| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
2. батамасад̇д̇агасуд̇д̇аван̣н̣анаа
2. Paṭhamasattakasuttavaṇṇanā
23. д̇ад̇ияз абарихаанааяа хид̇аад̇и абарихаанияаа (д̣̇ий. ни. дий. 2.136), на барихааяанд̇и зд̇зхийд̇и ваа абарихаанияаа. звам̣ сан̇кзбад̇о вуд̇д̇амад̇т̇ам̣ вид̇т̇аарад̇о д̣̇ассзнд̇о ‘‘ид̇хааби жаа’’д̇иаад̣̇имааха. д̇ад̇т̇а д̇ад̇од̇иаад̣̇и д̣̇исаасу ааг̇ад̇асаасанз вуд̇д̇аважанам̣ вуд̇д̇агат̇анам̣. вихаарасиймаа аагулаа яасмаа , д̇асмаа убосат̇абавааран̣аа тид̇аа. олийяамаанагод̇и баал̣ид̇о ад̇т̇ад̇о жа винассамаанаго. угкибаабзнд̇аад̇и баг̇ун̣абхаавагаран̣зна ад̇т̇асам̣ван̣н̣анаавасзна жа баг̇г̇ан̣ханд̇аа.
23. Tatiye aparihānāya hitāti aparihāniyā (dī. ni. ṭī. 2.136), na parihāyanti etehīti vā aparihāniyā. Evaṃ saṅkhepato vuttamatthaṃ vitthārato dassento ‘‘idhāpi cā’’tiādimāha. Tattha tatotiādi disāsu āgatasāsane vuttavacanaṃ vuttakathanaṃ. Vihārasīmā ākulā yasmā , tasmā uposathapavāraṇā ṭhitā. Olīyamānakoti pāḷito atthato ca vinassamānako. Ukkhipāpentāti paguṇabhāvakaraṇena atthasaṃvaṇṇanāvasena ca paggaṇhantā.
саавад̇т̇ияам̣ бхигкуу вияа (баараа. 565) баажид̇д̇ияам̣ д̣̇зсаабзд̇аб̣б̣од̇и бан̃н̃аабзнд̇аа. важ̇ж̇ибуд̇д̇агаа вияа (жуул̣ава. 446) д̣̇асавад̇т̇уд̣̇ийбанзна. д̇ат̇аа агаронд̇аад̇и навам̣ гад̇игавад̇д̇ам̣ ваа сигкаабад̣̇ам̣ ваа амад̣̇д̣̇анд̇аа д̇хаммавинаяад̇о саасанам̣ д̣̇ийбзнд̇аа куд̣̇д̣̇агамби жа сигкаабад̣̇ам̣ асамуухананд̇аа. ааяасмаа махаагассабо вияа жаад̇и ‘‘сун̣аад̇у мз, аавусо, сан̇гхо, санд̇аамхаагам̣ сигкаабад̣̇аани г̇ихиг̇ад̇аани. г̇ихиноби ж̇аананд̇и ‘ид̣̇ам̣ во саман̣аанам̣ сагяабуд̇д̇игаанам̣ габбад̇и, ид̣̇ам̣ во на габбад̇ий’д̇и. сажзби хи маяам̣ куд̣̇д̣̇аанукуд̣̇д̣̇агаани сигкаабад̣̇аани самууханиссаама, бхависсанд̇и вад̇д̇ааро ‘д̇хуумагаалигам̣ саман̣зна г̇од̇амзна саавагаанам̣ сигкаабад̣̇ам̣ бан̃н̃ад̇д̇ам̣, яаавимзсам̣ сад̇т̇аа адтааси, д̇аавимз сигкаабад̣̇зсу сигким̣су. яад̇о имзсам̣ сад̇т̇аа бариниб̣б̣уд̇о, на д̣̇аанимз сигкаабад̣̇зсу сигканд̇ий’д̇и. яад̣̇и сан̇гхасса бад̇д̇агаллам̣, сан̇гхо абан̃н̃ад̇д̇ам̣ на бан̃н̃абзяяа, бан̃н̃ад̇д̇ам̣ на самужчинд̣̇зяяа, яат̇аабан̃н̃ад̇д̇зсу сигкаабад̣̇зсу самаад̣̇ааяа вад̇д̇зяяаа’’д̇и имам̣ (жуул̣ава. 442) д̇анд̇им̣ табзнд̇о ааяасмаа махаагассабо вияа жа.
Sāvatthiyaṃ bhikkhū viya (pārā. 565) pācittiyaṃ desāpetabboti paññāpentā. Vajjiputtakā viya (cūḷava. 446) dasavatthudīpanena. Tathā akarontāti navaṃ katikavattaṃ vā sikkhāpadaṃ vā amaddantā dhammavinayato sāsanaṃ dīpentā khuddakampi ca sikkhāpadaṃ asamūhanantā. Āyasmā mahākassapo viya cāti ‘‘suṇātu me, āvuso, saṅgho, santāmhākaṃ sikkhāpadāni gihigatāni. Gihinopi jānanti ‘idaṃ vo samaṇānaṃ sakyaputtikānaṃ kappati, idaṃ vo na kappatī’ti. Sacepi hi mayaṃ khuddānukhuddakāni sikkhāpadāni samūhanissāma, bhavissanti vattāro ‘dhūmakālikaṃ samaṇena gotamena sāvakānaṃ sikkhāpadaṃ paññattaṃ, yāvimesaṃ satthā aṭṭhāsi, tāvime sikkhāpadesu sikkhiṃsu. Yato imesaṃ satthā parinibbuto, na dānime sikkhāpadesu sikkhantī’ti. Yadi saṅghassa pattakallaṃ, saṅgho apaññattaṃ na paññapeyya, paññattaṃ na samucchindeyya, yathāpaññattesu sikkhāpadesu samādāya vatteyyā’’ti imaṃ (cūḷava. 442) tantiṃ ṭhapento āyasmā mahākassapo viya ca.
т̇ирабхааваббад̇д̇аад̇и саасанз т̇ирабхаавам̣ анивад̇д̇ид̇абхаавам̣ убаг̇ад̇аа. т̇зрагаарагзхийд̇и т̇зрабхаавасаад̇хагзхи сийлаад̣̇иг̇ун̣зхи асзгкад̇хаммзхи. б̣ахуу рад̇д̇ияод̇и баб̣б̣аж̇ид̇аа худ̇ваа б̣ахуу рад̇д̇ияо ж̇аананд̇и. сийлаад̣̇иг̇ун̣зсу бад̇идтаабанамзва саасанз барин̣ааяагад̇аад̇и ааха ‘‘д̇ийсу сигкаасу бавад̇д̇знд̇ий’’д̇и. оваад̣̇ам̣ на д̣̇знд̇и абхааж̇анабхаавад̇о. бавзн̣игат̇анд̇и аажарияабарамбараабхад̇ам̣ саммаабадибад̇д̇ид̣̇ийбанам̣ д̇хаммагат̇ам̣. саарабхууд̇ам̣ д̇хаммабарияааяанд̇и самат̇авибассанаамаг̇г̇апаласамбаабанзна саасанз саарабхууд̇ам̣ б̣ож̇жхан̇г̇агосаллаануд̇д̇арасийд̇ибхаава- (а. ни. 6.85) ад̇хижид̇д̇асуд̇д̇аад̣̇ид̇хаммад̇анд̇им̣. аад̣̇игам̣ оваад̣̇анд̇и аад̣̇и-сад̣̇д̣̇зна ‘‘звам̣ д̇з аалогзд̇аб̣б̣ам̣, звам̣ д̇з вилогзд̇аб̣б̣ам̣, звам̣ д̇з самин̃ж̇ид̇аб̣б̣ам̣, звам̣ д̇з басаарзд̇аб̣б̣ам̣, звам̣ д̇з сан̇гхаадибад̇д̇ажийварам̣ д̇хаарзд̇аб̣б̣а’’нд̇и оваад̣̇ам̣ сан̇г̇ан̣хаад̇и.
Thirabhāvappattāti sāsane thirabhāvaṃ anivattitabhāvaṃ upagatā. Therakārakehīti therabhāvasādhakehi sīlādiguṇehi asekkhadhammehi. Bahū rattiyoti pabbajitā hutvā bahū rattiyo jānanti. Sīlādiguṇesu patiṭṭhāpanameva sāsane pariṇāyakatāti āha ‘‘tīsu sikkhāsu pavattentī’’ti. Ovādaṃ na denti abhājanabhāvato. Paveṇikathanti ācariyaparamparābhataṃ sammāpaṭipattidīpanaṃ dhammakathaṃ. Sārabhūtaṃ dhammapariyāyanti samathavipassanāmaggaphalasampāpanena sāsane sārabhūtaṃ bojjhaṅgakosallaanuttarasītibhāva- (a. ni. 6.85) adhicittasuttādidhammatantiṃ. Ādikaṃ ovādanti ādi-saddena ‘‘evaṃ te āloketabbaṃ, evaṃ te viloketabbaṃ, evaṃ te samiñjitabbaṃ, evaṃ te pasāretabbaṃ, evaṃ te saṅghāṭipattacīvaraṃ dhāretabba’’nti ovādaṃ saṅgaṇhāti.
бунаб̣бхавад̣̇аанам̣ бунаб̣бхаво уд̇д̇арабад̣̇алобзна. ид̇арзд̇и яз на бажжаяавасигаа на аамисажагкугаа, д̇з на г̇ажчанд̇и д̇ан̣хааяа васам̣.
Punabbhavadānaṃ punabbhavo uttarapadalopena. Itareti ye na paccayavasikā na āmisacakkhukā, te na gacchanti taṇhāya vasaṃ.
ааран̃н̃агзсууд̇и аран̃н̃абхааг̇зсу аран̃н̃абарияаабаннзсу. нану яад̇т̇а гад̇т̇ажиби д̇ан̣хаа сааваж̇ж̇аа зваад̇и жод̣̇анам̣ санд̇хааяааха ‘‘г̇ааманд̇асзнаасанзсу хий’’д̇иаад̣̇и. д̇зна ‘‘ануд̇д̇арзсу вимогкзсу бихам̣ убадтаабаяад̇о’’д̇и зд̇т̇а вуд̇д̇абихаад̣̇аяо бияа ааран̃н̃агасзнаасанзсу саалаяад̇аа сзвид̇аб̣б̣абагкигаа зваад̇и д̣̇ассзд̇и.
Āraññakesūti araññabhāgesu araññapariyāpannesu. Nanu yattha katthacipi taṇhā sāvajjā evāti codanaṃ sandhāyāha ‘‘gāmantasenāsanesu hī’’tiādi. Tena ‘‘anuttaresu vimokkhesu pihaṃ upaṭṭhāpayato’’ti ettha vuttapihādayo piya āraññakasenāsanesu sālayatā sevitabbapakkhikā evāti dasseti.
ад̇д̇анааваад̇и саяамзва. д̇зна барзхи ануссаахид̇аанам̣ сарасзнзва анааг̇ад̇аанам̣ бзсалаанам̣ бхигкуунам̣ ааг̇аманам̣, ааг̇ад̇аанан̃жа паасувихаарам̣ бажжаасийсанд̇ийд̇и д̣̇ассзд̇и. иминаава нийхаарзнаад̇и имааяа бадибад̇д̇ияаа. аг̇г̇ахид̇ад̇хаммаг̇г̇ахан̣анд̇и аг̇г̇ахид̇асса барияад̇д̇ид̇хаммасса уг̇г̇ахан̣ам̣. г̇ахид̇асаж̇жхааяагаран̣анд̇и уг̇г̇ахид̇асса судту ад̇т̇ажинд̇анам̣. жинд̇арад̇т̇о хи аяам̣ саж̇жхааяасад̣̇д̣̇о. знд̇ийд̇и убаг̇ажчанд̇и. нисийд̣̇анд̇и аасанабан̃н̃аабанаад̣̇инаа.
Attanāvāti sayameva. Tena parehi anussāhitānaṃ saraseneva anāgatānaṃ pesalānaṃ bhikkhūnaṃ āgamanaṃ, āgatānañca phāsuvihāraṃ paccāsīsantīti dasseti. Imināva nīhārenāti imāya paṭipattiyā. Aggahitadhammaggahaṇanti aggahitassa pariyattidhammassa uggahaṇaṃ. Gahitasajjhāyakaraṇanti uggahitassa suṭṭhu atthacintanaṃ. Cintarattho hi ayaṃ sajjhāyasaddo. Entīti upagacchanti. Nisīdanti āsanapaññāpanādinā.
батамасад̇д̇агасуд̇д̇аван̣н̣анаа нидтид̇аа.
Paṭhamasattakasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. батамасад̇д̇агасуд̇д̇ам̣ • 3. Paṭhamasattakasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. батамасад̇д̇агасуд̇д̇аван̣н̣анаа • 3. Paṭhamasattakasuttavaṇṇanā
