| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
2. сааран̣ийяаваг̇г̇о
2. Sāraṇīyavaggo
1. батамасааран̣ийяасуд̇д̇аван̣н̣анаа
1. Paṭhamasāraṇīyasuttavaṇṇanā
11. д̣̇уд̇ияасса батамз сарид̇аб̣б̣аяуд̇д̇агаад̇и ануссаран̣аарахаа. миж̇ж̇ад̇и синияхад̇и зд̇ааяаад̇и мзд̇д̇аа, мид̇д̇абхааво. мзд̇д̇аа зд̇асса ад̇т̇ийд̇и мзд̇д̇ам̣, гааяагаммам̣. д̇ам̣ бана яасмаа мзд̇д̇аасахаг̇ад̇ажид̇д̇асамудтаанам̣, д̇асмаа вуд̇д̇ам̣ ‘‘мзд̇д̇зна жид̇д̇зна гаад̇аб̣б̣ам̣ гааяагамма’’нд̇и. зса наяо сзсад̣̇ваязби. имаанийд̇и мзд̇д̇агааяагаммаад̣̇ийни. бхигкуунам̣ васзна ааг̇ад̇аани д̇зсам̣ сздтабарисабхаавад̇о. яат̇аа бана бхигкунийсуби лаб̣бханд̇и, звам̣ г̇ихийсуби лаб̣бханд̇и жад̇убарисасаад̇хааран̣ад̇д̇аад̇и д̇ам̣ д̣̇ассзнд̇о ‘‘бхигкуунан̃хий’’д̇иаад̣̇имааха. бхигкуно саб̣б̣амби анаваж̇ж̇агааяагаммам̣ аабхисамаажааригагамманд̇ог̇ад̇хамзваад̇и ааха ‘‘мзд̇д̇зна жид̇д̇зна…бз… гааяагаммам̣ наамаа’’д̇и. бхад̇д̇ивасзна бавад̇д̇ияамаанаа жзд̇ияаб̣од̇хийнам̣ ванд̣̇анаа мзд̇д̇аасид̣̇д̇хаад̇и гад̇ваа д̇ад̣̇ад̇т̇ааяа г̇аманам̣ ‘‘мзд̇д̇ам̣ гааяагамма’’нд̇и вуд̇д̇ам̣. аад̣̇и-сад̣̇д̣̇зна жзд̇ияаб̣од̇хибхигкуусу вуд̇д̇аавасзсаабажааяанаад̣̇ивасзна бавад̇д̇амзд̇д̇аавасзна бавад̇д̇ам̣ гааяигам̣ гирияам̣ сан̇г̇ан̣хаад̇и.
11. Dutiyassa paṭhame saritabbayuttakāti anussaraṇārahā. Mijjati siniyhati etāyāti mettā, mittabhāvo. Mettā etassa atthīti mettaṃ, kāyakammaṃ. Taṃ pana yasmā mettāsahagatacittasamuṭṭhānaṃ, tasmā vuttaṃ ‘‘mettena cittena kātabbaṃ kāyakamma’’nti. Esa nayo sesadvayepi. Imānīti mettakāyakammādīni. Bhikkhūnaṃ vasena āgatāni tesaṃ seṭṭhaparisabhāvato. Yathā pana bhikkhunīsupi labbhanti, evaṃ gihīsupi labbhanti catuparisasādhāraṇattāti taṃ dassento ‘‘bhikkhūnañhī’’tiādimāha. Bhikkhuno sabbampi anavajjakāyakammaṃ ābhisamācārikakammantogadhamevāti āha ‘‘mettena cittena…pe… kāyakammaṃ nāmā’’ti. Bhattivasena pavattiyamānā cetiyabodhīnaṃ vandanā mettāsiddhāti katvā tadatthāya gamanaṃ ‘‘mettaṃ kāyakamma’’nti vuttaṃ. Ādi-saddena cetiyabodhibhikkhūsu vuttāvasesāpacāyanādivasena pavattamettāvasena pavattaṃ kāyikaṃ kiriyaṃ saṅgaṇhāti.
д̇збидагамби б̣уд̣̇д̇хаважанам̣ гат̇ияамаананд̇и ад̇хиббааяо. д̇збидагамби б̣уд̣̇д̇хаважанам̣ барибужчанаад̇т̇агат̇анавасзна бавад̇д̇ияамаанамзва мзд̇д̇ам̣ важийгаммам̣ наама хид̇аж̇жхаасаязна бавад̇д̇ид̇аб̣б̣ад̇о. д̇ийн̣и сужарид̇аанийд̇и гааяаважийманосужарид̇аани. жинд̇ананд̇и звам̣ жинд̇анамад̇д̇амби маногаммам̣, баг̇зва бадибаннаа бхааванаад̇и д̣̇ассзд̇и.
Tepiṭakampi buddhavacanaṃ kathiyamānanti adhippāyo. Tepiṭakampi buddhavacanaṃ paripucchanaatthakathanavasena pavattiyamānameva mettaṃ vacīkammaṃ nāma hitajjhāsayena pavattitabbato. Tīṇi sucaritānīti kāyavacīmanosucaritāni. Cintananti evaṃ cintanamattampi manokammaṃ, pageva paṭipannā bhāvanāti dasseti.
аавийд̇и багаасам̣. багаасабхааво жзд̇т̇а яам̣ уд̣̇д̣̇исса д̇ам̣ гааяагаммам̣ гарийяад̇и, д̇асса саммукабхаавад̇од̇и ааха ‘‘саммукаа’’д̇и. раход̇и аббагаасам̣. аббагаасад̇аа жа яам̣ уд̣̇д̣̇исса д̇ам̣ гааяагаммам̣ гарийяад̇и, д̇асса абажжагкабхаавад̇од̇и ааха ‘‘бараммукаа’’д̇и. сахааяабхааваг̇аманам̣ д̇зсам̣ бурад̇о. д̇зсу гаронд̇зсуязва хи сахааяабхааваг̇аманам̣ саммукаа гааяагаммам̣ наама ход̇и. убхаязхийд̇и навагзхи т̇зрзхи жа. баг̇г̇аяхаад̇и баг̇г̇ан̣хид̇ваа уд̣̇д̇хам̣ гад̇ваа гзвалам̣ ‘‘д̣̇зво’’д̇и авад̇ваа г̇ун̣зхи т̇ирабхааваж̇од̇анам̣ ‘‘д̣̇звад̇т̇зро’’д̇и важанам̣ баг̇г̇аяха важанам̣. мамад̇д̇аб̣од̇ханам̣ важанам̣ мамааяанаважанам̣. зганд̇абараммукасса маногаммасса саммукад̇аа наама вин̃н̃ад̇д̇исамудтаабанавасзна ход̇и, д̇ан̃жа ко логз гааяагамманд̇и баагадам̣ бан̃н̃аад̇ам̣. хад̇т̇авигаараад̣̇ийни анаамасид̇ваа зва д̣̇ассзнд̇о ‘‘наяанаани уммийлзд̇ваа’’д̇иаад̣̇имааха. гаамам̣ мзд̇д̇аасинзхасинид̣̇д̇хаанам̣ наяанаанам̣ уммийланаа басаннзна мукзна ологанан̃жа мзд̇д̇ам̣ гааяагаммамзва, яасса бана жид̇д̇асса васзна наяанаанам̣ мзд̇д̇аасинзхасинид̣̇д̇хад̇аа мукасса жа басаннад̇аа, д̇ам̣ санд̇хааяа вуд̇д̇ам̣ ‘‘мзд̇д̇ам̣ маногаммам̣ наамаа’’д̇и.
Āvīti pakāsaṃ. Pakāsabhāvo cettha yaṃ uddissa taṃ kāyakammaṃ karīyati, tassa sammukhabhāvatoti āha ‘‘sammukhā’’ti. Rahoti appakāsaṃ. Appakāsatā ca yaṃ uddissa taṃ kāyakammaṃ karīyati, tassa apaccakkhabhāvatoti āha ‘‘parammukhā’’ti. Sahāyabhāvagamanaṃ tesaṃ purato. Tesu karontesuyeva hi sahāyabhāvagamanaṃ sammukhā kāyakammaṃ nāma hoti. Ubhayehīti navakehi therehi ca. Paggayhāti paggaṇhitvā uddhaṃ katvā kevalaṃ ‘‘devo’’ti avatvā guṇehi thirabhāvajotanaṃ ‘‘devatthero’’ti vacanaṃ paggayha vacanaṃ. Mamattabodhanaṃ vacanaṃ mamāyanavacanaṃ. Ekantaparammukhassa manokammassa sammukhatā nāma viññattisamuṭṭhāpanavasena hoti, tañca kho loke kāyakammanti pākaṭaṃ paññātaṃ. Hatthavikārādīni anāmasitvā eva dassento ‘‘nayanāni ummīletvā’’tiādimāha. Kāmaṃ mettāsinehasiniddhānaṃ nayanānaṃ ummīlanā pasannena mukhena olokanañca mettaṃ kāyakammameva, yassa pana cittassa vasena nayanānaṃ mettāsinehasiniddhatā mukhassa ca pasannatā, taṃ sandhāya vuttaṃ ‘‘mettaṃ manokammaṃ nāmā’’ti.
лаабха-сад̣̇д̣̇о гаммасаад̇хано ‘‘лаабхаа вад̇а, бхо, лад̣̇д̇хо’’д̇иаад̣̇ийсу вияа. со жзд̇т̇а ‘‘д̇хаммалад̣̇д̇хаа’’д̇и важанад̇о ад̇ийд̇агаалигод̇и ааха ‘‘жийвараад̣̇аяо лад̣̇д̇хабажжаяаа’’д̇и. д̇хаммад̇о ааг̇ад̇аад̇и д̇хаммигаа, барисуд̣̇д̇хаг̇аманаа бажжаяаа. д̇знааха ‘‘д̇хаммалад̣̇д̇хаа’’д̇и. имамзва хи ад̇т̇ам̣ д̣̇ассзд̇ум̣ ‘‘гуханаад̣̇ий’’д̇иаад̣̇и вуд̇д̇ам̣. на саммаа г̇аяхамаанаа хи д̇хаммалад̣̇д̇хаа наама на хонд̇ийд̇и д̇аббадисзд̇ханад̇т̇ам̣ баал̣ияам̣ ‘‘д̇хаммалад̣̇д̇хаа’’д̇и вуд̇д̇ам̣. д̣̇зяяам̣ д̣̇агкин̣зяяан̃жа аббадивибхад̇д̇ам̣ гад̇ваа бхун̃ж̇ад̇ийд̇и аббадивибхад̇д̇абхог̇ий наама ход̇и. д̇знааха ‘‘д̣̇вз бадивибхад̇д̇аани наамаа’’д̇иаад̣̇и. жид̇д̇зна вибхаж̇ананд̇и зд̇зна жид̇д̇уббаад̣̇амад̇д̇знаби вибхаж̇анам̣ бадивибхад̇д̇ам̣ наама, баг̇зва баяог̇ад̇од̇и д̣̇ассзд̇и. жид̇д̇зна вибхаж̇анабуб̣б̣агам̣ ваа гааязна вибхаж̇ананд̇и мууламзва д̣̇ассзд̇ум̣ ‘‘звам̣ жид̇д̇зна вибхаж̇ана’’нд̇и вуд̇д̇ам̣. д̇зна жид̇д̇уббаад̣̇амад̇д̇зна бадивибхааг̇о гаад̇аб̣б̣од̇и д̣̇ассзд̇и. аббадивибхад̇д̇анд̇и бхааванабум̣саганид̣̇д̣̇зсо, аббадивибхад̇д̇ам̣ лаабхам̣ бхун̃ж̇ад̇ийд̇и гамманид̣̇д̣̇зсо ваа. д̇ам̣ нзва г̇ихийнам̣ д̣̇зд̇и ад̇д̇ано ааж̇ийвасод̇ханад̇т̇ам̣. на ад̇д̇анаа барибхун̃ж̇ад̇и ‘‘маяхам̣ асаад̇хааран̣абхог̇ид̇аа маа ход̇уу’’д̇и. бадиг̇г̇ан̣ханд̇о жа…бз… бассад̇ийд̇и иминаа ааг̇аманад̇о бадтааяа саад̇хааран̣аб̣уд̣̇д̇хим̣ убадтаабзд̇и. звам̣ хисса саад̇хааран̣абхог̇ид̇аа сугараа, сааран̣ийяад̇хаммо жасса бууро ход̇и.
Lābha-saddo kammasādhano ‘‘lābhā vata, bho, laddho’’tiādīsu viya. So cettha ‘‘dhammaladdhā’’ti vacanato atītakālikoti āha ‘‘cīvarādayo laddhapaccayā’’ti. Dhammato āgatāti dhammikā, parisuddhagamanā paccayā. Tenāha ‘‘dhammaladdhā’’ti. Imameva hi atthaṃ dassetuṃ ‘‘kuhanādī’’tiādi vuttaṃ. Na sammā gayhamānā hi dhammaladdhā nāma na hontīti tappaṭisedhanatthaṃ pāḷiyaṃ ‘‘dhammaladdhā’’ti vuttaṃ. Deyyaṃ dakkhiṇeyyañca appaṭivibhattaṃ katvā bhuñjatīti appaṭivibhattabhogī nāma hoti. Tenāha ‘‘dve paṭivibhattāni nāmā’’tiādi. Cittena vibhajananti etena cittuppādamattenapi vibhajanaṃ paṭivibhattaṃ nāma, pageva payogatoti dasseti. Cittena vibhajanapubbakaṃ vā kāyena vibhajananti mūlameva dassetuṃ ‘‘evaṃ cittena vibhajana’’nti vuttaṃ. Tena cittuppādamattena paṭivibhāgo kātabboti dasseti. Appaṭivibhattanti bhāvanapuṃsakaniddeso, appaṭivibhattaṃ lābhaṃ bhuñjatīti kammaniddeso vā. Taṃ neva gihīnaṃ deti attano ājīvasodhanatthaṃ. Na attanā paribhuñjati ‘‘mayhaṃ asādhāraṇabhogitā mā hotū’’ti. Paṭiggaṇhanto ca…pe… passatīti iminā āgamanato paṭṭhāya sādhāraṇabuddhiṃ upaṭṭhāpeti. Evaṃ hissa sādhāraṇabhogitā sukarā, sāraṇīyadhammo cassa pūro hoti.
ат̇а ваа бадиг̇г̇ан̣ханд̇о жа…бз… бассад̇ийд̇и иминаа д̇асса лаабхасса д̇ийсу гаалзсу саад̇хааран̣ад̇о табанам̣ д̣̇ассид̇ам̣. бадиг̇г̇ан̣ханд̇о жа сан̇гхзна саад̇хааран̣ам̣ ход̇ууд̇и иминаа бадиг̇г̇ахан̣агаало д̣̇ассид̇о. г̇ахзд̇ваа…бз… бассад̇ийд̇и иминаа бадиг̇г̇ахид̇агаало. д̇ад̣̇убхаяам̣ бана д̇аад̣̇исзна буб̣б̣абхааг̇зна винаа на ход̇ийд̇и ад̇т̇асид̣̇д̇хо буримагаало. д̇аяид̣̇ам̣ бадиг̇г̇ахан̣ад̇о буб̣б̣звасса ход̇и ‘‘сан̇гхзна саад̇хааран̣ам̣ ход̇ууд̇и бадиг̇г̇ан̣хиссаамий’’д̇и, бадиг̇г̇ан̣ханд̇асса ход̇и ‘‘сан̇гхзна саад̇хааран̣ам̣ ход̇ууд̇и бадиг̇г̇ан̣хаамий’’д̇и, бадиг̇г̇ахзд̇ваа ход̇и ‘‘сан̇гхзна саад̇хааран̣ам̣ ход̇ууд̇и хи бадиг̇г̇ахид̇ам̣ маяаа’’д̇и. звам̣ д̇илагкан̣асамбаннам̣ гад̇ваа лад̣̇д̇хам̣ лаабхам̣ осааран̣алагкан̣ам̣ авигобзд̇ваа барибхун̃ж̇анд̇о саад̇хааран̣абхог̇ий аббадивибхад̇д̇абхог̇ий жа ход̇и.
Atha vā paṭiggaṇhanto ca…pe… passatīti iminā tassa lābhassa tīsu kālesu sādhāraṇato ṭhapanaṃ dassitaṃ. Paṭiggaṇhanto ca saṅghena sādhāraṇaṃ hotūti iminā paṭiggahaṇakālo dassito. Gahetvā…pe… passatīti iminā paṭiggahitakālo. Tadubhayaṃ pana tādisena pubbabhāgena vinā na hotīti atthasiddho purimakālo. Tayidaṃ paṭiggahaṇato pubbevassa hoti ‘‘saṅghena sādhāraṇaṃ hotūti paṭiggaṇhissāmī’’ti, paṭiggaṇhantassa hoti ‘‘saṅghena sādhāraṇaṃ hotūti paṭiggaṇhāmī’’ti, paṭiggahetvā hoti ‘‘saṅghena sādhāraṇaṃ hotūti hi paṭiggahitaṃ mayā’’ti. Evaṃ tilakkhaṇasampannaṃ katvā laddhaṃ lābhaṃ osāraṇalakkhaṇaṃ avikopetvā paribhuñjanto sādhāraṇabhogī appaṭivibhattabhogī ca hoti.
имам̣ бана сааран̣ийяад̇хамманд̇и имам̣ жад̇уд̇т̇ам̣ сарид̇аб̣б̣аяуд̇д̇ад̇хамам̣. на хи…бз… г̇ан̣ханд̇и, д̇асмаа саад̇хааран̣абхог̇ид̇аа д̣̇уссийласса над̇т̇ийд̇и аарамбхоби д̇аава на самбхавад̇и, гуд̇о бууран̣анд̇и ад̇хиббааяо. барисуд̣̇д̇хасийлод̇и иминаа лаабхасса д̇хаммигабхаавам̣ д̣̇ассзд̇и. вад̇д̇ам̣ акан̣д̣знд̇од̇и иминаа аббадивибхад̇д̇абхог̇ид̇ам̣ саад̇хааран̣абхог̇ид̇ан̃жа д̣̇ассзд̇и. сад̇и бана д̇ад̣̇убхаяз сааран̣ийяад̇хаммо буурид̇о зва ход̇ийд̇и ааха ‘‘буурзд̇ий’’д̇и. од̣̇иссагам̣ гад̇ваад̇и зд̇зна анод̣̇иссагам̣ гад̇ваа бид̇уно, аажарияубаж̇жхааяаад̣̇ийнам̣ ваа т̇зраасанад̇о бадтааяа д̣̇знд̇асса сааран̣ийяад̇хаммоязва ход̇ийд̇и д̣̇ассзд̇и. д̣̇аад̇аб̣б̣анд̇и авассам̣ д̣̇аад̇аб̣б̣ам̣. сааран̣ийяад̇хаммо банасса на ход̇и бадиж̇аг̇г̇адтаанз од̣̇иссагам̣ гад̇ваа д̣̇иннад̇д̇аа. д̇знааха ‘‘балиб̣од̇хаж̇аг̇г̇анам̣ наама ход̇ий’’д̇и. муд̇д̇абалиб̣од̇хасса ваддад̇и амуд̇д̇абалиб̣од̇хасса буурзд̇ум̣ асаггун̣зяяад̇д̇аа. яад̣̇и звам̣ саб̣б̣зна саб̣б̣ам̣ сааран̣ийяад̇хаммам̣ буурзнд̇асса од̣̇иссагад̣̇аанам̣ ваддад̇и, на ваддад̇ийд̇и? но на ваддад̇и яуд̇д̇адтаанзд̇и д̣̇ассзнд̇о ‘‘д̇зна банаа’’д̇иаад̣̇имааха. иминаа од̣̇иссагад̣̇аанам̣ банасса на саб̣б̣ад̇т̇а ваарид̇анд̇и д̣̇ассзд̇и. г̇илаанаад̣̇ийнан̃хи од̣̇иссагам̣ гад̇ваа д̣̇аанам̣ аббадивибхааг̇абагкигам̣ ‘‘асугасса на д̣̇ассаамий’’д̇и бадигкзбасса абхаавад̇о. б̣яад̇ирзгаббад̇хаано хи бадибхааг̇о. д̇знааха ‘‘авасзса’’нд̇иаад̣̇и. ад̣̇аад̇умбийд̇и би-сад̣̇д̣̇зна д̣̇аад̇умби ваддад̇ийд̇и д̣̇ассзд̇и. д̇ан̃жа ко гарун̣ааяанавасзна, на вад̇д̇абарибууран̣авасзна, д̇асмаа д̣̇уссийлассаби ад̇т̇игасса сад̇и самбхавз д̣̇аад̇аб̣б̣ам̣. д̣̇аанан̃хи наама на гассажи ниваарид̇ам̣.
Imaṃ pana sāraṇīyadhammanti imaṃ catutthaṃ saritabbayuttadhamaṃ. Na hi…pe… gaṇhanti, tasmā sādhāraṇabhogitā dussīlassa natthīti ārambhopi tāva na sambhavati, kuto pūraṇanti adhippāyo. Parisuddhasīloti iminā lābhassa dhammikabhāvaṃ dasseti. Vattaṃ akhaṇḍentoti iminā appaṭivibhattabhogitaṃ sādhāraṇabhogitañca dasseti. Sati pana tadubhaye sāraṇīyadhammo pūrito eva hotīti āha ‘‘pūretī’’ti. Odissakaṃ katvāti etena anodissakaṃ katvā pituno, ācariyupajjhāyādīnaṃ vā therāsanato paṭṭhāya dentassa sāraṇīyadhammoyeva hotīti dasseti. Dātabbanti avassaṃ dātabbaṃ. Sāraṇīyadhammo panassa na hoti paṭijaggaṭṭhāne odissakaṃ katvā dinnattā. Tenāha ‘‘palibodhajagganaṃ nāma hotī’’ti. Muttapalibodhassa vaṭṭati amuttapalibodhassa pūretuṃ asakkuṇeyyattā. Yadi evaṃ sabbena sabbaṃ sāraṇīyadhammaṃ pūrentassa odissakadānaṃ vaṭṭati, na vaṭṭatīti? No na vaṭṭati yuttaṭṭhāneti dassento ‘‘tena panā’’tiādimāha. Iminā odissakadānaṃ panassa na sabbattha vāritanti dasseti. Gilānādīnañhi odissakaṃ katvā dānaṃ appaṭivibhāgapakkhikaṃ ‘‘asukassa na dassāmī’’ti paṭikkhepassa abhāvato. Byatirekappadhāno hi paṭibhāgo. Tenāha ‘‘avasesa’’ntiādi. Adātumpīti pi-saddena dātumpi vaṭṭatīti dasseti. Tañca kho karuṇāyanavasena, na vattaparipūraṇavasena, tasmā dussīlassapi atthikassa sati sambhave dātabbaṃ. Dānañhi nāma na kassaci nivāritaṃ.
сусигкид̇ааяаад̇и сааран̣ийяабууран̣авид̇химхи сусигкид̇ааяа, сугусалааяаад̇и ад̇т̇о. ид̣̇аани д̇асса госаллам̣ д̣̇ассзд̇ум̣ ‘‘сусигкид̇ааяа хий’’д̇иаад̣̇и вуд̇д̇ам̣. д̣̇ваад̣̇асахи вассзхи буурзхи, на д̇ад̇о оранд̇и иминаа д̇асса д̣̇уббуурад̇ам̣ д̣̇ассзд̇и. д̇ат̇аа хи со махабпало махаанисам̣со д̣̇идтад̇хаммигзхиби д̇ааваг̇аруд̇арзхи палаанисам̣сзхи ануг̇ад̇од̇и д̇ам̣саман̇г̇ий жа буг̇г̇ало висзсалаабхий арияабуг̇г̇ало вияа логз ажчарияаб̣бхуд̇ад̇хаммасаманнааг̇ад̇о ход̇и. д̇ат̇аа хи со д̣̇уббаж̇ахад̣̇аанамаяасса сийламаяасса бун̃н̃асса бадибагкад̇хаммам̣ суд̣̇уурз вигкамбхид̇ам̣ гад̇ваа висуд̣̇д̇хзна жзд̇асаа логз баагадо бан̃н̃аад̇о худ̇ваа вихарад̇и. д̇ассимамад̇т̇ам̣ б̣яад̇ирзгад̇о анваяад̇о жа вибхаавзд̇ум̣ ‘‘сажз хий’’д̇иаад̣̇и вуд̇д̇ам̣. д̇ам̣ сувин̃н̃зяяамзва.
Susikkhitāyāti sāraṇīyapūraṇavidhimhi susikkhitāya, sukusalāyāti attho. Idāni tassa kosallaṃ dassetuṃ ‘‘susikkhitāya hī’’tiādi vuttaṃ. Dvādasahi vassehi pūrehi, na tato oranti iminā tassa duppūrataṃ dasseti. Tathā hi so mahapphalo mahānisaṃso diṭṭhadhammikehipi tāvagarutarehi phalānisaṃsehi anugatoti taṃsamaṅgī ca puggalo visesalābhī ariyapuggalo viya loke acchariyabbhutadhammasamannāgato hoti. Tathā hi so duppajahadānamayassa sīlamayassa puññassa paṭipakkhadhammaṃ sudūre vikkhambhitaṃ katvā visuddhena cetasā loke pākaṭo paññāto hutvā viharati. Tassimamatthaṃ byatirekato anvayato ca vibhāvetuṃ ‘‘sace hī’’tiādi vuttaṃ. Taṃ suviññeyyameva.
ид̣̇аанисса самбарааяигз д̣̇идтад̇хаммигз жа аанисам̣сз д̣̇ассзд̇ум̣ ‘‘звам̣ буурид̇асааран̣ийяад̇хаммассаа’’д̇иаад̣̇и вуд̇д̇ам̣. нзва иссаа на мажчарияам̣ ход̇и жирагаалабхааванааяа вид̇худ̇абхаавад̇о. мануссаанам̣ бияо ход̇и барижжааг̇асийлад̇ааяа виссуд̇ад̇д̇аа. д̇знааха ‘‘д̣̇ад̣̇ам̣ бияо ход̇и бхаж̇анд̇и нам̣ б̣ахуу’’д̇иаад̣̇и (а. ни. 5.34). сулабхабажжаяо ход̇и д̣̇аанавасзна ул̣аараж̇жхаасаяаанам̣ бажжаяалаабхасса ид̇хаанисам̣сасабхаавад̇о д̣̇аанасса. бад̇д̇аг̇ад̇амасса д̣̇ияяамаанам̣ на кийяад̇и бад̇д̇аг̇ад̇ассзва д̣̇ваад̣̇асавассигасса махаавад̇д̇асса авижчзд̣̇зна буурид̇ад̇д̇аа. аг̇г̇абхан̣д̣ам̣ лабхад̇и д̣̇звасигам̣ д̣̇агкин̣зяяаанам̣ аг̇г̇ад̇о бадтааяа д̣̇аанасса д̣̇иннад̇д̇аа. бхаяз ваа…бз… аабаж̇ж̇анд̇и д̣̇зяяаббадиг̇г̇аахагавигаббам̣ агад̇ваа ад̇д̇ани нирабзгкажид̇д̇зна жирагаалам̣ д̣̇аанасса буурид̇ад̇ааяа басаарид̇ажид̇д̇ад̇д̇аа.
Idānissa samparāyike diṭṭhadhammike ca ānisaṃse dassetuṃ ‘‘evaṃ pūritasāraṇīyadhammassā’’tiādi vuttaṃ. Neva issā na macchariyaṃ hoti cirakālabhāvanāya vidhutabhāvato. Manussānaṃ piyo hoti pariccāgasīlatāya vissutattā. Tenāha ‘‘dadaṃ piyo hoti bhajanti naṃ bahū’’tiādi (a. ni. 5.34). Sulabhapaccayo hoti dānavasena uḷārajjhāsayānaṃ paccayalābhassa idhānisaṃsasabhāvato dānassa. Pattagatamassa diyyamānaṃ na khīyati pattagatasseva dvādasavassikassa mahāvattassa avicchedena pūritattā. Aggabhaṇḍaṃ labhati devasikaṃ dakkhiṇeyyānaṃ aggato paṭṭhāya dānassa dinnattā. Bhaye vā…pe… āpajjanti deyyappaṭiggāhakavikappaṃ akatvā attani nirapekkhacittena cirakālaṃ dānassa pūritatāya pasāritacittattā.
д̇ад̇раад̇и д̇зсу аанисам̣сзсу вибхаавзд̇аб̣б̣зсу. имаани палаани вад̇т̇ууни гааран̣аани. махааг̇ириг̇аамо наама нааг̇ад̣̇ийбабассз зго г̇аамова. алабханд̇аабийд̇и аббабун̃н̃ад̇ааяа алаабхино самаанааби. бхигкаажаарамаг̇г̇асабхааг̇анд̇и сабхааг̇ам̣ д̇аб̣бхааг̇ияам̣ бхигкаажаарамаг̇г̇ам̣ ж̇аананд̇и. ануд̇д̇аримануссад̇хаммад̇д̇аа т̇зраанам̣ сам̣саяавинод̣̇анад̇т̇ан̃жа ‘‘сааран̣ийяад̇хаммо мз, бханд̇з, буурид̇о’’д̇и ааха. д̇ат̇аа хи д̣̇уд̇ияавад̇т̇усмимби т̇зрзна ад̇д̇аа багаасид̇о. д̣̇ахарагаалз звам̣ гира сааран̣ийяад̇хаммабуураго ахоси. мануссаанам̣ бияад̇ааяа сулабхабажжаяад̇ааяаби ид̣̇ам̣ вад̇т̇умзва. бад̇д̇аг̇ад̇аакийяанасса бана висзсам̣ вибхааванад̇о ‘‘ид̣̇ам̣ д̇аава…бз… зд̇т̇а вад̇т̇уу’’д̇и вуд̇д̇ам̣.
Tatrāti tesu ānisaṃsesu vibhāvetabbesu. Imāni phalāni vatthūni kāraṇāni. Mahāgirigāmo nāma nāgadīpapasse eko gāmova. Alabhantāpīti appapuññatāya alābhino samānāpi. Bhikkhācāramaggasabhāganti sabhāgaṃ tabbhāgiyaṃ bhikkhācāramaggaṃ jānanti. Anuttarimanussadhammattā therānaṃ saṃsayavinodanatthañca ‘‘sāraṇīyadhammo me, bhante, pūrito’’ti āha. Tathā hi dutiyavatthusmimpi therena attā pakāsito. Daharakāle evaṃ kira sāraṇīyadhammapūrako ahosi. Manussānaṃ piyatāya sulabhapaccayatāyapi idaṃ vatthumeva. Pattagatākhīyanassa pana visesaṃ vibhāvanato ‘‘idaṃ tāva…pe… ettha vatthū’’ti vuttaṃ.
г̇ирибхан̣д̣амахаабууж̇ааяаад̇и жзд̇ияаг̇иримхи сагалалан̇гаад̣̇ийбз яож̇анаббамаан̣з самуд̣̇д̣̇з жа нааваасан̇гхаадаад̣̇игз табзд̇ваа д̣̇ийбабубпаг̇анд̇хаад̣̇ийхи гарияамаанааяа махаабууж̇ааяа. д̇ассаа жа бадибад̇д̇ияаа аван̃жхабхаававибхааванад̇т̇ам̣ ‘‘зд̇з маяхам̣ баабун̣иссанд̇ий’’д̇и ааха. барияааязнаби лзсзнаби. анужчавиганд̇и ‘‘сааран̣ийяад̇хаммабуураго’’д̇и яат̇аабхууд̇абавзд̣̇анам̣ д̇умхаагам̣ анужчавиганд̇и ад̇т̇о.
Giribhaṇḍamahāpūjāyāti cetiyagirimhi sakalalaṅkādīpe yojanappamāṇe samudde ca nāvāsaṅghāṭādike ṭhapetvā dīpapupphagandhādīhi kariyamānāya mahāpūjāya. Tassā ca paṭipattiyā avañjhabhāvavibhāvanatthaṃ ‘‘ete mayhaṃ pāpuṇissantī’’ti āha. Pariyāyenapi lesenapi. Anucchavikanti ‘‘sāraṇīyadhammapūrako’’ti yathābhūtapavedanaṃ tumhākaṃ anucchavikanti attho.
анаарожзд̇ваава балааяим̣су жорабхаязна. ‘‘ад̇д̇ано д̣̇уж̇ж̇ийвигааяаа’’д̇иби вад̣̇анд̇и. ахам̣ сааран̣ийяад̇хаммабууригаа, мама бад̇д̇абарияаабаннзнаби саб̣б̣аабимаа бхигкунияо яаабзссанд̇ийд̇и ааха ‘‘маа д̇умхз д̇зсам̣ г̇ад̇абхаавам̣ жинд̇аяид̇т̇аа’’д̇и. ваддиссад̇ийд̇и габбиссад̇и. т̇зрий сааран̣ийяад̇хаммабууригаа ахоси, т̇зрасса бана сийлад̇зж̇знзва д̣̇звад̇аа уссуггам̣ аабаж̇ж̇и.
Anārocetvāva palāyiṃsu corabhayena. ‘‘Attano dujjīvikāyā’’tipi vadanti. Ahaṃ sāraṇīyadhammapūrikā, mama pattapariyāpannenapi sabbāpimā bhikkhuniyo yāpessantīti āha ‘‘mā tumhe tesaṃ gatabhāvaṃ cintayitthā’’ti. Vaṭṭissatīti kappissati. Therī sāraṇīyadhammapūrikā ahosi, therassa pana sīlatejeneva devatā ussukkaṃ āpajji.
над̇т̇и зд̇зсам̣ кан̣д̣анд̇и акан̣д̣аани. д̇ам̣ бана нзсам̣ кан̣д̣ам̣ д̣̇ассзд̇ум̣ ‘‘яассаа’’д̇иаад̣̇и вуд̇д̇ам̣. д̇ад̇т̇а убасамбаннасийлаанам̣ уд̣̇д̣̇зсаггамзна аад̣̇ианд̇аа взд̣̇ид̇аб̣б̣аа. д̇знааха ‘‘сад̇д̇асуу’’д̇иаад̣̇и. на хи ан̃н̃о гожи аабад̇д̇игканд̇хаанам̣ ануггамо ад̇т̇и, анубасамбаннасийлаанам̣ самаад̣̇аанаггамзнаби аад̣̇ианд̇аа лаб̣бханд̇и. барияанд̇з чиннасаадаго вияаад̇и д̇ад̇ранд̇з д̣̇асанд̇з ваа чиннавад̇т̇ам̣ вияа. висад̣̇исуд̣̇аахаран̣ан̃жзд̇ам̣ ‘‘акан̣д̣ааний’’д̇и имасса ад̇хигад̇ад̇д̇аа. звам̣ сзсаанамби уд̣̇аахаран̣аани. кан̣д̣игад̇аа бхиннад̇аа кан̣д̣ам̣, д̇ам̣ зд̇асса ад̇т̇ийд̇и кан̣д̣ам̣, сийлам̣. чид̣̇д̣̇анд̇иаад̣̇ийсуби зсзва наяо. взмаж̇жхз бхиннам̣ винивиж̇жханавасзна. висабхааг̇аван̣н̣зна г̇аавий вияаад̇и самб̣анд̇хо. висабхааг̇аван̣н̣зна убад̣дхам̣ д̇ад̇ияабхааг̇аг̇ад̇ам̣ самбхиннаван̣н̣ам̣ саб̣алам̣, висабхааг̇аван̣н̣зхзва б̣инд̣̇уухи анд̇аранд̇араахи вимиссам̣ гаммаасам̣. аяам̣ имзсам̣ висзсо. саб̣аларахид̇аани асаб̣алаани, д̇ат̇аа агаммаасаани. сийласса д̇ан̣хаад̣̇аасаб̣яад̇о можанам̣ виваддуубаниссаяабхааваабаад̣̇анам̣, д̇асмаа д̇ан̣хаад̣̇аасаб̣яад̇о можанаважанзна д̇зсам̣ сийлаанам̣ виваддуубаниссаяад̇амааха. бхуж̇иссабхаавагаран̣ад̇од̇и иминаа бхуж̇иссагараани бхуж̇иссаанийд̇и уд̇д̇арабад̣̇алобзнааяам̣ нид̣̇д̣̇зсод̇и д̣̇ассзд̇и. яасмаа ваа д̇ам̣саман̇г̇ибуг̇г̇ало сзрий саяам̣васий бхуж̇иссо наама ход̇и, д̇асмааби бхуж̇иссаани. авин̃н̃уунам̣ аббамаан̣ад̇ааяа ‘‘вин̃н̃уббасад̇т̇ааний’’д̇и вуд̇д̇ам̣. субарисуд̣̇д̇хабхаавзна ваа самбаннад̇д̇аа вин̃н̃уухи басад̇т̇аанийд̇и вин̃н̃уббасад̇т̇аани.
Natthi etesaṃ khaṇḍanti akhaṇḍāni. Taṃ pana nesaṃ khaṇḍaṃ dassetuṃ ‘‘yassā’’tiādi vuttaṃ. Tattha upasampannasīlānaṃ uddesakkamena ādiantā veditabbā. Tenāha ‘‘sattasū’’tiādi. Na hi añño koci āpattikkhandhānaṃ anukkamo atthi, anupasampannasīlānaṃ samādānakkamenapi ādiantā labbhanti. Pariyante chinnasāṭako viyāti tatrante dasante vā chinnavatthaṃ viya. Visadisudāharaṇañcetaṃ ‘‘akhaṇḍānī’’ti imassa adhikatattā. Evaṃ sesānampi udāharaṇāni. Khaṇḍikatā bhinnatā khaṇḍaṃ, taṃ etassa atthīti khaṇḍaṃ, sīlaṃ. Chiddantiādīsupi eseva nayo. Vemajjhe bhinnaṃ vinivijjhanavasena. Visabhāgavaṇṇena gāvī viyāti sambandho. Visabhāgavaṇṇena upaḍḍhaṃ tatiyabhāgagataṃ sambhinnavaṇṇaṃ sabalaṃ, visabhāgavaṇṇeheva bindūhi antarantarāhi vimissaṃ kammāsaṃ. Ayaṃ imesaṃ viseso. Sabalarahitāni asabalāni, tathā akammāsāni. Sīlassa taṇhādāsabyato mocanaṃ vivaṭṭūpanissayabhāvāpādanaṃ, tasmā taṇhādāsabyato mocanavacanena tesaṃ sīlānaṃ vivaṭṭūpanissayatamāha. Bhujissabhāvakaraṇatoti iminā bhujissakarāni bhujissānīti uttarapadalopenāyaṃ niddesoti dasseti. Yasmā vā taṃsamaṅgipuggalo serī sayaṃvasī bhujisso nāma hoti, tasmāpi bhujissāni. Aviññūnaṃ appamāṇatāya ‘‘viññuppasatthānī’’ti vuttaṃ. Suparisuddhabhāvena vā sampannattā viññūhi pasatthānīti viññuppasatthāni.
д̇ан̣хаад̣̇идтийхи абараамадтад̇д̇аад̇и ‘‘иминаахам̣ сийлзна д̣̇зво ваа бхависсаами д̣̇зван̃н̃ад̇аро ваа’’д̇и д̇ан̣хаабараамаасзна, ‘‘иминаахам̣ сийлзна д̣̇зво худ̇ваа д̇ад̇т̇а нижжо д̇хуво сассад̇о бхависсаамий’’д̇и д̣̇идтибараамаасзна жа абараамадтад̇д̇аа. бараамадтунд̇и ‘‘аяам̣ д̇з сийлзсу д̣̇осо’’д̇и жад̇уусу вибад̇д̇ийсу яааяа гааяажи вибад̇д̇ияаа д̣̇ассанзна бараамадтум̣, ануд̣̇д̇хам̣сзд̇ум̣ жод̣̇зд̇унд̇и ад̇т̇о. сийлам̣ наама авиббадисаараад̣̇ибаарамбариязна яаавад̣̇зва самаад̇хисамбаад̣̇анад̇т̇анд̇и ааха ‘‘самаад̇хисам̣вад̇д̇анигааний’’д̇и. самаад̇хисам̣вад̇д̇анаббаяож̇анаани самаад̇хисам̣вад̇д̇анигаани.
Taṇhādiṭṭhīhi aparāmaṭṭhattāti ‘‘imināhaṃ sīlena devo vā bhavissāmi devaññataro vā’’ti taṇhāparāmāsena, ‘‘imināhaṃ sīlena devo hutvā tattha nicco dhuvo sassato bhavissāmī’’ti diṭṭhiparāmāsena ca aparāmaṭṭhattā. Parāmaṭṭhunti ‘‘ayaṃ te sīlesu doso’’ti catūsu vipattīsu yāya kāyaci vipattiyā dassanena parāmaṭṭhuṃ, anuddhaṃsetuṃ codetunti attho. Sīlaṃ nāma avippaṭisārādipārampariyena yāvadeva samādhisampādanatthanti āha ‘‘samādhisaṃvattanikānī’’ti. Samādhisaṃvattanappayojanāni samādhisaṃvattanikāni.
самаанабхааво сааман̃н̃ам̣, барибун̣н̣ажад̇убаарисуд̣̇д̇хибхаавзна маж̇жхз бхиннасуван̣н̣асса вияа бхзд̣̇аабхаавад̇о сийлзна сааман̃н̃ам̣ сийласааман̃н̃ам̣, д̇ам̣ г̇ад̇о убаг̇ад̇од̇и сийласааман̃н̃аг̇ад̇о. д̇знааха ‘‘самаанабхаавуубаг̇ад̇асийло’’д̇и, сийласамбад̇д̇ияаа самаанабхаавам̣ убаг̇ад̇асийло сабхааг̇авуд̇д̇игод̇и ад̇т̇о. гаамам̣ бут̇уж̇ж̇анаанамби жад̇убаарисуд̣̇д̇хисийлз наанад̇д̇ам̣ на сияаа, д̇ам̣ бана на зганд̇игам̣, ид̣̇ам̣ зганд̇игам̣ нияад̇абхаавад̇од̇и ааха ‘‘над̇т̇и маг̇г̇асийлз наанад̇д̇а’’нд̇и. д̇ам̣ санд̇хааязд̇ам̣ вуд̇д̇анд̇и маг̇г̇асийлам̣ санд̇хааяа д̇ам̣ ‘‘яаани д̇аани сийлааний’’д̇иаад̣̇и вуд̇д̇ам̣.
Samānabhāvo sāmaññaṃ, paripuṇṇacatupārisuddhibhāvena majjhe bhinnasuvaṇṇassa viya bhedābhāvato sīlena sāmaññaṃ sīlasāmaññaṃ, taṃ gato upagatoti sīlasāmaññagato. Tenāha ‘‘samānabhāvūpagatasīlo’’ti, sīlasampattiyā samānabhāvaṃ upagatasīlo sabhāgavuttikoti attho. Kāmaṃ puthujjanānampi catupārisuddhisīle nānattaṃ na siyā, taṃ pana na ekantikaṃ, idaṃ ekantikaṃ niyatabhāvatoti āha ‘‘natthimaggasīle nānatta’’nti. Taṃ sandhāyetaṃ vuttanti maggasīlaṃ sandhāya taṃ ‘‘yāni tāni sīlānī’’tiādi vuttaṃ.
яааяанд̇и яаа аяам̣ маяхан̃жзва д̇умхааган̃жа бажжагкабхууд̇аа. д̣̇идтийд̇и маг̇г̇асаммаад̣̇идти. нид̣̇д̣̇осаад̇и нид̣̇д̇худ̇ад̣̇осаа, самужчиннарааг̇аад̣̇ибаабад̇хаммаад̇и ад̇т̇о. нияяаад̇ийд̇и ваддад̣̇угкад̇о ниссарад̇и ниг̇г̇ажчад̇и. саяам̣ нияяанд̇ийязва хи д̇ам̣саман̇г̇ибуг̇г̇алам̣ ваддад̣̇угкад̇о нияяаабзд̇ийд̇и вужжад̇и. яаа сад̇т̇у анусидти, д̇ам̣ гарод̇ийд̇и д̇аггаро, д̇асса, яат̇аанусидтам̣ бадибаж̇ж̇анд̇ассаад̇и ад̇т̇о. самаанад̣̇идтибхааванд̇и сад̣̇исад̣̇идтибхаавам̣ сажжасамбадивзд̇хзна абхиннад̣̇идтибхаавам̣.
Yāyanti yā ayaṃ mayhañceva tumhākañca paccakkhabhūtā. Diṭṭhīti maggasammādiṭṭhi. Niddosāti niddhutadosā, samucchinnarāgādipāpadhammāti attho. Niyyātīti vaṭṭadukkhato nissarati niggacchati. Sayaṃ niyyantīyeva hi taṃsamaṅgipuggalaṃ vaṭṭadukkhato niyyāpetīti vuccati. Yā satthu anusiṭṭhi, taṃ karotīti takkaro, tassa, yathānusiṭṭhaṃ paṭipajjantassāti attho. Samānadiṭṭhibhāvanti sadisadiṭṭhibhāvaṃ saccasampaṭivedhena abhinnadiṭṭhibhāvaṃ.
батамасааран̣ийяасуд̇д̇аван̣н̣анаа нидтид̇аа.
Paṭhamasāraṇīyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. батамасааран̣ийяасуд̇д̇ам̣ • 1. Paṭhamasāraṇīyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. батамасааран̣ийяасуд̇д̇аван̣н̣анаа • 1. Paṭhamasāraṇīyasuttavaṇṇanā
