| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
4. பட²மஸரணானிஸக்கஸுத்தவண்ணனா
4. Paṭhamasaraṇānisakkasuttavaṇṇanā
1020. சதுத்தே² இத⁴ மஹானாம ஏகச்சோ புக்³க³லோதி இத³ங் ந கேவலங் ஸரணானி ஏவ அபாயதோ முத்தோ, இமேபி புக்³க³லா முத்தாதி த³ஸ்ஸேதுங் ஆரத்³த⁴ங். மத்தஸோ நிஜ்ஜா²னங் க²மந்தீதி பமாணேன ச ஓலோகனங் க²மந்தி. இமினா த⁴ம்மானுஸாரிமக்³க³ட்ட²புக்³க³லங் த³ஸ்ஸேதி. அக³ந்தா நிரயந்தி மக்³க³ட்ட²புக்³க³லோ ஹி அபாயதோ பரிமுத்தோதி வா பரிமுச்சிஸ்ஸதீதி வா வத்துங் ந வட்டதி, பரிமுச்சதீதி பன வத்துங் வட்டதி. யஸ்மா ச பரிமுச்சதி, தஸ்மா க³ந்தா நாம ந ஹோதீதி, ‘‘அக³ந்தா’’தி வுத்தோ, ந க³ச்ச²தீதி அத்தோ². ஸத்³தா⁴மத்தங் பேமமத்தந்தி இமினா ஸத்³தா⁴னுஸாரிமக்³க³ட்ட²புக்³க³லங் த³ஸ்ஸேதி. மஹாஸாலாதி ஸமீபே டி²தேவ சத்தாரோ மஹாஸாரருக்கே² த³ஸ்ஸெந்தோ ஆஹ. மரணகாலே ஸிக்க²ங் ஸமாதி³யீதி மரணஸமயே தீஸு ஸிக்கா²ஸு பரிபூரகாரீ அஹோஸீதி த³ஸ்ஸேதி.
1020. Catutthe idha mahānāma ekacco puggaloti idaṃ na kevalaṃ saraṇāni eva apāyato mutto, imepi puggalā muttāti dassetuṃ āraddhaṃ. Mattaso nijjhānaṃ khamantīti pamāṇena ca olokanaṃ khamanti. Iminā dhammānusārimaggaṭṭhapuggalaṃ dasseti. Agantā nirayanti maggaṭṭhapuggalo hi apāyato parimuttoti vā parimuccissatīti vā vattuṃ na vaṭṭati, parimuccatīti pana vattuṃ vaṭṭati. Yasmā ca parimuccati, tasmā gantā nāma na hotīti, ‘‘agantā’’ti vutto, na gacchatīti attho. Saddhāmattaṃ pemamattanti iminā saddhānusārimaggaṭṭhapuggalaṃ dasseti. Mahāsālāti samīpe ṭhiteva cattāro mahāsārarukkhe dassento āha. Maraṇakāle sikkhaṃ samādiyīti maraṇasamaye tīsu sikkhāsu paripūrakārī ahosīti dasseti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 4. பட²மஸரணானிஸக்கஸுத்தங் • 4. Paṭhamasaraṇānisakkasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4. பட²மஸரணானிஸக்கஸுத்தவண்ணனா • 4. Paṭhamasaraṇānisakkasuttavaṇṇanā
