| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
6. පඨමසඤ්‌ඤාසුත්‌තං
6. Paṭhamasaññāsuttaṃ
56. ‘‘දසයිමා, භික්‌ඛවෙ, සඤ්‌ඤා භාවිතා බහුලීකතා මහප්‌ඵලා හොන්‌ති මහානිසංසා අමතොගධා අමතපරියොසානා. කතමා දස? අසුභසඤ්‌ඤා, මරණසඤ්‌ඤා, ආහාරෙ පටිකූලසඤ්‌ඤා, සබ්‌බලොකෙ අනභිරතසඤ්‌ඤා, අනිච්‌චසඤ්‌ඤා, අනිච්‌චෙ දුක්‌ඛසඤ්‌ඤා, දුක්‌ඛෙ අනත්‌තසඤ්‌ඤා, පහානසඤ්‌ඤා, විරාගසඤ්‌ඤා, නිරොධසඤ්‌ඤා – ඉමා ඛො, භික්‌ඛවෙ, දස සඤ්‌ඤා භාවිතා බහුලීකතා මහප්‌ඵලා හොන්‌ති මහානිසංසා අමතොගධා අමතපරියොසානා’’ති. ඡට්‌ඨං.
56. ‘‘Dasayimā, bhikkhave, saññā bhāvitā bahulīkatā mahapphalā honti mahānisaṃsā amatogadhā amatapariyosānā. Katamā dasa? Asubhasaññā, maraṇasaññā, āhāre paṭikūlasaññā, sabbaloke anabhiratasaññā, aniccasaññā, anicce dukkhasaññā, dukkhe anattasaññā, pahānasaññā, virāgasaññā, nirodhasaññā – imā kho, bhikkhave, dasa saññā bhāvitā bahulīkatā mahapphalā honti mahānisaṃsā amatogadhā amatapariyosānā’’ti. Chaṭṭhaṃ.
Related texts:
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-10. සචිත්‌තසුත්‌තාදිවණ්‌ණනා • 1-10. Sacittasuttādivaṇṇanā
