| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๔. ปฐมสรณานิสกฺกสุตฺตวณฺณนา
4. Paṭhamasaraṇānisakkasuttavaṇṇanā
๑๐๒๐. จตุเตฺถ อิธ มหานาม เอกโจฺจ ปุคฺคโลติ อิทํ น เกวลํ สรณานิ เอว อปายโต มุโตฺต, อิเมปิ ปุคฺคลา มุตฺตาติ ทเสฺสตุํ อารทฺธํฯ มตฺตโส นิชฺฌานํ ขมนฺตีติ ปมาเณน จ โอโลกนํ ขมนฺติฯ อิมินา ธมฺมานุสาริมคฺคฎฺฐปุคฺคลํ ทเสฺสติฯ อคนฺตา นิรยนฺติ มคฺคฎฺฐปุคฺคโล หิ อปายโต ปริมุโตฺตติ วา ปริมุจฺจิสฺสตีติ วา วตฺตุํ น วฎฺฎติ, ปริมุจฺจตีติ ปน วตฺตุํ วฎฺฎติฯ ยสฺมา จ ปริมุจฺจติ, ตสฺมา คนฺตา นาม น โหตีติ, ‘‘อคนฺตา’’ติ วุโตฺต, น คจฺฉตีติ อโตฺถฯ สทฺธามตฺตํ เปมมตฺตนฺติ อิมินา สทฺธานุสาริมคฺคฎฺฐปุคฺคลํ ทเสฺสติฯ มหาสาลาติ สมีเป ฐิเตว จตฺตาโร มหาสารรุเกฺข ทเสฺสโนฺต อาหฯ มรณกาเล สิกฺขํ สมาทิยีติ มรณสมเย ตีสุ สิกฺขาสุ ปริปูรการี อโหสีติ ทเสฺสติฯ
1020. Catutthe idha mahānāma ekacco puggaloti idaṃ na kevalaṃ saraṇāni eva apāyato mutto, imepi puggalā muttāti dassetuṃ āraddhaṃ. Mattaso nijjhānaṃ khamantīti pamāṇena ca olokanaṃ khamanti. Iminā dhammānusārimaggaṭṭhapuggalaṃ dasseti. Agantā nirayanti maggaṭṭhapuggalo hi apāyato parimuttoti vā parimuccissatīti vā vattuṃ na vaṭṭati, parimuccatīti pana vattuṃ vaṭṭati. Yasmā ca parimuccati, tasmā gantā nāma na hotīti, ‘‘agantā’’ti vutto, na gacchatīti attho. Saddhāmattaṃ pemamattanti iminā saddhānusārimaggaṭṭhapuggalaṃ dasseti. Mahāsālāti samīpe ṭhiteva cattāro mahāsārarukkhe dassento āha. Maraṇakāle sikkhaṃ samādiyīti maraṇasamaye tīsu sikkhāsu paripūrakārī ahosīti dasseti.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๔. ปฐมสรณานิสกฺกสุตฺตํ • 4. Paṭhamasaraṇānisakkasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๔. ปฐมสรณานิสกฺกสุตฺตวณฺณนา • 4. Paṭhamasaraṇānisakkasuttavaṇṇanā
