| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
2. сааран̣ийяаваг̇г̇о
2. Sāraṇīyavaggo
1. батамасааран̣ийяасуд̇д̇ам̣
1. Paṭhamasāraṇīyasuttaṃ
11. ‘‘чаяимз , бхигкавз, д̇хаммаа сааран̣ийяаа 1. гад̇амз ча? ид̇ха, бхигкавз, бхигкуно мзд̇д̇ам̣ гааяагаммам̣ бажжубадтид̇ам̣ ход̇и саб̣рахмажаарийсу аави жзва рахо жа, аяамби д̇хаммо сааран̣ийяо.
11. ‘‘Chayime , bhikkhave, dhammā sāraṇīyā 2. Katame cha? Idha, bhikkhave, bhikkhuno mettaṃ kāyakammaṃ paccupaṭṭhitaṃ hoti sabrahmacārīsu āvi ceva raho ca, ayampi dhammo sāraṇīyo.
‘‘буна жабарам̣, бхигкавз, бхигкуно мзд̇д̇ам̣ важийгаммам̣ бажжубадтид̇ам̣ ход̇и саб̣рахмажаарийсу аави жзва рахо жа, аяамби д̇хаммо сааран̣ийяо.
‘‘Puna caparaṃ, bhikkhave, bhikkhuno mettaṃ vacīkammaṃ paccupaṭṭhitaṃ hoti sabrahmacārīsu āvi ceva raho ca, ayampi dhammo sāraṇīyo.
‘‘буна жабарам̣, бхигкавз, бхигкуно мзд̇д̇ам̣ маногаммам̣ бажжубадтид̇ам̣ ход̇и саб̣рахмажаарийсу аави жзва рахо жа, аяамби д̇хаммо сааран̣ийяо.
‘‘Puna caparaṃ, bhikkhave, bhikkhuno mettaṃ manokammaṃ paccupaṭṭhitaṃ hoti sabrahmacārīsu āvi ceva raho ca, ayampi dhammo sāraṇīyo.
‘‘буна жабарам̣, бхигкавз, бхигку яз д̇з лаабхаа д̇хаммигаа д̇хаммалад̣̇д̇хаа анд̇амасо бад̇д̇абарияаабаннамад̇д̇амби д̇ат̇ааруубзхи лаабхзхи аббадивибхад̇д̇абхог̇ий ход̇и сийлаванд̇зхи саб̣рахмажаарийхи саад̇хааран̣абхог̇ий, аяамби д̇хаммо сааран̣ийяо.
‘‘Puna caparaṃ, bhikkhave, bhikkhu ye te lābhā dhammikā dhammaladdhā antamaso pattapariyāpannamattampi tathārūpehi lābhehi appaṭivibhattabhogī hoti sīlavantehi sabrahmacārīhi sādhāraṇabhogī, ayampi dhammo sāraṇīyo.
‘‘буна жабарам̣, бхигкавз, бхигку яаани д̇аани сийлаани акан̣д̣аани ажчид̣̇д̣̇аани асаб̣алаани агаммаасаани бхуж̇иссаани вин̃н̃уббасад̇т̇аани абараамадтаани самаад̇хисам̣вад̇д̇анигаани д̇ат̇ааруубзхи сийлзхи сийласааман̃н̃аг̇ад̇о вихарад̇и саб̣рахмажаарийхи аави жзва рахо жа, аяамби д̇хаммо сааран̣ийяо.
‘‘Puna caparaṃ, bhikkhave, bhikkhu yāni tāni sīlāni akhaṇḍāni acchiddāni asabalāni akammāsāni bhujissāni viññuppasatthāni aparāmaṭṭhāni samādhisaṃvattanikāni tathārūpehi sīlehi sīlasāmaññagato viharati sabrahmacārīhi āvi ceva raho ca, ayampi dhammo sāraṇīyo.
‘‘буна жабарам̣, бхигкавз, бхигку яааяам̣ д̣̇идти арияаа нияяаанигаа нияяаад̇и д̇аггарасса саммаа д̣̇угкагкаяааяа д̇ат̇ааруубааяа д̣̇идтияаа д̣̇идтисааман̃н̃аг̇ад̇о вихарад̇и саб̣рахмажаарийхи аави жзва рахо жа, аяамби д̇хаммо сааран̣ийяо. имз ко, бхигкавз, ча д̇хаммаа сааран̣ийяаа’’д̇и. батамам̣.
‘‘Puna caparaṃ, bhikkhave, bhikkhu yāyaṃ diṭṭhi ariyā niyyānikā niyyāti takkarassa sammā dukkhakkhayāya tathārūpāya diṭṭhiyā diṭṭhisāmaññagato viharati sabrahmacārīhi āvi ceva raho ca, ayampi dhammo sāraṇīyo. Ime kho, bhikkhave, cha dhammā sāraṇīyā’’ti. Paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. батамасааран̣ийяасуд̇д̇аван̣н̣анаа • 1. Paṭhamasāraṇīyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1. батамасааран̣ийяасуд̇д̇аван̣н̣анаа • 1. Paṭhamasāraṇīyasuttavaṇṇanā
