| Library / Tipiṭaka / ติปิฎก • Tipiṭaka / กงฺขาวิตรณี-อภินว-ฎีกา • Kaṅkhāvitaraṇī-abhinava-ṭīkā |
๖. ปฐมสงฺฆิกเจตาปนสิกฺขาปทวณฺณนา
6. Paṭhamasaṅghikacetāpanasikkhāpadavaṇṇanā
อญฺญสฺสตฺถาย ทิเนฺนนาติ ยํ เจตาเปติ, ตโต อญฺญสฺสตฺถาย ทิเนฺนนฯ อญฺญุทฺทิสิเกนาติ ปุริมเสฺสวตฺถทีปนํฯ
Aññassatthāya dinnenāti yaṃ cetāpeti, tato aññassatthāya dinnena. Aññuddisikenāti purimassevatthadīpanaṃ.
เสสกํ อุปเนนฺติยาติ ยทตฺถาย ทิโนฺน, ตํ เจตาเปตฺวา อวเสสํ อญฺญสฺสตฺถาย อุปเนนฺติยาฯ สามิเก อปโลเกตฺวาติ ทายเก อาปุจฺฉิตฺวาฯ เอวรูปาสู อาปทาสุ อุปเนนฺตีนนฺติ เอวรูเปสุ อุปทฺทเวสุ อญฺญสฺส ยสฺส กสฺสจิ อตฺถาย อุปเนนฺตีนํฯ
Sesakaṃ upanentiyāti yadatthāya dinno, taṃ cetāpetvā avasesaṃ aññassatthāya upanentiyā. Sāmike apaloketvāti dāyake āpucchitvā. Evarūpāsū āpadāsu upanentīnanti evarūpesu upaddavesu aññassa yassa kassaci atthāya upanentīnaṃ.
ปฐมสงฺฆิกเจตาปนสิกฺขาปทวณฺณนา นิฎฺฐิตาฯ
Paṭhamasaṅghikacetāpanasikkhāpadavaṇṇanā niṭṭhitā.
