾਨਂ ਆਗਤੇਪੀਤਿ ਸਮ੍ਬਨ੍ਧੋ। ਅਥਾਤਿ ਪਚ੍ਛਾ। ਸਾਤਿ ਭਿਕ੍ਖੁਨੀ। ਸੋਤਿ ਉਪਾਸਕੋ।
Etthāti ‘‘ekassa ārocetī’’tiādivacane. Yattha katthacīti yaṃkiñci ṭhānaṃ āgatepīti sambandho. Athāti pacchā. Sāti bhikkhunī. Soti upāsako.
‘‘ਕਪ੍ਪਿਯਕਾਰਕੇਨਾ’’ਤਿਪਦਂ ‘‘ਕਥਾਪੇਤੀ’’ਤਿਪਦੇ ਕਾਰਿਤਕਮ੍ਮਂ। ਤਤ੍ਥਾਤਿ ਕਪ੍ਪਿਯਕਾਰਕਇਤਰੇਸੁ । વੋਹਾਰਿਕੇਹਿ ਕਤੇਤਿ ਸਮ੍ਬਨ੍ਧੋ। ਗਤਿਗਤਨ੍ਤਿ ਚਿਰਕਾਲਪਤ੍ਤਂ। ਸੁਤਪੁਬ੍ਬਨ੍ਤਿ ਪੁਬ੍ਬੇ ਸੁਤਂ। ਅਥਾਤਿ ਸੁਤਪੁਬ੍ਬਤ੍ਤਾ ਏવ। ਤੇਤਿ વੋਹਾਰਿਕਾ, ਦੇਨ੍ਤੀਤਿ ਸਮ੍ਬਨ੍ਧੋ।
‘‘Kappiyakārakenā’’tipadaṃ ‘‘kathāpetī’’tipade kāritakammaṃ. Tatthāti kappiyakārakaitaresu . Vohārikehi kateti sambandho. Gatigatanti cirakālapattaṃ. Sutapubbanti pubbe sutaṃ. Athāti sutapubbattā eva. Teti vohārikā, dentīti sambandho.
ਪਠਮਨ੍ਤਿ ਸਮਨੁਭਾਸਨਤੋ ਪੁਬ੍ਬਂ। ਆਪਤ੍ਤੀਤਿ ਆਪਜ੍ਜਨਂ। ਏਤਸ੍ਸਾਤਿ ਸਙ੍ਘਾਦਿਸੇਸਸ੍ਸ। ਅਯਂ ਹੀਤਿ ਅਯਂ ਏવ, વਕ੍ਖਮਾਨੋ ਏવਾਤਿ ਅਤ੍ਥੋ। ਏਤ੍ਥਾਤਿ ਪਦਭਾਜਨੇ। ਸਹ વਤ੍ਥੁਜ੍ਝਾਚਾਰਾਤਿ વਤ੍ਥੁਜ੍ਝਾਚਾਰੇਨ ਸਹ, વਾਕ੍ਯਮੇવ, ਨ ਸਮਾਸੋ। વਤ੍ਥੁਜ੍ਝਾਚਾਰਾਤਿ ਕਰਣਤ੍ਥੇ ਨਿਸ੍ਸਕ੍ਕવਚਨਂ ਦਟ੍ਠਬ੍ਬਂ । ਤੇਨ વੁਤ੍ਤਂ ‘‘ਸਹ વਤ੍ਥੁਜ੍ਝਾਚਾਰੇਨਾ’’ਤਿ। ਭਿਕ੍ਖੁਨਿਨ੍ਤਿ ਆਪਤ੍ਤਿਮਾਪਨ੍ਨਂ ਭਿਕ੍ਖੁਨਿਂ। ਸਙ੍ਘਤੋਤਿ ਭਿਕ੍ਖੁਨਿਸਙ੍ਘਮ੍ਹਾ। ਅਨੀਯਸਦ੍ਦੋ ਹੇਤੁਕਤ੍ਤਾਭਿਧਾਯਕੋਤਿ ਆਹ ‘‘ਨਿਸ੍ਸਾਰੇਤੀਤਿ ਨਿਸ੍ਸਾਰਣੀਯੋ’’ਤਿ। ਭਿਕ੍ਖੁਨਿਸਙ੍ਘਤੋ ਨਿਸ੍ਸਰਤਿ, ਨਿਸ੍ਸਾਰਿਯਤਿ વਾ ਅਨੇਨਾਤਿ ਨਿਸ੍ਸਾਰਣੀਯੋਤਿ ਕਰਣਤ੍ਥੋਪਿ ਯੁਤ੍ਤੋਯੇવ। ਤਤ੍ਥਾਤਿ ਪਦਭਾਜਨੇ। ਯਨ੍ਤਿ ਸਙ੍ਘਾਦਿਸੇਸਂ। ਸੋਤਿ ਸਙ੍ਘਾਦਿਸੇਸੋ। ਪਦਭਾਜਨਸ੍ਸ ਅਤ੍ਥੋ ਕਾਰਣੋਪਚਾਰੇਨ ਦਟ੍ਠਬ੍ਬੋ। ਹੀਤਿ ਸਚ੍ਚਂ। ਕੇਨਚੀਤਿ ਪੁਗ੍ਗਲੇਨ, ਨ ਨਿਸ੍ਸਾਰੀਯਤੀਤਿ ਸਮ੍ਬਨ੍ਧੋ। ਤੇਨ ਧਮ੍ਮੇਨ ਕਰਣਭੂਤੇਨ, ਹੇਤੁਭੂਤੇਨ વਾ। ਸੋਤਿ ਧਮ੍ਮੋ।
Paṭhamanti samanubhāsanato pubbaṃ. Āpattīti āpajjanaṃ. Etassāti saṅghādisesassa. Ayaṃ hīti ayaṃ eva, vakkhamāno evāti attho. Etthāti padabhājane. Saha vatthujjhācārāti vatthujjhācārena saha, vākyameva, na samāso. Vatthujjhācārāti karaṇatthe nissakkavacanaṃ daṭṭhabbaṃ . Tena vuttaṃ ‘‘saha vatthujjhācārenā’’ti. Bhikkhuninti āpattimāpannaṃ bhikkhuniṃ. Saṅghatoti bhikkhunisaṅghamhā. Anīyasaddo hetukattābhidhāyakoti āha ‘‘nissāretīti nissāraṇīyo’’ti. Bhikkhunisaṅghato nissarati, nissāriyati vā anenāti nissāraṇīyoti karaṇatthopi yuttoyeva. Tatthāti padabhājane. Yanti saṅghādisesaṃ. Soti saṅghādiseso. Padabhājanassa attho kāraṇopacārena daṭṭhabbo. Hīti saccaṃ. Kenacīti puggalena, na nissārīyatīti sambandho. Tena dhammena karaṇabhūtena, hetubhūtena vā. Soti dhammo.
ਅਡ੍ਡਕਾਰਕਮਨੁਸ੍ਸੇਹਿ વੁਚ੍ਚਮਾਨਾਤਿ ਯੋਜਨਾ। ਸਯਨ੍ਤਿ ਸਾਮਂ। ਤਤੋਤਿ ਗਮਨਤੋ, ਪਰਨ੍ਤਿ ਸਮ੍ਬਨ੍ਧੋ। ਭਿਕ੍ਖੁਨਿਯਾ વਾ ਕਤਂ ਆਰੋਚੇਤੂਤਿ ਯੋਜਨਾ।
Aḍḍakārakamanussehi vuccamānāti yojanā. Sayanti sāmaṃ. Tatoti gamanato, paranti sambandho. Bhikkhuniyā vā kataṃ ārocetūti yojanā.
ਧਮ੍ਮਿਕਨ੍ਤਿ ਧਮ੍ਮੇਨ ਸਭਾવੇਨ ਯੁਤ੍ਤਂ। ਯਥਾਤਿ ਯੇਨਾਕਾਰੇਨ। ਤਨ੍ਤਿ ਆਕਾਰਂ। ਤਤ੍ਥਾਤਿ ‘‘ਅਨੋਦਿਸ੍ਸ ਆਚਿਕ੍ਖਤੀ’’ਤਿ વਚਨੇ।
Dhammikanti dhammena sabhāvena yuttaṃ. Yathāti yenākārena. Tanti ākāraṃ. Tatthāti ‘‘anodissa ācikkhatī’’ti vacane.
ਧੁਤ੍ਤਾਦਯੋਤਿ ਆਦਿਸਦ੍ਦੇਨ ਚੋਰਾਦਯੋ ਸਙ੍ਗਣ੍ਹਾਤਿ। ਸਾਤਿ ਆਚਿਕ੍ਖਨਾ। ਤਨ੍ਤਿ ਆਚਿਕ੍ਖਨਂ। ਤੇਸਨ੍ਤਿ ਗਾਮਦਾਰਕਾਦੀਨਂ। ਦਣ੍ਡਨ੍ਤਿ ਧਨਦਣ੍ਡਂ। ਗੀવਾ ਹੋਤੀਤਿ ਇਣਂ ਹੋਤਿ। ਅਧਿਪ੍ਪਾਯੇ ਸਤਿਪੀਤਿ ਯੋਜਨਾ। ਤਸ੍ਸਾਤਿ ਅਨਾਚਾਰਂ ਚਰਨ੍ਤਸ੍ਸ।
Dhuttādayoti ādisaddena corādayo saṅgaṇhāti. Sāti ācikkhanā. Tanti ācikkhanaṃ. Tesanti gāmadārakādīnaṃ. Daṇḍanti dhanadaṇḍaṃ. Gīvā hotīti iṇaṃ hoti. Adhippāye satipīti yojanā. Tassāti anācāraṃ carantassa.
ਕੇવਲਂ ਹੀਤਿ ਕੇવਲਮੇવ। ਤਨ੍ਤਿ ਰਕ੍ਖਂ। ਕਾਰਕੇਤਿ ਅਨਾਚਾਰਸ੍ਸ ਕਾਰਕੇ। ਤੇਸ+?ਨ੍ਤਿ ਕਾਰਕਾਨਂ।
Kevalaṃ hīti kevalameva. Tanti rakkhaṃ. Kāraketi anācārassa kārake. Tesa+?Nti kārakānaṃ.
ਤੇਸਨ੍ਤਿ ਹਰਨ੍ਤਾਨਂ। ‘‘ਅਨਤ੍ਥਕਾਮਤਾਯਾ’’ਤਿ ਇਮਿਨਾ ਭਯਾਦਿਨਾ વੁਤ੍ਤੇ ਨਤ੍ਥਿ ਦੋਸੋਤਿ ਦਸ੍ਸੇਤਿ। ਹੀਤਿ ਲਦ੍ਧਦੋਸਜੋਤਕੋ। ਅਤ੍ਤਨੋ વਚਨਕਰਂ…ਪੇ॰… વਤ੍ਤੁਂ વਟ੍ਟਤੀਤਿ ਅਤ੍ਤਨੋ વਚਨਂ ਆਦਿਯਿਸ੍ਸਤੀਤਿ વੁਤ੍ਤੇ વਚਨਂ ਅਨਾਦਿਯਿਤ੍વਾ ਦਣ੍ਡੇ ਗਹਿਤੇਪਿ ਨਤ੍ਥਿ ਦੋਸੋ ਦਣ੍ਡਗਹਣਸ੍ਸ ਪਟਿਕ੍ਖਿਤ੍ਤਤ੍ਤਾ। ਦਾਸਦਾਸੀવਾਪਿਆਦੀਨਨ੍ਤਿ ਆਦਿਸਦ੍ਦੇਨ ਖੇਤ੍ਤਾਦਯੋ ਸਙ੍ਗਯ੍ਹਨ੍ਤਿ।
Tesanti harantānaṃ. ‘‘Anatthakāmatāyā’’ti iminā bhayādinā vutte natthi dosoti dasseti. Hīti laddhadosajotako. Attano vacanakaraṃ…pe… vattuṃ vaṭṭatīti attano vacanaṃ ādiyissatīti vutte vacanaṃ anādiyitvā daṇḍe gahitepi natthi doso daṇḍagahaṇassa paṭikkhittattā. Dāsadāsīvāpiādīnanti ādisaddena khettādayo saṅgayhanti.
વੁਤ੍ਤਨਯੇਨੇવਾਤਿ ਅਤੀਤਂ ਆਰਬ੍ਭ ਆਚਿਕ੍ਖਨੇ વੁਤ੍ਤਨਯੇਨ ਏવ। ‘‘ਆਯਤਿਂ ਅਕਰਣਤ੍ਥਾਯਾ’’ਤਿ ਇਮਿਨਾ ਅਨਾਗਤਂ ਆਰਬ੍ਭ ਓਦਿਸ੍ਸ ਆਚਿਕ੍ਖਨਂ ਦਸ੍ਸੇਤਿ। ‘‘ਕੇਨ ਏવਂ ਕਤ’’ਨ੍ਤਿ ਪੁਚ੍ਛਾਯ ਅਤੀਤੇ ਕਤਪੁਬ੍ਬਂ ਪੁਚ੍ਛਤਿ। ਸਾਪੀਤਿ ਪਿਸਦ੍ਦੋ વੁਤ੍ਤਸਮ੍ਪਿਣ੍ਡਨਤ੍ਥੋ। ਹੀਤਿ ਸਚ੍ਚਂ, ਯਸ੍ਮਾ વਾ।
Vuttanayenevāti atītaṃ ārabbha ācikkhane vuttanayena eva. ‘‘Āyatiṃ akaraṇatthāyā’’ti iminā anāgataṃ ārabbha odissa ācikkhanaṃ dasseti. ‘‘Kena evaṃ kata’’nti pucchāya atīte katapubbaṃ pucchati. Sāpīti pisaddo vuttasampiṇḍanattho. Hīti saccaṃ, yasmā vā.
વੋਹਾਰਿਕਾ ਦਣ੍ਡੇਨ੍ਤੀਤਿ ਸਮ੍ਬਨ੍ਧੋ। ਦਣ੍ਡੇਨ੍ਤੀਤਿ વਧਦਣ੍ਡੇਨ ਚ ਧਨਦਣ੍ਡੇਨ ਚ ਆਣਂ ਕਰੋਨ੍ਤਿ।
Vohārikā daṇḍentīti sambandho. Daṇḍentīti vadhadaṇḍena ca dhanadaṇḍena ca āṇaṃ karonti.
ਯੋ ਚਾਯਨ੍ਤਿ ਯੋ ਚ ਅਯਂ। ਭਿਕ੍ਖੁਨੀਨਂ ਯੋ ਅਯਂ ਨਯੋ વੁਤ੍ਤੋ, ਏਸੇવ ਨਯੋ ਭਿਕ੍ਖੂਨਮ੍ਪਿ ਨਯੋਤਿ ਯੋਜਨਾ। ‘‘ਏਸੇવ ਨਯੋ’’ਤਿ વੁਤ੍ਤવਚਨਮੇવ વਿਤ੍ਥਾਰੇਨ੍ਤੋ ਆਹ ‘‘ਭਿਕ੍ਖੁਨੋਪਿ ਹੀ’’ਤਿਆਦਿ। ‘‘ਤਥਾ’’ਤਿਇਮਿਨਾ ‘‘ਓਦਿਸ੍ਸਾ’’ਤਿਪਦਂ ਅਤਿਦਿਸਤਿ। ਤੇ ਚਾਤਿ ਤੇ ਚ વੋਹਾਰਿਕਾ। ਹੀਤਿ ਸਚ੍ਚਂ, ਯਸ੍ਮਾ વਾਤਿ। ਪਠਮਂ।
Yo cāyanti yo ca ayaṃ. Bhikkhunīnaṃ yo ayaṃ nayo vutto, eseva nayo bhikkhūnampi nayoti yojanā. ‘‘Eseva nayo’’ti vuttavacanameva vitthārento āha ‘‘bhikkhunopi hī’’tiādi. ‘‘Tathā’’tiiminā ‘‘odissā’’tipadaṃ atidisati. Te cāti te ca vohārikā. Hīti saccaṃ, yasmā vāti. Paṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga / ੧. ਪਠਮਸਙ੍ਘਾਦਿਸੇਸਸਿਕ੍ਖਾਪਦਂ • 1. Paṭhamasaṅghādisesasikkhāpadaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਭਿਕ੍ਖੁਨੀવਿਭਙ੍ਗ-ਅਟ੍ਠਕਥਾ • Bhikkhunīvibhaṅga-aṭṭhakathā / ੧. ਪਠਮਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ • 1. Paṭhamasaṅghādisesasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੧. ਪਠਮਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ • 1. Paṭhamasaṅghādisesasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੧. ਪਠਮਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ • 1. Paṭhamasaṅghādisesasikkhāpadavaṇṇanā
