| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
2. сан̇гхаад̣̇исзсаган̣д̣ам̣
2. Saṅghādisesakaṇḍaṃ
1. батамасан̇гхаад̣̇исзсасигкаабад̣̇аван̣н̣анаа
1. Paṭhamasaṅghādisesasikkhāpadavaṇṇanā
679. сан̇гхаад̣̇исзсаган̣д̣з ‘‘д̣̇уд̇ияасса аарожзд̇ий’’д̇и зд̇т̇ааби д̣̇вийсуби ад̣д̣агаарагзсу яасса гассажи д̣̇уд̇ияасса гат̇ам̣ яо гожи аарожзд̇ийд̇и звамад̇т̇о г̇ахзд̇аб̣б̣од̇и ааха ‘‘зсзва наяо’’д̇и.
679. Saṅghādisesakaṇḍe ‘‘dutiyassa ārocetī’’ti etthāpi dvīsupi aḍḍakārakesu yassa kassaci dutiyassa kathaṃ yo koci ārocetīti evamattho gahetabboti āha ‘‘eseva nayo’’ti.
г̇ад̇иг̇ад̇анд̇и жирагаалаббавад̇д̇ам̣. аабад̇д̇ийд̇и аабаж̇ж̇анам̣. ‘‘ниссааран̣ийяа’’нд̇и ид̣̇ам̣ гад̇д̇уад̇т̇з сид̣̇д̇ханд̇и ааха ‘‘ниссаарзд̇ий’’д̇и. аабаннам̣ бхигкуним̣ сан̇гхад̇о вияож̇зд̇и, вияож̇анахзд̇у ход̇ийд̇и ад̇т̇о.
Gatigatanti cirakālappavattaṃ. Āpattīti āpajjanaṃ. ‘‘Nissāraṇīya’’nti idaṃ kattuatthe siddhanti āha ‘‘nissāretī’’ti. Āpannaṃ bhikkhuniṃ saṅghato viyojeti, viyojanahetu hotīti attho.
г̇ийвааязваад̇и аан̣ад̇д̇ияаа абхаавад̇о. д̇зсам̣ анад̇т̇агаамад̇ааяаад̇и ‘‘жоро’’д̇и вуд̇д̇ам̣ мама важанам̣ суд̇ваа гзжи д̣̇ан̣д̣иссанд̇и ж̇ийвид̇аа воробзссанд̇ийд̇и звам̣ сан̃н̃ааяа. зд̇зна гзвалам̣ бхаязна ваа баригкаараг̇г̇ахан̣ад̇т̇ам̣ ваа сахасаа ‘‘жоро’’д̇и вуд̇д̇з д̣̇ан̣д̣ид̇зби на д̣̇осод̇и д̣̇ассзд̇и. рааж̇абурисаанан̃хи ‘‘жоро аяа’’нд̇и уд̣̇д̣̇исса гат̇анз зва г̇ийваа, бхигкуунам̣, бана аараамигаад̣̇ийнам̣ ваа саммукаа ‘‘асуго жоро звамагаасий’’д̇и гзнажи вуд̇д̇аважанам̣ ниссааяа аараамигаад̣̇ийсу рааж̇абурисаанам̣ вад̇ваа д̣̇ан̣д̣аабзнд̇зсуби бхигкусса на г̇ийваа рааж̇абурисаанам̣ авуд̇д̇ад̇д̇аа. язсан̃жа вуд̇д̇ам̣, д̇зхи саяам̣ жорасса ад̣̇ан̣д̣ид̇ад̇д̇аад̇и г̇ахзд̇аб̣б̣ам̣. ‘‘д̇вам̣ зд̇асса санд̇агам̣ ажчинд̣̇аа’’д̇и аан̣ад̇д̇оби хи сажз ан̃н̃зна ажчинд̣̇аабзд̇и, аан̣аабагасса анаабад̇д̇и висан̇гзд̇ад̇д̇аа. ‘‘ад̇д̇ано важанагара’’нд̇и ид̣̇ам̣ саамийживасзна вуд̇д̇ам̣. важанам̣ агаронд̇аанам̣ рааж̇абурисаанамби ‘‘иминаа г̇ахид̇абаригкаарам̣ аахараабзхи, маа жасса д̣̇ан̣д̣ам̣ гарохий’’д̇и уд̣̇д̣̇исса вад̣̇анд̇ассааби д̣̇ан̣д̣з г̇ахид̇зби на г̇ийваа зва д̣̇ан̣д̣аг̇г̇ахан̣асса бадигкид̇д̇ад̇д̇аа, ‘‘асугабхан̣д̣ам̣ авахараа’’д̇и аан̣аабзд̇ваа виббадисаарз уббаннз буна бадигкибанз (баараа. 121) вияа.
Gīvāyevāti āṇattiyā abhāvato. Tesaṃ anatthakāmatāyāti ‘‘coro’’ti vuttaṃ mama vacanaṃ sutvā keci daṇḍissanti jīvitā voropessantīti evaṃ saññāya. Etena kevalaṃ bhayena vā parikkhāraggahaṇatthaṃ vā sahasā ‘‘coro’’ti vutte daṇḍitepi na dosoti dasseti. Rājapurisānañhi ‘‘coro aya’’nti uddissa kathane eva gīvā, bhikkhūnaṃ, pana ārāmikādīnaṃ vā sammukhā ‘‘asuko coro evamakāsī’’ti kenaci vuttavacanaṃ nissāya ārāmikādīsu rājapurisānaṃ vatvā daṇḍāpentesupi bhikkhussa na gīvā rājapurisānaṃ avuttattā. Yesañca vuttaṃ, tehi sayaṃ corassa adaṇḍitattāti gahetabbaṃ. ‘‘Tvaṃ etassa santakaṃ acchindā’’ti āṇattopi hi sace aññena acchindāpeti, āṇāpakassa anāpatti visaṅketattā. ‘‘Attano vacanakara’’nti idaṃ sāmīcivasena vuttaṃ. Vacanaṃ akarontānaṃ rājapurisānampi ‘‘iminā gahitaparikkhāraṃ āharāpehi, mā cassa daṇḍaṃ karohī’’ti uddissa vadantassāpi daṇḍe gahitepi na gīvā eva daṇḍaggahaṇassa paṭikkhittattā, ‘‘asukabhaṇḍaṃ avaharā’’ti āṇāpetvā vippaṭisāre uppanne puna paṭikkhipane (pārā. 121) viya.
д̣̇аасаад̣̇ийнам̣ самбадижчанз вияа д̇ад̣̇ад̇т̇ааяа ад̣д̣агаран̣з бхигкуунамби д̣̇уггаданд̇и ааха ‘‘агаббияаад̣д̣о наама на ваддад̇ий’’д̇и. гзнажи бана бхигкунаа кзд̇д̇аад̣̇иад̇т̇ааяа вохааригаанам̣ санд̇игам̣ г̇анд̇ваа ад̣д̣з гад̇зби д̇ам̣ кзд̇д̇аад̣̇исамбадижчанз вияа саб̣б̣зсам̣ агаббияам̣ на ход̇и буб̣б̣з зва сан̇гхасса санд̇агад̇д̇аа , бхигкуссзва бана баяог̇авасзна аабад̇д̇ияо хонд̇и. д̣̇аасаад̣̇ийнамби бана ад̇т̇ааяа рагкам̣ яаажид̇ум̣ вохааригзна будтзна сан̇гхасса уббаннам̣ габбияаггамам̣ вад̇д̇ум̣, аараамигаад̣̇ийхи жа ад̣д̣ам̣ гаараабзд̇ун̃жа ваддад̇и зва. вихааравад̇т̇аад̣̇игаббияаад̣д̣ам̣ бана бхигкуно саяамби гаад̇ум̣ ваддад̇и.
Dāsādīnaṃ sampaṭicchane viya tadatthāya aḍḍakaraṇe bhikkhūnampi dukkaṭanti āha ‘‘akappiyaaḍḍo nāma na vaṭṭatī’’ti. Kenaci pana bhikkhunā khettādiatthāya vohārikānaṃ santikaṃ gantvā aḍḍe katepi taṃ khettādisampaṭicchane viya sabbesaṃ akappiyaṃ na hoti pubbe eva saṅghassa santakattā , bhikkhusseva pana payogavasena āpattiyo honti. Dāsādīnampi pana atthāya rakkhaṃ yācituṃ vohārikena puṭṭhena saṅghassa uppannaṃ kappiyakkamaṃ vattuṃ, ārāmikādīhi ca aḍḍaṃ kārāpetuñca vaṭṭati eva. Vihāravatthādikappiyaaḍḍaṃ pana bhikkhuno sayampi kātuṃ vaṭṭati.
бхигкунийнам̣ вуд̇д̇од̇и рагкам̣ яаажанд̇ийнам̣ бхигкунийнам̣ вуд̇д̇о уд̣̇д̣̇иссаануд̣̇д̣̇иссавасзна рагкааяаажанавинижчаяо, на саб̣б̣о сигкаабад̣̇авинижчаяо асаад̇хааран̣ад̇д̇аа сигкаабад̣̇асса. д̇знааха ‘‘бхигкунобий’’д̇иаад̣̇и. анаагад̣дхид̇ааяа ад̣д̣агаран̣ам̣, ад̣д̣абарияосаананд̇и д̣̇вз ан̇г̇аани.
Bhikkhunīnaṃ vuttoti rakkhaṃ yācantīnaṃ bhikkhunīnaṃ vutto uddissaanuddissavasena rakkhāyācanavinicchayo, na sabbo sikkhāpadavinicchayo asādhāraṇattā sikkhāpadassa. Tenāha ‘‘bhikkhunopī’’tiādi. Anākaḍḍhitāya aḍḍakaraṇaṃ, aḍḍapariyosānanti dve aṅgāni.
батамасан̇гхаад̣̇исзсасигкаабад̣̇аван̣н̣анаа нидтид̇аа.
Paṭhamasaṅghādisesasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бхигкунийвибхан̇г̇а • Bhikkhunīvibhaṅga / 1. батамасан̇гхаад̣̇исзсасигкаабад̣̇ам̣ • 1. Paṭhamasaṅghādisesasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 1. батамасан̇гхаад̣̇исзсасигкаабад̣̇аван̣н̣анаа • 1. Paṭhamasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. батамасан̇гхаад̣̇исзсасигкаабад̣̇аван̣н̣анаа • 1. Paṭhamasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. батамасан̇гхаад̣̇исзсасигкаабад̣̇а-ад̇т̇аяож̇анаа • 1. Paṭhamasaṅghādisesasikkhāpada-atthayojanā
