| Library / Tipiṭaka / තිපිටක • Tipiṭaka / කඞ්‌ඛාවිතරණී-අභිනව-ටීකා • Kaṅkhāvitaraṇī-abhinava-ṭīkā |
6. පඨමසඞ්‌ඝිකචෙතාපනසික්‌ඛාපදවණ්‌ණනා
6. Paṭhamasaṅghikacetāpanasikkhāpadavaṇṇanā
අඤ්‌ඤස්‌සත්‌ථාය දින්‌නෙනාති යං චෙතාපෙති, තතො අඤ්‌ඤස්‌සත්‌ථාය දින්‌නෙන. අඤ්‌ඤුද්‌දිසිකෙනාති පුරිමස්‌සෙවත්‌ථදීපනං.
Aññassatthāya dinnenāti yaṃ cetāpeti, tato aññassatthāya dinnena. Aññuddisikenāti purimassevatthadīpanaṃ.
සෙසකං උපනෙන්‌තියාති යදත්‌ථාය දින්‌නො, තං චෙතාපෙත්‌වා අවසෙසං අඤ්‌ඤස්‌සත්‌ථාය උපනෙන්‌තියා. සාමිකෙ අපලොකෙත්‌වාති දායකෙ ආපුච්‌ඡිත්‌වා. එවරූපාසූ ආපදාසු උපනෙන්‌තීනන්‌ති එවරූපෙසු උපද්‌දවෙසු අඤ්‌ඤස්‌ස යස්‌ස කස්‌සචි අත්‌ථාය උපනෙන්‌තීනං.
Sesakaṃ upanentiyāti yadatthāya dinno, taṃ cetāpetvā avasesaṃ aññassatthāya upanentiyā. Sāmike apaloketvāti dāyake āpucchitvā. Evarūpāsū āpadāsu upanentīnanti evarūpesu upaddavesu aññassa yassa kassaci atthāya upanentīnaṃ.
පඨමසඞ්‌ඝිකචෙතාපනසික්‌ඛාපදවණ්‌ණනා නිට්‌ඨිතා.
Paṭhamasaṅghikacetāpanasikkhāpadavaṇṇanā niṭṭhitā.
