| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
3. батамасад̇д̇агасуд̇д̇аван̣н̣анаа
3. Paṭhamasattakasuttavaṇṇanā
23. д̇ад̇ияз абхин̣хам̣ саннибаад̇аад̇и ид̣̇ам̣ важ̇ж̇исад̇д̇агз вуд̇д̇асад̣̇исамзва. ид̇хааби жа абхин̣хам̣ асаннибад̇анд̇аа д̣̇исаасу ааг̇ад̇асаасанам̣ на сун̣анд̇и, д̇ад̇о ‘‘асугавихаарасиймаа аагулаа, убосат̇аббавааран̣аа тид̇аа, асугасмим̣ таанз бхигкуу взж̇ж̇агаммад̣̇ууд̇агаммаад̣̇ийни гаронд̇и, вин̃н̃ад̇д̇иб̣ахулаа палабубпад̣̇аанаад̣̇ийхи ж̇ийвигам̣ габбзнд̇ий’’д̇иаад̣̇ийни на ж̇аананд̇и. баабабхигкууби ‘‘бамад̇д̇о сан̇гхо’’д̇и н̃ад̇ваа раасибхууд̇аа саасанам̣ осаггаабзнд̇и. абхин̣хам̣ саннибад̇анд̇аа бана д̇ам̣ бавад̇д̇им̣ сун̣анд̇и, д̇ад̇о бхигкусан̇гхам̣ бзсзд̇ваа сиймам̣ уж̇ум̣ гаарзнд̇и, убосат̇аббавааран̣ааяо бавад̇д̇аабзнд̇и, мижчааж̇ийваанам̣ уссаннадтаанз арияавам̣сигз бзсзд̇ваа арияавам̣сам̣ гат̇аабзнд̇и, баабабхигкуунам̣ винаяад̇харзхи ниг̇г̇ахам̣ гаараабзнд̇и. баабабхигкууби ‘‘аббамад̇д̇о сан̇гхо, на саггаа амхзхи ваг̇г̇аб̣анд̇ханзна вижарид̇у’’нд̇и бхиж̇ж̇ид̇ваа балааяанд̇и. звамзд̇т̇а вуд̣̇д̇хихаанияо взд̣̇ид̇аб̣б̣аа.
23. Tatiye abhiṇhaṃ sannipātāti idaṃ vajjisattake vuttasadisameva. Idhāpi ca abhiṇhaṃ asannipatantā disāsu āgatasāsanaṃ na suṇanti, tato ‘‘asukavihārasīmā ākulā, uposathappavāraṇā ṭhitā, asukasmiṃ ṭhāne bhikkhū vejjakammadūtakammādīni karonti, viññattibahulā phalapupphadānādīhi jīvikaṃ kappentī’’tiādīni na jānanti. Pāpabhikkhūpi ‘‘pamatto saṅgho’’ti ñatvā rāsibhūtā sāsanaṃ osakkāpenti. Abhiṇhaṃ sannipatantā pana taṃ pavattiṃ suṇanti, tato bhikkhusaṅghaṃ pesetvā sīmaṃ ujuṃ kārenti, uposathappavāraṇāyo pavattāpenti, micchājīvānaṃ ussannaṭṭhāne ariyavaṃsike pesetvā ariyavaṃsaṃ kathāpenti, pāpabhikkhūnaṃ vinayadharehi niggahaṃ kārāpenti. Pāpabhikkhūpi ‘‘appamatto saṅgho, na sakkā amhehi vaggabandhanena vicaritu’’nti bhijjitvā palāyanti. Evamettha vuddhihāniyo veditabbā.
самаг̇г̇аад̇иаад̣̇ийсу жзд̇ияабадиж̇аг̇г̇анад̇т̇ам̣ ваа б̣од̇хигхараубосат̇ааг̇ааражчаад̣̇анад̇т̇ам̣ ваа гад̇игавад̇д̇ам̣ ваа табзд̇угаамад̇ааяа ‘‘сан̇гхо саннибад̇ад̇уу’’д̇и бхзрияаа ваа гхан̣дияаа ваа аагодид̇амад̇д̇ааяа ‘‘маяхам̣ жийварагаммам̣ ад̇т̇и, маяхам̣ бад̇д̇о бажид̇аб̣б̣о, маяхам̣ навагаммам̣ ад̇т̇ий’’д̇и вигкзбам̣ гаронд̇аа на самаг̇г̇аа саннибад̇анд̇и наама. саб̣б̣ам̣ бана д̇ам̣ гаммам̣ табзд̇ваа ‘‘ахам̣ буримад̇арам̣, ахам̣ буримад̇ара’’нд̇и згаббахаарзнзва саннибад̇анд̇аа самаг̇г̇аа саннибад̇анд̇и наама. саннибад̇ид̇аа бана жинд̇зд̇ваа манд̇зд̇ваа гад̇д̇аб̣б̣ам̣ гад̇ваа згад̇ова авудтаханд̇аа на самаг̇г̇аа вудтаханд̇и наама. звам̣ вудтид̇зсу хи яз батамам̣ г̇ажчанд̇и, д̇зсам̣ звам̣ ход̇и ‘‘амхзхи б̣аахирагат̇аава суд̇аа, ид̣̇аани винижчаяагат̇аа бхависсад̇ий’’д̇и. згаббахаарзнзва вудтаханд̇аа самаг̇г̇аа вудтаханд̇и наама. абижа ‘‘асугадтаанз вихаарасиймаа аагулаа, убосат̇аббавааран̣аа тид̇аа, асугадтаанз взж̇ж̇агаммаад̣̇игаарагаа баабабхигкуу уссаннаа’’д̇и суд̇ваа ‘‘го г̇анд̇ваа д̇зсам̣ ниг̇г̇ахам̣ гариссад̇ий’’д̇и вуд̇д̇з ‘‘ахам̣ батамам̣, ахам̣ батама’’нд̇и вад̇ваа г̇ажчанд̇ааби самаг̇г̇аа вудтаханд̇и наама.
Samaggātiādīsu cetiyapaṭijagganatthaṃ vā bodhigharauposathāgāracchādanatthaṃ vā katikavattaṃ vā ṭhapetukāmatāya ‘‘saṅgho sannipatatū’’ti bheriyā vā ghaṇṭiyā vā ākoṭitamattāya ‘‘mayhaṃ cīvarakammaṃ atthi, mayhaṃ patto pacitabbo, mayhaṃ navakammaṃ atthī’’ti vikkhepaṃ karontā na samaggā sannipatanti nāma. Sabbaṃ pana taṃ kammaṃ ṭhapetvā ‘‘ahaṃ purimataraṃ, ahaṃ purimatara’’nti ekappahāreneva sannipatantā samaggā sannipatanti nāma. Sannipatitā pana cintetvā mantetvā kattabbaṃ katvā ekatova avuṭṭhahantā na samaggā vuṭṭhahanti nāma. Evaṃ vuṭṭhitesu hi ye paṭhamaṃ gacchanti, tesaṃ evaṃ hoti ‘‘amhehi bāhirakathāva sutā, idāni vinicchayakathā bhavissatī’’ti. Ekappahāreneva vuṭṭhahantā samaggā vuṭṭhahanti nāma. Apica ‘‘asukaṭṭhāne vihārasīmā ākulā, uposathappavāraṇā ṭhitā, asukaṭṭhāne vejjakammādikārakā pāpabhikkhū ussannā’’ti sutvā ‘‘ko gantvā tesaṃ niggahaṃ karissatī’’ti vutte ‘‘ahaṃ paṭhamaṃ, ahaṃ paṭhama’’nti vatvā gacchantāpi samaggā vuṭṭhahanti nāma.
ааг̇анд̇угам̣ бана д̣̇исваа ‘‘имам̣ баривзн̣ам̣ яаахи, зд̇ам̣ баривзн̣ам̣ яаахи, аяам̣ го’’д̇и авад̇ваа саб̣б̣з вад̇д̇ам̣ гаронд̇ааби, ж̇ин̣н̣абад̇д̇ажийварагам̣ д̣̇исваа д̇асса бхигкаажааравад̇д̇зна бад̇д̇ажийварам̣ бариязсанд̇ааби, г̇илаанасса г̇илаанабхзсаж̇ж̇ам̣ бариязсамаанааби, г̇илаанамзва анаат̇ам̣ ‘‘асугабаривзн̣ам̣ яаахий’’д̇и авад̇ваа ад̇д̇ано ад̇д̇ано баривзн̣з бадиж̇аг̇г̇анд̇ааби, зго олийяамаанаго г̇ант̇о ход̇и, бан̃н̃аванд̇ам̣ бхигкум̣ сан̇г̇ан̣хид̇ваа д̇зна д̇ам̣ г̇ант̇ам̣ угкибаабзнд̇ааби самаг̇г̇аа сан̇гхагаран̣ийяаани гаронд̇и наама.
Āgantukaṃ pana disvā ‘‘imaṃ pariveṇaṃ yāhi, etaṃ pariveṇaṃ yāhi, ayaṃ ko’’ti avatvā sabbe vattaṃ karontāpi, jiṇṇapattacīvarakaṃ disvā tassa bhikkhācāravattena pattacīvaraṃ pariyesantāpi, gilānassa gilānabhesajjaṃ pariyesamānāpi, gilānameva anāthaṃ ‘‘asukapariveṇaṃ yāhī’’ti avatvā attano attano pariveṇe paṭijaggantāpi, eko olīyamānako gantho hoti, paññavantaṃ bhikkhuṃ saṅgaṇhitvā tena taṃ ganthaṃ ukkhipāpentāpi samaggā saṅghakaraṇīyāni karonti nāma.
аббан̃н̃ад̇д̇анд̇иаад̣̇ийсу навам̣ ад̇хаммигам̣ гад̇игавад̇д̇ам̣ ваа сигкаабад̣̇ам̣ ваа г̇ан̣ханд̇аа аббан̃н̃ад̇д̇ам̣ бан̃н̃аабзнд̇и наама бураан̣асант̇ад̇авад̇т̇усмим̣ саавад̇т̇ияам̣ бхигкуу вияа. уд̣̇д̇хаммам̣ уб̣б̣инаяам̣ саасанам̣ д̣̇ийбзнд̇аа бан̃н̃ад̇д̇ам̣ самужчинд̣̇анд̇и наама, вассасад̇абариниб̣б̣уд̇з бхаг̇авад̇и взсаалигаа важ̇ж̇ибуд̇д̇агаа вияа. куд̣̇д̣̇аанукуд̣̇д̣̇агаа бана аабад̇д̇ияо сан̃жижжа вийд̇иггаманд̇аа яат̇аабан̃н̃ад̇д̇зсу сигкаабад̣̇зсу самаад̣̇ааяа на вад̇д̇анд̇и наама ассаж̇ибунаб̣б̣асугаа вияа. д̇ат̇аа агаронд̇аа бана абан̃н̃ад̇д̇ам̣ на бан̃н̃аабзнд̇и, бан̃н̃ад̇д̇ам̣ на самужчинд̣̇анд̇и , яат̇аабан̃н̃ад̇д̇зсу сигкаабад̣̇зсу самаад̣̇ааяа вад̇д̇анд̇и наама ааяасмаа убасзно вияа, ааяасмаа яасо гааган̣д̣агабуд̇д̇о вияа, ааяасмаа махаагассабо вияа жа. вуд̣̇д̇хиязваад̇и сийлаад̣̇иг̇ун̣зхи вуд̣̇д̇хиязва, но барихаани.
Appaññattantiādīsu navaṃ adhammikaṃ katikavattaṃ vā sikkhāpadaṃ vā gaṇhantā appaññattaṃ paññāpenti nāma purāṇasanthatavatthusmiṃ sāvatthiyaṃ bhikkhū viya. Uddhammaṃ ubbinayaṃ sāsanaṃ dīpentā paññattaṃ samucchindanti nāma, vassasataparinibbute bhagavati vesālikā vajjiputtakā viya. Khuddānukhuddakā pana āpattiyo sañcicca vītikkamantā yathāpaññattesu sikkhāpadesu samādāya na vattanti nāma assajipunabbasukā viya. Tathā akarontā pana apaññattaṃ na paññāpenti, paññattaṃ na samucchindanti , yathāpaññattesu sikkhāpadesu samādāya vattanti nāma āyasmā upaseno viya, āyasmā yaso kākaṇḍakaputto viya, āyasmā mahākassapo viya ca. Vuddhiyevāti sīlādiguṇehi vuddhiyeva, no parihāni.
т̇зраад̇и т̇ирабхааваббад̇д̇аа т̇зрагаарагзхи г̇ун̣зхи саманнааг̇ад̇аа. б̣ахуу рад̇д̇ияо ж̇аананд̇ийд̇и рад̇д̇ан̃н̃уу. жирам̣ баб̣б̣аж̇ид̇аанам̣ зд̇зсанд̇и жирабаб̣б̣аж̇ид̇аа. сан̇гхасса бид̇идтаанз тид̇аад̇и сан̇гхабид̇аро. бид̇идтаанз тид̇ад̇д̇аа сан̇гхам̣ барин̣знд̇и, буб̣б̣ан̇г̇амаа худ̇ваа д̇ийсу сигкаасу бавад̇д̇знд̇ийд̇и сан̇гхабарин̣ааяагаа.
Therāti thirabhāvappattā therakārakehi guṇehi samannāgatā. Bahū rattiyo jānantīti rattaññū. Ciraṃ pabbajitānaṃ etesanti cirapabbajitā. Saṅghassa pitiṭṭhāne ṭhitāti saṅghapitaro. Pitiṭṭhāne ṭhitattā saṅghaṃ pariṇenti, pubbaṅgamā hutvā tīsu sikkhāsu pavattentīti saṅghapariṇāyakā.
яз д̇зсам̣ саггаараад̣̇ийни на гаронд̇и, оваад̣̇ад̇т̇ааяа д̣̇вз д̇аяо ваарз убадтаанам̣ на г̇ажчанд̇и, д̇зби д̇зсам̣ оваад̣̇ам̣ на д̣̇знд̇и, бавзн̣игат̇ам̣ на гат̇знд̇и, саарабхууд̇ам̣ д̇хаммабарияааяам̣ на сигкаабзнд̇и. д̇з д̇зхи виссадтаа сийлаад̣̇ийхи д̇хаммагканд̇хзхи сад̇д̇ахи жа арияад̇ханзхийд̇и звамаад̣̇ийхи г̇ун̣зхи барихааяанд̇и. яз бана д̇зсам̣ саггаараад̣̇ийни гаронд̇и, убадтаанам̣ г̇ажчанд̇и, д̇зсам̣ д̇з ‘‘звам̣ д̇з абхиггамид̇аб̣б̣а’’нд̇иаад̣̇игам̣ оваад̣̇ам̣ д̣̇знд̇и, бавзн̣игат̇ам̣ гат̇знд̇и, саарабхууд̇ам̣ д̇хаммабарияааяам̣ сигкаабзнд̇и, д̇зрасахи д̇худ̇ан̇г̇зхи д̣̇асахи гат̇аавад̇т̇уухи анусаасанд̇и. д̇з д̇зсам̣ оваад̣̇з тад̇ваа сийлаад̣̇ийхи г̇ун̣зхи вад̣дхамаанаа сааман̃н̃ад̇т̇ам̣ анубаабун̣анд̇и. звамзд̇т̇а хаанивуд̣̇д̇хияо д̣̇адтаб̣б̣аа.
Ye tesaṃ sakkārādīni na karonti, ovādatthāya dve tayo vāre upaṭṭhānaṃ na gacchanti, tepi tesaṃ ovādaṃ na denti, paveṇikathaṃ na kathenti, sārabhūtaṃ dhammapariyāyaṃ na sikkhāpenti. Te tehi vissaṭṭhā sīlādīhi dhammakkhandhehi sattahi ca ariyadhanehīti evamādīhi guṇehi parihāyanti. Ye pana tesaṃ sakkārādīni karonti, upaṭṭhānaṃ gacchanti, tesaṃ te ‘‘evaṃ te abhikkamitabba’’ntiādikaṃ ovādaṃ denti, paveṇikathaṃ kathenti, sārabhūtaṃ dhammapariyāyaṃ sikkhāpenti, terasahi dhutaṅgehi dasahi kathāvatthūhi anusāsanti. Te tesaṃ ovāde ṭhatvā sīlādīhi guṇehi vaḍḍhamānā sāmaññatthaṃ anupāpuṇanti. Evamettha hānivuddhiyo daṭṭhabbā.
бунаб̣бхаво сийламассаад̇и боноб̣бхавигаа, бунаб̣бхавад̣̇ааяигаад̇и ад̇т̇о, д̇ассаа боноб̣бхавигааяа. на васам̣ г̇ажчиссанд̇ийд̇и зд̇т̇а яз жад̇уннам̣ бажжаяаанам̣ гааран̣аа убадтаагаанам̣ бад̣̇аанубад̣̇игаа худ̇ваа г̇аамад̇о г̇аамам̣ вижаранд̇и , д̇з д̇ассаа васам̣ г̇ажчанд̇и наама. ид̇арз на г̇ажчанд̇и. д̇ад̇т̇а хаанивуд̣̇д̇хияо баагадааязва.
Punabbhavo sīlamassāti ponobbhavikā, punabbhavadāyikāti attho, tassā ponobbhavikāya. Na vasaṃ gacchissantīti ettha ye catunnaṃ paccayānaṃ kāraṇā upaṭṭhākānaṃ padānupadikā hutvā gāmato gāmaṃ vicaranti , te tassā vasaṃ gacchanti nāma. Itare na gacchanti. Tattha hānivuddhiyo pākaṭāyeva.
ааран̃н̃агзсууд̇и бан̃жад̇ханусад̇игабажчимзсу. саабзгкаад̇и саалаяаа. г̇ааманд̇асзнаасанзсу хи жхаанам̣ аббзд̇вааби д̇ад̇о вудтид̇амад̇д̇ова ид̇т̇ибурисад̣̇аарагад̣̇ааригаад̣̇исад̣̇д̣̇ам̣ сун̣аад̇и, язнасса ад̇хиг̇ад̇ависзсоби хааяад̇иязва. аран̃н̃асзнаасанз нид̣̇д̣̇ааяид̇вааби баб̣уд̣̇д̇хамад̇д̇о сийхаб̣яаг̇гхамораад̣̇ийнам̣ сад̣̇д̣̇ам̣ сун̣аад̇и, язна аран̃н̃з бийд̇им̣ бадилабхид̇ваа д̇амзва саммасанд̇о аг̇г̇апалз бад̇идтаад̇и. ид̇и бхаг̇аваа г̇ааманд̇асзнаасанз жхаанам̣ аббзд̇ваа нисиннабхигкуд̇о аран̃н̃з нид̣̇д̣̇ааяамаанамзва басам̣сад̇и. д̇асмаа д̇амзва ад̇т̇авасам̣ бадижжа ‘‘ааран̃н̃агзсу сзнаасанзсу саабзгкаа бхависсанд̇ий’’д̇и ааха.
Āraññakesūti pañcadhanusatikapacchimesu. Sāpekkhāti sālayā. Gāmantasenāsanesu hi jhānaṃ appetvāpi tato vuṭṭhitamattova itthipurisadārakadārikādisaddaṃ suṇāti, yenassa adhigatavisesopi hāyatiyeva. Araññasenāsane niddāyitvāpi pabuddhamatto sīhabyagghamorādīnaṃ saddaṃ suṇāti, yena araññe pītiṃ paṭilabhitvā tameva sammasanto aggaphale patiṭṭhāti. Iti bhagavā gāmantasenāsane jhānaṃ appetvā nisinnabhikkhuto araññe niddāyamānameva pasaṃsati. Tasmā tameva atthavasaṃ paṭicca ‘‘āraññakesu senāsanesu sāpekkhā bhavissantī’’ti āha.
бажжад̇д̇ан̃н̃зва сад̇им̣ убадтаабзссанд̇ийд̇и ад̇д̇анаава ад̇д̇ано аб̣бханд̇арз сад̇им̣ убадтабзссанд̇и. бзсалаад̇и бияасийлаа. ид̇хааби саб̣рахмажаарийнам̣ ааг̇аманам̣ анижчанд̇аа нзваасигаа ассад̣̇д̇хаа хонд̇и аббасаннаа, вихаарам̣ самбад̇д̇абхигкуунам̣ бажжуг̇г̇амана-бад̇д̇ажийварабадиг̇г̇ахан̣а-аасанабан̃н̃аабанад̇аалаван̣даг̇г̇ахан̣аад̣̇ийни на гаронд̇и. ат̇а нзсам̣ аван̣н̣о уг̇г̇ажчад̇и ‘‘асугавихаараваасино бхигкуу ассад̣̇д̇хаа аббасаннаа вихаарам̣ бавидтаанам̣ вад̇д̇аббадивад̇д̇амби на гаронд̇ий’’д̇и. д̇ам̣ суд̇ваа баб̣б̣аж̇ид̇аа вихаарад̣̇ваарзна г̇ажчанд̇ааби вихаарам̣ на бависанд̇и. звам̣ анааг̇ад̇аанам̣ анааг̇аманамзва ход̇и. ааг̇ад̇аанам̣ бана паасувихаарз асад̇и язби аж̇аанид̇ваа ааг̇ад̇аа, д̇з ‘‘васиссаамаад̇и д̇ааважинд̇зд̇ваа ааг̇ад̇амхаа, имзсам̣ бана нзваасигаанам̣ иминаа нийхаарзна го васиссад̇ий’’д̇и нигкамид̇ваа г̇ажчанд̇и. звам̣ со вихааро ан̃н̃зсам̣ бхигкуунам̣ анааваасова ход̇и. д̇ад̇о нзваасигаа сийлаванд̇аанам̣ д̣̇ассанам̣ алабханд̇аа ган̇каавинод̣̇агам̣ ваа аажаарасигкаабагам̣ ваа мад̇хурад̇хаммасаванам̣ ваа на лабханд̇и. д̇зсам̣ нзва аг̇г̇ахид̇ад̇хаммаг̇г̇ахан̣ам̣ на г̇ахид̇асаж̇жхааяагаран̣ам̣ ход̇и. ид̇и нзсам̣ хааниязва ход̇и, на вуд̣̇д̇хи.
Paccattaññeva satiṃ upaṭṭhāpessantīti attanāva attano abbhantare satiṃ upaṭṭhapessanti. Pesalāti piyasīlā. Idhāpi sabrahmacārīnaṃ āgamanaṃ anicchantā nevāsikā assaddhā honti appasannā, vihāraṃ sampattabhikkhūnaṃ paccuggamana-pattacīvarapaṭiggahaṇa-āsanapaññāpanatālavaṇṭaggahaṇādīni na karonti. Atha nesaṃ avaṇṇo uggacchati ‘‘asukavihāravāsino bhikkhū assaddhā appasannā vihāraṃ paviṭṭhānaṃ vattappaṭivattampi na karontī’’ti. Taṃ sutvā pabbajitā vihāradvārena gacchantāpi vihāraṃ na pavisanti. Evaṃ anāgatānaṃ anāgamanameva hoti. Āgatānaṃ pana phāsuvihāre asati yepi ajānitvā āgatā, te ‘‘vasissāmāti tāvacintetvā āgatamhā, imesaṃ pana nevāsikānaṃ iminā nīhārena ko vasissatī’’ti nikkhamitvā gacchanti. Evaṃ so vihāro aññesaṃ bhikkhūnaṃ anāvāsova hoti. Tato nevāsikā sīlavantānaṃ dassanaṃ alabhantā kaṅkhāvinodakaṃ vā ācārasikkhāpakaṃ vā madhuradhammasavanaṃ vā na labhanti. Tesaṃ neva aggahitadhammaggahaṇaṃ na gahitasajjhāyakaraṇaṃ hoti. Iti nesaṃ hāniyeva hoti, na vuddhi.
яз бана саб̣рахмажаарийнам̣ ааг̇аманам̣ ижчанд̇и, д̇з сад̣̇д̇хаа хонд̇и басаннаа, ааг̇ад̇аанам̣ саб̣рахмажаарийнам̣ бажжуг̇г̇аманаад̣̇ийни гад̇ваа сзнаасанам̣ бан̃н̃абзд̇ваа д̣̇знд̇и , д̇з г̇ахзд̇ваа бхигкаажаарам̣ бависанд̇и, ган̇кам̣ винод̣̇знд̇и, мад̇хурад̇хаммассаванам̣ лабханд̇и. ат̇а нзсам̣ гид̇д̇исад̣̇д̣̇о уг̇г̇ажчад̇и ‘‘асугавихаарз бхигкуу звам̣ сад̣̇д̇хаа басаннаа вад̇д̇асамбаннаа сан̇г̇аахагаа’’д̇и. д̇ам̣ суд̇ваа бхигкуу д̣̇уурад̇оби ааг̇ажчанд̇и. д̇зсам̣ нзваасигаа вад̇д̇ам̣ гаронд̇и, самийбам̣ г̇анд̇ваа вуд̣дхад̇арам̣ ааг̇анд̇угам̣ ванд̣̇ид̇ваа нисийд̣̇анд̇и, навагад̇арасса санд̇игз аасанам̣ г̇ахзд̇ваа нисийд̣̇ид̇ваа ‘‘имасмим̣ вихаарз васиссат̇а, г̇амиссат̇аа’’д̇и бужчанд̇и. ‘‘г̇амиссаамаа’’д̇и вуд̇д̇з ‘‘саббааяам̣ сзнаасанам̣, сулабхаа бхигкаа’’д̇иаад̣̇ийни вад̇ваа г̇анд̇ум̣ на д̣̇знд̇и. винаяад̇харо жз ход̇и, д̇асса санд̇игз винаяам̣ саж̇жхааяанд̇и. суд̇д̇анд̇аад̣̇ид̇харо жз, д̇асса санд̇игз д̇ам̣ д̇ам̣ д̇хаммам̣ саж̇жхааяанд̇и. д̇з ааг̇анд̇угат̇зраанам̣ оваад̣̇з тад̇ваа саха бадисамбхид̣̇аахи арахад̇д̇ам̣ баабун̣анд̇и. ааг̇анд̇угаа ‘‘згам̣ д̣̇вз д̣̇ивасаани васиссаамаад̇и ааг̇ад̇амхаа, имзсам̣ бана сукасам̣ваасад̇ааяа д̣̇аса д̣̇ваад̣̇аса вассаани васимхаа’’д̇и вад̇д̇ааро хонд̇и. звамзд̇т̇а хаанивуд̣̇д̇хияо взд̣̇ид̇аб̣б̣аа.
Ye pana sabrahmacārīnaṃ āgamanaṃ icchanti, te saddhā honti pasannā, āgatānaṃ sabrahmacārīnaṃ paccuggamanādīni katvā senāsanaṃ paññapetvā denti , te gahetvā bhikkhācāraṃ pavisanti, kaṅkhaṃ vinodenti, madhuradhammassavanaṃ labhanti. Atha nesaṃ kittisaddo uggacchati ‘‘asukavihāre bhikkhū evaṃ saddhā pasannā vattasampannā saṅgāhakā’’ti. Taṃ sutvā bhikkhū dūratopi āgacchanti. Tesaṃ nevāsikā vattaṃ karonti, samīpaṃ gantvā vuḍḍhataraṃ āgantukaṃ vanditvā nisīdanti, navakatarassa santike āsanaṃ gahetvā nisīditvā ‘‘imasmiṃ vihāre vasissatha, gamissathā’’ti pucchanti. ‘‘Gamissāmā’’ti vutte ‘‘sappāyaṃ senāsanaṃ, sulabhā bhikkhā’’tiādīni vatvā gantuṃ na denti. Vinayadharo ce hoti, tassa santike vinayaṃ sajjhāyanti. Suttantādidharo ce, tassa santike taṃ taṃ dhammaṃ sajjhāyanti. Te āgantukatherānaṃ ovāde ṭhatvā saha paṭisambhidāhi arahattaṃ pāpuṇanti. Āgantukā ‘‘ekaṃ dve divasāni vasissāmāti āgatamhā, imesaṃ pana sukhasaṃvāsatāya dasa dvādasa vassāni vasimhā’’ti vattāro honti. Evamettha hānivuddhiyo veditabbā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. батамасад̇д̇агасуд̇д̇ам̣ • 3. Paṭhamasattakasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 2. батамасад̇д̇агасуд̇д̇аван̣н̣анаа • 2. Paṭhamasattakasuttavaṇṇanā
