| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
4. පඨමසරණානිසක්‌කසුත්‌තවණ්‌ණනා
4. Paṭhamasaraṇānisakkasuttavaṇṇanā
1020. චතුත්‌ථෙ ඉධ මහානාම එකච්‌චො පුග්‌ගලොති ඉදං න කෙවලං සරණානි එව අපායතො මුත්‌තො, ඉමෙපි පුග්‌ගලා මුත්‌තාති දස්‌සෙතුං ආරද්‌ධං. මත්‌තසො නිජ්‌ඣානං ඛමන්‌තීති පමාණෙන ච ඔලොකනං ඛමන්‌ති. ඉමිනා ධම්‌මානුසාරිමග්‌ගට්‌ඨපුග්‌ගලං දස්‌සෙති. අගන්‌තා නිරයන්‌ති මග්‌ගට්‌ඨපුග්‌ගලො හි අපායතො පරිමුත්‌තොති වා පරිමුච්‌චිස්‌සතීති වා වත්‌තුං න වට්‌ටති, පරිමුච්‌චතීති පන වත්‌තුං වට්‌ටති. යස්‌මා ච පරිමුච්‌චති, තස්‌මා ගන්‌තා නාම න හොතීති, ‘‘අගන්‌තා’’ති වුත්‌තො, න ගච්‌ඡතීති අත්‌ථො. සද්‌ධාමත්‌තං පෙමමත්‌තන්‌ති ඉමිනා සද්‌ධානුසාරිමග්‌ගට්‌ඨපුග්‌ගලං දස්‌සෙති. මහාසාලාති සමීපෙ ඨිතෙව චත්‌තාරො මහාසාරරුක්‌ඛෙ දස්‌සෙන්‌තො ආහ. මරණකාලෙ සික්‌ඛං සමාදියීති මරණසමයෙ තීසු සික්‌ඛාසු පරිපූරකාරී අහොසීති දස්‌සෙති.
1020. Catutthe idha mahānāma ekacco puggaloti idaṃ na kevalaṃ saraṇāni eva apāyato mutto, imepi puggalā muttāti dassetuṃ āraddhaṃ. Mattaso nijjhānaṃ khamantīti pamāṇena ca olokanaṃ khamanti. Iminā dhammānusārimaggaṭṭhapuggalaṃ dasseti. Agantā nirayanti maggaṭṭhapuggalo hi apāyato parimuttoti vā parimuccissatīti vā vattuṃ na vaṭṭati, parimuccatīti pana vattuṃ vaṭṭati. Yasmā ca parimuccati, tasmā gantā nāma na hotīti, ‘‘agantā’’ti vutto, na gacchatīti attho. Saddhāmattaṃ pemamattanti iminā saddhānusārimaggaṭṭhapuggalaṃ dasseti. Mahāsālāti samīpe ṭhiteva cattāro mahāsārarukkhe dassento āha. Maraṇakāle sikkhaṃ samādiyīti maraṇasamaye tīsu sikkhāsu paripūrakārī ahosīti dasseti.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 4. පඨමසරණානිසක්‌කසුත්‌තං • 4. Paṭhamasaraṇānisakkasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 4. පඨමසරණානිසක්‌කසුත්‌තවණ්‌ණනා • 4. Paṭhamasaraṇānisakkasuttavaṇṇanā
