| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
2. сан̇гхаад̣̇исзсаган̣д̣ам̣ (бхигкунийвибхан̇г̇аван̣н̣анаа)
2. Saṅghādisesakaṇḍaṃ (bhikkhunīvibhaṅgavaṇṇanā)
1. батамасан̇гхаад̣̇исзсасигкаабад̣̇аван̣н̣анаа
1. Paṭhamasaṅghādisesasikkhāpadavaṇṇanā
679. сан̇гхаад̣̇исзсаган̣д̣асса батамасигкаабад̣̇з д̣̇вийсу ж̇анзсууд̇и ад̣д̣агаарагзсу д̣̇вийсу ж̇анзсу. яо гожийд̇и д̇зсуязва д̣̇вийсу яо гожи, ан̃н̃о ваа д̇зхи аан̣ад̇д̇о. д̣̇уд̇ияасса аарожзд̇ийд̇и зд̇т̇ааби д̣̇вийсу ж̇анзсу яасса гассажи д̣̇уд̇ияасса гат̇ам̣ яо гожи аарожзд̇ийд̇и звамад̇т̇о г̇ахзд̇аб̣б̣од̇и ааха ‘‘д̣̇уд̇ияасса аарожзд̇ийд̇и зд̇т̇ааби зсзва наяо’’д̇и. г̇ад̇иг̇ад̇анд̇и жирагаалабавад̇д̇ам̣.
679. Saṅghādisesakaṇḍassa paṭhamasikkhāpade dvīsu janesūti aḍḍakārakesu dvīsu janesu. Yo kocīti tesuyeva dvīsu yo koci, añño vā tehi āṇatto. Dutiyassa ārocetīti etthāpi dvīsu janesu yassa kassaci dutiyassa kathaṃ yo koci ārocetīti evamattho gahetabboti āha ‘‘dutiyassa ārocetīti etthāpi eseva nayo’’ti. Gatigatanti cirakālapavattaṃ.
аабад̇д̇ийд̇и аабаж̇ж̇анам̣. саха вад̇т̇уж̇жхаажаараад̇и вад̇т̇увийд̇иггамзна саха. сахаяог̇з гаран̣аважанаббасан̇г̇з ид̣̇ам̣ ниссаггаважанам̣. яанд̇и яам̣ д̇хаммам̣. ниссаарзд̇ийд̇и аабаннам̣ бхигкунисан̇гхамхаа ниссаарзд̇и. хзд̇умхи жааяам̣ гад̇д̇увохааро. ниссааран̣ахзд̇убхууд̇о хи д̇хаммо ниссааран̣ийяод̇и вуд̇д̇о. г̇ийвааязва ход̇и, на баарааж̇игам̣ анаан̣ад̇д̇ияаа г̇ахид̇ад̇д̇аа. яат̇аа д̣̇аасад̣̇аасийваабийаад̣̇ийни самбадижчид̇ум̣ на ваддад̇и, звам̣ д̇зсам̣ ад̇т̇ааяа ад̣д̣агаран̣амби на ваддад̇ийд̇и ааха ‘‘аяам̣ агаббияаад̣д̣о наама, на ваддад̇ий’’д̇и.
Āpattīti āpajjanaṃ. Saha vatthujjhācārāti vatthuvītikkamena saha. Sahayoge karaṇavacanappasaṅge idaṃ nissakkavacanaṃ. Yanti yaṃ dhammaṃ. Nissāretīti āpannaṃ bhikkhunisaṅghamhā nissāreti. Hetumhi cāyaṃ kattuvohāro. Nissāraṇahetubhūto hi dhammo nissāraṇīyoti vutto. Gīvāyeva hoti, na pārājikaṃ anāṇattiyā gahitattā. Yathā dāsadāsīvāpīādīni sampaṭicchituṃ na vaṭṭati, evaṃ tesaṃ atthāya aḍḍakaraṇampi na vaṭṭatīti āha ‘‘ayaṃ akappiyaaḍḍo nāma, na vaṭṭatī’’ti.
зд̇т̇а жа сажз ад̇хигаран̣адтаанам̣ г̇анд̇ваа ‘‘амхаагам̣ зсо д̣̇аасо, д̣̇аасий, ваабий, кзд̇д̇ам̣, аараамо, аараамавад̇т̇у, г̇ааво, аж̇аа, гуггудаа’’д̇иаад̣̇инаа вохарад̇и, агаббияам̣. ‘‘аяам̣ амхаагам̣ аараамиго, аяам̣ ваабий ид̇т̇аннаамзна сан̇гхасса бхан̣д̣ад̇хованад̇т̇ааяа д̣̇иннаа, ид̇о кзд̇д̇ад̇о аараамад̇о уббаж̇ж̇анагажад̇убажжаяаа ид̇о г̇аавид̇о махим̣сид̇о аж̇аад̇о уббаж̇ж̇анагаг̇орасаа ид̇т̇аннаамзна сан̇гхасса д̣̇иннаад̇и бужчид̇з ваа абужчид̇з ваа вад̇д̇ум̣ ваддад̇ий’’д̇и вад̣̇анд̇и. сзсамзд̇т̇а уд̇д̇аанамзва. анаагад̣дхид̇ааяа ад̣д̣агаран̣ам̣, ад̣д̣абарияосаананд̇и имаани банзд̇т̇а д̣̇вз ан̇г̇аани.
Ettha ca sace adhikaraṇaṭṭhānaṃ gantvā ‘‘amhākaṃ eso dāso, dāsī, vāpī, khettaṃ, ārāmo, ārāmavatthu, gāvo, ajā, kukkuṭā’’tiādinā voharati, akappiyaṃ. ‘‘Ayaṃ amhākaṃ ārāmiko, ayaṃ vāpī itthannāmena saṅghassa bhaṇḍadhovanatthāya dinnā, ito khettato ārāmato uppajjanakacatupaccayā ito gāvito mahiṃsito ajāto uppajjanakagorasā itthannāmena saṅghassa dinnāti pucchite vā apucchite vā vattuṃ vaṭṭatī’’ti vadanti. Sesamettha uttānameva. Anākaḍḍhitāya aḍḍakaraṇaṃ, aḍḍapariyosānanti imāni panettha dve aṅgāni.
батамасан̇гхаад̣̇исзсасигкаабад̣̇аван̣н̣анаа нидтид̇аа.
Paṭhamasaṅghādisesasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бхигкунийвибхан̇г̇а • Bhikkhunīvibhaṅga / 1. батамасан̇гхаад̣̇исзсасигкаабад̣̇ам̣ • 1. Paṭhamasaṅghādisesasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 1. батамасан̇гхаад̣̇исзсасигкаабад̣̇аван̣н̣анаа • 1. Paṭhamasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамасан̇гхаад̣̇исзсасигкаабад̣̇аван̣н̣анаа • 1. Paṭhamasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. батамасан̇гхаад̣̇исзсасигкаабад̣̇а-ад̇т̇аяож̇анаа • 1. Paṭhamasaṅghādisesasikkhāpada-atthayojanā
