| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
4. батамасаран̣аанисаггасуд̇д̇аван̣н̣анаа
4. Paṭhamasaraṇānisakkasuttavaṇṇanā
1020. жад̇уд̇т̇з ид̇ха махаанаама згажжо буг̇г̇алод̇и ид̣̇ам̣ на гзвалам̣ саран̣аани зва абааяад̇о муд̇д̇о, имзби буг̇г̇алаа муд̇д̇аад̇и д̣̇ассзд̇ум̣ аарад̣̇д̇хам̣. мад̇д̇асо ниж̇жхаанам̣ каманд̇ийд̇и бамаан̣зна жа ологанам̣ каманд̇и. иминаа д̇хаммаанусааримаг̇г̇адтабуг̇г̇алам̣ д̣̇ассзд̇и. аг̇анд̇аа нираяанд̇и маг̇г̇адтабуг̇г̇ало хи абааяад̇о баримуд̇д̇од̇и ваа баримужжиссад̇ийд̇и ваа вад̇д̇ум̣ на ваддад̇и, баримужжад̇ийд̇и бана вад̇д̇ум̣ ваддад̇и. яасмаа жа баримужжад̇и, д̇асмаа г̇анд̇аа наама на ход̇ийд̇и, ‘‘аг̇анд̇аа’’д̇и вуд̇д̇о, на г̇ажчад̇ийд̇и ад̇т̇о. сад̣̇д̇хаамад̇д̇ам̣ бзмамад̇д̇анд̇и иминаа сад̣̇д̇хаанусааримаг̇г̇адтабуг̇г̇алам̣ д̣̇ассзд̇и. махаасаалаад̇и самийбз тид̇зва жад̇д̇ааро махаасаараругкз д̣̇ассзнд̇о ааха. маран̣агаалз сигкам̣ самаад̣̇ияийд̇и маран̣асамаяз д̇ийсу сигкаасу барибуурагаарий ахосийд̇и д̣̇ассзд̇и.
1020. Catutthe idha mahānāma ekacco puggaloti idaṃ na kevalaṃ saraṇāni eva apāyato mutto, imepi puggalā muttāti dassetuṃ āraddhaṃ. Mattaso nijjhānaṃ khamantīti pamāṇena ca olokanaṃ khamanti. Iminā dhammānusārimaggaṭṭhapuggalaṃ dasseti. Agantā nirayanti maggaṭṭhapuggalo hi apāyato parimuttoti vā parimuccissatīti vā vattuṃ na vaṭṭati, parimuccatīti pana vattuṃ vaṭṭati. Yasmā ca parimuccati, tasmā gantā nāma na hotīti, ‘‘agantā’’ti vutto, na gacchatīti attho. Saddhāmattaṃ pemamattanti iminā saddhānusārimaggaṭṭhapuggalaṃ dasseti. Mahāsālāti samīpe ṭhiteva cattāro mahāsārarukkhe dassento āha. Maraṇakāle sikkhaṃ samādiyīti maraṇasamaye tīsu sikkhāsu paripūrakārī ahosīti dasseti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. батамасаран̣аанисаггасуд̇д̇ам̣ • 4. Paṭhamasaraṇānisakkasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. батамасаран̣аанисаггасуд̇д̇аван̣н̣анаа • 4. Paṭhamasaraṇānisakkasuttavaṇṇanā
