| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
2. сан̇гхаад̣̇исзсаган̣д̣ам̣ (бхигкунийвибхан̇г̇о)
2. Saṅghādisesakaṇḍaṃ (bhikkhunīvibhaṅgo)
1. батамасан̇гхаад̣̇исзсасигкаабад̣̇ам̣
1. Paṭhamasaṅghādisesasikkhāpadaṃ
имз ко банааяяааяо сад̇д̇араса сан̇гхаад̣̇исзсаа
Ime kho panāyyāyo sattarasa saṅghādisesā
д̇хаммаа уд̣̇д̣̇зсам̣ ааг̇ажчанд̇и.
Dhammā uddesaṃ āgacchanti.
678. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ан̃н̃ад̇аро убаасаго бхигкунисан̇гхасса уд̣̇осид̇ам̣ 1 д̣̇ад̇ваа гаалан̇гад̇о ход̇и. д̇асса д̣̇вз буд̇д̇аа хонд̇и – зго ассад̣̇д̇хо аббасанно, зго сад̣̇д̇хо басанно. д̇з бзд̇д̇игам̣ саабад̇зяяам̣ вибхаж̇им̣су. ат̇а ко со ассад̣̇д̇хо аббасанно д̇ам̣ сад̣̇д̇хам̣ басаннам̣ зд̇ад̣̇авожа – ‘‘амхаагам̣ уд̣̇осид̇о, д̇ам̣ бхааж̇змаа’’д̇и. звам̣ вуд̇д̇з со сад̣̇д̇хо басанно д̇ам̣ ассад̣̇д̇хам̣ аббасаннам̣ зд̇ад̣̇авожа – ‘‘мааяяо, звам̣ аважа. амхаагам̣ бид̇унаа бхигкунисан̇гхасса д̣̇инно’’д̇и. д̣̇уд̇ияамби ко со ассад̣̇д̇хо аббасанно д̇ам̣ сад̣̇д̇хам̣ басаннам̣ зд̇ад̣̇авожа – ‘‘амхаагам̣ уд̣̇осид̇о, д̇ам̣ бхааж̇змаа’’д̇и. ат̇а ко со сад̣̇д̇хо басанно д̇ам̣ ассад̣̇д̇хам̣ аббасаннам̣ зд̇ад̣̇авожа – ‘‘мааяяо, звам̣ аважа. амхаагам̣ бид̇унаа бхигкунисан̇гхасса д̣̇инно’’д̇и. д̇ад̇ияамби ко со ассад̣̇д̇хо аббасанно д̇ам̣ сад̣̇д̇хам̣ басаннам̣ зд̇ад̣̇авожа – ‘‘амхаагам̣ уд̣̇осид̇о, д̇ам̣ бхааж̇змаа’’д̇и. ат̇а ко со сад̣̇д̇хо басанно – ‘‘сажз маяхам̣ бхависсад̇и, ахамби бхигкунисан̇гхасса д̣̇ассаамий’’д̇и – д̇ам̣ ассад̣̇д̇хам̣ аббасаннам̣ зд̇ад̣̇авожа – ‘‘бхааж̇змаа’’д̇и. ат̇а ко со уд̣̇осид̇о д̇зхи бхааж̇ийяамаано д̇асса ассад̣̇д̇хасса аббасаннасса баабун̣аад̇и 2. ат̇а ко со ассад̣̇д̇хо аббасанно бхигкунияо убасан̇гамид̇ваа зд̇ад̣̇авожа – ‘‘нигкамат̇ааяяз, амхаагам̣ уд̣̇осид̇о’’д̇и.
678. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññataro upāsako bhikkhunisaṅghassa udositaṃ 3 datvā kālaṅkato hoti. Tassa dve puttā honti – eko assaddho appasanno, eko saddho pasanno. Te pettikaṃ sāpateyyaṃ vibhajiṃsu. Atha kho so assaddho appasanno taṃ saddhaṃ pasannaṃ etadavoca – ‘‘amhākaṃ udosito, taṃ bhājemā’’ti. Evaṃ vutte so saddho pasanno taṃ assaddhaṃ appasannaṃ etadavoca – ‘‘māyyo, evaṃ avaca. Amhākaṃ pitunā bhikkhunisaṅghassa dinno’’ti. Dutiyampi kho so assaddho appasanno taṃ saddhaṃ pasannaṃ etadavoca – ‘‘amhākaṃ udosito, taṃ bhājemā’’ti. Atha kho so saddho pasanno taṃ assaddhaṃ appasannaṃ etadavoca – ‘‘māyyo, evaṃ avaca. Amhākaṃ pitunā bhikkhunisaṅghassa dinno’’ti. Tatiyampi kho so assaddho appasanno taṃ saddhaṃ pasannaṃ etadavoca – ‘‘amhākaṃ udosito, taṃ bhājemā’’ti. Atha kho so saddho pasanno – ‘‘sace mayhaṃ bhavissati, ahampi bhikkhunisaṅghassa dassāmī’’ti – taṃ assaddhaṃ appasannaṃ etadavoca – ‘‘bhājemā’’ti. Atha kho so udosito tehi bhājīyamāno tassa assaddhassa appasannassa pāpuṇāti 4. Atha kho so assaddho appasanno bhikkhuniyo upasaṅkamitvā etadavoca – ‘‘nikkhamathāyye, amhākaṃ udosito’’ti.
звам̣ вуд̇д̇з т̇уллананд̣̇аа бхигкуний д̇ам̣ бурисам̣ зд̇ад̣̇авожа – ‘‘мааяяо, звам̣ аважа, д̇умхаагам̣ бид̇унаа бхигкунисан̇гхасса д̣̇инно’’д̇и. ‘‘д̣̇инно на д̣̇инно’’д̇и вохааригз махаамад̇д̇з бужчим̣су. махаамад̇д̇аа звамаахам̣су – ‘‘го, аяяз, ж̇аанаад̇и бхигкунисан̇гхасса д̣̇инно’’д̇и? звам̣ вуд̇д̇з т̇уллананд̣̇аа бхигкуний д̇з махаамад̇д̇з зд̇ад̣̇авожа – ‘‘аби нааяяо 5 д̇умхзхи д̣̇идтам̣ ваа суд̇ам̣ ваа сагким̣ табаяид̇ваа д̣̇аанам̣ д̣̇ияяамаана’’нд̇и ? ат̇а ко д̇з махаамад̇д̇аа – ‘‘сажжам̣ ко аяяаа аахаа’’д̇и д̇ам̣ уд̣̇осид̇ам̣ бхигкунисан̇гхасса агам̣су. ат̇а ко со бурисо барааж̇ид̇о уж̇жхааяад̇и кияяад̇и вибаажзд̇и – ‘‘ассаман̣ияо имаа мун̣д̣аа б̣анд̇хагинияо. гат̇ан̃хи наама амхаагам̣ уд̣̇осид̇ам̣ ажчинд̣̇аабзссанд̇ий’’д̇и! т̇уллананд̣̇аа бхигкуний махаамад̇д̇аанам̣ зд̇амад̇т̇ам̣ аарожзси. махаамад̇д̇аа д̇ам̣ бурисам̣ д̣̇ан̣д̣аабзсум̣. ат̇а ко со бурисо д̣̇ан̣д̣ид̇о бхигкунуубассаяасса авид̣̇уурз ааж̇ийвагасзяяам̣ гаараабзд̇ваа ааж̇ийвагз уяяож̇зси – ‘‘зд̇аа бхигкунияо ажжаавад̣̇ат̇аа’’д̇и.
Evaṃ vutte thullanandā bhikkhunī taṃ purisaṃ etadavoca – ‘‘māyyo, evaṃ avaca, tumhākaṃ pitunā bhikkhunisaṅghassa dinno’’ti. ‘‘Dinno na dinno’’ti vohārike mahāmatte pucchiṃsu. Mahāmattā evamāhaṃsu – ‘‘ko, ayye, jānāti bhikkhunisaṅghassa dinno’’ti? Evaṃ vutte thullanandā bhikkhunī te mahāmatte etadavoca – ‘‘api nāyyo 6 tumhehi diṭṭhaṃ vā sutaṃ vā sakkhiṃ ṭhapayitvā dānaṃ diyyamāna’’nti ? Atha kho te mahāmattā – ‘‘saccaṃ kho ayyā āhā’’ti taṃ udositaṃ bhikkhunisaṅghassa akaṃsu. Atha kho so puriso parājito ujjhāyati khiyyati vipāceti – ‘‘assamaṇiyo imā muṇḍā bandhakiniyo. Kathañhi nāma amhākaṃ udositaṃ acchindāpessantī’’ti! Thullanandā bhikkhunī mahāmattānaṃ etamatthaṃ ārocesi. Mahāmattā taṃ purisaṃ daṇḍāpesuṃ. Atha kho so puriso daṇḍito bhikkhunūpassayassa avidūre ājīvakaseyyaṃ kārāpetvā ājīvake uyyojesi – ‘‘etā bhikkhuniyo accāvadathā’’ti.
т̇уллананд̣̇аа бхигкуний махаамад̇д̇аанам̣ зд̇амад̇т̇ам̣ аарожзси. махаамад̇д̇аа д̇ам̣ бурисам̣ б̣анд̇хаабзсум̣. мануссаа уж̇жхааяанд̇и кияяанд̇и вибаажзнд̇и – ‘‘батамам̣ бхигкунияо уд̣̇осид̇ам̣ ажчинд̣̇аабзсум̣, д̣̇уд̇ияам̣ д̣̇ан̣д̣аабзсум̣, д̇ад̇ияам̣ б̣анд̇хаабзсум̣. ид̣̇аани гхаад̇аабзссанд̇ий’’д̇и! ассосум̣ ко бхигкунияо д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аяяаа т̇уллананд̣̇аа уссаяаваад̣̇игаа вихариссад̇ий’’д̇и! ат̇а ко д̇аа бхигкунияо бхигкуунам̣ зд̇амад̇т̇ам̣ аарожзсум̣…бз… сажжам̣ гира, бхигкавз, т̇уллананд̣̇аа бхигкуний уссаяаваад̣̇игаа вихарад̇ийд̇и. ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, т̇уллананд̣̇аа бхигкуний уссаяаваад̣̇игаа вихариссад̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
Thullanandā bhikkhunī mahāmattānaṃ etamatthaṃ ārocesi. Mahāmattā taṃ purisaṃ bandhāpesuṃ. Manussā ujjhāyanti khiyyanti vipācenti – ‘‘paṭhamaṃ bhikkhuniyo udositaṃ acchindāpesuṃ, dutiyaṃ daṇḍāpesuṃ, tatiyaṃ bandhāpesuṃ. Idāni ghātāpessantī’’ti! Assosuṃ kho bhikkhuniyo tesaṃ manussānaṃ ujjhāyantānaṃ khiyyantānaṃ vipācentānaṃ. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma ayyā thullanandā ussayavādikā viharissatī’’ti! Atha kho tā bhikkhuniyo bhikkhūnaṃ etamatthaṃ ārocesuṃ…pe… saccaṃ kira, bhikkhave, thullanandā bhikkhunī ussayavādikā viharatīti. ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, thullanandā bhikkhunī ussayavādikā viharissati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
679. ‘‘яаа бана бхигкуний уссаяаваад̣̇игаа вихарзяяа г̇ахабад̇инаа ваа г̇ахабад̇ибуд̇д̇зна ваа д̣̇аасзна ваа гаммагаарзна 7 ваа анд̇амасо саман̣абариб̣б̣ааж̇агзнааби, аяам̣ бхигкуний батамаабад̇д̇игам̣ д̇хаммам̣ аабаннаа ниссааран̣ийяам̣ сан̇гхаад̣̇исзса’’нд̇и.
679.‘‘Yā pana bhikkhunī ussayavādikā vihareyya gahapatinā vā gahapatiputtena vā dāsena vā kammakārena 8 vā antamaso samaṇaparibbājakenāpi, ayaṃ bhikkhunī paṭhamāpattikaṃ dhammaṃ āpannā nissāraṇīyaṃ saṅghādisesa’’nti.
680. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
680.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
уссаяаваад̣̇игаа наама ад̣д̣агааригаа вужжад̇и.
Ussayavādikā nāma aḍḍakārikā vuccati.
г̇ахабад̇и наама яо гожи аг̇аарам̣ аж̇жхаавасад̇и.
Gahapati nāma yo koci agāraṃ ajjhāvasati.
г̇ахабад̇ибуд̇д̇о наама яз гзжи буд̇д̇абхаад̇аро.
Gahapatiputto nāma ye keci puttabhātaro.
д̣̇аасо наама анд̇ож̇аад̇о д̇ханаггийд̇о гарамараанийд̇о .
Dāso nāma antojāto dhanakkīto karamarānīto .
гаммагааро наама бхадаго аахад̇аго.
Kammakāro nāma bhaṭako āhatako.
саман̣абариб̣б̣ааж̇аго наама бхигкун̃жа бхигкунин̃жа сигкамаанан̃жа сааман̣зран̃жа сааман̣зрин̃жа табзд̇ваа яо гожи бариб̣б̣ааж̇агасамаабанно.
Samaṇaparibbājako nāma bhikkhuñca bhikkhuniñca sikkhamānañca sāmaṇerañca sāmaṇeriñca ṭhapetvā yo koci paribbājakasamāpanno.
ад̣д̣ам̣ гариссаамийд̇и д̣̇уд̇ияам̣ ваа бариязсад̇и г̇ажчад̇и ваа, аабад̇д̇и д̣̇уггадасса. згасса аарожзд̇и, аабад̇д̇и д̣̇уггадасса. д̣̇уд̇ияасса аарожзд̇и, аабад̇д̇и т̇уллажжаяасса. ад̣д̣абарияосаанз аабад̇д̇и сан̇гхаад̣̇исзсасса.
Aḍḍaṃ karissāmīti dutiyaṃ vā pariyesati gacchati vā, āpatti dukkaṭassa. Ekassa āroceti, āpatti dukkaṭassa. Dutiyassa āroceti, āpatti thullaccayassa. Aḍḍapariyosāne āpatti saṅghādisesassa.
батамаабад̇д̇иганд̇и саха вад̇т̇уж̇жхаажаараа аабаж̇ж̇ад̇и асаманубхаасанааяа.
Paṭhamāpattikanti saha vatthujjhācārā āpajjati asamanubhāsanāya.
ниссааран̣ийяанд̇и сан̇гхамхаа ниссаарийяад̇и.
Nissāraṇīyanti saṅghamhā nissārīyati.
сан̇гхаад̣̇исзсанд̇и сан̇гхова д̇ассаа аабад̇д̇ияаа маанад̇д̇ам̣ д̣̇зд̇и муулааяа бадигассад̇и аб̣бхзд̇и, на самб̣ахулаа на згаа бхигкуний. д̇зна вужжад̇и ‘‘сан̇гхаад̣̇исзсо’’д̇и. д̇ассзва аабад̇д̇инигааяасса наамагаммам̣ ад̇хиважанам̣. д̇знаби вужжад̇и ‘‘сан̇гхаад̣̇исзсо’’д̇и.
Saṅghādisesanti saṅghova tassā āpattiyā mānattaṃ deti mūlāya paṭikassati abbheti, na sambahulā na ekā bhikkhunī. Tena vuccati ‘‘saṅghādiseso’’ti. Tasseva āpattinikāyassa nāmakammaṃ adhivacanaṃ. Tenapi vuccati ‘‘saṅghādiseso’’ti.
681. анаабад̇д̇и мануссзхи аагад̣дхийяамаанаа г̇ажчад̇и, аарагкам̣ яаажад̇и, анод̣̇исса аажигкад̇и, уммад̇д̇игааяа…бз… аад̣̇игаммигааяаад̇и.
681. Anāpatti manussehi ākaḍḍhīyamānā gacchati, ārakkhaṃ yācati, anodissa ācikkhati, ummattikāya…pe… ādikammikāyāti.
батамасан̇гхаад̣̇исзсасигкаабад̣̇ам̣ нидтид̇ам̣.
Paṭhamasaṅghādisesasikkhāpadaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 1. батамасан̇гхаад̣̇исзсасигкаабад̣̇аван̣н̣анаа • 1. Paṭhamasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. батамасан̇гхаад̣̇исзсасигкаабад̣̇аван̣н̣анаа • 1. Paṭhamasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. батамасан̇гхаад̣̇исзсасигкаабад̣̇аван̣н̣анаа • 1. Paṭhamasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамасан̇гхаад̣̇исзсасигкаабад̣̇аван̣н̣анаа • 1. Paṭhamasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. батамасан̇гхаад̣̇исзсасигкаабад̣̇а-ад̇т̇аяож̇анаа • 1. Paṭhamasaṅghādisesasikkhāpada-atthayojanā
