| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
4. பட²மஸாரிபுத்தஸுத்தங்
4. Paṭhamasāriputtasuttaṃ
1000. ஏகங் ஸமயங் ஆயஸ்மா ச ஸாரிபுத்தோ ஆயஸ்மா ச ஆனந்தோ³ ஸாவத்தி²யங் விஹரந்தி ஜேதவனே அனாத²பிண்டி³கஸ்ஸ ஆராமே. அத² கோ² ஆயஸ்மா ஆனந்தோ³ ஸாயன்ஹஸமயங் படிஸல்லானா வுட்டி²தோ…பே॰… ஏகமந்தங் நிஸின்னோ கோ² ஆயஸ்மா ஆனந்தோ³ ஆயஸ்மந்தங் ஸாரிபுத்தங் ஏதத³வோச – ‘‘கதினங் நு கோ², ஆவுஸோ ஸாரிபுத்த, த⁴ம்மானங் ஸமன்னாக³மனஹேது ஏவமயங் பஜா ப⁴க³வதா ப்³யாகதா ஸோதாபன்னா அவினிபாதத⁴ம்மா நியதா ஸம்போ³தி⁴பராயணா’’தி ? ‘‘சதுன்னங் கோ², ஆவுஸோ, த⁴ம்மானங் ஸமன்னாக³மனஹேது ஏவமயங் பஜா ப⁴க³வதா ப்³யாகதா ஸோதாபன்னா அவினிபாதத⁴ம்மா நியதா ஸம்போ³தி⁴பராயணா’’.
1000. Ekaṃ samayaṃ āyasmā ca sāriputto āyasmā ca ānando sāvatthiyaṃ viharanti jetavane anāthapiṇḍikassa ārāme. Atha kho āyasmā ānando sāyanhasamayaṃ paṭisallānā vuṭṭhito…pe… ekamantaṃ nisinno kho āyasmā ānando āyasmantaṃ sāriputtaṃ etadavoca – ‘‘katinaṃ nu kho, āvuso sāriputta, dhammānaṃ samannāgamanahetu evamayaṃ pajā bhagavatā byākatā sotāpannā avinipātadhammā niyatā sambodhiparāyaṇā’’ti ? ‘‘Catunnaṃ kho, āvuso, dhammānaṃ samannāgamanahetu evamayaṃ pajā bhagavatā byākatā sotāpannā avinipātadhammā niyatā sambodhiparāyaṇā’’.
‘‘கதமேஸங் சதுன்னங்? இதா⁴வுஸோ, அரியஸாவகோ பு³த்³தே⁴ அவேச்சப்பஸாதே³ன ஸமன்னாக³தோ ஹோதி – இதிபி ஸோ ப⁴க³வா…பே॰… ஸத்தா² தே³வமனுஸ்ஸானங் பு³த்³தோ⁴ ப⁴க³வாதி. த⁴ம்மே…பே॰… ஸங்கே⁴…பே॰… அரியகந்தேஹி ஸீலேஹி ஸமன்னாக³தோ ஹோதி அக²ண்டே³ஹி…பே॰… ஸமாதி⁴ஸங்வத்தனிகேஹி. இமேஸங் கோ², ஆவுஸோ, சதுன்னங் த⁴ம்மானங் ஸமன்னாக³மனஹேது ஏவமயங் பஜா ப⁴க³வதா ப்³யாகதா ஸோதாபன்னா அவினிபாதத⁴ம்மா நியதா ஸம்போ³தி⁴பராயணா’’தி. சதுத்த²ங்.
‘‘Katamesaṃ catunnaṃ? Idhāvuso, ariyasāvako buddhe aveccappasādena samannāgato hoti – itipi so bhagavā…pe… satthā devamanussānaṃ buddho bhagavāti. Dhamme…pe… saṅghe…pe… ariyakantehi sīlehi samannāgato hoti akhaṇḍehi…pe… samādhisaṃvattanikehi. Imesaṃ kho, āvuso, catunnaṃ dhammānaṃ samannāgamanahetu evamayaṃ pajā bhagavatā byākatā sotāpannā avinipātadhammā niyatā sambodhiparāyaṇā’’ti. Catutthaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4-5. பட²மஸாரிபுத்தஸுத்தாதி³வண்ணனா • 4-5. Paṭhamasāriputtasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4-5. பட²மஸாரிபுத்தஸுத்தாதி³வண்ணனா • 4-5. Paṭhamasāriputtasuttādivaṇṇanā
