| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
3. батамасад̇д̇асуд̇д̇аван̣н̣анаа
3. Paṭhamasattasuttavaṇṇanā
63. д̇ад̇ияз гаамзсууд̇и вад̇т̇угаамзсу. ад̇ивзланд̇и взлам̣ ад̇иггамид̇ваа. сад̇д̇аад̇и аяонисоманасигаараб̣ахулад̇ааяа виж̇ж̇амаанамби аад̣̇ийнавам̣ анологзд̇ваа ассаад̣̇амзва сарид̇ваа саж̇ж̇анавасзна сад̇д̇аа, аасад̇д̇аа лаг̇г̇аад̇и ад̇т̇о. рад̇д̇аад̇и вад̇т̇ам̣ вияа ран̇г̇аж̇аад̇зна жид̇д̇асса вибарин̣аамагаран̣зна чанд̣̇арааг̇зна рад̇д̇аа саарад̇д̇аа. г̇ид̣̇д̇хаад̇и абхиган̇канасабхаавзна абхиж̇жханзна г̇ид̣̇д̇хаа г̇зд̇хам̣ аабаннаа. г̇ад̇хид̇аад̇и рааг̇амужчид̇аа вияа д̣̇умможанийяабхаавзна д̇ад̇т̇а бадиб̣ад̣̇д̇хаа. мужчид̇аад̇и гилзсавасзна висан̃н̃ийбхууд̇аа вияа анан̃н̃агижжаа мужчам̣ мохам̣ аабаннаа. аж̇жхобаннаад̇и анан̃н̃асаад̇хааран̣з вияа гад̇ваа г̇илид̇ваа баринидтабзд̇ваа тид̇аа. саммад̇д̇агаж̇аад̇аад̇и гаамзсу баад̇аб̣яад̇ам̣ аабаж̇ж̇анд̇аа аббасукавзд̣̇анааяа саммад̇д̇агаа судту мад̇д̇агаа ж̇аад̇аа. ‘‘саммод̣̇агаж̇аад̇аа’’д̇иби баато, ж̇аад̇асаммод̣̇анаа уббаннабахам̣саад̇и ад̇т̇о. саб̣б̣зхиби бад̣̇зхи д̇зсам̣ д̇ан̣хаад̇хибаннад̇ам̣язва вад̣̇ад̇и. зд̇т̇а жа батамам̣ ‘‘гаамзсуу’’д̇и вад̇ваа бунаби ‘‘гаамзсуу’’д̇и важанам̣ д̇зсам̣ сад̇д̇аанам̣ д̇ад̣̇ад̇химуд̇д̇ид̣̇ийбанад̇т̇ам̣. д̇зна саб̣б̣ирияаабат̇зсу гаамаг̇ун̣асаман̇г̇ино худ̇ваа д̇ад̣̇аа вихарим̣сууд̇и д̣̇ассзд̇и.
63. Tatiye kāmesūti vatthukāmesu. Ativelanti velaṃ atikkamitvā. Sattāti ayonisomanasikārabahulatāya vijjamānampi ādīnavaṃ anoloketvā assādameva saritvā sajjanavasena sattā, āsattā laggāti attho. Rattāti vatthaṃ viya raṅgajātena cittassa vipariṇāmakaraṇena chandarāgena rattā sārattā. Giddhāti abhikaṅkhanasabhāvena abhijjhanena giddhā gedhaṃ āpannā. Gadhitāti rāgamucchitā viya dummocanīyabhāvena tattha paṭibaddhā. Mucchitāti kilesavasena visaññībhūtā viya anaññakiccā mucchaṃ mohaṃ āpannā. Ajjhopannāti anaññasādhāraṇe viya katvā gilitvā pariniṭṭhapetvā ṭhitā. Sammattakajātāti kāmesu pātabyataṃ āpajjantā appasukhavedanāya sammattakā suṭṭhu mattakā jātā. ‘‘Sammodakajātā’’tipi pāṭho, jātasammodanā uppannapahaṃsāti attho. Sabbehipi padehi tesaṃ taṇhādhipannataṃyeva vadati. Ettha ca paṭhamaṃ ‘‘kāmesū’’ti vatvā punapi ‘‘kāmesū’’ti vacanaṃ tesaṃ sattānaṃ tadadhimuttidīpanatthaṃ. Tena sabbiriyāpathesu kāmaguṇasamaṅgino hutvā tadā vihariṃsūti dasseti.
д̇асмин̃хи самаяз табзд̇ваа арияасаавагз саб̣б̣з саавад̇т̇иваасино уссавам̣ гхосзд̇ваа яат̇аавибхавам̣ аабаанабхуумим̣ саж̇ж̇зд̇ваа бхун̃ж̇анд̇аа биванд̇аа аави жзва рахо жа гаамз барибхун̃ж̇анд̇аа инд̣̇рияаани барижаарзнд̇аа гаамзсу баад̇аб̣яад̇ам̣ аабаж̇ж̇им̣су. бхигкуу саавад̇т̇ияам̣ бин̣д̣ааяа жаранд̇аа д̇ад̇т̇а д̇ад̇т̇а г̇зхз аараамуяяаанаад̣̇ийсу жа мануссз уссавам̣ гхосзд̇ваа гааманиннз д̇ат̇аа бадибаж̇ж̇анд̇з д̣̇исваа ‘‘вихаарам̣ г̇анд̇ваа сан̣хасукумам̣ д̇хаммам̣ лабхиссаамаа’’д̇и бхаг̇авад̇о зд̇амад̇т̇ам̣ аарожзсум̣. д̇зна вуд̇д̇ам̣ – ‘‘ат̇а ко самб̣ахулаа бхигкуу…бз… гаамзсу вихаранд̇ий’’д̇и.
Tasmiñhi samaye ṭhapetvā ariyasāvake sabbe sāvatthivāsino ussavaṃ ghosetvā yathāvibhavaṃ āpānabhūmiṃ sajjetvā bhuñjantā pivantā āvi ceva raho ca kāme paribhuñjantā indriyāni paricārentā kāmesu pātabyataṃ āpajjiṃsu. Bhikkhū sāvatthiyaṃ piṇḍāya carantā tattha tattha gehe ārāmuyyānādīsu ca manusse ussavaṃ ghosetvā kāmaninne tathā paṭipajjante disvā ‘‘vihāraṃ gantvā saṇhasukhumaṃ dhammaṃ labhissāmā’’ti bhagavato etamatthaṃ ārocesuṃ. Tena vuttaṃ – ‘‘atha kho sambahulā bhikkhū…pe… kāmesu viharantī’’ti.
зд̇амад̇т̇ам̣ вид̣̇ид̇ваад̇и зд̇ам̣ д̇зсам̣ мануссаанам̣ аабаанабхуумираман̣ийязсу махаабарил̣аахзсу анзгаанад̇т̇аануб̣анд̇хзсу гхораасаяхагадугапалзсу гаамзсу анаад̣̇ийнавад̣̇ассид̇ам̣ саб̣б̣аагаарад̇о вид̣̇ид̇ваа гаамаанан̃жзва гилзсаанан̃жа аад̣̇ийнававибхааванам̣ имам̣ уд̣̇аанам̣ уд̣̇аанзси.
Etamatthaṃ viditvāti etaṃ tesaṃ manussānaṃ āpānabhūmiramaṇīyesu mahāpariḷāhesu anekānatthānubandhesu ghorāsayhakaṭukaphalesu kāmesu anādīnavadassitaṃ sabbākārato viditvā kāmānañceva kilesānañca ādīnavavibhāvanaṃ imaṃ udānaṃ udānesi.
д̇ад̇т̇а гаамзсу сад̇д̇аад̇и вад̇т̇угаамзсу гилзсагаамзна рад̇д̇аа мад̇д̇аа сад̇д̇аа висад̇д̇аа лаг̇г̇аа лаг̇г̇ид̇аа сам̣яуд̇д̇аа. гаамасан̇г̇асад̇д̇аад̇и д̇ааязва гаамасад̇д̇ияаа вад̇т̇угаамзсу рааг̇асан̇г̇зна жзва д̣̇идтимаанад̣̇осаавиж̇ж̇аасан̇г̇зхи жа сад̇д̇аа аасад̇д̇аа. сам̣яож̇анз важ̇ж̇амабассамаанаад̇и гаммаваддам̣ вибаагаваддзна, бхаваад̣̇игз ваа бхаванд̇араад̣̇ийхи, сад̇д̇з ваа д̣̇угкзхи сам̣яож̇анад̇о б̣анд̇ханад̇о сам̣яож̇ананаамагз гаамарааг̇аад̣̇игилзсаж̇аад̇з сам̣яож̇анийязсу д̇хаммзсу ассаад̣̇аанубассид̇ааяа ваддад̣̇угкамуулабхааваад̣̇игам̣ важ̇ж̇ам̣ д̣̇осам̣ аад̣̇ийнавам̣ абассанд̇аа. на хи ж̇аад̇у сам̣яож̇анасан̇г̇асад̇д̇аа, огхам̣ д̇арзяяум̣ вибулам̣ маханд̇анд̇и звам̣ аад̣̇ийнавад̣̇ассанаабхаавзна сам̣яож̇анасабхаавзсу сан̇г̇зсу, сам̣яож̇анасан̇каад̇зхи ваа сан̇г̇зхи д̇зсам̣ висаязсу д̇збхуумагад̇хаммзсу сад̇д̇аа вибулависаяад̇ааяа анаад̣̇игаалад̇ааяа жа вибулам̣ вид̇т̇ин̣н̣ам̣ маханд̇ан̃жа гаамаад̣̇иогхам̣, сам̣саарогхамзва ваа на гад̣̇аажи д̇арзяяум̣, згам̣сзнзва д̇асса огхасса баарам̣ на г̇ажчзяяунд̇и ад̇т̇о.
Tattha kāmesu sattāti vatthukāmesu kilesakāmena rattā mattā sattā visattā laggā laggitā saṃyuttā. Kāmasaṅgasattāti tāyeva kāmasattiyā vatthukāmesu rāgasaṅgena ceva diṭṭhimānadosaavijjāsaṅgehi ca sattā āsattā. Saṃyojane vajjamapassamānāti kammavaṭṭaṃ vipākavaṭṭena, bhavādike vā bhavantarādīhi, satte vā dukkhehi saṃyojanato bandhanato saṃyojananāmake kāmarāgādikilesajāte saṃyojanīyesu dhammesu assādānupassitāya vaṭṭadukkhamūlabhāvādikaṃ vajjaṃ dosaṃ ādīnavaṃ apassantā. Na hi jātu saṃyojanasaṅgasattā, oghaṃ tareyyuṃ vipulaṃ mahantanti evaṃ ādīnavadassanābhāvena saṃyojanasabhāvesu saṅgesu, saṃyojanasaṅkhātehi vā saṅgehi tesaṃ visayesu tebhūmakadhammesu sattā vipulavisayatāya anādikālatāya ca vipulaṃ vitthiṇṇaṃ mahantañca kāmādioghaṃ, saṃsāroghameva vā na kadāci tareyyuṃ, ekaṃseneva tassa oghassa pāraṃ na gaccheyyunti attho.
д̇ад̇ияасуд̇д̇аван̣н̣анаа нидтид̇аа.
Tatiyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 3. батамасад̇д̇асуд̇д̇ам̣ • 3. Paṭhamasattasuttaṃ
