| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. батамасаарибуд̇д̇агодтигасуд̇д̇ам̣
3. Paṭhamasāriputtakoṭṭhikasuttaṃ
412. згам̣ самаяам̣ ааяасмаа жа саарибуд̇д̇о, ааяасмаа жа махаагодтиго б̣аараан̣асияам̣ вихаранд̇и исибад̇анз миг̇ад̣̇ааяз. ат̇а ко ааяасмаа махаагодтиго сааяанхасамаяам̣ бадисаллаанаа вудтид̇о язнааяасмаа саарибуд̇д̇о д̇знубасан̇гами; убасан̇гамид̇ваа ааяасмад̇аа саарибуд̇д̇зна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа махаагодтиго ааяасманд̇ам̣ саарибуд̇д̇ам̣ зд̇ад̣̇авожа –
412. Ekaṃ samayaṃ āyasmā ca sāriputto, āyasmā ca mahākoṭṭhiko bārāṇasiyaṃ viharanti isipatane migadāye. Atha kho āyasmā mahākoṭṭhiko sāyanhasamayaṃ paṭisallānā vuṭṭhito yenāyasmā sāriputto tenupasaṅkami; upasaṅkamitvā āyasmatā sāriputtena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho āyasmā mahākoṭṭhiko āyasmantaṃ sāriputtaṃ etadavoca –
‘‘гим̣ ну ко, аавусо саарибуд̇д̇а, ход̇и д̇ат̇ааг̇ад̇о барам̣ маран̣аа’’д̇и? ‘‘аб̣яаагад̇ам̣ ко зд̇ам̣, аавусо, бхаг̇авад̇аа – ‘ход̇и д̇ат̇ааг̇ад̇о барам̣ маран̣аа’’’д̇и. ‘‘гим̣ банаавусо, на ход̇и д̇ат̇ааг̇ад̇о барам̣ маран̣аа’’д̇и? ‘‘зд̇амби ко, аавусо, аб̣яаагад̇ам̣ бхаг̇авад̇аа – ‘на ход̇и д̇ат̇ааг̇ад̇о барам̣ маран̣аа’’’д̇и. ‘‘гим̣ ну ко, аавусо, ход̇и жа на жа ход̇и д̇ат̇ааг̇ад̇о барам̣ маран̣аа’’д̇и? ‘‘аб̣яаагад̇ам̣ ко зд̇ам̣, аавусо, бхаг̇авад̇аа – ‘ход̇и жа на жа ход̇и д̇ат̇ааг̇ад̇о барам̣ маран̣аа’’’д̇и. ‘‘гим̣ банаавусо, нзва ход̇и на на ход̇и д̇ат̇ааг̇ад̇о барам̣ маран̣аа’’д̇и? ‘‘зд̇амби ко, аавусо, аб̣яаагад̇ам̣ бхаг̇авад̇аа – ‘нзва ход̇и на на ход̇и д̇ат̇ааг̇ад̇о барам̣ маран̣аа’’’д̇и.
‘‘Kiṃ nu kho, āvuso sāriputta, hoti tathāgato paraṃ maraṇā’’ti? ‘‘Abyākataṃ kho etaṃ, āvuso, bhagavatā – ‘hoti tathāgato paraṃ maraṇā’’’ti. ‘‘Kiṃ panāvuso, na hoti tathāgato paraṃ maraṇā’’ti? ‘‘Etampi kho, āvuso, abyākataṃ bhagavatā – ‘na hoti tathāgato paraṃ maraṇā’’’ti. ‘‘Kiṃ nu kho, āvuso, hoti ca na ca hoti tathāgato paraṃ maraṇā’’ti? ‘‘Abyākataṃ kho etaṃ, āvuso, bhagavatā – ‘hoti ca na ca hoti tathāgato paraṃ maraṇā’’’ti. ‘‘Kiṃ panāvuso, neva hoti na na hoti tathāgato paraṃ maraṇā’’ti? ‘‘Etampi kho, āvuso, abyākataṃ bhagavatā – ‘neva hoti na na hoti tathāgato paraṃ maraṇā’’’ti.
‘‘‘гим̣ ну ко, аавусо, ход̇и д̇ат̇ааг̇ад̇о барам̣ маран̣аа’д̇и ид̇и будто самаано, ‘аб̣яаагад̇ам̣ ко зд̇ам̣, аавусо, бхаг̇авад̇аа – ход̇и д̇ат̇ааг̇ад̇о барам̣ маран̣аа’д̇и вад̣̇зси…бз… ‘гим̣ банаавусо, нзва ход̇и на на ход̇и д̇ат̇ааг̇ад̇о барам̣ маран̣аа’д̇и ид̇и будто самаано – ‘зд̇амби ко, аавусо, аб̣яаагад̇ам̣ бхаг̇авад̇аа – нзва ход̇и на на ход̇и д̇ат̇ааг̇ад̇о барам̣ маран̣аа’д̇и вад̣̇зси. го ну ко, аавусо, хзд̇у, го бажжаяо язнзд̇ам̣ аб̣яаагад̇ам̣ бхаг̇авад̇аа’’д̇и?
‘‘‘Kiṃ nu kho, āvuso, hoti tathāgato paraṃ maraṇā’ti iti puṭṭho samāno, ‘abyākataṃ kho etaṃ, āvuso, bhagavatā – hoti tathāgato paraṃ maraṇā’ti vadesi…pe… ‘kiṃ panāvuso, neva hoti na na hoti tathāgato paraṃ maraṇā’ti iti puṭṭho samāno – ‘etampi kho, āvuso, abyākataṃ bhagavatā – neva hoti na na hoti tathāgato paraṃ maraṇā’ti vadesi. Ko nu kho, āvuso, hetu, ko paccayo yenetaṃ abyākataṃ bhagavatā’’ti?
‘‘ход̇и д̇ат̇ааг̇ад̇о барам̣ маран̣аад̇и ко, аавусо, руубаг̇ад̇амзд̇ам̣. на ход̇и д̇ат̇ааг̇ад̇о барам̣ маран̣аад̇и, руубаг̇ад̇амзд̇ам̣. ход̇и жа на жа ход̇и д̇ат̇ааг̇ад̇о барам̣ маран̣аад̇и, руубаг̇ад̇амзд̇ам̣. нзва ход̇и на на ход̇и д̇ат̇ааг̇ад̇о барам̣ маран̣аад̇и, руубаг̇ад̇амзд̇ам̣. ход̇и д̇ат̇ааг̇ад̇о барам̣ маран̣аад̇и ко, аавусо, взд̣̇анааг̇ад̇амзд̇ам̣. на ход̇и д̇ат̇ааг̇ад̇о барам̣ маран̣аад̇и, взд̣̇анааг̇ад̇амзд̇ам̣. ход̇и жа на жа ход̇и д̇ат̇ааг̇ад̇о барам̣ маран̣аад̇и, взд̣̇анааг̇ад̇амзд̇ам̣. нзва ход̇и на на ход̇и д̇ат̇ааг̇ад̇о барам̣ маран̣аад̇и, взд̣̇анааг̇ад̇амзд̇ам̣. ход̇и д̇ат̇ааг̇ад̇о барам̣ маран̣аад̇и ко, аавусо, сан̃н̃ааг̇ад̇амзд̇ам̣. на ход̇и д̇ат̇ааг̇ад̇о барам̣ маран̣аад̇и, сан̃н̃ааг̇ад̇амзд̇ам̣. ход̇и жа на жа ход̇и д̇ат̇ааг̇ад̇о барам̣ маран̣аад̇и, сан̃н̃ааг̇ад̇амзд̇ам̣. нзва ход̇и на на ход̇и д̇ат̇ааг̇ад̇о барам̣ маран̣аад̇и, сан̃н̃ааг̇ад̇амзд̇ам̣. ход̇и д̇ат̇ааг̇ад̇о барам̣ маран̣аад̇и ко, аавусо, сан̇каараг̇ад̇амзд̇ам̣ . на ход̇и д̇ат̇ааг̇ад̇о барам̣ маран̣аад̇и, сан̇каараг̇ад̇амзд̇ам̣. ход̇и жа на жа ход̇и д̇ат̇ааг̇ад̇о барам̣ маран̣аад̇и, сан̇каараг̇ад̇амзд̇ам̣. нзва ход̇и на на ход̇и д̇ат̇ааг̇ад̇о барам̣ маран̣аад̇и, сан̇каараг̇ад̇амзд̇ам̣. ход̇и д̇ат̇ааг̇ад̇о барам̣ маран̣аад̇и ко, аавусо, вин̃н̃аан̣аг̇ад̇амзд̇ам̣. на ход̇и д̇ат̇ааг̇ад̇о барам̣ маран̣аад̇и, вин̃н̃аан̣аг̇ад̇амзд̇ам̣. ход̇и жа на жа ход̇и д̇ат̇ааг̇ад̇о барам̣ маран̣аад̇и, вин̃н̃аан̣аг̇ад̇амзд̇ам̣. нзва ход̇и на на ход̇и д̇ат̇ааг̇ад̇о барам̣ маран̣аад̇и, вин̃н̃аан̣аг̇ад̇амзд̇ам̣. аяам̣ ко, аавусо, хзд̇у аяам̣ бажжаяо, язнзд̇ам̣ аб̣яаагад̇ам̣ бхаг̇авад̇аа’’д̇и. д̇ад̇ияам̣.
‘‘Hoti tathāgato paraṃ maraṇāti kho, āvuso, rūpagatametaṃ. Na hoti tathāgato paraṃ maraṇāti, rūpagatametaṃ. Hoti ca na ca hoti tathāgato paraṃ maraṇāti, rūpagatametaṃ. Neva hoti na na hoti tathāgato paraṃ maraṇāti, rūpagatametaṃ. Hoti tathāgato paraṃ maraṇāti kho, āvuso, vedanāgatametaṃ. Na hoti tathāgato paraṃ maraṇāti, vedanāgatametaṃ. Hoti ca na ca hoti tathāgato paraṃ maraṇāti, vedanāgatametaṃ. Neva hoti na na hoti tathāgato paraṃ maraṇāti, vedanāgatametaṃ. Hoti tathāgato paraṃ maraṇāti kho, āvuso, saññāgatametaṃ. Na hoti tathāgato paraṃ maraṇāti, saññāgatametaṃ. Hoti ca na ca hoti tathāgato paraṃ maraṇāti, saññāgatametaṃ. Neva hoti na na hoti tathāgato paraṃ maraṇāti, saññāgatametaṃ. Hoti tathāgato paraṃ maraṇāti kho, āvuso, saṅkhāragatametaṃ . Na hoti tathāgato paraṃ maraṇāti, saṅkhāragatametaṃ. Hoti ca na ca hoti tathāgato paraṃ maraṇāti, saṅkhāragatametaṃ. Neva hoti na na hoti tathāgato paraṃ maraṇāti, saṅkhāragatametaṃ. Hoti tathāgato paraṃ maraṇāti kho, āvuso, viññāṇagatametaṃ. Na hoti tathāgato paraṃ maraṇāti, viññāṇagatametaṃ. Hoti ca na ca hoti tathāgato paraṃ maraṇāti, viññāṇagatametaṃ. Neva hoti na na hoti tathāgato paraṃ maraṇāti, viññāṇagatametaṃ. Ayaṃ kho, āvuso, hetu ayaṃ paccayo, yenetaṃ abyākataṃ bhagavatā’’ti. Tatiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3-8. батамасаарибуд̇д̇агодтигасуд̇д̇аад̣̇иван̣н̣анаа • 3-8. Paṭhamasāriputtakoṭṭhikasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3-8. батамасаарибуд̇д̇агодтигасуд̇д̇аад̣̇иван̣н̣анаа • 3-8. Paṭhamasāriputtakoṭṭhikasuttādivaṇṇanā
